17/07/2024
Կողերի կոտրվածքից հետո բարձիթողի, բարդացած կլինիկական դեպք ⚠️⚠️⚠️
Անամնեզ, հիվանդության պատմություն ⬇️⬇️⬇️
Հիվանդը կլինիկա էր դիմել գանգատվելով արտահայտված դժվարաշնչությունից, հևոցից, մարմնի ջերմաստիճանի բարձրացումից մինչև 39 աստիճան, ցավերից կրծքավանդակի աջ կեսում։ Անամնեզում` մոտ 20 օր առաջ , վայր էր ընկել, դիմել էր այլ կլինիկա, ռենտգենաբանական քննությունով հայտնաբերվել էր աջից կողերի կոտրվածքներ սակայն չի հոսպիտալիզացվել։ Տանը ստացել է դեղորայքային բուժում։ Վնասվածքից 10 օր անց կրկին դիմել է այլ բուժհաստատություն, կրծքավանդակի ռենտգենաբանական քննության տվյալներով նկարագրվել է կողերի կոտրվածքներ աջից, աջակողմյան հիդրոթորաքսի պատկեր, հրաժարվել է հոսպիտալիզացիայից, խորացված հետազոտություններից։
Տեղափոխվել է Արմենիա ՀԲԿ 🏨🚑🏨
Ընդհանուր վիճակը գնալով վատացել է, 24.04.2024թ֊ին շտապ օգնության կողմից տեղափոխվել է Արմենիա ՀԲԿ։ Կատարված հետազոտություններով, հայտնաբերվել է աջից բազմաթիվ, բազմաբեկոր կողերի կոտրվածքներ, աջակողմյան հիդրոթորաքս, կրծքավանդակի աջ կեսի փափուկ հյուսվածքների ինֆիլտրացիա։ Որոշվել է կատարել աջ պլևրալ խոռոչի դրենավորում։ Միջամտության ընթացքում ենթամաշկից, միջմկանային շերտերից արտահոսել է զգալի քանակի հեմոռագիկ թարախային արտադրանք։ Որոշվել է կատարել ՀՇ քննություն հետագա տակտիկան որոշելու նպատակով։ Վերջինիս տվյալներով նկարագրվել է աջից բազմաթիվ, բազմաբեկոր կողերի կոտրվածքներ, աջակողմյան մեծ ծավալի պարկավորված հիդրոթորաքս` անհամասեռ պարունակությամբ, կրծքավանդակի աջ կեսի փափուկ հյուսվածների տարածուն ինֆիլտրացիա։
Բուժում, վիրահատություն ✔️✔️✔️
Հաշվի առնելով հարաճող շնչառական անբավարարության և ինտոքսիկացիայի երևույթները շտապ կարգով կատարել է վիրահատական միջամտություն։
Ընդհանուր անզգայացման պայմաններում կատարվել է աջակողմյան թորակոտոմիա, պարզվել է որ պլևրալ խոռոչում` թոքից հետ առկա է հսկա չափսերի, պարկավորված, հեմոռագիկ կոմպոնենտով պիոթորաքս։ Վերջինս դատարկվել է, պլևրալ խոռոչը մանրակրկիտ սանացվել է, թոքի կարնիֆիկացիայի կապակցությամբ կատարվել է թոքի դեկորտիկացիա։ Կողոսկրերի փոքր ոսկրաբեկորները հեռացվել են, Z-աձև կարերով կողոսկրերը համադրվել, մոտեցվել են իրար, կրծքավանդակի կարկասը հնարավորինս վերականգնվել է։ Միջմկանային, ենթամաշկային շերտերում նեկրոզված, ինֆեկցված հյուսվածքները հեռացվել են, պլևրալ խոռոչը երկակի դրենավորվել է։
Հետվիրահատական շրջանը ընթացել է հարաբերական հարթ, հիվանդը հիպոալբումինեմիայի, անեմիայի կապակցությամբ ստացել է Ալբումինի լուծույթ, Էրիթրոցիտար զանգված, Թարմ սառեցված պլազմա, ստացել է ադեկվատ հակաբակտերիալ, հակամիկրոբային, ինֆուզիոն, դեզինտոքսիկացիոն, հակաբորբոքային բուժում, օքսիգենոթերապիա։ Բուժման ֆոնին դիտվել է նկատելի դրական դինամիկա, ընդհանուր վիճակը կարգավորվել է, ինտոքսիկացիայի երևույթները, շնչառական անբավարարության դրսևորումները անհետացել են։ Պլևրալ դրենաժները հեռացվել են ըստ ցուցումների և ժամկետների։
Հիվանդը կլինիկայից դուրս է գրվել լավացումով։
Արդյունքը ✅️✅️✅️
1 ամիս անց կրկնակի այցելության ժամանակ կատարված կրծքավանդակի ռենտգենբանական քննության տվյալներով թոքերը առանց առանձնահատկությունների, պլևրալ ծոցերը ազատ, առկա են աջից կողերի սերտաճող կոտրվածքներ` ոսկրակոշտուկների ձևավորումով։
‼️‼️‼️
Այս և նմանատիպ այլ դեպքերը միշտ պետք է հանդիսանան կարմիր դրոշակ։ Մեկ կողի կոտրվածքն անգամ կարող է բարդանալ կյանքին սպառնացող խնդրով, ուստի պետք է հետևել նեղ մասնագետների խորհրդին, ստանալ ադեկվատ բուժում։
#թոք #կրծքային #վիրաբույժ #Արմենիա #վիրահատություն
