What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/346309913271567/

Dr. Alla Hambardzumyan, Դանիել Վարուժանի 28 Ա, Yerevan (2025)

31/01/2024

Մեզոբոտոքսը ներարկումային միջամտություն է, որն իր մեջ ներառում է դեմքի մաշկի երիտասարդացմանն ուղղված 2 արդյունավետ մեթոդ` ՄԵԶՈԹԵՐԱՊԻԱ և ԲՈՏՈՒԼԻՆՈԹԵՐԱՊԻԱ( ԲՈՏՈՔՍ)։
Այս միջամտության ժամանակ նոսրացված բոտուլինոտոքսինը ներարկվում է ոչ թե անմիջապես մկանի մեջ, այլ ենթամաշկային` ազդելով մաշկին հարող առանձին մկանաթելերի վրա։ Արդյունքում պահպանվում է մկանի աշխատանքը և չի տուժում դեմքի միմիկան, սակայն նշանակալիորեն հարթվում են մանր կնճիռները։ Իսկ մեզոպրեպարատի մեջ պարունակվող օգտակար նյութերի շնորհիվ բարելավվում է մաշկի գույնը, առաձգականությունը, տեղի է ունենում մաշկի խոնավացում և սնուցում։
Մեզոբոտոքսի ցուցումներն են` Աչքերի շուրջ մանր կնճիռներ Այտերիի, բերանի շուրջ կնճիռներ Կնճիռներ քիթ֊շրթունքային ծալքի հատվածում Դեմքի մաշկի կախվածություն 《Խիստ հայացքի》 առկայություն Մաշկի ավելցուկ յուղայնություն Լայնացած ծակոտիներ

Արդյունքը երևում է անմիջապես հաջորդ օրը և դառնում ավելի կայուն7֊14 օր անց։
Մեզոբոտոքսի արդյունքը մաքսիմալ բնական է, պահպանվում է դեմքի միմիկան, մաշկն ունենում է առավել երիտասարդ և առողջ տեսք։

________________________
Dr.Alla Hambardzumyan
+37455224432

#բոտոքս
#մեզոթերապիա
#մեզոբոտոքս

08/01/2024

Շուրթերի բիոռևիտալիզացիան ներարկումային միջամտություն է, երբ շուրթերի մեջ ներմուծվում է հիալուրոնաթթու ` վերջիններս խոնավացման նպատակով։
Ի տարբերություն ֆիլլերի, բիոռևիտալիզացիայի արդյունքում ՇՈՒՐԹԵՐԻ ԾԱՎԱԼԸ ՉՒ ՄԵԾԱՆՈՒՄ։
Շուրթերի խոնավացման համար բավարար է մեկ ներարկում` մի քանի ամիս ընդմիջմամբ։

Միջամտության ցուցումներն են` Շուրթերի չորություն Ճաքեր Շուրթերի վրա չոր թեփուկների առաջացում Շուրթերի բալզամների, խոնավացնող միջոցների անարդյունավետություն Շուրթերի տարիքային փոփոխություններ

________________________
Dr.Alla Hambardzumyan
+37455224432

15/12/2023

Ձեզ համար առանձնացրել եմ մեր պրակտիկայում հաճախ հանդիպող միֆերից մի քանիսը։

Միֆ N 1

Չի կարելի կիրառել լսողական ապարատներ երեխաների դեպքում

Ծանրածսությամբ երեխաներին ըստ անհրաժեշտության հնարավորինս շուտ պետք է տալ լսողական ապարատ, որպեսզի նա կարողանա ընկալել ձայները և չունենա խոսքի հապաղում։

Միֆ N 2

Անգինայի ժամանակ պետք է օգտագործել տաք կոմպրեսներ

Բարձր ջերմաստիճանի պայմաններում ինֆեկցիոն ագենտներն ավելի են ակտիվանում և արյան հունով տարածվում ամբողջ օրգանիզմում։

Միֆ N 3

Ադենոիդ հյուսվածքը ( քթի միս😁) չի կարելի հեռացնել, այն պաշտպանում է երեխային։

Ադենոիդներից բացի պաշտպանական ֆունկցիա կատարում են ևս 5 նշիկներ։
Չհեռացնելով մեծացած ադենոիդները, երեխան կունենա շատ ավելի լուրջ խնդիրներ, երբեմն նույնիսկ անդառնալի։

Միֆ N 4

Չափահաս տղաներին չի կարելի հեռացնել նշիկները ( երեխա չեն ունենա😁)

Խրոնիկ ինֆեկցիայի օջախը պահպանելով օրգանիզմում կարող են առաջանալ մի շարք խնդիրներ , բացասաբար ազդելով նաև վերարտադրողական ֆունկցիայի վրա։

Միֆ N 5

Նշիկների հեռացումից հետո էլ երբեք կոկորդը չի ցավի

Նշիկների հեռացումից հետո նույնպես կարող է առաջանալ ըմպանի լորձաթաղանթի բորբոքում( ֆարինգիտ)> ցավ

Միֆ N 6

Եթե հարբուխը տևում է 3 օրից ավեծ, պետք է ընդունել հակաբիոտիկներ

ՍՇՎ֊ն հիմնականում տևում է 5֊7 օր և հակաբիոտիկների ոչ հիմնավորված օգտագործումը կարող է հանգեցնել հակաբիոտիկների նկատմամբ կայունության առաջացման։

Մեկնաբանություններում գրեք, թե որ միֆն էիք լսել😁

13/12/2023

ԿԵՂԾ ԿՐՈՒՊ

Կեղծ կրուպը սուր կատառալ լարինգիտի ( կոկորդաբորբ) տարատեսակ է, որն առաջանում է ենթաձայնալարային տարածության այտուցի հետևանքով։
Առաջացման հիմնական պատճառը վերին շնչուղիների վիրուսային բորբոքումն է։
Հիմնականում առաջանում է 5֊8 տ. երեխաների մոտ ( առավելապես տղաների)
Թեթև արտահայտված ռինոֆարինգիտի ֆոնին առաջանում ե կոպիտ, ՀԱՉՈՑԱՆՄԱՆ հազ
Սկսվում է հանկարծակի, սովորաբար գիշերը կամ լուսադեմին
Երեխայի դեմքը գունատ է, եղունգներն ու տեսանելի լորձաթաղանթները կապույտ
Շնչառությունը հաճախացած է, աղմկոտ
Ձայնը նույն օրը սովորաբար չի փոխվում, հաջորդ օրը կարող է դիտվել խռպոտություն։

Այն նշանների դեպքում պարտադիր պետք է դիմել երեխային մանկաբույժին և անհրաժեշտության դեպքում կանչել շտապ օգնություն։

Իսկ մինչ այդ`
Փորձեք հանգստացնել երեխային Ապահովեք մաքուր օդի հոսք / բացեք պատուհանները/ Մի պառկացրեք երեխային, գրկեք նրան ուղղահայաց դիրքով կամ ուղիղ նստեցրեք Առատ հեղուկներ տվեք Ջերմության դեմքում ջերմիջեցնող պրեպարատներ / պարացետամոլ, իբուպրոֆեն/ Այլ դեղորայք օգտագործեք ՄԻԱՅՆ ԲԺՇԿԻ ՆՇԱՆԱԿՄԱՄԲ

Երբևէ առնչվե՞լ եք այս հիվանդության հետ։
Գրեք մեկնաբանություններում։

28/11/2023

Հեղուկ ականջում

Երբևէ լսե՞լ եք նման արտահայտություն։

Սեկրետոր օտիտը հեղուկի կուտակումն է միջին ականջում (շճային կամ լորձային)։
Առավել հաճախ հանդիպում է երեխաների մոտ։

Ականջում հեղուկը կուտակվում է տարբեր պատճառներով։ Երբեմն այն կարող է ինքնուրույն դատարկվել 4֊6 շաբաթների ընթացքում։ Սակայն այն կարող է պահպանվել տևական ժամանակ և առաջացնել լսողության իջեցում։

Հիվանդության հիմնական պատճառը լսողական խողովակի ( Եվստախյան փողի) ֆունկցիայի խանգարումն է ( խողովակ է, որը կապում է քթըմպանը միջին ականջի հետ)։

Եվստախյան փողի դիսֆունկցիայի հիմնական պատճառներն են`
Ադենոիդ հյուսվածքի գերաճ Հարբուխ Ալերգիկ ռինիտ Երեխաների մոտ լսողական փողի կառուցվածքային առանձնահատկություններ Ռինոսինուսիտներ Քթըմպանի գոյացություն Մթնոլորտային ճնշման կտրուկ տատանումներ ։

Բուժումը տարբեր է` կախված հիվանդության առաջացման պատճառից և վաղեմությունից։ Կարող է լինել կոնսերվատիվ և վիրահատական։

