10/09/2025
Դաստակային թունելի համախտանիշ կամ կարպալ թունելի սինդրոմ
Հաճախ մարդիկ գանգատվում են դաստակի ցավերից, ձեռքի թուլությունից (ձեռքից առարկաները կարծես «վայր են ընկնում»), ափի շրջանի ու I-III մատների ծակծկոցներից ու #թմրածությունից։ Տիպիկ գանգատը ձեռքում ցավի սաստկացումն է, #ծակծկոցները և ծանրության զգացումը հատկապես գիշերային ժամերին, որոնք ստիպում են հիվանդին արթնանալ, ձեռքն իջեցնել, թափահարել ու մատներն ինտենսիվորեն ծալել-տարածել։ Աշխատանքի ժամանակ, հատկապես, եթե այն պահանջում է ճաճանչ-դաստակային հոդի կրկնվող շարժումներ, ախտանիշները սովորաբար սաստկանում են։ Ոչ հազվագյուտ դիտվում է ցավի ճառագայթում դեպի բազկի, ուսագոտու շրջան։
Ըստ զարգացման շրջանների ախտանիշներն ի հայտ են գալիս հետևյալ կերպ.
1. Վաղ շրջան.
✅գիշերային ցավեր,
✅ծակծկոցներ (պարէսթեզիա) I-III մատներում,
դիրքային թմրածություն։
2. Միջին շրջան.
✅թուլություն,
✅ուռածության զգացում։
3. Ուշ շրջան.
✅զգացողության թուլացում,
✅I-III մատների մաշկի քրտնարտադրության (սուդոմոտոր) փոփոխություններ և մատնահետքերի հարթեցում,
✅թենարի ապաճում (ատրոֆիա),
✅բթամատի կարևոր շարժումների կորուստ,
✅I միջմատնային տարածության նեղացում։
Դաստակի «թունելային» համախտանիշի զարգացման ռիսկի գործոներն են.
✅թունելի փոքր և նեղ չափսերը, որոնք սովորաբար, նկատվում են կանանց մոտ, և ունեն ժառանգական բնույթ,
✅ դաստակի վնասվածք,
✅շաքարային դիաբետ
✅հղիություն
✅ռևմատոիդ արթրիտ
✅ճարպակալում
✅հիպոթիրեոզ
✅ձեռքի դաստակի/ձեռքի թաթի կրկնվող շարժումներ:
🧐Դաստակային թունելի համախտանիշով տառապող հայտնիներ են՝
⚜Արքայազն Ֆիլիպ
⚜Մայք Դյորնտ
_________________________________________________
#դաստակայինթունելիհամախտանիշ #կարպալթունելիհամախտանիշ #դաստակ #ձեռք #առողջբլոգ
www.aroxjblog.am
