26/06/2023
Այսօր` հունիսի 26-ին, ԱՄՆ Ռոզուել քաղաքի «Wellstar North Fulton» հիվանդանոցի և նյարդավիրաբուժության ամերիկյան ինստիտուտի նյարդավիրաբույժ, ԵՊԲՀ շրջանավարտ Արթուր Գրիգորյանի 60-ամյակն է:
🧠Բժիշկ Գրիգորյանն ունի ավելի քան 36 տարվա փորձ: Նրա մասնագիտացման հիմնական ոլորտներն են՝ գլխուղեղի զարկերակային անևրիզմաները, սուբադուրալ հեմատոմաները, խորիոիդ պլեքսուսների կիստաները, թրոմբէկտոմիան և էքստրա-ինտրակրանիալ շրջանցող վիրահատությունները:
✈️ Արթուր Աբրահամովիչն իր «Worldwide Surgical Mission» հիմնադրամի հետ ամեն տարի ճանապարհորդում է այնպիսի երկրներ, ինչպիսիք են Եթովպիան, Ուկրաինան և, իհարկե, իր հայրենիք Հայաստանը, որտեղ կատաում է բարդագույն նյարդավիրաբուժական միջամտություններ և կիսվում իր անգնահատելի փորձով տեղի մասնագետների հետ:
🇦🇲 2020թ.-ի պատերազմի ժամանակ ևս բժիշկ Գրիգորյանը հայրենիքում էր և ԵՊԲՀ «Հերացի» թիվ 1 հիվանդանոցի նյարդավիրաբույժների հետ միասին մասնագիտական օգնություն էր ցուցաբերում վիրավոր զինվորներին:
🇪🇹 2022թ.-ի սեպտեմբերին նա մեկնել էր Եթովպիա, որտեղ անցկացրել էր վիրահատություններ երկրի ամենամեծ «Black Lion Hospital» ուսումնական հիվանդանոցում, իսկ «Soddo Christian Hospital»-ին տրամադրել էր նյարդավիրաբուժական գործիքներ և սարքավորումներ:
📚1987թ.-ին Երևանի բժշկական ինստիտուտն ավարտելուց հետո կլինիկական օրդինատուրան անցել է Մոսկվայի Բուրդենկոյի անվան Նյարդավիրաբուժության ինստիտուտում, ապա՝ Նյու Ջերսիի Բժշկական Համալսարնում (UMDNJ): Այնուհետև նեղ մասնագիտացում է ստացել ԱՄՆ-ի մի շարք հեղինակավոր կրթական հաստատություններում: 2004թ. Գրիգորյանը պաշտպանել է թեկնածուական ատենախոսություն «Ներգանգային անևրիզմաների բուժում» թեմայով։
📝2012թ. արժանացել է Հայաստանի Հանրապետության Նախագահի մրցանակին:
2014թ. արժանացել է Մխիթար Հերացու անվան պետական բժշկական համալսարանի պատվավոր դոկտորի կոչման:
🏥2014թ.-ին ԵՊԲՀ «Հերացի» թիվ 1 հիվանդանոցում բացվեց Գլխուղեղի կաթվածների վիրաբուժության մասնագիտացված կենտրոնը, որի նախաձեռնման և իրագործման մեջ անփոխարինելի եղավ Արթուր Գրիգորյանի դերը:
🎉Սիրով շնորհավորում ենք անվանի բժշկին, հայտնում երախտապարտություն և մաղթում քաջառողջություն ու մասնագիտական նորանոր ձեռքբերումներ:
Wellstar neurosurgeon Dr. Arthur Grigorian travels annually with his foundation, Worldwide Surgical Mission, to countries like Ukraine and his home country of Armenia to perform neurosurgery on underserved populations. In September, he traveled to Ethiopia to serve at Black Lion Hospital, which is the largest teaching hospital in the country, and Soddo Christian Hospital, where he brought neurosurgery supplies and equipment and performed procedures, including skull-based tumor treatments. Ethiopia has just 47 neurosurgeons to care for a country with a population of 120 million. Donations of $150,000 in surgical equipment, organized with the help of the Christian Medical Mission Board, were made possible by grants from Medtronic and Integra as well as from Wellstar North Fulton Medical Center, who donated medical equipment. Learn more about Wellstar North Fulton Medical Center at http://spr.ly/6187MW4lZ.
