Ուղեկից

16/06/2025

🇦🇲Կենտրոնի հիմնադիր Անի Վարդանյանը Վ.Սարգսյանի անվան ռազմական ակադեմիայի կուրսանտների հետ հանդիպման շրջանակներում այսօր ներկայացրեց զինծառայության ընթացքում ինքնասպանությունների և սպանությունների հոգեբանական հիմնախնդիրները, քննարկվեցին զինծառայողների փոխհարաբերությունների կարգավորման հոգեբանական առանձնահատկությունները, ռիսկերի գնահատման չափանիշները և մի շարք այլ կարևոր խնդիրներ:

🔍Ներկայցվող վերլուծությունների հիմքը Ա.Վարդանյանի փորձագիտական 15-ամյա գործունեության ընթացքում վերոնշյալ ուղղություններով կատարված փորձաքննությունների արդյունքներն էին:

✅Հանդիպումն ընթացավ մասնակիցների ակտիվ քննարկումների և դիտարկումների ներկայացման մթնոլորտում:

🤝Շնորհակալություն ենք հայտնում ակադեմիայի ղեկավարությանը և հանդիպման կազմակերպումը պատշաճ ապահովող բոլոր մասնագետներին:

31/05/2025

30/05/2025

30/05/2025

⚖️🔍 «Ուղեկից» կենտրոնի հիմնադիր Անի Վարդանյանն .net-ին տված հարցազրույցում անդրադարձել է հարցաքննությունների շրջանակներում ներգրավված հոգեբանների գործառույթների, երեխայի լավագույն շահի ապահովման խոչընդոտների, «ֆեյսբուքյան դատավճիռների» և հոգեբանական փորձաքննությունների շրջանակներում ներկայում արդիական որոշ խնդիրների

Տեսանյութը՝ ստորև ⤵️

«Ուղեկիցը» հոգեբանական մասնագիտացված կենտրոն է, առավել նեղ հետազոտական ուղղությամբ իրականացնում է փորձագիտական ծառայություններ՝ դատահոգեբանական փորձաքննությո....

08/05/2025

📢Սիրով տեղեկացնում ենք, որ մեր կենտրոնում ամենասպասված դասընթացը տեղ է գտել մեր ամառային աշխատանքային օրակարգում:

📢Մեկնարկում է դատահոգեբանական փորձաքննությունների հմտությունների մարզման դասընթաց, որը նախատեսված է հոգեբանության (բազային հոգեբանական կրթությամբ) մասնագետների և բակալավրի 4-րդ կուրսի և մագիստրատուրայի ուսանողների համար:

Տեսագործնական դասընթացը ներառում է հետևյալ թեմաները.
✍Դատահոգեբանական փորձաքննությունների նպատակը, խնդիրները, փուլերը
✍Փորձագետի իրավասությունները, աշխատանքային էթիկայի սկզբունքները և պահպանման առանձնահատկությունները
✍Փորձաքննության այլ տեսակների հետ դատահոգեբանական փորձաքննությունների համալիր կարգով անցկացման առանձնահատկությունները
✍Փորձագետի եզրակացության կառուցվածը, կազմման չափանիշները և առանձնահատկությունները:
✍Դատահոգեբանական փորձաքննության ենթատեսակները, ինչի շրջանակներում նախատեսվում է աշխատանք հետևյալ հիմնական ուղղություններով.
🔍Անչափահասների դատահոգեբանական փորձաքննություններ
🔍Սեռական անձեռնմխելիության դեմ կատարված հանցագործությունների գործերով դատահոգեբանական փորձաքննություններ
🔍Հուզական վիճակների դատահոգեբանական փորձաքննություններ
🔍Հետմահու և ինքնասպանության փորձի դատահոգեբանական փորձաքննություններ
🔍Հոգեբանական ազդեցության փորձաքննություններ։

