Հոգեկան առողջության պահպանման ազգային կենտրոն

12/05/2026

Սեր, կյանք, նվիրվածություն ու գթասրտություն․ հենց այս արժեքներով է սկսվում իրական հոգատարությունը։ 🍀

12/05/2026

Սիրելի՛ բուժքույրեր,

Ջերմորեն շնորհավորում ենք Բուժքույրերի միջազգային օրվա առթիվ։ 💙

Դուք ամեն օր ոչ միայն իրականացնում եք ձեր մասնագիտական պարտականությունները, այլև գործնականում ապացուցում եք բուժքույրական անձնակազմի կարևոր դերն առողջապահական արդյունքների շարունակական բարելավման գործում։ Հենց ձեր ամենօրյա աշխատանքի շնորհիվ է ապահովվում այնպիսի վստահելի ու անհատակենտրոն խնամք, որն ի զորու է վերափոխել և դիմակայել առողջապահական մարտահրավերներին։

Մենք հաճախ խոսում ենք պացիենտների ցավի ու դժվարությունների մասին, սակայն նույնքան կարևոր է գնահատել նաև այն պատասխանատվությունն ու ծանրաբեռնվածությունը, որն ամեն օր կրում եք դուք։ Ձեր աշխատանքը պահանջում է ոչ միայն մասնագիտական բարձր պատրաստվածություն, այլև մեծ հուզական ուժ, համբերություն և նվիրում։ Այդ ամենի գնահատումն ու ձեր կատարած աշխատանքի հանդեպ անկեղծ շնորհակալությունը չափազանց կարևոր են։

Շնորհակալություն Ձեր մարդասիրության, տոկունության և անփոխարինելի աշխատանքի համար։ 🌸

Սիրով՝

Հոգեկան առողջության պահպանման ազգային կենտրոն

07/05/2026

Յուրաքանչյուրս էլ կյանքի ընթացքում կարող ենք հայտնվել իրավիճակներում, երբ հոգեկան ցավը թվում է անտանելի, իսկ ապագան՝ մշուշոտ: Նման պահերին կարող են հայտնվել մտքեր, որոնք կասկածի տակ են դնում կյանքի արժեքը: Կարևոր է հիշել՝ դուք մենակ չեք, և այդ զգացողությունները ժամանակավոր են:

❓Ինչպե՞ս է ձևավորվում ներքին տագնապը

Մասնագետներն առանձնացնում են ներքին ապրումների մի քանի փուլեր, որոնց ժամանակին գիտակցումը կարող է օգնել կանխելու հետագա բարդությունները.

🔹 Անտիվիտալ (կյանքը չարժևորող) ապրումներ. Սա այն վիճակն է, երբ մարդը սկսում է մտորել, որ «ապրելն անիմաստ է» կամ «դժվար է այսքան տանջվելը»: Սա դեռ գործողություն չէ, այլ հոգնածության և ներքին կոնֆլիկտի ազդանշան, որը հուշում է՝ ձեզ հոգեբանական դադար և աջակցություն է անհրաժեշտ:
🔹 Պասիվ մտքեր. Երբեմն հայտնվում են պատկերացումներ սեփական բացակայության մասին, առանց կոնկրետ քայլերի մտադրության: Սա հոգու «օգնության կանչն է»:
🔹 Ակտիվ փուլ. Երբ մարդը սկսում է լրջորեն մտածել ելքերի մասին: Սա այն կետն է, երբ մասնագիտական միջամտությունը դառնում է կենսական անհրաժեշտություն: 🆘

❓Ինչո՞ւ են առաջանում նման մտքեր

Հոգեկան ծանր վիճակը հաճախ արդյունք է արտաքին ճնշումների կամ ներքին ճգնաժամերի.

📍 Կորուստ և վիշտ. Սիրելի մարդու կորուստը կամ ընտանեկան կոնֆլիկտները կարող են ժամանակավորապես խաթարել մեր հավասարակշռությունը:
📍 Առողջական խնդիրներ. Քրոնիկ հիվանդությունները և մշտական ֆիզիկական ցավը կարող են հյուծել հոգին:
📍 Սոցիալական և տնտեսական ճնշումներ. Անհաջողությունները կարող են ստեղծել փակուղու պատրանք:

❤ Սուիցիդալ վարքը հաճախ կապված է ոչ թե մահանալու ցանկության, այլ անտանելի հոգեկան ցավը դադարեցնելու ձգտման հետ: Այդ ցավը հնարավոր է մեղմել և բուժել:

Ինչպե՞ս վերականգնվել 🌈

Նույնիսկ եթե տեղի է ունեցել ինքնավնասման փորձ, վերականգնումը հնարավոր է: Հետսուիցիդալ շրջանում շատ կարևոր է՝

