01/04/2026
‼️Ճարպակալում․ էնդոկրինոլոգիական խնդիր:
📌Խնդրին անդրադարձել է Հայ-ամերիկյան առողջության կենտրոնի էնդոկրինոլոգ Գրետա Մուրադյանը:
‼️Ճարպակալումը քրոնիկական հիվանդություն է, որը կապված է նյութափոխանակության և հորմոնալ համակարգի խանգարումների հետ։ Այն պարզապես ավելորդ քաշ չէ, բարդ էնդոկրինոլոգիական վիճակ է, որը կարող է ազդել ամբողջ օրգանիզմի վրա։
‼️Ինչպե՞ս է կապված հորմոնների հետ:
✅Էնդոկրին համակարգը կարգավորում է նյութափոխանակությունը։ Հորմոնալ խանգարումները կարող են դանդաղեցնել նյութափոխանակությունը և նպաստել ճարպի կուտակմանը։ Հաճախ կապված է վահանաձև գեղձի ֆունկցիայի խանգարման, կորտիզոլ հորմոնի բարձր մակարդակի, հորմոնալ անհավասարակշռության հետ:
✅Հիմնական նշաններն են՝ քաշի արագ կամ աստիճանական ավելացումը, որովայնային ճարպի կուտակումը, մշտական հոգնածությունը, քնկոտությունը, ախորժակի բարձրացումը, քաշի դժվար նվազումը նույնիսկ սննդակարգի պահպանման դեպքում:
‼️Ինչու՞ է կարևոր ժամանակին դիմել էնդոկրինոլոգին:
✅Ճարպակալումը կարող է հանգեցնել շաքարային դիաբետի, սրտանոթային հիվանդությունների, հորմոնալ խանգարումների, անպտղության խնդիրների, արյան ճնշման բարձրացման:
‼️Ինչպե՞ս վերահսկել.
✅հորմոնալ հետազոտություն, անհատական սննդակարգ, ֆիզիկական ակտիվություն, քնի և սթրեսի կարգավորում, բժշկական վերահսկում:
Սիրելի՛ հետևորդներ, կարևոր է հիշել, որ ճարպակալումը կամքի պակաս չէ, այլ հաճախ հորմոնալ և նյութափոխանակային խանգարման հետևանք։ Ճիշտ մոտեցմամբ հնարավոր է վերականգնել առողջությունը։ Էնդոկրինոլոգը հայտնաբերում է հիմնական պատճառը և նշանակում անհատական բուժում։
Եղե՛ք առողջ:❤️
Նախապես հերթագրվելու համար զանգահարեք 012-563935, 012-583536, 012-583935, 82-80 հեռախոսահամարներով:
Հասցե՝ ք. Երևան, Մխիթար Հերացու 5:
«Հայ-ամերիկյան առողջության կենտրոն» հիմնադրամ
Լիցենզիա Կ-ԲՕ-000397, տրված 11.04.2025թ.
Գովազդի թույլտվություն թիվ ԲՄԳ-00022, տրված 18.03.2026թ.
ՀՀ ԱՆ 18.03.2026թ. թիվ 1406-Ա հրաման
