Գրիգոր Նարեկացի Բժշկական Կենտրոն / Grigor Narekatsi Medical Centre

27/03/2026

👩‍⚕️ Բժիշկ Լիանա Պապոյան
Էնդոկրինոլոգ

Լիանա Պապոյանը երկարամյա փորձ ունեցող էնդոկրինոլոգ է, ով իր մասնագիտական գործունեությունն իրականացնում է «Գրիգոր Նարեկացի» բժշկական կենտրոնում՝ ապահովելով բարձրակարգ և անհատական մոտեցում յուրաքանչյուր պացիենտի նկատմամբ։

Բժիշկը մասնագիտացած է էնդոկրին համակարգի տարբեր խանգարումների ախտորոշման և բուժման մեջ՝ մշտապես հետևելով ժամանակակից բժշկության զարգացմանը և կիրառելով նորագույն մոտեցումներ։

🎓 Ավարտել է Երևանի Մխիթար Հերացու անվան պետական բժշկական համալսարանը, անցել է մասնագիտական վերապատրաստումներ և շարունակաբար կատարելագործում է իր գիտելիքները։

📊 Մասնակցել է բազմաթիվ մասնագիտական ծրագրերի և միջազգային կոնգրեսների, այդ թվում՝ Եվրոպական վահանագեղձի ասոցիացիայի կոնգրեսին (Աթենք, 2024թ.)։

🤝 Անդամ է
• Հայաստանի վահանագեղձի ասոցիացիայի
• Շաքարային դիաբետի ասոցիացիայի
• Եվրոպական վահանագեղձի ասոցիացիայի

Բժշկի աշխատանքում առաջնային են պացիենտի վստահությունը, ուշադրությունն ու ճիշտ բուժման ընտրությունը։

✨ Մեր մասնագետների հետ Ձեր առողջությունը վստահ ձեռքերում է։

25/03/2026

23/03/2026

✨15 տարվա սպասումից հետո մեր պացիենտը մայրացավ՝ անցնելով բարդ, բայց հաղթահարված ճանապարհ

Տարիների ընթացքում ունեցել է բազմաթիվ գինեկոլոգիական խնդիրներ։
2022 թվականին ունեցել է արտարգանդային հղիություն, որի արդյունքում հեռացվել է աջ արգանդափողը։
2024 թվականին կրկին արձանագրվել է արտարգանդային հղիություն՝ արդեն ձախ կողմում, որի արդյունքում հեռացվել է նաև ձախ արգանդափողը։

Այսպիսով, մայրանալու միակ հնարավորությունը դարձել է արտամարմնային բեղմնավորումը։

2025 թվականին իրականացվել է արտամարմնային բեղմնավորում, և հղիությունը վարել է հատուկ ուշադրությամբ ու վերահսկմամբ։

Եվ վերջապես՝
📅 17.03.2026
38 շաբաթականում, կեսարյան հատման միջոցով ծնվել է առողջ աղջիկ 👶🏻
⚖️ 3080 գ
📏 49 սմ

Մեծ երջանկություն երկար սպասումից հետո 💛

🧑🏻‍⚕️Վիրահատությունը կատարել է մանկաբարձ-գինեկոլոգ
Նիկոլայ Շահբազյանը

👩‍⚕️ Հղիությունը վարել է մանկաբարձ-գինեկոլոգ
Մարիամ Հովհաննիսյանը

20/03/2026

✨Մեր հերթական պատասխանատու ու հուզիչ դեպքերից մեկը՝
10 տարվա սպասված հղիություն

Կեսարյան հատումն իրականացվում է սպինալ անզգայացմամբ, ինչը հնարավորություն է տալիս մայրիկին լինել գիտակից, լսել նորածնի առաջին ճիչը և հոգեբանական առումով առավել ամբողջական ապրել բալիկի ծննդյան պահը։
Վիրահատությունն իրականացվել է

🧑🏻‍⚕️Մանկաբարձական բաժանմունքի վարիչ՝ Արման Մարգարյանը

18/03/2026

🧑🏻‍⚕️Ներկայացնում ենք մեր կենտրոնի բժիշկ-վնասվածքաբանին՝
մասնագետ, որի մասնագիտական ուղին ձևավորվել է գիտելիքի, կարգապահության և նվիրումի հիման վրա։

🎓 2012 թվականին ընդունվել է Երևանի Մխիթար Հերացու անվան պետական բժշկական համալսարան՝ ընդհանուր բժշկության ֆակուլտետ։