Իսկ դուք առնչվե՞լ եք նման խնդրի հետ։
Գրեք մեկնաբանություններում։

________________________
Dr. Alla Hambardzumyan
+37455224432

19/11/2023

Ողջույն, քանի որ ինձ նոր միացած մարդիկ էջս ուսումնասիրելուց հնարավոր է լիարժեք պատկերացում չկարողանան կազմել իմ մասին, որոշեցի ևս մեկ անգամ ներկայանալ լսարանիս 😊

Ես Ալլա Համբարձումյանն եմ` մեծահասակների և երեխաների դիպլոմավորված քիթ֊կոկորդ֊ականջաբան։
Ծնվել եմ բժիշկների ընտանիքում։ Ի դեպ, մայրական կողմից 3րդ սերնդի քիթ֊կոկորդ֊ականջաբան եմ ( շարունակում եմ տատիկիս և մայրիկիս մասնագիտությունը):

Շատ կարևորում եմ վերապատրաստումները և արդեն իսկ օրդինատուրայի տարիներից բազմիցս վերապատրաստվել եմ աշխարհի տարբեր երկրների լավագույն կլինիկաներում ( ԱՄՆ, Շվեյցարիա, Իտալիա, Ֆրանսիա, Ռուսաստան)։

Նեղ մասնագիտությունիցս բացի զբաղվում եմ նաև էսթետիկ ներարկումներով ( բոտուլինոթերապիա, կոնտուրային պլաստիկա, մեզոթերապիա, բիոռևիտալիզացիա, պլազմոթերապիա) ու երջանկանում արդյունքից հիացած ձեր փայլուն աչքերով։)

Հետագա գրառումներում ավելի մանրամասն կներկայացնեմ իմ մասնագիտական ուղին, կանդրադառանամ ձեզ հուզող թեմաներին։

Ի դեպ, շատ ուրախ կլինեմ, եթե մեկնաբանություններում նշեք, թե ինչ թեմաներով գրառումներ կցանկանաք տեսնել իմ էջում։

16/09/2023

Ըստ ստատիստիկ տվյալների 4֊5 տարեկան երեխաների 7֊9%ը խռացնում են։
Շատ ծնողներ կարևորություն չեն տալիս այդ երևույթին , այնինչ խռոցը կարող է հանդիսանալ մի շարք հիվանդությունների արտահայտություն, որոնք չբուժելու դեպքում անցանկալի հետևանքներ կարող են թողնել առողջության վրա։

Եկեք հասկանաք ինչու է առաջանում խռմփոց. քնի ժամանակ օդն անարգել պետք է անցնի շնչառական ուղիներով։
Բայց երբ օդի հոսքի ճանապարհին հանդիպում են խոչընդոտներ, փափուկ քիմքը/լեզվակը/ սկսում է տատանվել և առաջանում է բնորոշ ձայն։

Եթե խռոցն առաջանում է մրսածության ժամանակ, ապա այս դեպքում պատճառը պարզ է` վերին շնչուղիների լորձաթաղանթի այտուց, բորբոքում, ըմպանի հետին պատով հոսող արտադրություն։ Սովորաբար ապաքինվելուց հետո խռոցն անցնում է։

Խռոցի պատճառ կարող են հանդիսանալ ` Ադենոիդ հյուսվածքի գերաճը Քթի միջնապատի դեֆորմացիան Քթային անցուղիների բնածին նեղ կառուցվածքը Խոանալ ատրեզիաները Ալերգիկ ռինիտը Մարմնի ավելորդ զանգվածը Սխալ կծվածքը Վերին շնչուղիների զարգացման անոմալիաները Բրոնխեալ ասթման և այլն

Անհրաժեշտ է հետևել քթի խոռոչի հիգիենային, երեխային սովորեցնել ճիշտ մաքրել քիթը։
Եթե խռմփոցը տևում է 1 ամսից ավել, պարտադիր դիմեք բժշկի։

Ճիշտ և ժամանակին կատարած ախտորոշումը կօգնի նշանակել համապատասխան բուժում, որը երբեմն կարող է լինել վիրահատական։

Հետևեք Ձեր փոքրիկների առողջությանը։

14/08/2023

Գլխամաշկի մեզոթերապիան խթանում է մազերի աճը, նվազեցնում մազաթափությունը, բարելավում մազի որակն, ամրությունն ու հաստությունը, նպաստում գլխամաշկի խոնավեցմանը, պայքարում թեփի և քորի դեմ։

