16/07/2025
🔵Ինչպես նախկինում արդեն պատմել ենք, հունիսին ավարտվեց MHS-ի ստաժավորման ծրագիրը, որի արդյունքում մեր կազմը համալրել են 7 երիտասարդ ու խոստումնալից մասնագետներ։
🟢Դրանցից մեկն է մեր այցելուներին լավ ծանոթ, կենտրոնի համակարգող
📎Իրինա Բարթիկյանը, ով, ավարտելով իր ակադեմիական կրթությունը և անցնելով մի շարք թրեյնինգներ, արդեն սկսել է աշխատել այցելուների հետ։ Մյուսներն են
📎Մարիա Հովսեփյանը,
📎Քրիստինա Գաբրիելյանը,
📎Կարինե Խուդավերդյանը և
📎Վահրամ Ղազարյանը
Նրանք նույնպես, բացի ակադեմիական կրթությունից, անցել են բազմաթիվ թրեյնինգներ, վերապատրաստումներ, և պատրաստ են աշխատել մի շարք խնդիրների հետ։
Վաղվանից ամեն մեկի մասին կպատմենք ավելի մանրամասն, իսկ մինչ այդ կարող եք ծանոթանալ իրենց հետ մեր կայքում՝
🔗https://www.mhs.am/team
👩🎓👨🎓Սկսնակ հոգեթերապևտի անցումը գործնական աշխատանքին՝ մեծ ուշադրություն և նրբանկատություն պահանջող գործընթաց է, որը մշտապես գտնվում է մեր առաջատար մասնագետների հսկողության տակ։ Յուրաքանչյուր դեպք մանրակրիտ վերլուծվում է, որպեսզի համոզվենք, որ մասնագետն ունի առկա վիճակի հետ աշխատելու համար անհրաժեշտ հմտությունները։ Կենտրոնի կողմից կազմակերպվում են ինտերվիզիաներ (մասնագիտական քննարկումներ), յուրաքանչյուր մասնագետ նաև անցնում է անհատական սուպերվիզիա, ինչը օգնում է ավելի արդյունավետ կազմակերպել աշխատանքը և խուսափել սխալներից։
💚Այցելուների համար սա հնարավորություն է մատչելի պայմաններով այցելել բարձրակարգ մասնագետի, ով ունի թարմ գիտելիքներ, մեծ հետաքրքրասիրություն ու այցելուին օգնելու հսկայական մոտիվացիա։ Այցելուների փոքր թիվը, մասնագիտական այրման բացայայությունը և մարտահրավերներ ընդունելու ցանկությունը դարձնում են երիտասարդ մասնագետի հետ թերապևտիկ պրոցեսը հետաքրքիր և արդյունավետ։
👩🎓Բացի այդ, ունենք ևս երկու երիտասարդ մասնագետ՝ Մարիա Նավասարդյանը և Լիլիթ Եգանյանը, ովքեր նույնպես հանդիսանում են դիպլոմավորված հոգեբաններ, սակայն դեռ գտնվում են պրակտիկանտի կարգավիճակում և իրենց նախապատրաստական ծրագրի շրջանակներում կաշխատեն յուրաքանչյուրը հինգական այցելուի հետ սուպերվիզորի հսկողությամբ սիմվոլիկ վճարով (2 000 դրամ)։ Այս հնարավորությունից կարող են օգտվել բոլոր այն մարդիկ, ովքեր զգում են հոգեբանի կարիք, սակայն ի վիճակի չեն վճարել շարունակական այցերի համար։ Ինչպես և արդեն լիարժեք խորհրդատվություն իրականացնող մասնագետների դեպքում, այս պրոցեսը նույնպես կատարվում է ավագ գործընկերների հսկողության տակ՝ նպաստելով աշխատանքի արդյունավետությանը և ապահովությանը։
🎉Այնպես որ, ծանոթացեք մեր նորեկների հետ և բաց մի թողեք այս հարմար պահը դիմելու խորհրդատվության։