🇦🇲 2012–2014 թվականներին ծառայել է Արցախի զինված ուժերում:

📚 2014 թվականից շարունակել է բժշկական կրթությունը։

2020–2023 թվականներին անցել է օրդինատուրա՝ վնասվածքաբանության և օրթոպեդիայի մասնագիտությամբ։
2023 թվականից իր մասնագիտական գործունեությունն է ծավալում «Գրիգոր Նարեկացի» բժշկական կենտրոնում՝ որպես բժիշկ-վնասվածքաբան։

✨Վստահություն, որակ և պատասխանատվություն՝
առողջության Ձեր լավագույն ընտրությունը։

17/03/2026

📌 Պարզաբանում

Մեր վերջին հրապարակումը, որը վերաբերում էր 31-ամյա կնոջ արգանդի հեռացման վիրահատությանը, համացանցում արժանացել է տարատեսակ արձագանքների։

Հաշվի առնելով թեմայի նկատմամբ Ձեր հետաքրքրվածությունը՝ ցանկանում ենք ներկայացնել կարևոր պարզաբանում։

Նշված վիրահատական միջամտության ընթացքում պահպանվել են կնոջ ձվարանները, ինչը բժշկական տեսանկյունից կարևոր հանգամանք է։

Հնչեցված այն մտահոգության վերաբերյալ, թե արգանդի հեռացումից հետո կարող է առաջանալ մենոպաուզա կամ ոսկրային հյուսվածքի վաղաժամ ծերացում, տեղեկացնում ենք, որ տվյալ դեպքում նման ռիսկեր չեն առաջանում, քանի որ հորմոնալ ֆունկցիան պահպանվում է ձվարանների միջոցով։

Մեր մասնագետների կողմից յուրաքանչյուր որոշում կայացվում է՝ հիմնվելով բժշկական ցուցումների, երկարամյա փորձի և ժամանակակից գիտելիքների վրա։

Վիրահատության արդյունքում ևս մեկ կնոջ առողջական վիճակ բարելավվել է, ինչը մեր թիմի աշխատանքի գլխավոր նպատակի լավագույն ապացույցն է։

16/03/2026

🤰🏻31-ամյա պացիենտի մոտ հեռացվել է շուրջ 8 կգ քաշ ունեցող արգանդ

Մեր բժշկական կենտրոն դիմել էր 31-ամյա կին պացիենտ՝ երկար ժամանակ անհանգստացնող որովայնային ցավերով և ծավալի մեծացմամբ։ Կատարված հետազոտությունների արդյունքում ախտորոշվել էր արգանդի մեծ չափերի միոմա։

Հաշվի առնելով գոյացության չափերը և պացիենտի վիճակը՝ որոշում է կայացվել կատարել վիրահատական միջամտություն։

Կատարվել է արգանդի էքստիրպացիա, որի ընթացքում հեռացվել է շուրջ 8 կգ քաշ ունեցող արգանդ։

Վիրահատությունը հաջողությամբ իրականացրել են, մանկաբարձ-գինեկոլոգ, բաժնի վարիչ՝ Արման Մարգարյանը և Նիկոլայը Շահբազյան:

Պացիենտի վիճակը կայուն է, հետվիրահատական շրջանը ընթանում է հսկողության տակ։

⚕️ Այս դեպքը ևս մեկ անգամ ընդգծում է, թե որքան կարևոր է ժամանակին դիմել բժշկի և անցնել անհրաժեշտ հետազոտություններ, քանի որ արգանդի միոման երկար ժամանակ կարող է զարգանալ առանց արտահայտված ախտանշանների։

⸻

📌 Արգանդի միոման կանանց մոտ ամենահաճախ հանդիպող բարորակ գոյացություններից է։ Վաղ ախտորոշումն օգնում է խուսափել նման մեծ ծավալի գոյացություններից և բարդ վիրահատություններից։

12/03/2026

Ե՞րբ պետք է երեխային տանել դիմածնոտային վիրաբույժի մոտ։

Եթե երեխայի մոտ կա՝
✔️ դեմքի կամ ծնոտի վնասվածք
✔️ այտուց կամ ցավ ծնոտի շրջանում
✔️ կծվածքի խնդիր
✔️ ատամների սխալ աճ
✔️ ծնոտի ձևի փոփոխություն

Տեսանյութում մեր մասնագետը բացատրում է կարևոր նշանները, որոնց դեպքում պետք չէ սպասել։

