Հոգեբան Սաթենիկ Մկրտչյան

15/11/2023

Երեխաներին վաղ տարիքից պետք է սովորեցնել, որ դուք մարդ եք, ում մոտ նա պետք է գա, եթե սխալ է արել, չգիտի ինչ անել կամ ինչ որ բան անհանգստացնում է 👌

Մենք` ծնողներս, երեխաներին ապահովության զգացողություն տվողներն ենք ու կարևոր է, որ իմանան՝ իրենց հետ ենք, ինչ էլ լինի ✨

Կարող ենք բարկանալ, տխրել, բայց միևնույնն է իրենց մենակ չենք թողնի ☀️

#հոգեբան #մանկականհոգեբան #ծնողավարություն

25/06/2023

Հիպերակտիվ երեխան կամակորություն է անում։
Ի՞նչ անել 🤔

📍 Շեղել նրան կամակորությունից․
Առաջարկել ընտրություն (ցանկացած այլ հնարավոր առարկա կամ գործունեություն)

📍 Լսել, եթե երեխան ինչ-որ բան է ցանկանում ասել (հակառակ դեպքում՝՝ նա էլ ձեզ չի լսի)

📍 Չհրամայել, ասել մեղմ, բայց և չհանձնվել

📍 Միևնույն բառերով մի քանի անգամ կրկնել երեխային ձեր խնդրանքը

📍 Բարոյախրատական, երկար ճառեր չկարդալ, քանի որ նա միևնույն է չի լսում

📍 Չստիպել երեխային ներողություն խնդրել

11/06/2023

📍Սովորեցրեք երեխային հասկանալ իր գործողությունները՝ դուրս բերելով տրամաբանությունն ու պատճառահետևանքային կապերը

📍Օգտագործեք պարզ բառային հրահանգներ (տասը բառից հետո երեխան հիմնականում չի լսում)

📍Ստեղծեք իրավիճակներ, որոնցում երեխան կկարողանա ցույց տալ իր ուժեղ կողմերը

📍Օգնեք յուրացնել շփման հմտություններ և խրախուսեք դրական համագործակցությունը

📍Խուսափեք դաստիարակության երկու ծայրահեղ մոտեցումներից՝ չափազանց մեղմությունից և չափազանց պահանջկոտությունից

📍 Արգելքները իջեցրեք հնարավորինս նվազագույնի՝ լինելով հետևողական դրանց կատարման հարցում

📍 Շատ կիրառեք գովեստ և խրախուսանք

📍 Տրամադրեք երեխային սեփական անկյուն՝ ոչ վառ գունավորմամբ ու քիչ հագեցվածությամբ

📍 Երեխայի համար սահմանեք օրվա ռեժիմ և պարտականություններ

#հոգեբան #մանկականհոգեբան #ծնողավարություն #հիպերակտիվություն

05/06/2023

Ուշադրության պակասի և հիպերակտիվության համախտանիշը զարգացման նյարդաբանական, վարքային խանգարում է, որը հաճախ սկսվում է մանկական տարիքում:

Հիպերակտիվությունը բնորոշվում է .

1️⃣ Ուշադրության դեֆիցիտով
Երեխան ունենում է ուշադրությունը կենտրոնացնելու, սկսածն ավարտելու դժվարություն, շեղվում է ցանկացած փոքր ազդակից

2️⃣ Գերակտիվություն
Երեխան անընդհատ շարժման մեջ է, ունենում է դժվարություն նստակյաց խաղեր խաղալիս, ունի քնի խանգարումներ

3️⃣ Իմպուլսիվություն
Երեխան չի կարողանում ենթարկվել կանոններին, չի կարողանում սպասել իր հերթին, խանգարում է մյուսներին

#մանկականհոգեբան #հոգեբան #ծնողավարություն #հիպերակտիվություն

31/05/2023

Հիշելու ☀️✨💫

30/05/2023

Մենք հաճախ երեխաներին տալիս ենք շատ , իրենց փոխարեն վերլուծում ենք իրենց վարքը, նշում սխալները` տալով պատրաստի շտկման ձևեր կամ կոնֆլիկտի լուծման մեզ հարմար ու նախընտրելի ուղիներ։

Բայց դա հաճախ չի աշխատում🤷

Մենք չենք լսում երկար տեքստեր և չենք վերցնում ու կիրառում պատրաստի խորհուրդներ` հատկապես եթե դրանք չեն համընկնում մեր շահերին։
Նույնն էլ երեխաների դեպքում է😉

Նպաստեք, որպեսզի երեխան ինքը սովորի վերլուծել իր վարքն ու գործողությունները, կարողանա գտնել կոնֆլիկտի լուծման իր համար նախընտրելի ուղին։

Դուք պարզապես հարցերի, քննարկման և սեփական օրինակով ուղղորդեք նրան👍

24/05/2023

Զայրույթը շատ հազվադեպ է հենց միայն զայրույթի մասին⚡️

#հոգեբան #մանկականհոգեբան #ծնողավարություն

16/05/2023

Ծնողները հաճախ կարծում են, որ երեխային գերխնամելը շատ դրական ազդեցություն է ունենում երեխայի վրա ⚡

Ասեմ ավելին` ծնողները հաճախ դա անում են իրենց հետաքրքրությունների, իրենց ինքնախնամքի հաշվին 🤷‍♀️

Սակայն, ներդաշնակ ու առողջ լինելու համար երեխաներին անհրաժեշտ է ծնողի օրինակ, ով ինքնախնամում է իրեն, ով կարողանում է ժամանակ հատկացնել ինքն իրեն ու իր հետաքրքրություններին, կարողանում է մերժել, ասել ոչ, ճանաչում է ինքն իրեն ու իր հույզերը, ունի և արժևորում է սեփական կարծիքը, դիրքորոշումները, հետաքրքրություններն ու նախասիրությունները և ժամանակ է հատկացնում ինքնազարգացման, ինքնախնամքի համար։

Հավատացե՛ք, այս ամենը տեսնելով՝ երեխան կունենա և՛ ավելի երջանիկ ու ինքնաբավ ծնողներ, և՛ ինքն էլ կսովորի ինքնախնամք 🧚‍♀️

14/05/2023

Պատմություն հաղթանակի մասին 🦸‍♂️👇

Հ․Գ․ Անունները փոփոխված են😉

13/05/2023

Ուրիշ են իրանք 🙂🙂🙂

Իմ սրամիտ ընկերները🥰
Երեխաների հետ աշխատանքում հումորն ու սրամտությունը անպակաս են։

Հ․ Գ․ Անունները փոփոխված են😉

13/05/2023

Հաճախ մենք շատ պահանջներ, սպասելիքներ ենք ունենում երեխաներից, բայց, չգիտես ինչու, նույնը չենք պահանջում ինքներս մեզանից կամ երեխային շրջապատող մյուս մեծահասակներից⚡️

Օրինակ👇

Ակնկալում ենք, որ 4-5 տարեկան երեխան պետք է հասկանա, պետք է այսպես կամ այնպես չանի, բայց նույն պահանջը կամ սպասելիքը չենք ունենում տատիկից, հայրիկից կամ այն մեծահասակից, ով կարող է նպաստել երեխայի մոտ խնդրահարույց վարքի ձևավորմանը կամ խրախուսել և ամրապնդել այն 📌

08/05/2023

Խնդիրների լուծումը բավականին բարդ գործընթաց է, բայց, եթե այն մասնատենք, ավելի հեշտ կլինի կառավարելը 👇

1️⃣ Ինչպե՞ս եմ ես ինձ զգում
2️⃣ Ո՞րն է խնդիրը
3️⃣ Հնարավոր լուծումներ
4️⃣ Ի՞նչ կարող է պատահել
5️⃣ Ըտրել լավագույն տարբերակը

#հոգեբան #մանկականհոգեբան #ծնողավարություն