Փնտրում եմ երիտասարդ վիրաբույժի մեր թիմում (գլխի և պարանոցի օնկովիրաբուժության ծառայություն) մշտական աշխատանքի համար։
Աշխատանքային գրաֆիկը` երկուշաբթի֊ ուրբաթ 9։00֊18։00։
Պարտադիր պայմաններ`
֊ մասնագիտացումը ուռուցքաբանի, ԴԾՎ (բուժ.ֆակ) կամ ԼՕՌ
֊ հայերեն, ռուսերեն և անգլերեն լեզուների իմացություն
֊ համակարգչով վարժ աշխատել
֊ պատասխանատվության բարձր զգացում
֊ թիմային աշխատանքի ունակություն
Հարցերի համար զանգահարեք 094֊13֊11֊33 երկուշաբթի֊ուրբաթ 9։00֊18։00
Անպայման CV-ն ուղարկել headneck@list.ru.
#գործկա
25/11/2025
Վահանաձև գեղձի պապիլյար քաղցկեղի տարածված տեսակ` պարանոցի ավշային հանգույցների ախտահարումով։
Բոլոր բուժառուների հետ մանրամասն քննարկում ենք բուժման ընթացքը, բացատրում վիրահատության ծավալը և հետագա անելիքները։
____
Մանրամասների համար զանգահարեք՝
Հարգելի այցելուներ,
Սիրով տեղեկացնում ենք, որ ուրբաթ օրը՝ հոկտեմբերի 31-ին, ժամը 11:00-16:00,
Էջմիածնի Բժշկական Կենտրոնում կիրականացվի վահանաձև գեղձի ԱՆՎՃԱՐ բուժզննում՝
«Նաիրի» Բժշկական Կենտրոնի առաջատար մասնագետի կողմից։
👨⚕️ Արամ Գրիգորի Բադալյան
բ.գ.թ., ուռուցքաբան, էնդոկրին և դիմածնոտային վիրաբույժ,
գլխի և պարանոցի վիրաբուժության ծառայության ղեկավար
📞 Այցելության համար անհրաժեշտ է նախապես գրանցվել՝
զանգահարելով հետևյալ հեռախոսահամարով՝
023 15 33 10
29/09/2025
Սեմինար նվիրված Գլխի և պարանոցի քաղցկեղի իրազեկմանը։ Խոսեցինք մարդու պապիլոմավիրուսի մասին (HPV), նրա կապը քաղցկեղի հետ, ինչպես է զարգանում վարակը և իհարկես, ինչպես կանխարգելել նրա տարածումը։
_________
Be the first to know and let us send you an email when Dr. Aram Badalyan posts news and promotions. Your email address will not be used for any other purpose, and you can unsubscribe at any time.
Գլխի և պարանոցի վիրաբուժություն
Ծառայության ղեկավար բ.գ.թ. Արամ Գրիգորի Բադալյան
Գլխի և պարանոցի վիրաբուժության ծառայությունը գործում է 2015 թվականից: Կլինիկայի գիտական և գործնական գործունեության հիմնական ուղղություններն են ախտորոշման մեթոդների օպտիմալացումը և այս շրջանի պաթոլոգիաների բուժման համալիր մոտեցումը: Ծառայությունը մատուցում է գլխի և պարանոցի վիրաբուժական միջամտությունների լայն շրջանակ, մասնավորապես` գլխի և պարանոցի օնկովիրաբուժություն, վահանաձև գեղձի վիրաբուժություն, գլխի և պարանոցի վերականգնողական վիրաբուժություն, դիմածնոտային վիրաբուժություն և վնասվածքաբանություն:
Այս պահին մեր կլինիկան Հայաստանում միակ վիրաբուժական ստորաբաժանումն է, որն իրականացնում է գլխի և պարանոցի ուռուցքների բոլոր տեսակի բաց վիրահատությունները:
Բուժումը կատարվում է ըստ միջազգային սկզբունքների և չարորակ ուռուցք ունեցող հիվանդների վարման և բուժման գործելակերպերի (NCCN, ASCO, ESMO): Անհրաժեշտության դեպքում բարդ իրավիճակները քննարկվում են Հայաստանի և արտերկրի առաջատար ուռուցքաբանների կոնսիլիումներում (tumor board): Ակտիվ վիրաբուժական միջամտություններ իրականացվում են հետևյալ պաթոլոգիաների ժամանակ՝
գլխի և պարանոցի մաշկի նորագոյացություններ
վահանաձև գեղձի նորագոյացություններ
թքագեղձերի նորագոյացություններ
բերանի խոռոչի լորձաթաղանթի նորագոյացություններ
քթի խոռոչի լորձաթաղանթի և հարքթային խոռոչների նորագոյացություններ
լեզվի տարբեր հատվածների նորագոյացություններ
վերին և ստորին ծնոտների նորագոյացություններ
ստորին և վերին շրթունքների նորագոյացություններ
ըմպանի տարբեր հատվածների նորագոյացություններ
կոկորդի նորգոյացություններ
պարանոցի արտաօրգանային նորագոյացություններ, այդ թվում` պարանոցի ավշահանգույցների երկրորդային ախտահարում
