25/02/2026
📣 Աստղիկ բկ-ում անձինք նույնպես կարող են սպասարկվել առողջության համընդհանուր ապահովագրության շրջանակներում
Ստորև ներկայացնում ենք բուժառուների կողմից հաճախ տրվող հարցերը և պատասխանները 👇
1) Որո՞նք են այն քայլերը, որոնցով անձը պետք է անցնի՝ բուժկենտրոնում համապատասխան հետազոտությունը կամ միջամտությունը ապահովագրությամբ անցնելու համար:
- Սկզբում անձը պետք է հերթագրվի իր ընտանեկան բժշկի կամ թերապևտի մոտ այցելելու համար, որից հետո, ելնելով գործելակարգերից, բժիշկը կկազմակերպի անձի խորհրդատվությունները, ախտորոշիչ հետազոտությունները և բուժումը։
2) Ինչպե՞ս է կազմակերպվում նեղ մասնագետի մոտ ուղեգրումը:
- Քայլերի հաջորդականությունը հետևյալն է՝ Այց ամրագրել սպասարկող պոլիկլինիկայի առողջության առաջնային պահպանման բժշկի (թերապևտի կամ ընտանեկան բժշկի) մոտ, նշանակված ժամին անցնել նախնական զննություն։ Թերապևտը կարող է նշանակել հետազոտություններ, դուրս գրել դեղատոմս կամ ուղեգրել նեղ մասնագետի մոտ (ապահովագրության փաթեթի սահմաններում): Ստացած ուղեգրով մոտենալ ծրագրի հետ համագործակցող ցանկացած նեղ մասնագետի։ Մասնագետների և հաստատությունների ցանկին կարող եք ծանոթանալ ԱՐՄԵԴ հավելվածում կամ https://www.uhif.am/am/hospitals կայքէջում:
3) Ո՞վ կարող է օգտվել համընդհանուր բժշկական ապահովագրությունից Աստղիկ ԲԿ-ում
- Համընդհանուր բժշկական ապահովագրությունից կարող են օգտվել այն անձինք, ովքեր ընդգրկված են պետական ծրագրում և ունեն համապատասխան իրավունքներ՝ ըստ գործող կարգավորումների։ Մասնավորապես, 65 և ավելի բարձր տարիքի անձինք կարող են բուժում անցնել ապահովագրության շրջանակում՝ սահմանված ընթացակարգով։
4) Որտե՞ղ կարելի է ծանոթանալ ապահովագրության փաթեթում ներառված հիվանդությունների, ախտորոշումների, սքրինինգների և դեղերի ամբողջական ցանկերին։
- Ապահովագրության փաթեթում ներառված հիվանդությունների, ախտորոշումների, սքրինինգների, ինչպես նաև դեղերի ցանկերը հասանելի են «Արմեդ» հավելվածում, Առողջապահության նախարարության և Հիմնադրամի պաշտոնական կայքերում:
5) Արդյո՞ք ապահովագրությամբ բուժում ստանալը երկար ժամանակ է պահանջում
- Ապահովագրությամբ բուժում ստանալու գործընթացը կազմակերպվում է հնարավորինս օպերատիվ։ Ուղեգրի և անհրաժեշտ փաստաթղթերի առկայության դեպքում բուժման կամ հետազոտության կազմակերպումը իրականացվում է սահմանված ժամկետներում՝ առանց ավելորդ ձգձգումների:
🔗 Նյութի աղբյուրը՝ moh.am
