Dr. Artur Avetisyan-Անոթային վիրաբույժ

11/07/2025

Микросклеротерапия

04/07/2025

Լիմֆեդեման (լիմֆոստազ)՝ վերջույթների այտուցն է, որը պայմանավորված է ավշային արտահոսխի խանգարմամբ։
Լիմֆեդեման լինում է առաջնային (հիմնականում գենետիկ պատճառներով) և երկրորդային (ձեռքբերովի՝ տարբեր արտաքին գործոնների ազդեցությամբ)։
🔹 Առաջնային լիմֆեդեման՝ ընդամենը 5–10%։
🔹 Երկրորդային լիմֆեդեման կազմում է բոլոր դեպքերի, շուրջ 90–95%
📌 Երկրորդային լիմֆեդեմայի հիմնական պատճառներն են՝
• Քաղցկեղ և իր հետ կապված վիրահատական կամ ճառագայթային բուժում
• Վարիկոզ և հետթրոմբոտիկ հիվանդություն (խրոնիկ երակային անբավարարություն)
• վնասվածքներ կամ վարակներ
Հետազոտությունները ցույց են տվել, որ խրոնիկական երակային անբավարարությունը (վարիկոզ և հետթրոմբոտիկ հիվանդություն) կազմում է երկրորդային լիմֆեդեմայի բոլոր դեպքերի մոտ 40-42%:
Այսպիսով՝
• ժամանակին բուժելով վարիկոզ հիվանդությունը հնարավոր է զգալի նվազացնել լիմֆեդեմայի զարգացման ռիսկը։
• Լիմֆեդեմա (լիմֆոստազ) ունեցող պացիենտների մոտ պետք է ժխտել կամ հաստատել վարիկոզ հիվանդության առկայությունը դուպլեքս հետազոտության միջոցով։
#լիմֆոստազ #լիմֆեդեմա #ոտքերիայտուց #лимфостаз

18/06/2025

Արդեն 6 տարի է ինչ Հայաստանում հաջողությամբ կիրառվում է վարիկոզ հիվանդության բուժման նորարարական մեթոդ՝ սոսնձային օբլիտերացիան❗️Պետք է արձանագրել, որ իր կիրառման հարմարավետությամբ, արագությամբ և հիվանդների բավարարվածության աստիճանով , տվյալ մեթոդը գերազանցում է վարիկոզ հիվանդության վիրահատական բոլոր այլ մեթոդներին, չզիջելով իր արդյունավետությամբ:
📢 Միջամտություններից առաջ խորհրդատվության գրանցվելու համար զանգահարել ☎️ +374 91387506 (Viber, Watsapp) համարով, կամ ուղարկել հաղորդագրություն📲
➡️Վլ. Ավագյան բժշկական կենտրոն, Մոսկովյան 15
➡️Ավանտա նորարարական կլինիկա, Հերացի 1/1
#клееваяоблитерация #սոսնձայինօբլիտերացիա

14/06/2025

❗Վարիկոզ հիվանդության բուժման նորագույն մեթոդ՝ սոսնձային օբլիտերացիա (բիոսոսնձում)։
Տվյալ մեթոդը ունի բազմաթիվ առավելություններ🆕
🔹Արդյունավետ և անվտանգ մեթոդ է
🔹Արագ և հարմարավետ հիվանդի համար
🔹Կատարվում է առանց կտրվածքների, հետևաբար սպիներ չեն մնում
🔹 Անցավ մեթոդ է (հնարավոր է կատարել նույնիսկ առանց ցավազրկման)
🔹Անհրաժեշտ չէ կրել էլաստիկ զուգագուլպաներ միջամտությունից հետո (արդիական է ամռան շոգ ամիսներին)
🔹Պացիենտը միջամտությունից անմիջապես հետո լքում է կլինիկան և կարող է զբաղվել առօրյա գործերով։

📖 Հիվանդ ցողունային երակը փոքր ասեղի անցքից անցկացրած հատուկ կաթետերի օգնությամբ կայուն փակվում է բիոպոլիմերային սոսնձով։ Ի տարբերություն ջերմային մեթոդների (Լազեր, ռադիոհաճախային աբլացիա), որոնց դեպքում երակը այրվում է ներսից, և առանց հատուկ ցավազրկման (տումեսցենտային անեսթեզիա) կարող են վնասվել շրջակա հյուսվածքները և նյարդերը, բիոսոսնձումը ուղղակի պահանջում է թեթևակի ձեռքային սեղմում երակի ուղղությամբ սոսինձը արտազատելուն զուգընթաց՝ երակի պատերը իրար "կպցնելու" նպատակով։

🎬 Զարմանալի չէ, որ սոսնձային օբլիտերացիան վարիկոզի բուժման բոլոր նոր մեթոդներից ամենահարմարավետն է և անցավ❗

🎤Միջամտություններից առաջ խորհրդատվության գրանցվելու համար զանգահարել 📞 +374 91387506 համարով կամ ուղարկել անհատական նամակ։
➡️Վլ. Ավագյան բժշկական կենտրոն, Մոսկովյան 15
➡️Ավանտա նորարարական կլինիկա, Հերացի 1/1
#բիոսոսինձ #վարիկոզինորագույնբուժում #клееваяоблитерация

29/05/2025

Արդյունք լազերային միջամտությունից 9 ամիս անց։ Դժվար է գտնել վարիկոզ հիվանդության կամ կատարված միջամտության որևէ հետք💎

24/05/2025

19/05/2025

Վարիկոզ հիվանդության ուշ փուլերում բավական հաճախ զարգանում է սրունքի շրջանում մաշկի ալլերգիկ դերմատիտ, որը ուղեկցվում է ցավով և քորով։ Լազերային վիրահատության շնորհիվ հնարավոր է բավական արդյունավետ վերացնել ինչպես հիվանդ երակները, այնպես էլ վերոնշյալ գանգատները։ Նկարում ներկայացված է արդունք միջամտությունից 6 ամիս անց։

29/04/2025

Պերիֆերիկ զարկերակների վրա իրականացվող էնդովասկուլյար միջամտությունները (բալոնային դիլատացիա, ստենտավորում, ստենտ-գրաֆտ, դեղապատ բալոններ/ստենտեր) ցածր տրավմատիզմի և բարձր արդյունավետության շնորհիվ ամբողջ աշխարհում համարվում են ընտրության միջոց զարկերակային աթերոսկլերոտիկ ախտահարումների բուժման համար: Բաց վիրահատությունները ավելի հաճախ իրականացվում են այն դեպքերում երբ տեխնիկական պատճառներով չի հաջողվել կատարել էնդովասկուլյար միջամտությունները: Վլադիմիր Ավագյանի անվան բժշկական կենտրոնում են հիմնադրվել ևզարգացել Հայաստանում ներկայումս իրականացվող նորագույն էնդովասկուլյար մեթոդների զգալի մասը:

09/04/2025

Ոչ ցողունային վարիկոզին բնորոշ է լայնացած երակների տեղակայումը առավելապես ազդրի և սրունքի հետին-կողմնային մակերեսին և ծնկափոսային շրջանում։ Հիվանդության վաղ փուլերում, երբ ռետիկուլյար երակների տրամագիծը մեծ չէ, տվյալ խնդիրը բավականին հեշտ կարելի է շտկել սկլերոթերապիայի (սկլերոզանտի ներարկում) միջոցով։ Տարիների ընթացքում տվյալ տեսակի երակները կարող են հասնել բավական մեծ չափերի, և այդ դեպքերում վիրահատությունը դառնում է անխուսափելի։ Առաջին նկարում պացիենտը դիմել է ժամանակին և խնդիրը շտկվել է սկլերոթերապիայի օգնությամբ։ 2 և 3 դեպքերում կատարվել է վիրահատական բուժում, քանի որ վարիկոզը բավականին ուշացված փուլում էր։

03/04/2025

Զարկերակային պաթոլոգիայի ժամանակ կիրառվող ստենտերը հնարավորություն են տալիս բացել զարկերակների նեղացած կամ խցանված հատվածները ներսից՝ վերականգնելով անոթի լուսանցքով արյան հոսքը։
Պացիենտները հաճախ հարցնում են, թե ինչքա՛ն ժամանակ են աշխատում ստենտերը։ Ստենտի տեսակից և խցանման տարածվածությունից կախված 1 տարվա ընթացում 80-90% դեպքերում ստենտավորված հատվածները մնում են անցանելի։ 5 տարվա կտրվածքով ստենտերի մոտ 60% մնում է անցանելի, իսկ 40% աթերոսկլերոզի պրոգրեսսիայի պատճառով նեղանում կամ փակվում են։ Պետք է հասկանալ որ զարկերակները նեղացնող աթերոսկլերոզը խրոնիկ պրոցես է և զարկերակների վրա իրականացված ոչ մի վիրահատական միջամտություն չի կարող ապահովել հավերժ արդյունք։

06/01/2025

Ստորին վերջույթների այտուցների պատճառները բազմաթիվ են և վարիկոզ հիվանդությունը համարվում է այտուցների ամենահաճախ հանդիպող պատճառը։ Վարիկոզ հիվանդության ժամանակ, այտուցների առաջացման սկզբնական փուլերում, հնարավոր է ազատվել տվյալ այտուցներից` բուժելով վարիկոզ հիվանդությունը։ Սակայն, երկար ժամանակ պահպանվող այտուցները, բերում են ավշային համակարգի գերծանրաբեռնման և զարգանում է կայուն երկրորդային լիմֆոստազ (Ֆլեբոլիմֆեդեմա): Այդպիսի այտուցները անդարձելի են և չեն վերանում նույնիսկ վարիկոզ հիվանդության վիրահատական բուժումից հետո։

15/12/2024

Ուլտրաձայնային դուպլեքս հետազոտությունը համարվում է “ոսկե” ստանդարատ ստորին վերջույթների երակային հիվանդությունների ախտորոշման համար: Տվյալ հետազոտությունը թույլ է տալիս, ոչ միայն պատկերացում կազմել երակների անատոմիական առանձնահատկությունների (տեղակայում, տրամագիծ, անցանելիություն) մասին, այլ նաև տրամադրում է կարևոր ինֆորմացիա երակների ֆունկցիոնալ վիճակի մասին (փականների աշխատանք): Հետազոտությունը կատարվում է կանգնած դիրքում, որովհետև միայն կանգնած կարելի է լիարժեք գնահատել երակային հետհոսքի (ռեֆլյուքսի) առկայությունը, որը շատ կարևոր է բուժման տակտիկայի ընտրության համար։
#դուպլեքս #дуплексноесканирование