Նարեկ Րաֆֆիի Մելքոնյան

28/09/2025

Սեպտեմբերի 26-27-ին Մատենադարանում անցկացվեց Հայկական Ուրոլոգիական Ասոցիացիայի Ամենամյա 25-րդ ժողովը:

Միջոցառումը համախմբեց առաջատար հայ և միջազգային ուրոլոգներին՝ գիտության, փորձի ու գործընկերության շուրջ։

🙏 Հարգվեց 44-օրյա պատերազմում զոհված բժիշկների և հայորդիների հիշատակը։
📚 Ներկայացվեցին ոլորտի ձեռքբերումներն ու զարգացման հիմնական ուղղությունները, որոնք իսկապես խոստումնալից են ու շուտով կմտնեն մեր կյանք...

📖 Այցելեցինք Մատենադարանի հին ձեռագրերի բաժին՝
▪️ կրկին ծանոթանալու բժշկագիտական հնագույն գրառումների հարուստ ժառանգությանը,
▪️ հիանալի զգացում է տեսնել, թե ինչպես են դարերի խորքից բացահայտվում նորանոր էջեր մեր պատմության ու բժշկության մասին։

Այս 25 տարին՝ հիմք է նոր գիտական բացահայտումների ու մասնագիտական աճի համար

Ձեր ուրոլոգ՝
բ.գ.թ. Նարեկ Րաֆֆիի Մելքոնյան

23/09/2025

🔹 Լապարասկոպիկ ավազանամիզածորանային սեգմենտի պլաստիկա 🔹

Ուրախ ենք կիսվելու մեր հերթական հաջողված վիրահատության արդյունքներով։

😎Մեր թիմի կողմից հաջողությամբ իրականացվեց հերթական ավազանամիզածորանային սեգմենտի նեղացման պլաստիկան՝ լապարոսկոպիկ եղանակով։

Այս նվազագույն ինվազիվ միջամտությունը թույլ է տալիս՝
✅ Մինիմալ կտրվածք – պակաս ցավ, նվազ սպիավորում
✅ Արագ վերականգնում – հոսպիտալացումը ընդամենը մի քանի օր
✅ Բարդությունների ցածր ռիսկ – բարձր ճշգրտություն տեսախցիկի վերահսկողությամբ
✅ Ավելի կարճ անաշխատունակության շրջան
✅ Էսթետիկ արդյունք – գրեթե անտեսանելի հետվիրահատական սպիեր
✅ Երկարատև արդյունավետություն՝ երիկամի ֆունկցիայի վերականգնում

👨‍⚕️ Վիրահատությունն իրականացվել է ժամանակակից լապարասկոպիկ տեխնոլոգիաների կիրառմամբ։

⭐️Լապարոսկոպիկ մոտեցումը դարձել է ոսկե ստանդարտ շատ ուրոլոգիական միջամտությունների համար՝ ապահովելով բարձր արդյունավետություն և պացիենտների գոհունակություն։

📍 Եթե ունեք նմանատիպ խնդիրներ կամ հարցեր՝ դիմեք ուրոլոգի՝ ժամանակին խորհրդատվություն ստանալու համար։

👉Վիրահատության ընթացքին կարող եք ծանոթանալ իմ թելեգրամյան ալիքի հղմամբ, որը տեղադրված է մեկնաբանությունների բաժնում:

Ձեր ուրոլոգ՝
բ.գ.թ. Նարեկ Րաֆֆիի Մելքոնյան

📱խորհրդատվության համար զանգահարեք և գրանցվեք 8900 հեռախոսահամարով կամ գրել անձնական նամակ

19/09/2025

Ամենաշատը ուրախանում եմ Ռոման Ամոյանի համար!!! Իսկ Մալխասը մի գլուխ բարձր էր իր բոլոր մրցակիցներից... նույնիսկ անհանգստանալու կարիք էլ չկար... մնում է մարզավիճակը պահել նույն բարձրության վրա!!

18/09/2025

📌 Ի՞նչ է միզապարկի ՏՈւՌ-ը և ե՞րբ է այն կիրառվում։
Եթե ձեզ մոտ կամ ձեր հարազատի մոտ միզապարկի հետ կապված խնդիր է հայտնաբերվել՝ արյունամիզություն, ուռուցքի կասկած կամ այլ ախտանշաններ, բժիշկը կարող է առաջարկել միզապարկի ՏՈւՌ (տրանսուրետրալ ռեզեկցիա)։
Սա միզապարկի ներսում գտնվող գոյացությունների հեռացման մինիմալ ինվազիվ մեթոդ է, որն իրականացվում է առանց արտաքին կտրվածքի։ ՏՈւՌ-ը ծառայում է և՛ ախտորոշման, և՛ բուժման նպատակով։

🔧 Ինչպես է կատարվում վիրահատությունը։
• Վիրահատությունն իրականացվում է միզուկով՝ հատուկ գործիքի (ռեզեկտոսկոպի) օգնությամբ։
• Բժիշկը տեսախցիկի միջոցով վերահսկում է միզապարկի ներքին պատերը և հեռացնում է կասկածելի գոյացությունները։
• Հյուսվածքային նմուշները ուղարկվում են հյուսվածքաբանական հետազոտության՝ ախտորոշման հաստատման համար։
• Վիրահատությունն անցկացնում է ընդհանուր կամ ողնաշարային անզգայացման պայմաններում։
• Դրա տևողությունը սովորաբար կազմում է 30-60 րոպե, իսկ երբեմն ավելի կարճ...

