Իզմիրլյան բժշկական կենտրոն Izmirlian Medical Center

04/03/2026

Եթե երկար ժամանակ չեք այցելել գինեկոլոգի, հիշեցնում ենք, որ հիվանդության կանխարգելումն ավելի հեշտ է, քան բուժումը։
Նույնիսկ եթե որևէ մտահոգություն չունեք, կարևոր է տարին առնվազն մեկ անգամ այցելել գինեկոլոգի:

Կանխարգելիչ զննումն անհրաժեշտ է ոչ միայն հղիությունը պլանավորելիս, այլ հակաբեղմնավորիչ մեթոդ ընտրելիս կամ դաշտանադադարի ընթացքում հորմոնալ փոխարինող թերապիայի ժամանակ:
Գինեկոլոգիական զննումների նկատմամբ պատասխանատու մոտեցումը կօգնի պահպանել կանանց առողջությունը և հայտնաբերել վերարտադրողական համակարգի ցանկացած հիվանդություն վաղ փուլերում։

27/02/2026

👩Վերին և ստորին վերջույթների հիվանդությունների պատճառները բազմազան են՝ վնասվածքներ /կոտրվածքներ, կտրված վերքեր/, հղիություն, տարիքային փոփոխություններ /հորմոնալ դիսբալանս, հիպերտոնիկ հիվանդություններ, շաքարային դիաբետ/, մասնագիտական ծանրաբեռնվածություն, բուն նյարդի և այլ ուղեկցող հիվանդություններ։

Նյարդերի հիվանդություններին բնորոշ է գիշերային ցավը, թմրածությունը, մկանային ուժի պակասը, իսկ ավելի ուշ էտապում՝ հոդերի դեֆորմացիան։

Որքան վաղ դիմեք համապատասխան մասնագետի, այնքան քիչ կլինեն տանջանքները, իսկ նյարդը լիարժեք կվերականգնվի։

Շատ հաճախ կոնսերվատիվ բուժումը արդյունք չի տալիս, և անհրաժեշտ է լինում կատարել վիրաբուժական միջամտություն։

Թեման մանրամասնում է «Իզմիրլյան» ԲԿ-ի պլաստիկ և միկրովիրաբույժ Թեհմինե Ասատրյանը։

26/02/2026

👨‍⚕️2024թ․ նոյեմբերին «Իզմիրլյան» բժշկական կենտրոնը, Մայր Աթոռի հովանու ներքո, մեկ միլիոն ԱՄՆ դոլարի ներդրում կատարեց հայաստանյան առողջապահական ոլորտում և ձեռք է բերեց միզաքարային հիվանդության և ուրոլոգիական այլ հիվանդությունների բուժման տեխնոլոգիաներ՝ ինչպիսիք են Storz Medical-ը, Olympus-ը և Quanta Systems-ը:

Համակարգը կառավարվում է կենտրոնացված StorM-Touch հարթակի միջոցով և ունի կիզակետի չափերի ընտրման և հեռակառավարման հնարավորություն: Միզաքարային հիվանդությունների էնդեմիկ գոտում ապրող Հայաստանի բնակչության համար այս տեխնոլոգիան ապահովում է
միզաքարային հիվանդությունների ոչ ինվազիվ բուժում։

🏩Տեխնոլոգիաների ներդրումից գրեթե 1,5 տարի անց կատարված աշխատանքն է գնահատում Իզմիրլյան ԲԿ-ի Ուրոլոգիական բաժանմունքի վարիչ, պրոֆեսոր Արթուր Գրաբսկին։

24/02/2026

👩Իզմիրլյան ԲԿ-ում անցկացվեց գիտագործնական սեմինար խորագրով։

Քննարկվեցին վերջույթների նյարդերի վնասվածքների դիագնոստիկայի արդի մեթոդները, վիրաբուժական բուժման եղանակները բուժառուների օրինակով։
Զեկույցով հանդես եկան ոլորտի առաջատար մասնագետները։

✍Սեմինարին մասնակցում էին միկրովիրաբույժներ, վնասվածքաբաններ, ռադիոլոգներ, նյարդաբաններ, ռևմատոլոգներ, էնդոկրինոլոգներ և առաջնային բուժօգնության օղակի բժիշկներ։

