13/08/2025
🟣 Օգոստոսը պսորիազի իրազեկման ամիսն է։
Ամբողջ աշխարհի բնակչության 2–3 %-ը տառապում է այս հիվանդությամբ։
🔸 Պսորիազը քրոնիկ, ոչ վարակիչ մաշկային հիվանդություն է, որն առավել հաճախ արտահայտվում է արմունկներին, ծնկներին, գլխամաշկին և մարմնի այլ հատվածներին։
Պսորիազի առաջացման պատճառները բազմազան են՝ գենետիկական նախատրամադրվածություն, իմունային համակարգի դիսբալանս, սթրես, վնասվածքներ, որոշ դեղամիջոցների օգտագործում, ալկոհոլ և ծխախոտ։
Հիվանդությունը դրսևորվում է`
🔸 մաշկի մակերեսից բարձր կարմրավարդագույն վահանիկների առաջացմամբ, որոնք ծածկվում են արծաթասպիտակ թեփուկներով,
🔸 չորացած և ճաքճքած մաշկով, երբեմն քորի և այրոցի զգացումով,
🔸 թույլից մինչև ծանր ընթացքով` երբեմն տարածվելով ամբողջ մարմնի մակերեսով։
Պսորիազը գրեթե միշտ կարող է ուղեկցվել սիրտ-անոթային, նյարդահոգեբանական և այլ օրգանային համակարգերի գործունեության խանգարումներով։ Բացի այդ, մոտ 10–30 % բուժառուների մոտ ժամանակի ընթացքում զարգանում է պսորիազային արթրիտ, որը կարող է առաջացնել հոդացավեր և շարժունակության սահմանափակում։
Պսորիազը լիովին վերահսկելի է. ժամանակին և ճիշտ ընտրված բուժման միջոցով հնարավոր է հասնել հարատև ռեմիսիայի և ապրել լիարժեք կյանքով։
📌 Եթե նկատել եք պսորիազին բնորոշ ցանավորում կամ այլ ախտանշաններ, մի´ հետաձգեք, դիմե՛ք մաշկաբանի՝ ճիշտ ախտորոշման և անհատական բուժման համար։
📌 Մաշկաբանի խորհրդատվության գրանցվելու համար՝
📞 +374 (10) 32 22 11