🩺 Վիրահատությունից հետո ի՞նչ է սպասվում։
• Վիրահատությունից հետո միզապարկի մեջ տեղադրվում է կաթետեր՝ մեզը և հնարավոր արյունային արտահոսքը հեռացնելու նպատակով։
• Հիվանդը կարող է մնալ հիվանդանոցում 1-3 օր՝ բժշկական հսկողության տակ։ Հիմնականում մնում են 1օր...
• Վերականգնման շրջանը սովորաբար արագ է ու աշխատունակությունը վերականգնվում է մի քանի օրվա ընթացքում։
• Հետվիրահատական շրջանում ուրոլոգը կտրամադրի մանրամասն ցուցումներ՝ սեռական ակտիվության, ծանրաբեռնվածության և դեղամիջոցների վերաբերյալ։
• Շատ կարևոր է նաև հյուսվածքաբանական պատասխանի արդյունքներից կախված՝ հետագա հսկողության կամ բուժման պլան կազմելը։

✅ ՏՈւՌ-ը համարվում է միզապարկի ոչ մկանային ինվազիվ ուռուցքների բուժման «ոսկե ստանդարտը» և հաճախ հանդիսանում է առաջին անհրաժեշտ քայլը՝ խնդրի լուծման կամ վերահսկման համար։

👉Մեկնաբանություններում տեղադրված իմ թելեգրամյան ալիքով կարող եք տեսնել միզապարկի գոյացության հեռացման ընթացքից կադրեր...

📱Խորհրդատվության և գրանցման համար կարող եք զանգահարել 8900 հեռախոսահամարով կամ գրել անձնական նամակ:

Ձեր ուրոլոգ՝
բ.գ.թ. Նարեկ Րաֆֆիի Մելքոնյան

09/09/2025

Շատ լավ խաղացինք, գեղեցիկ հաղթանակ...
Ու ես համաձայն չեմ խաղից դուրս վիճակի հետ...
Շնորհավորում եմ բոլորիս 🇦🇲🇦🇲🇦🇲

Հաղթաանաաաակ 🇦🇲🇦🇲🇦🇲

#Ազգայինհավաքական

09/09/2025

Իռլանդիա-Հունգարիա խաղը նայելով կարող եմ ասել, որ այդքան էլ հեշտ խաղ չի սպասվում... երկրորդ հարկում միանշանակ գերակշռելու են ու հաղթելու... բայց մեր սիրտը հաղթանակ է տենչում!! Առաջ Հայաստան!!! 🇦🇲🇦🇲🇦🇲

07/09/2025

Լուսնի լրիվ խավարում

07/09/2025

Մեծ պատիվ էր լինել մոդերատոր Հայ-Գերմանական Ուռուցքաբանության Դպրոցի 7-րդ հանդիպմանը և համակարգել երիկամի քաղցկեղի սեկցիան...

06/09/2025

Առաջ Հայաստան!!!🇦🇲🇦🇲🇦🇲🇦🇲🇦🇲🇦🇲🇦🇲🇦🇲
Պորտուգալիան երբեք մեր թիմի դեմ հարթ խաղ չի ունեցել,,, ուչնայած այս պահին հավանաբար իրենց լավագույն մարզավիճակով ու լավագույն թիմով են, ես հավատում եմ մեր տղաներին!! ✊✊✊

🇦🇲 Մեր մեկնարկային կազմը:

06/09/2025

Լապարասկոպիկ եղանակով կիստաների հեռացման մասին իմ հարցազրույցը հանրային հեռուստատեսությանը

Տվյալ կիստայի հեռացման վիդեոները կարող եք դիտել մեկնաբանություններում տեղադրված իմ թելեգրամյան ալիքի հղմամբ...

Ձեր ուրոլոգ՝
բ.գ.թ. Նարեկ Րաֆֆիի Մելքոնյան

05/09/2025

🔹 Արգոնային վապորիզացիա՝ «անվտանգության շերտ» երիկամի ուռուցքների էնուկլեացիայից հետո

Երիկամի մակերեսային գոյացությունների էնուկլեացիայի ժամանակ, երբ ուռուցքը ամբողջությամբ հեռացվում է առանց տեսանելի մնացորդի, արգոնային վապորիզացիան կարող է կիրառվել որպես լրացուցիչ տեղային աբլացիոն միջոց։

✅ Վապորիզացիան օգնում է վերացնել հնարավոր մակերեսային մնացորդային բջիջները,
✅ Խնայում է առողջ հյուսվածքը՝ ներթափանցելով ընդամենը մի քանի մմ խորությամբ,
✅ Հավասարակշռում է օնկոլոգիական և օրգանապահպան մոտեցումները։

💡 Այս մոտեցումը դառնում է կարևոր գործիք նեֆրոն-պահպանող ուրոլոգիական վիրաբուժության ժամանակակից փիլիսոփայության մեջ և այն Նաիրի ԲԿ-ում է 😉

👉Արգոնի աշխատանքը կարող եք տեսնել մեկնաբանությունների բաժնում տեղադրված իմ թելեգրամյան ալիքի հղմամբ...

Ձեր ուրոլոգ՝
բ.գ.թ. Նարեկ Րաֆֆիի Մելքոնյան

Գրանցման համար կարող եք զանգահարել 8900 հեռախոսահամարով:

#Ուրոլոգիա #ԵրիկամիՈւռուցք #Լապարոսկոպիա #ԱրգոնայինՎապորիզացիա #ՆեֆրոնՊահպանողՎիրահատություն