Dr. Vahagn Ashughyan

21/05/2019

Rubens......

Congratulations to our winners :)

24/10/2018

Да.......

25/04/2016

Ինչպե՞ս խուսափել երիկամային քարերի կուտակումից:

Ձեզ եմ ներկայացնում խորհուրդներ, որոնց հետևելով կարող եք խուսափել միզաքարային հիվանդություններից:

Մեծ նշանակություն ունի մարմնի քրտնարտադրությունը:
Մարմնի ջրազրկումը քրտնարտադրության միջոցով կրճատում է միզարտադրությունը, ինչի հետևանքով մեծանում է երիկամներում քարերի կուտակման հավանականությունը:

Խուսափելու համար ֆիզիկական ակտիվության և առատ քրտնարտադրություն առաջացնող ցանկացած գործողության ժամանակ որքան հնարավոր է շատ ջուր խմեք:

Հարկավոր է կրճատել սննդակարգում առկա օքսալատներով հարուստ սնունդը: Դրանք պարունակվում են մի շարք մթերքների մեջ՝ նույնիսկ որոշ մրգերի ու բանջարեղենների:

Խնդրիներից խուսափելու համար կարևոր է օքսալատներով հարուստ մթերքները համատեղել կալցիով հարուստ սննդամթերքի հետ:

Եթե կյանքը որոշել է Ձեզ նվիրել երիկամային քարեր, մի հուսահատվեք. հարկավոր է փոխել սննդակարգը, պարբերաբար դիմել ուրոլոգի և ճշգրիտ հետևել բոլոր նշանակումներին:

21/04/2016

Սլինգային վիրահատություն

Շարունակելով նախորդ թեման կանանց սթրեսային անմիզապահության մասին՝ ձեզ եմ ներկայացնում դրա բուժումը:

Ւնչպես արդեն նշեցի, սթրեսային անմիզապահության ժամանակ տեղի է ունենում կաթիլային կամ ամբողջական միզարձակում՝ հազալու, ծիծաղելու, փռշտալու, ծանր իրեր բարձրացնելու, ֆիզիկական ակտիության և այլ դեպքերի ժամանակ:

Սլինգային վիրահատությունը կարճատև վիրահատություն է և օգնում է կանխել այս տհաճ խնդիրը: Այն կնոջը կվերադարձնի հարմարավետության գացումը և ակտիվ կյանք սկսելու կարողությունը:

Ըստ վիճակագրության՝ ամբողջ աշխարհում սլինգային վիրահատություն տարած կանանց 85%-ը նույնիսկ 7 տարի անց գոհ են վիրահատության արդյունքներից:

Սակայն հարկ է հիշել, որ վիրահատությունը կատարելուց հետո առաջին մի քանի շաբաթվա ընթացքում միզարտադրությունը կշարունակվի, որից հետո արդեն լիովին կդադարի:

19/04/2016

Կանանց սթրեսային ամնիմզապահություն

Սթրեսային ամիզապահություն են անվանում այն երևույթը, երբ որովայնային մկանների լարման և ներորովայնային ճնշման աճի ժամանակ առաջանում է անկառավարելի միզարձակում:

Ըստ վիճակագրության 40-ն անց կանանց 40%-ը և 60-ն անց կանանց կեսը ունեն սթրեսային անմիզապահություն:

Ախտանիշները պարզ են՝ կաթիլային կամ ամբողջական միզարձակում ներորովայնային ճնշման դեպքում (հազ, ծիծաղ, փռշտոց, ֆիզիկական ակտիվություն և այլն):

Կարծում եմ պարզ է, թե որքանով է տվյալ երևույթը փչացնում կյանքի որակը: Շատ կանայք խուսափում են տանից դուրս գալուց՝ վախենալով, որ տակդիրները չեն օգնի: Շատերը դադարեցնում են սեռական ակտիվությունը: Այս ամենը հատկապես բացասական ազդեցություն է թողնում երիտասարդ կանանց կյանքի վրա:

Պարզ է դարձել որ հիվանդների ընդամենը 30% է դիմում բժշկի՝ կարծելով, թե հիվանդությունն անբուժելի է:

Սակայն քչերը գիտեն, որ այս տհաճ և տանջալից երևույթով ապրելը պարտադիր չէ: Ժամանակակից ուրոլոգիան մշակել է բուժման մեթոդներ, որոնք 90%-ով օգնում են մեկընդմիշտ ազատվել այս խնդրից և վերադառնալ սովորական առօրյային:

Այդ պատճառով հիվանդության առաջին իսկ ախտանիշների դեպքում դիմեք մասնագետի, թույլ մի տվեք հիվանդությանը գլուխ բարձրացնել և վատթարացնել ձեր կյանքը:

15/04/2016

Ուրախ եմ ողջունել ձեզ իմ մասնագիտական էջում:

Այստեղ կփորձեմ ձեր ուշադրությանը ներկայացնել ուրոլոգիական տարբեր խնդիրների դեպքում առաջացող գանգատները և ախտանիշները, դրանց ախտորոշման և բուժման եղանակները, և, զերծ մնալով խիստ բժշկական տերմինաբանությունից, կփորձեմ այդ ամենը ներկայացնել հանրամատչելի և բոլորին հասկանալի եղանակով:

Հուսամ՝ և՛ տղամարդիկ, և՛ կանայք իմ էջում կկարողանան գտնել հետաքրքիր և օգտակար տեղեկատվություն, և այն կծառայի սեփական առողջության նկատմամբ ուշադրության և հետևողականության բարձրացմանը:

Սիրով կպատասխանեմ նաև ձեր հարցերին և նամակներին:

Հարգանքով՝ Վահագն Աշուղյան, բ.գ.թ.
Երևան ԲԿ-ի ուրոլոգիական ծառայության ղեկավար

13/04/2016

Իմ էջի հարգելի հետևողներ,

ելնելով վերջին օրերի լարված իրավիճակից և հարգանքից, էջի ակտիվությունը դադարեցրել էի: Սակայն այսօրվանից իմ մասնագիտական էջը նորից գործում է: Շատ եմ ցավում մեր կորուստների համար և հպարտանում՝ հաղթանակներով: Զինվորներից յուրաքանչյուրի կյանքը և առողջությունը թանկ է բոլորիս համար:

04/04/2016

Հաղթանակ եմ մաղթում մեր զինվորներին: Ողջ և առողջ հետ վերադառնաք: Մենք հպարտ ենք ձեզնով:

29/03/2016

Սիրելի ընթերցող,

բոլորս էլ գիտենք, որ առողջական առաջին իսկ գանգատների դեպքում հարկ է դիմել մասնագետի, սակայն շատերը վախենում են մասնագետի օգնությանը դիմելուց, երբ գործը հասնում է սեռական խնդիրներին:

Պետք է հաշվի առնել, թե որքանով կարող է իրավիճակը բարդանալ՝ արդեն գլուխ բարձրացրած հիվանդությունը անտեսելու դեպքում, և ճիշտ հակառակը՝ որքան հեշտ կարող է բուժվել հիվանդությունը ճիշտ ժամանակին մասնագետին դիմելու դեպքում:

Կարևոր է հիշել, որ ուրոլոգիան բժշկական տարբեր ճյուղերից մեկն է, և պետք չէ վախենալ մասնագետներին դիմելուց՝ խնդիրների առկայության կասկածների դեպքում:

Հիվանդության ժամանակին հայտնաբերումը կօգնի ավելի հեշտ լուծել խնդիրը և խուսափել վիրահատական միջամտություններից:

24/03/2016

Ցիստիտ

Դժվար թե գտնվի մի կին, ով իր ամբողջ կյանքի ընթացքում ոչ մի անգամ չի հիվանդացել ցիստիտով, իսկ տղամարդիկ, համեմատած կանանց հետ, ավելի հազվադեպ են առնչվում այս խնդրին:

Ցիստիտը միզապարկի բորբոքումն է, լինում է սուր և քրոնիկ: Ինֆեկցիայի պատճառը ուղիղ աղիքային միկրոբներն են:

Բուժում`

- Հակաբակտերիալ բուժում
- Հակաբորբոքային բուժում
- Մեծ քանակությամբ հեղուկի ընդունում

Ձեզ անհանգստացնող բոլոր հարցերին կպատասխանեմ կոնսուլտացիայի միջոցով: Զանգահարել՝ 091 470 442:

18/03/2016

Հարգելի տղամարդիկ,

եթե ձեզ անհանգստացնում են այնպիսի ցավեր ինչպիսիք են որովայնի ստորին հատվածի, առնանդամի, սերմնաժայթքման ընթացքում կամ շեքի ցավերը, ապա հնարավոր է ձեզ մոտ զարգանում է պրոստատիտ:

Պրոստատիտը արական սեռական գեղձամկանային օրգանի`շագանակագեղձի բորբոքումն է:

Այլ ախտանիշներ են հաճախամիզությունը, սեռական կյանքի որակի վատացումը,:

Ծանր հետևանքներից խուսափելու համար անհրաժեշտ է ժամանակին դիմել բժիշկ-ուրոլոգի: Բժիշկը նշանակում է դեղորայքային և ֆիզիոթերապևտիկ բուժումներ:

15/03/2016

Կարճ սանձիկ

Կարճ սանձիկը կանխում է թլիպի մաշկի դեպի հետ տեղաշարժն ու առնանդամի գլխիկի լիարժեք բացումը: Հետևաբար այս պարագայում էրեկցիայի ժամանակ առաջանում են առնանդամի գլխիկի թեքվում դեպի ներքև, իսկ սեռական հարաբերության ժամանակ` ցավեր, արյունահոսություն, տհաճ ու խանգարող զգացողություն:

Կարճ սանձիկի բուժումը միայն վիրահատական է:

Սանձիկի պլաստիկան կատարվում է տեղային ցավազրկման ներքո, սանձիկը հատվում է հորիզոնական կտրվածքով, այնուհետև կարվում է ուղղահայաց :