________________________
Dr. Alla Hambardzumyan
+37455224432

28/07/2023

📢Աննախադեպ ակցիա
📢Բոտոքս

📍3 զոնա ֊40.000֏ (70.000֏֊ի փոխարեն)

📍Թևատակերի բոտուլինոթերապիա ֊70.000 ֏( 100.000 ֏֊ի փոխարեն) ` գերքրտնարտադրության լավագույն լուծումը

Ակցիան գործում է 27.07.2023֊03.08.2023

‼️Շտապեք գրանցվել, քանի որ այս տարի այլեւս բոտուլինոթերապիայի նման ակցիա չի լինելու։

_______________________
Dr.Alla Hambardzumyan
+37455224432

04/07/2023

Բիոռևիտալիզացիան ներարկումային միջամտություն է, որի ընթացքում ներարկվում է հիալուրոնաթթվի հիմքով պրեպարատ` ապահովելով մաշկի խորը խոնավեցում։

Պրեպարատը սկսում է ազդել անմիջապես ներարկումից հետո։

Տեսանելի արդյունքը 2֊3րդ օրը։

Ին՞չ արդյունք ենք ստանում`

📍մաշկի խորը խոնավեցում֊ հիալուրոնաթթուն պահում է հեղուկը, ինչը նպաստում է խոնավեցմանը, արդյունքում մաշկը դառնում է առավել նուրբ, փափուկ

📍 լիֆտինգ ֊ բարձրանում է մաշկի տոնուսը, սկսում են արտադրվել սպիտակուցներ, որոնք մաշկը դարձնում են առավել էլաստիկ, թարմ և ձգված

📍 ծերացման դանդաղեցում֊ հիալուրոնաթթուն ունի հակաօքսիդանտային հատկություն. կապում և չեզոքացնում է ազատ ռադիկալները

📍 մաշկի գույնի լավացում֊ տեղի է ունենում արյան շրջանառության բարելավման և մաշկի խորը խոնավեցման շնորհիվ

📍 մաշկի վերականգնում֊ հիալուրոնաթթվի ներարկման միջոցով հեշտությամբ լավանում են միկրոտրավմաները և արևային այրվածքները

28/06/2023

Արևային հարված☀️

Արդեն ամառ է և վերջին օրերին դիտվում է օդի ջերմաստիճանի կտրուկ բարձրացում: Հաճախ կարող են լինել արևահարության դեպքեր։

Ինչպես խուսափել դրանից.
Կրել բնական կտորներից, վուշից հագուստ, որը կլինի թեթև, ազատ։ Ցանկալի է հրաժարվել գոտիներից և մարմնին կիպ հարող հագուստից։
Ցերեկային ժամերին կրել գլխարկ։
Խուսափել փոքր և տոթ տարածքներից, բնակարանում ըստ հնարավորության օգտագործել օդորակիչներ և առավոտյան ու երեկոյան ժամերին օդափոխել սենյակը։
Ավելացնել օրական օգտագործվող ջրի քանակը, ջուրն օգտագործել փոքր չափաբաժիններով, բայց ավելի հաճախ։
Սահմանափակել սուրճի, թեյի օգտագործումը և սննդի մեջ շատացնել մրգերի և բանջարեղենի չափաբաժինը։

Իսկ եթե այնուամենայնիվ դիտվել է արևահարություն, անհրաժեշտ է`
Տուժածին տեղափոխել ստվերի տակ` հով հատված, արձակել հագուստի սեղմող հատվածները, պառկացնել մեջքի վրա, գլխի տակ դնել բարձ։
Ճակատի և ծոծրակի հատվածում դնել սառը կոմպրես, իսկ մարմինը պարուրել թաց սավանով։ Եթե ձեռքի տակ չկան նման իրեր,կարելի է պարզապես մարմինը ցողել
սառը ջրով։
Ջրաաղային բալանսը կարգավորելու համար անհրաժեշտ է ընդունել մեծ քանակությամբ հանքային ջուր կամ սովորական ջուր ` ավելացնելով կերակրի աղ ( 1 բաժակ ջրին 1/5 թեյի գդալ աղ)։

Եղեք տեղեկացված։

__________________________
Dr. Alla Hambardzumyan
+37455224432

Dr. Alla Hambardzumyan

31/01/2024

08/01/2024

15/12/2023

13/12/2023

28/11/2023

19/11/2023

16/09/2023

14/08/2023

28/07/2023

04/07/2023

28/06/2023

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00