Սրտաբանության ԳՀԻ Ինտերվենցիոն սրտաբանության և կլինիկական էլեկտրաֆիզիոլոգիայի բաժանմունքը համալրված է բոլոր տեսակի նորագույն սարքավորումներով, որոնք անհրաժեշտ են սրտի ռիթմի տարբեր խանգարումների ախտորոշման, ինչպես նաև ինտերվենցիոն և դեղորայքային բուժման համար:
Բաժանմունքում իրականացվում են բոլոր տեսակի էլեկտրասրտախթանիչների (Pacemaker), այդ թվում նաև կարդիովերտեր-դեֆիբրիլյատորների (ICD) և սրտի ռեսիխրոնիզացիոն թերապիայի սարքերի (CRT) տեղադրում: Վերջինս նախատեսված է արտահայտված սրտային անբավարարության արդյունավետ բուժման համար, իսկ կարդիովերտեր-դեֆիբրիլյատորների տեղադրումը հանդիսանում է հանկարծակի սրտային մահվան կանխարգելման ու բուժման միակ և արդյունավետ մեթոդ: Բաժանմունքում տեղադրվում են միայն վերջին սերնդի սրտի ռիթմը վերականգող սարքեր, որոնց միջին աշխատանքային տևողությունը գերազանցում է 10 տարին:
2011թ. – ից Դանիայի Աալբոռգի համալսարանի պրոֆֆեսոր Սամ Ռիահիի օգնությամբ իրականացվում է ԷՖ հետազոտություն և ՌՀ աբլացիա: Ինչը մեզ թույլ տվեց հաջողությամբ բուժել՝ վերփորոքային պարոքսիզմալ տախիկարդիա ԱՎ հանգույցային ռեցիպրոկ տաղիկարդիա (AVNRT), ԱՎ ռեցիպրոկ տախիկարդիա (WPW, Ջեյմս, Մահայմ), նախասրտերի թրթռում, նախասրտային էկտոպիկ տախիկարդիա, փորոքային տախիկարդիա և էքստրասիստոլիա:
Բաժանմունքում իրականացվում են նաև կորոնարոգրաֆիա և ստենտավորոմ միայն վերջին սերնդի Եվրոպական սրտաբանների ասոցիացիայի (ESC) կողմից ընդունված ստենտներով:
