20/06/2025
Մարդկային արժեքներով ծնված գաղափար…
HA Global Pharma-ն ծնվել է սիրո, երազանքի և հավատքի հիմքի վրա։ Այն հիմնադրել է իմ ամուսինը՝ Հայկ Ահարոնյանը՝ մասնագիտությամբ դեղագործ, բնույթով՝ մարդ, ով երբեք չէր հրաժարվում օգնելուց։
Նա հավատում էր, որ դեղատունը պարզապես վաճառքի կետ չէ։ Դա պետք է լինի մի վայր, որտեղ մարդիկ գալիս են ոչ միայն դեղ գնելու, այլ նաև վստահություն, աջակցություն ու հույս ստանալու։ Նա երազում էր ստեղծել մի դեղատնային ցանց, որը մարդկային մոտեցումով և արժանահավատ ապրանքներով կծառայի մարդկանց իրական կարիքներին։
Բացի դրանից, Հայկի համար կարևոր էր նաև աշխատանք ապահովելը՝ մարդկանց արժանապատիվ գործի հնարավորություն տալը։ Նա ջերմ ու բարի ղեկավար էր, ով իր փորձն ու սրտով արած գործը փոխանցում էր իր թիմին։Նրա փոխանցած փորձի և անկեղծ վերաբերմունքի շնորհիվ այսօր տասնյակ մասնագետներ ունեն աշխատանք և հնարավորություն են ստացել կայանալ իրենց ոլորտում։ Նա ոչ միայն ստեղծեց իր երազանքը, այլ այն դարձավ հենարան ուրիշների երազանքների համար։
Ցավոք, հիվանդությունը չթողեց, որ մինչև վերջ իրագործի իր բոլոր ծրագրերը։ Բայց նրա երազանքները, տեսլականը ու սերը մնացին։
Այսօր իմ առաքելությունն է շարունակել այդ ճանապարհը։ Շարունակել մի գործ, որն իր խորքում կրում է ոչ թե միայն դեղորայքի, այլ՝ մարդկային հոգատարության ուժը։ Ստեղծել մի թիմ, մի ընտանիք, մի բրենդ՝ որ վերադարձնում է հույսն ու արժանապատվությունը։
HA Global Pharma-ն պարզապես անվանում չէ։
Այն ծնվել է մի մարդու ներքին կանչից՝ ծառայել սրտով, գործել արժանապատվորեն և բարիք սփռել մարդկանց կյանքում։
Նրա ստեղծածը հիմա ապրում է նրանց մեջ,
ովքեր շարունակում են այդ ճանապարհը՝ նվիրվածությամբ, ազնվությամբ ու համարձակությամբ։
Սա նրա ուղին էր, բայց դարձավ մեր բոլորի առաքելությունը։
📢 Ձեր առողջությունն՝ առաջին տեղում․ այցելեք մեզ վստահությամբ 🍀
Մեր նպատակն է ապահովել Ձեր առողջության անվտանգությունը՝ առաջարկելով միայն որակյալ, սերտիֆիկացված դեղամիջոցներ և մատուցելով արհեստավարժ խորհրդատվություն։