🗣 Դասընթացի հեղինակ և վարող՝ «Ուղեկից» հոգեբանական կենտրոնի հիմնադիր, «ՀՀ ԱՆ փորձագիտական կենտրոն» ՊՈԱԿ-ի հոգեբանական փորձաքննությունների բաժնի ղեկավար, դատական հոգեբան-փորձագետ Անի Վարդանյան:

⌛️Դասընթացի ընդհանուր տևողությունը 1 ամիս, շաբաթական 2 անգամ, 2.5 ժամ տևողությամբ /ընդհանուր 20 ժամ/:

💳Դասընթացի արժեքը՝ 65 000 դրամ, ուսանողների համար 55 000 դրամ։

📍Դասընթացը կմեկնարկի ս.թ հուլիսի 01-ին «Ուղեկից» հոգեբանական կենտրոնում:

📋ՄԱՍՆԱԿԻՑՆԵՐԻՆ ՏՐՎՈՒՄ Է ՄԱՍՆԱԿՑՈՒԹՅԱՆ ԵՌԱԼԵԶՈԻ ՀԱՎԱՍՏԱԳԻՐ:

📩📞Գրանցվելու և մանրամասն տեղեկությունների համար գրել մեր ֆեյսբուքյան կամ ինստագրամյան էջերին կամ զանգահարել 055 157 557 հեռախոսահամարով:

18/04/2025

🔍Ցավալիորեն փաստում ենք, որ ՀՀ իրավապահ մարմինների կողմից բացահայտված դեպքերի շրջանակներում երեխաների նկատմամբ սեռական ոտնձգություններ իրականացնողներ կամ այլ անձանց կողմից դրանց կատարմանը համաձսյնություն տվողներ, այդ գործողություններին նպաստողներ բազմաթիվ դեպքերում հանդիսանում են տվյալ երեխաների ծնողները:

🔍Առկա իրավիճակի վերաբերյալ մեր մասնագետների տեղեկացվածությունը պայմանավորված է կատարվածի շրջանակներում նախաձեռնված քրեական վարույթների պարտադիր մաս կազմող դատահոգեբանական փորձաքննությունների իրականացմամբ:

🔍Ներքոնշյալ քրեական վարույթի շրջանակներում ևս որպես ապացույց էական նշանակություն են ունեցել «Ուղեկից» կենտրոնում տարբեր անձանց հետ իրականացված դատահոգեբանական փորձաքննությունների եզրակացությունները:

Հղումը` ստորև ⤵️

ՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում քննվող քրեական վարու....

26/03/2025

🔵 «Ուղեկից» կենտրոնի հիմնադիր Անի Վարդանյանը վերջերս այցելել էր Երևանի Անանիա Շիրակացու անվան ճեմարան, որտեղ մեկնարկել է «Մասնագիտական կողմնորոշման» գործնական դասընթացի շարքը: Միջին դպրոցում տեղի ունեցած հանդիպման շրջանակում Անի Վարդանյանը Ճեմարանականներին ներկայացրեց դատական հոգեբանության մասնագիտական որոշ առանձնահատկություններ, ուշագրավ փաստեր և դիտարկումներ:

🔵 Հանդիպումն ընթացավ Ճեմարանականների արտահայտված հետաքրքրության, հարցուպատասխանների և քննարկման մթնոլորտում:

🔵 Մեր կենտրոնի գաղափարախոսության մեջ առանցքային դերակատարում ունեն դատական հոգեբանության նկատմամբ գրագետ պատկերացումների ձևավորման և մասնագիտական դաշտում համատասխան կրթություն ապահովելու հիմնախնդիրները, որոնց ակունքները ուղենշվում են դեռևս դպրոցից:

30/12/2024

📌Այսօր տեղի ունեցավ Հարկադիր կատարումն ապահովող ծառայությունում հարուցված կատարողական վարույթներով երեխաների տեսակցությունների կազմակերպման և/կամ երեխաներին մեկ ծնողից մյուսին հանձնման հոգեբանական մասնագիտացված ծառայությունների մրցույթը, որում հերթական անգամ հաղթող ճանաչվեց «Ուղեկից հոգեբանական կենտրոն» ՍՊԸ-ն:

