Բժ. Միհրան Մարտիրոսյան Dr. Mihran Martirosyan

05/07/2025

- Տատիկ, քանի՞ տարեկան եք
- 86
- Ձեր ռիթմավար սարքը 14 տարի կաշխատի... հետո կփոխենք...
- 14 տարի՞
- 14 տարի
- 100 տարեկանու՞մ
- 100 տարեկանում
- լավ, ոնց ասես բժիշկ, կհանդիպենք 100-ում...

21/06/2025

Սիրելի՛ բուժաշխատողներ,

Խորին հարգանքով ու երախտագիտությամբ շնորհավորում եմ ձեզ Բուժաշխատողի օրվա կապակցությամբ:

Որպես բժիշկ՝ ես ամեն օր ականատես եմ լինում այն նվիրումին, հոգատարությանը և ուժին, որով դուք կատարում եք ձեր գործը։ Ձեր անդադար ջանքերն ու սրտացավությունը մեծագույն արժեք են մեր հասարակության համար։ Թող այս օրը լինի ոչ միայն շնորհավորանքի, այլև խորին գնահատանքի արտահայտություն ձեր անգնահատելի աշխատանքի համար։

Մաղթում եմ բոլորիս ուժ, անկոտրում հավատ, առողջություն և խաղաղություն՝ մեր հոգում, թիմերում ու երկրում։

Շնորհավո՜ր տոնդ, սիրելի՛ գործընկեր։

23/05/2025

Հարգելի ընկերներ, սիրելի ընթերցողներ,

Ի՞նչ հարցի քննարկմանը նվիրենք հաջորդ շաբաթը։ Ինձ հետաքրքիր է իմանալ՝ ինչն է ձեզ ամենաշատը մտահոգում և/կամ հետաքրքրում։ Գրեք ձեր հարցերը մեկնաբանություններում, և օրվա վերջում կընտրեմ մեկը, որի շուրջ կկենտրոնանանք ամբողջ շաբաթ՝ անդրադառնալով նաև թեմային առնչվող բոլոր ենթահարցերին։

Հարգանքով՝
բժ. Մարտիրոսյան

23/05/2025

Սիրելի շրջանավարտներ,

Այսօր հնչում է ձեր դպրոցական կյանքի վերջին զանգը՝ միաժամանակ ազդարարելով ձեր կյանքի մի գեղեցիկ փուլի ավարտը և բոլորովին նոր, մեծ ու անհայտ ճանապարհի սկիզբը։ Թող այս օրը մշտապես հիշվի որպես ջերմությամբ լի մի վայրկյան, երբ դուք հրաժեշտ եք տալիս մանկությանն ու դիմավորում՝ երազանքներով լի ապագան։

Ցանկանում եմ, որ ձեր ճանապարհը լի լինի նորանոր բացահայտումներով, մեծ նպատակներով ու դրանց իրագործման վճռականությամբ։ Թող ամեն քայլ ուղեկցվի հավատով, ուժով ու իմաստությամբ։ Ձեր հաջողությունների գրավականը և հետագա հաղթանակների բանալին ձեր կրթությունն է: Հպարտացրեք ձեր ծնողներին, ուսուցիչներին և առաջին հերթին ինքներդ ձեզ՝ իրականացնելով ամենահամարձակ երազանքները: Հիշեք, ձեր երազանքը դառնում է նպատակ, երբ ինքներդ սահմանում եք
իրականացնելու օրը:

Շնորհավոր վերջին զանգը՝ ձեր կյանքի նոր սկզբի ամենալավ ազդարարը։

22/05/2025

20/05/2025

Հետաքրքիր զրույց ունեցանք սրտային հանկարծամահության կանխարգելման մասին:

10/04/2025

80 տարեկան պապիկ է դիմել այցի, ով ունի բազմաթիվ առողջական խնդիրներ և մեկ տարի առաջ տեղադրված ռիթմավար սարք: Հարազատները գատնգատվում են, որ պապիկը սկսել է ծխել:
- է թող ծխի, ինչու՞մն է հարցը
-- ծխելը վնասակար է
- ինչքա՞ն է ծխում
-- մեկ տուփ
- պապիկ, կարո՞ղ ես պակասացնել մինչև կես տուփ
-- ոչ
- իսկ ալկոհոլ օգտագործո՞ւմ ես
-- չէ, չեն թողնում
- ի՞նչ ես սիրում, կոնյա՞կ, օղի՞
-- չէ, ինչ կոնյակ, սովորական օղի
- լավ, պայմանավորվում ենք, ծխում ես օրական հինգ հատիկ և մեկ բաժակ օղի, կարո՞ղ ես էդպես
-- իհարկե

24/03/2025

Զարկերակային գերճնշման բուժման արդի մոտեցումները այսօր քննարկեցինք Գյումրիի բժիշկների հետ

08/03/2025

Սիրելի՛ կանայք և աղջիկներ,

Սրտանց շնորհավորում եմ Ձեզ Կանանց միջազգային օրվա կապակցությամբ: Ցանկանում եմ Ձեզ առողջություն և մեծ երջանկություն: Թող որ գարնանային այս գեղեցիկ օրը անսահման ջերմություն, սեր ու խնդություն բերի Ձեզ և Ձեր ընտանիքներին:

Բժ. Մարտիրոսյան

04/03/2025

Հետաքրքիր հանդիպում ունեցանք Կապանի ԲԿ բժիշկների հետ

03/03/2025

04.03-ին Կապանի Բժշկական Կենտրոնում հանդես կգամ դասախոսությամբ նվիրված զարկերակային գերճնշման բուժման ժամանակակից մոտեցումներին և կարդիովերտեր դեֆիբրիլյատորի աշխատանքի առանձնահատկություններին: