03/06/2025
Երկար սպասված հրաշքը իր 6 ամսականին եկել էր ինձ հյուր, որ միասին փչեինք իր տորթի մոմերը:
Դե ինչ, իր պատմությունը շատ երկար ու ձիգ պայքար էր, երկար սպասված հղիություն...
Մի օր մաման զանգեց whatsapp-իս ( ես միշտ կապի մեջ եմ եղել իր մամայի հետ, որովհետև շատ երկար ենք պայքարել այս հղիության համար) ես գտնվում էի արձակուրդում և այլ երկրում, այլ ժամային գոտում... շտապ վերցրեցի հեռախոսը... լսվում էր լաց` շատ ուժեղ, սրտանց ու շնչակտուր...
Դե մտածում ես, որ ուրեմն վիժում է սկսվել, արյուն կա և այլն
Փորձեցի հասկանալ, իսկ խնդիրն այն էր, որ սրտխառնոց այդ առավոտ չկար:
Իհարկե ես շունչ քաշեցի ու ասեցի, որ գնա գերձայնային հետազոտության... գնաց, սրտիկը կար, ամեն բան նորմալ էր... դա անլուրջ հարց էր, իհարկե դրանից հետո եղան շատ ու շատ մարտահրավերներ, բայց մենք հաղթահարեցինք և ծնվեցինք... իսկ հիմա արդեն 6 ամսական սիմպո տղա ենք💙