📌Հատկանշական է, որ«Ուղեկից» կենտրոնը, որպես հոգեբանական փորձաքննությունների մասնագիտացված հաստատություն, էապես կարևորում է համապատասխան իրավասություն ունեցող պետական կառույցների և քաղաքացիների բարձր վստահությունը և շարունակաբար զարգացնելով մասնագիտական ներուժը և հմտությունները` մշտապես սահմանում նոր նշաձողեր ՀՀ-ում հոգեբանական փորձաքննությունների իրականացման առավել բարձր որակ ապահովելու համար:
_____________________________

04/12/2024

📌 «Ուղեկից» կենտրոնի հիմնադիր Անի Վարդանյանը Panorama.am-ի հետ զրույցում ներկայացրել է ծնողների ամուսնալուծության ընթացքում երեխաների հոգեբանական բացասական ազդեցության ենթարկվելու առանձնահատկություններին, դրսևորման ձևերին, հավանական հետևանքներին և իրավակարգավորման մեխանիզմների մշակման անհրաժեշտությանը։

🧑‍⚖️👩‍⚖️Ա.Վարդսնյանը շեշտադրել է, որ առկա է իրավակարգավորման ավելի ճկուն ու երեխայակենտրոն մոտեցման սկզբունքի ձևավորման, այդ թվում ավելի խիստ սանկցիաների կիրառման անհրաժեշտություն, որպեսզի հոգեբանական ներազդեցությունները նման ընթացք ու հետևանքներ չստանան, նշել է, որ ալիմենտը շատ կարևոր է երեխայի առաջնային պահանջմունքները պատշաճ հոգալու համար, և ալիմենտի չվճաման խնդիրը իրականում արժեհամակարգում, երեխաների համար պատասխանատվություն կրելու, ծնողների կողմից երեխաներին օգտագործելով միմյանց սեփակսն գերակայությունը ապացուցելու, միմյանց պատժելու և այլ տիրույթներում առկա խնդիների ցուցանիշ է։

🧩Ա.Վարդանյանի համոզմամբ այդ խնդիները միայն տվյալ ընտանիքների շրջանակներով չեն սահմանափակվում. ներքին բարդույթներով, թշնամանքով լցված մարդը, որքան էլ սոցիալական հաջողություններ, կրթական բարձր ցենզ ունենա, միևնույնն է, որպես հասարակության օղակ, առավել հաճախ բացասական ազդեցություն գործող մեկն է, ուստի մեր հասարակությունում այս առումով ևս առկա է առողջացման անհրաժեշտություն:

Ամբողջական հարցազրույցը` ստորև ⤵️

Ինչո՞ւ հայ հայրիկները սկսեցին չվճարել ալիմենտը

30/11/2024

📌Սիրով տեղեկացնում ենք, որ «Ուղեկից» կենտրոնում նախատեսվող տարածքային և գործունեության ընդլայնման շրջանակում առկա է մանկական հոգեբանի թափուր հաստիք:

🔎Պահանջվող որակներն են`

✅Բարձրագույն հոգեբանական կրթություն։
✅Մանկական հոգեբանության ուղղությամբ վերապատրաստման դասընթացների մասնակցություն համապատասխան վկայականների առկայությամբ։
✅ Մանկական հոգեբանի (անհատական և խմբային սշխատանքների) առնվազն մեկ տարվա աշխատանքային փորձ:
✅Մտածողության ճկունություն։
✅Նախաձեռնողականություն:

⏳Աշխատանքային գրաֆիկը` ոչ լրիվ աշխատանքային օր։

📩‼️Ներկայացված պահանջներին համապատասխանելու դեպքում Ձեր կենսագրական տվյալները կարող եք ուղարկել www.ughekic@gmail.com" rel="ugc" target="_blank">www.ughekic@gmail.com էլեկտրոնային հասցեին` ուղարկման դաշտում նշելով մանկական հոգեբան։

26/11/2024

📌 Այսօր մեր կենտրոնի հիմնադիր Անի Վարդանյանը ԵՊՀ փիլիսոփայության և հոգեբանության ֆակուլտետի արտաքին կապերի հանձնաժողովի կողմից նախաձեռնված «Հոգեբանը աշխատաշուկայում» խորագրով հանդիպման շրջանակներում համալսարանականներին ներկայացրեց «Ուղեկից» կենտրոնի գործունեության հիմնական ուղղությունները:

📌Ներկայացվեցին կենտրոնի` որպես իրավաբանական հոգեբանության մասնագիտացված հաստատության, միջհայեցակարգային գործունեության առանձնահատկությունները, դատահոգեբանական փորձաքննության զարգացման հեռանկարները և հոգեբան-փորձագետների մասնագիտացման հնարավորությունները:

📌Համալասարանականների բովանդակային հարցադրումներով և արտահայտված հետաքրքրվածությամբ պայմանավորված` քննարկվեց նմանօրինակ հանդիպումների շարունականության անհրաժեշտությունը և հետագա համագործակցությունների հնարավորությունները:

24/11/2024

📌Սույն թվականի նոյեմբերի 22-ից 23-ը «Ուղեկից» հոգեբանական կենտրոնի մասնագետները մասնակցեցին ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից կազմակերպված երկօրյա վերապատրաստման դասընթացին, որում ներգրավված էին հոգեբաններ, դատախազներ, քննիչներ և ուղղված էր «Բարնահուս» մոդելի առանձնահատկությունների յուարացմանը և կիրառման հմտությունների զարգացմանը:

🔎 Հաշվի առնելով այն հանգամանքը, որ «Ուղեկից» կենտրոնը մասնագիտացված է իրավաբանական հոգեբանության ոլորտում, և մասնագետները դեռևս 2021 թվականից ներգրավված են անչափահասների, անգործունակների և հոգեկան առողջության խնդիր ունեցող անձանց մասնակցությամբ քննչական գործողություններում և ներկայիս օրենսդրական բարեփոխումների համատեքստում նրանք շարունակում են ծավելել իրենց գործունեությունը՝ արդեն համապատասխան ընթացակարգերի շրջանակներում անհրաժեշտ որակավորման առկայությամբ` կենտրոնի կարևորագույն խնդիրներից է առկա փորձառությունը հնարավոր առավելագույն արդյունավետությամբ կիրառել ի նպաստ բովանդային գործունեության և լիարժեք արդարադատության ապահովման` չեզոքացնելով կրկնակի զոհայնացման ռիսկայնությունը:

🗣️Վերապատրաստման շրջանակում մեր մասնագետները մասնակցեցին բարեփոխումների շուրջ մասնագիտական ինտենսիվ քննարկումներին, որոնց նպատակն է խթանել միջոլորտային համագործակցությունը և ստեղծել առավել արդյունավետ գործողությունների մոդել, որը երեխայակենտրոն մոտեցման առկայությամբ առավել կնպաստի երեխայի լավագույն շահի պահպանմամբ արդարադատության կայացմանը:

🗣️Հատկանշական է, որ ներկայում առավել ուշադրություն է դարձվում նախաքննության ընթացքում անչափահասների հետ տարվող աշխատանքներին, սակայն անհրաժեշտ է նաև ընդգրկուն կերպով դիտարկել անգործունակի և հոգեկան առողջության խնդիր ունեցող անձանց մասնակցությամբ քննչական գործողությունների առանձնահատկությունները՝ խնդրո առարկա դարձնելով համապատասխան մասնագետների մասնագիտացված լիարժեք պատրաստվածությունը։