👶 Երեխայի ճիշտ զարգացումը սկսվում է ժամանակին ախտորոշումից։

08/03/2026

🌷Հարգելի՛ կանայք,

«Գրիգոր Նարեկացի» բժշկական կենտրոնի ողջ թիմի և անձամբ իմ անունից ջերմորեն շնորհավորում եմ Ձեզ՝ Կանանց միջազգային օրվա կապակցությամբ։

Կինը կյանքի, սիրո և ուժի խորհրդանիշն է։ Դուք եք ընտանիքի ջերմության, հոգատարության և մարդկային բարության կրողը։ Հատկապես առողջապահության ոլորտում կանայք իրենց նվիրումով, մասնագիտական գիտելիքներով և մարդկային վերաբերմունքով ամեն օր կարևոր դեր են կատարում մարդկանց առողջության պահպանման գործում։
Մաղթում եմ Ձեզ առողջություն, երջանկություն, ներդաշնակություն և նոր հաջողություններ։
Թող Ձեր օրերը լի լինեն սիրով, ժպիտներով և գնահատանքով։

Սիրով՝
«Գրիգոր Նարեկացի» բժշկական կենտրոնի տնօրեն
Լևոն Գրիգորյան:

03/03/2026

👩‍⚕️Սիրով ներկայացնում ենք «Գրիգոր Նարեկացի» բժշկական կենտրոնի բժիշկ–սոնոգրաֆիստ Լիլիթ Դոլինյանին, ով տարիներ շարունակ իր մասնագիտական գիտելիքներն ու փորձը ծառայեցնում է բուժառուների առողջությանը։

🎓 Կրթություն և մասնագիտական ուղի

✅ 1991–1996 թթ. սովորել է Մխիթար Հերացու անվան Երևանի պետական բժշկական համալսարան-ում
✅ 1997–1999 թթ. վերապատրաստվել է որպես ճառագայթաբան
✅ 1999 թվականից մինչ օրս աշխատում է «Գրիգոր Նարեկացի» բժշկական կենտրոնում որպես բժիշկ–սոնոգրաֆիստ

📚 Մասնագիտական գործունեության ընթացքում մասնակցել է բազմաթիվ վերապատրաստումների և շարունակական կրթական ծրագրերի՝ մշտապես կատարելագործելով իր գիտելիքներն ու հմտությունները։

🏅 Գնահատանք և ճանաչում

Անցած տարի Երևանի քաղաքապետի կողմից արժանացել է շնորհակալագրի՝ բնակչության բուժօգնության և բուժսպասարկման բնագավառում ունեցած ձեռքբերումների և բարեխիղճ գործունեության համար։

✨ Լիլիթ Դոլինյանը համադրում է փորձառությունը, ուշադրությունը մանրուքներին և հոգատար վերաբերմունքը յուրաքանչյուր բուժառուի նկատմամբ։

📍 Ձեր առողջության վստահելի գործընկերը՝ «Գրիգոր Նարեկացի» բժշկական կենտրոնում։

02/03/2026

Կյանքի որակը բարձրացնող նորարարական վիրահատություն Հայաստանում

Մեր կենտրոնում իրականացվել է ստամոքսի բարձր տեղակայման քաղցկեղի կապակցությամբ բարդ և կարևոր վիրահատություն՝

🔬 Ստամոքսի պրոքսիմալ սուբտոտալ մասնահատում
🔁 Մարսողության ուղու վերականգնում ժամանակակից Double Tract մեթոդով

📍 Մեր ունեցած տվյալներով՝ այս մեթոդը առաջին անգամ է կիրառվել Հայաստանում։

⸻

Ի՞նչ է առանձնացնում Double Tract մեթոդը

✔ Ստեղծվում է սննդի անցման երկու ճանապարհ
• Պահպանված ստամոքսի հատվածով և տասներկումատյա աղիքով
• Կերակրափողից՝ անմիջապես բարակ աղիք

✔ Չի առաջանում Դեմպինգ սինդրոմ
✔ Կանխվում է հետվիրահատական ռեֆլյուքսը
✔ Նվազում է հետվիրահատական քաշի կորուստը
✔ Ապահովվում է արագ վերականգնում

🎯 Արդյունքում՝ պացիենտի կյանքի որակը զգալիորեն բարձրանում է։

Վիրահատության ընթացքում կատարվել է նաև
• Ռեգիոնար D2 լիմֆոդիսեկցիա
• Մեծ ճարպոնի հեռացում
ինչը ապահովել է վիրահատության ռադիկալիզմը։

📍«Գրիգոր Նարեկացի» բժշկական կենտրոն