✅ Քննադատական մոտեցում. Երբ մարդը գիտակցում է կատարվածի վտանգավորությունը և սկսում է նորովի արժևորել կյանքը:
✅ Աջակցող միջավայր. Հարազատների և մասնագետների ջերմ ու անկողմնակալ վերաբերմունքը կտրուկ նվազեցնում է կրկնության ռիսկը:

🤝 Եթե դուք կամ ձեր մտերիմը զգում եք, որ հուզական ապրումները դարձել են անկառավարելի, իսկ ներքին ցավը՝ անտանելի, հիշե՛ք, որ կան գործուն մեխանիզմներ այդ վիճակից դուրս գալու համար: Մեր մասնագետի հետ աշխատանքը հնարավորություն է տալիս.

• Գտնել ներքին կոնֆլիկտների լուծման այլընտրանքային տարբերակներ:
• Ստանալ անհրաժեշտ աջակցություն՝ վիճակը կայունացնելու համար:
• Վերականգնել հոգեկան հավասարակշռությունը անվտանգ և մասնագիտացված միջավայրում:

☎️ Մասնագետի հետ խորհրդատվության համար կարող եք զանգահարել հիվանդանոցի ընդունարան՝ +374 43 356100 ( 24/7)

27/04/2026

Սթրեսն օրգանիզմի բնական պաշտպանական արձագանքն է արտաքին մարտահրավերներին: Ամենօրյա լարվածությունը կարող է աննկատ կուտակվել և բացասաբար ազդել մեր ընդհանուր ինքնազգացողության վրա։

🧘Սթրեսի կառավարման հմտությունները կարելի է զարգացնել։

✅ Ներկայացնում ենք պարզ, գիտականորեն հիմնավորված վարժություններ՝ լարվածությունը նվազեցնելու համար։

📞 Մասնագետի հետ խորհրդատվության համար կարող եք զանգահարել հիվանդանոցի ընդունարան՝ +374 43 356100 (🕖24/7)

20/04/2026

💛 Երկար տարիներ «շիզոֆրենիա» ախտորոշումը հնչում էր որպես սոցիալական դատավճիռ։ Սակայն ժամանակակից հոգեբուժությունը դրան այլ կերպ է նայում։ Եկեք հասկանանք, թե ինչու այս հիվանդությունը ոչ թե ճանապարհի ավարտն է, այլ պարզապես երթուղու փոփոխություն։

Շիզոֆրենիան ուղեղի քրոնիկ հիվանդություն է, որը խաթարում է մտածողության և ընկալման ներդաշնակությունը։

🧠Պատկերացրեք, որ մարդու «ռադիոընդունիչի» մեջ խափանումներ են առաջանում`

👂👀 նա կարող է լսել ձայներ կամ տեսնել այն, ինչ չկա (հալյուցինացիաներ),
💭 հավատալ գաղափարների, որոնք չեն համապատասխանում իրականությանը (զառանցանք)։
😔էմոցիաների, կամքի և սոցիալական ակտիվության անկում:

Այսօր շիզոֆրենիան հաջողությամբ բուժվում է։ Ժամանակակից դեղամիջոցները թույլ են տալիս մեղմել սուր ախտանիշները և պաշտպանել ուղեղը քայքայումից. 🧬

• Կենսաբանական թերապիա. դեղորայքի անհատական ընտրություն։
• Հոգեսոցիալական վերականգնում. շփման հմտությունների ուսուցում, աշխատանքային թերապիա և ընտանիքի աջակցություն։
• Սոցիալականացում:

📌 Գրագետ թերապիայի դեպքում մարդիկ ավարտում են բուհեր, աշխատում են, ընտանիք կազմում և ապրում լիարժեք կյանքով։

🔑Շիզոֆրենիայի ժամանակ ամենամեծ թակարդն այն է, երբ պացիենտի վիճակը լավանում է, նա որոշում է, որ առողջացել է և դադարեցնում է դեղերի ընդունումը։ Սա գրեթե միշտ բերում է հիվանդության վերադարձի:

Բժշկի հետ մշտական կապը և դեղերի ընդունման կարգապահությունը այն «ամրագոտին» են, որը կանխում է հիվանդության նոր դրսևորումները։

📞 Մասնագետի հետ խորհրդատվության համար կարող եք զանգահարել հիվանդանոցի ընդունարան՝ +374 43 356100 (🕖24/7)

16/04/2026

📊 Ապահովագրության 100 օրը՝ թվերով։

100 օրվա ընթացքում ծրագիրն արդեն հասանելի է դարձել բազմաթիվ մարդկանց։

🔰Իրականացվել են բազմաթիվ հետազոտություններ, վիրահատություններ և ծառայություններ՝ ապահովելով անվճար և հասանելի բժշկական օգնություն։

#ապահովագրություն

#ապահովագրություն

13/04/2026

🧠 Ապրիլը՝ սթրեսի իրազեկման ամիս

Սթրեսը մարդու օրգանիզմի բնական և կենսաբանական արձագանքն է արտաքին կամ ներքին ազդակներին, որոնք ընկալվում են որպես սպառնալիք կամ լարվածություն առաջացնող գործոններ։ Այն ակտիվացնում է նյարդային համակարգը, բարձրացնում զգոնությունը և օգնում արագ կողմնորոշվել բարդ իրավիճակներում։

🔹 Կարևոր է հասկանալ՝ սթրեսը միշտ չէ, որ բացասական է։

Չափավոր սթրեսը կարող է նպաստել արդյունավետության և հարմարվողականության բարձրացմանը։

Սակայն ժամանակակից աշխարհում սթրեսի աղբյուրները զգալիորեն շատացել են։ Կյանքի արագ տեմպը, տեղեկատվության անընդհատ հոսքը, սոցիալական և մասնագիտական բարձր պահանջները, ինչպես նաև անորոշության գործոնը հաճախ հանգեցնում են երկարատև լարվածության։

⚠️ Այս պայմաններում օրգանիզմը չի հասցնում լիարժեք վերականգնվել, և սթրեսը դառնում է քրոնիկ, ինչը կարող է ազդել ինչպես հոգեկան, այնպես էլ ֆիզիկական առողջության վրա։

Հնարավոր դրսևորումներ՝

▪️ անհանգստություն,
▪️ դյուրագրգռություն,
▪️ կենտրոնացման դժվարություններ,
▪️ հոգնածության զգացում,
▪️ քնի խանգարումներ:

Երկարաժամկետ ազդեցությամբ այն կարող է նպաստել նաև սրտանոթային, մարսողական և իմունային խնդիրների զարգացմանը։

💡 Ինչպե՞ս կառավարել սթրեսը

✔️ Կարճ դադարներ և ինքնախնամք
Օրվա ընթացքում նույնիսկ 5–10 րոպե հանգիստը (լռություն, հանգիստ միջավայր) կարող է էականորեն բարելավել ինքնազգացողությունը։

✔️ Ֆիզիկական ակտիվություն
Պարբերական շարժումը նպաստում է սթրեսի հորմոնների նվազեցմանը և տրամադրության բարելավմանը։ Նույնիսկ ամենօրյա քայլքը կարող է զգալի ազդեցություն ունենալ։

✔️ Մտքերի վերահսկում
Փորձեք գտնել սթրես առաջացնող մտքերը և հարց տալ՝ արդյո՞ք դրանք ամբողջությամբ համապատասխանում են իրականությանը։ Ավելի հավասարակշռված մտածողությունը օգնում է նվազեցնել ներքին լարվածությունը։

Սթրեսը կյանքի բնական մասն է, սակայն այն չպետք է դառնա մշտական վիճակ։ Ժամանակին ուշադրություն դարձնելով սեփական հոգեկան և ֆիզիկական վիճակին՝ կարելի է պահպանել առողջությունը և բարելավել կյանքի որակը։ Իսկ անհրաժեշտության դեպքում մի հապաղեք դիմել մասնագետի օգնությանը։

📞 Մասնագետի հետ խորհրդատվության համար կարող եք զանգահարել հիվանդանոցի ընդունարան՝ +374 43 356100 (🕖24/7)

27/03/2026

Հոգեկան առողջության պահպանման ազգային կենտրոնի տնօրենի ժամանակավոր պաշտոնակատար Արտակ Ջումայանը ընդունել է քրեակատարողական ծառայության պատվիրակությանը՝ ծառայության պետ Ծովինար Թադևոսյանի գլխավորությամբ։

🏥 Այցի շրջանակում ներկայացվել են կենտրոնի պայմանները, բուժառուների առօրյա կյանքը, ինչպես նաև սպասարկման կազմակերպման առանձնահատկությունները։

🤝 Հանդիպման ընթացքում նախանշվել է համագործակցության նոր ուղղություն․ նախատեսվում է, որ կենտրոնի մասնագետները կիրականացնեն մասնագիտական վերապատրաստումներ քրեակատարողական հիմնարկների համապատասխան ստորաբաժանումների աշխատակիցների համար՝ նպատակ ունենալով բարելավել հոգեկան առողջության խնդիրներ ունեցող անձանց հետ աշխատանքի արդյունավետությունը և զարգացնել հաղորդակցման հմտությունները։

Քրեակատարողական ծառայության պետ Ծովինար Թադևոսյանը Ծառայության ղեկավար անձնակազմի հետ աշխատանքային այցով եղել է «Հոգեկան առողջության պահպանման ազգային կենտր...