20/02/2026

Փետրվարի 20-ը Ուրոգինեկոլոգիայի իրազեկման օրն է

Միֆեր պրոլապսի մասին

16/02/2026

Կոկորդի քաղցկեղը չարորակ հիվանդությունների շարքում ութերորդ ամենատարածված քաղցկեղն է և առաջինը՝ վերին շնչուղիների ուռուցքների շարքում: Այս հիվանդությունը հիմնականում հանդիպում է 40-60 տարեկան մարդկանց մոտ:

Տղամարդկանց մոտ կոկորդի քաղցկեղով հիվանդանալու հավանականութունը մեծ է մի քանի անգամ։

Ծխելը, ալկոհոլի չարաշահումը, արտանետվող գազերն ու աղտոտված օդը կարող են դառնալ կոկորդի քաղցկեղի պատճառ։

Թեմայի մասին մանրամասնում է «Իզմիրլյան»
ԲԿ-ի Քիթ-կոկորդ-ականջաբանության կլինիկայի ղեկավար Վարազդատ Ստեփանյանը։

Լուսանկարներ, տեսանյութեր կամ տեղեկություն ուղարկելու համար գործածեք մեր Տելեգրամ բոտը՝ https://t.me/abcmedia_official_botABC media-ի տեսանյութերն օգտագործել...

14/02/2026

Փետրվարի 14-ը սրտի արատների մասին իրազեկվածության միջազգային օրն է, որի նպատակն է լրացնել հանրության գիտելիքները սրտանոթային հիվանդությունների մասին։

13/02/2026

🏥«Իզմիրլյան» ԲԿ՝ նորագույն մեթոդներ և պրոֆեսիոնալ թիմ

11/02/2026

Փետրվարի 19-ին, ժամը 15:00-ին, Իզմիրլյան ԲԿ-ում տեղի կունենա գիտագործնական սեմինար «Վնասված պերիֆերիկ նյարդերի ժամանակակից դիագնոստիկայի և վիրաբուժական բուժման ակտուալ հարցերը»խորագրով։

Կքննարկվեն վերջույթների նյարդերի վնասվածքների դիագնոստիկայի արդի մեթոդները, վիրաբուժական բուժման եղանակները բուժառուների օրինակով։

Զեկույցով հանդես կգան ոլորտի առաջատար մասնագետները։

Սեմինարը նախատեսված է միկրովիրաբույժների, վնասվածքաբանների, ռադիոլոգների, նյարդաբանների, ռևմատոլոգների, էնդոկրինոլոգների և առաջնային բուժօգնության օղակի բժիշկների համար։

Սիրով կսպասենք բոլորին։

09/02/2026

💒Ինչ է երակների վարիկոզ լայնացումը։
Երբ է առաջանում, ինչպես է ախտորոշվում և ինչպես է բուժվում։

Երակների վարիկոզ լայնացման մասին է պատմում Իզմիրլյան ԲԿ-ի անոթային վիրաբույժ Սերոբ Անանիկյանը։

03/02/2026

Պրոլապս կամ արգանդի իջեցում. խնդիրը կարող է լուծել ուրոգինեկոլոգ Գոռ Շադյանը

31/01/2026

Քթի պոլիպները քթի և հարքթային խոռոչների լորձաթաղանթի բարորակ գոյացություններ են:

Դրանք քթի խոռոչի ամենատարածված ուռուցքներն են։ Այս վիճակի հիմնական ախտանիշներն են հոտառության նվազումը և քթի խցանումը: Պոլիպները չեն վերածվում չարորակ ուռուցքների, բայց կարող են շարունակել աճել և խանգարել շնչառությանը։

Պոլիպների առաջացումը կապված է քթի խոռոչի և հարքթային խոռոչների քրոնիկ բորբոքման հետ: Նշվում է, որ քթի պոլիպներով հիվանդների մոտ մեկ երրորդը ունի ալերգիայի որևէ ձև:

Քթի պոլիպների մասին զրուցել ենք Իզմիրլյան ԲԿ-ի քիթ-կոկորդ-ականջաբանության բաժանմունքի վարիչ Կարեն Սոկոլյանի հետ։

https://youtube.com/playlist?list=PLVpBsxt-UrOHKiKnreTR-mIErkwao_FNs&si=bzMvWeTr_vqwUOc9https://www.youtube.com/playlist?list=PLVpBsxt-UrOFaVFjLjRaYrFVguKu_k...