18/03/2026

Կայացավ Հոգեկան առողջության պահպանման ազգային կենտրոնի որակի կառավարման խորհրդի առաջին նիստը՝ կենտրոնի տնօրենի ժ/պ Արտակ Ջումայանի մասնակցությամբ։

📌Նիստի նպատակն էր հաստատել կենտրոնի երկամյա վերանայված զարգացման ծրագիրը, ինչպես նաև բժշկական օգնության որակի և պացիենտի անվտանգության հիմնական մեխանիզմները։

💬Արտակ Ջումայանը նշել է, որ որակի գործընթացը ոչ միայն պարտադիր պահանջ է, որը պետք է իրականացվի, այլև կենտրոնը պետք է լինի օրինակելի՝ մշակելով համապատասխան քաղաքականություն և ցուցաբերելով լավագույն պրակտիկա հոգեկան առողջության ոլորտում։ Այսպիսով, կենտրոնը ձգտում է իրականացնել ոչ միայն ներքին բարելավումներ, այլև օրինակ ծառայել որակի և պացիենտի անվտանգության ապահովման ոլորտում։

⚙️ Ծրագրի իրականացումը ուղղված է ծառայությունների որակի շարունակական բարելավմանը, պացիենտի անվտանգության բարձրացմանը և ժամանակակից կառավարման մոտեցումների ներդրմանը։

Այս քայլը կարևոր հիմք է հանդիսանում կենտրոնում արդյունավետ, թափանցիկ և հաշվետու համակարգի ձևավորման համար։

16/03/2026

Ինքնավնասումը ժամանակակից հասարակության ամենաբարդ և հաճախ սխալ ընկալված հոգեկան առողջության մարտահրավերներից է: Շատերը կարծում են, թե այն պարզապես ուշադրություն գրավելու միջոց է, սակայն իրականում այն խոսում է մարդու ներքին խորը պայքարի և չարտահայտված ցավի մասին:

📌 Ի՞նչ է իրականում տեղի ունենում

Ինքնավնասումը դիտավորյալ գործողություն է, որի ընթացքում անձը վնասում է սեփական մարմինը, առանց անմիջական ինքնասպանության նպատակի։ Այն սովորաբար ներքին ուժեղ ցավի, լարվածության տխրության և դատարկության զգացման ձև է։ Շատ դեպքերում մարդը չի ցանկանում մահանալ, այլ փորձում է «կառավարել» հույզերը։

🔎 Վարքագիծը հաճախ գաղտնի է պահվում ամոթի կամ քննադատության վախի պատճառով: Այն կարող է ներառել՝

🔸Մաշկի կտրում կամ այրում, վերքերի քերծում:
🔸Սեփական մարմնին հարվածներ հասցնել կամ վերքերի դիտավորյալ խանգարում:
🔸Դեղորայքի չափից շատ ընդունում:

💡 Ինքնավնասման հիմքում կարող են ընկած լինել տարբեր գործոններ.

🟠 դեպրեսիա կամ տագնապային խանգարումներ,
🟠 ցածր ինքնագնահատական,
🟠 բուլինգ կամ մերժվածություն,
🟠 ընտանեկան խնդիրներ և բռնություն,
🟠 տրավմատիկ փորձառություններ,
🟠 զգացմունքները բառերով արտահայտելու դժվարություն,
🟠 հուզական ցավ և ճնշվածություն,
🟠 սթրեսային իրավիճակներ:

⚠️ Այս վարքագիծը կարող է հանգեցնել սպիների և վարակների, առողջական բարդությունների, հոգեկան վիճակի վատթարացման և բարձրացնել ինքնասպանության ռիսկը:

🤝 Ինչպե՞ս օգնել և աջակցել.

✅ամենակարևորը՝ չդատել և չմեղադրել,
✅ստեղծել վստահելի միջավայր,
✅մասնագիտական օգնություն՝ հոգեբան, հոգեթերապևտ,
✅սովորեցնել սթրեսի հաղթահարման առողջ մեթոդներ՝ սպորտ, երաժշտություն, արվեստ, գրավոր արտահայտում,
✅դպրոցներում հոգեբանական աջակցություն,
✅ընտանիքում վստահելի բաց հաղորդակցություն,

❤️ Հիշե՛ք, ժամանակին ցուցաբերված սիրալիր վերաբերմունքը և պրոֆեսիոնալ աջակցությունը կարող են օգնել մարդուն հաղթահարել այս դժվարին ուղին:

📞 Մասնագետի հետ խորհրդատվության համար կարող եք զանգահարել հիվանդանոցի ընդունարան՝ +374 43 356100 (🕖24/7)

17/01/2026

Մենք արդեն միացել ենք արյունատվության արշավին․ միացե՛ք և դուք։

🩸Նվիրիր արյուն՝ փոխիր կյանք ❤️