Aus Stories with Sachi N Jana

31/08/2025

29/08/2025

https://youtu.be/lP2AsdkfTEE?si=70E6ksx69ryjFRHq

Police are bracing for anti-immigration rallies planned across Australian capital cities on Sunday, August 31. The rallies are supported by some politicians,...

19/08/2025

📢 Attention fellow physiotherapists in Australia!

An exciting opportunity has opened up at my current workplace for a Workplace Health Physiotherapist to join our dynamic team in Victoria. We work across diverse industries, helping healthy, safe, and performing at their best.

💡 Why this role stands out:

👉Supportive, collaborative team culture

👉Diverse caseload in occupational health & injury prevention

👉Career growth and professional development opportunities

❤‍🔥Permanent Residency sponsorship available for the right candidate 🇦🇺

I can even provide initial training in Sinhalease to make onboarding a breeze 🗣✨

Requirements.

- Should be under AHPRA General Registration

- Should have working rights in Australia- sponsorship transfer available

-Must have a valid Drivers license as you are required to travel across business sites

If you’re passionate about workplace health and want to join a company that truly values its people, send me a DM and I’ll be happy to share more details.

Thank you.

04/11/2024

Be prepared.. 💪💪

This is crazy 🤪

02/11/2024

ඕස්ට්‍රේලියාවේ මගේ රැකියාව - 06

ඕස්ට්‍රේලියාවේ මගෙ රැකියාවෙ තව අත්දැකීමක් බෙදාගන්න හිතුන...

ලඟදි මගෙ ආයතනයෙ General Manager, Victorian state manager සහ partner manager එක්ක මගෙ career conversation එක තිබ්බ..

මෙතනදි මූලික වශයෙන් කතා කරන්නෙ career progression, salary, skill development opportunities, alignment of my expectations with the business expectations වගේ දේවල් ගැන. සති ගාණක් ඉදිරියට මේ ගැන කොටස් වශයෙන් සාකච්ඡා වෙනව.. ආයතනයේ හැමෝටම career conversation එකක් කරනව තමන්ගෙ direct reports විදියට ඉන්න managers ල ටික. මේව අතිශය පුද්ගලික සහ රහස්‍ය බව උපරිම තියෙන සාකච්ඡා..

ඒ සාකච්ඡාවේදී කතා කෙරුන මං වැඩිය නොහිතපු එක පුංචි පැත්තක් මේ වගේ ඒව ගැන හිතන හොයන අය එක්ක බෙදාගන්න හිතුන. මෙයාලා හිතන විදිහයි උගත් උනත් සාම්ප්‍රදායික ආසියාතික මානසිකත්වයේ ඉන්න අපි සමහරු හිතන විදියෙයි වෙනස ගැනයි මට ඒ වෙලාවේ කල්පනා උනේ .

මං මෙහෙ කරන "අමුතු" රැකියාව ගැන කියවන්න ඕනෙ නම් profile එකට ගිහින් page එක බලන්න. Designation එක කිව්වොත් workplace health physiotherapist. දන්න තරමින් ලංකාවෙන් ඇවිත් මේ field එකේ වැඩ කරන එකම physio. මීට කලින් මේ ගැන ලියල තියෙන නිසා ඒක මං මෙතන විස්තර කරන්න යන්නෙ නෑ ලිපිය දික් වෙන නිසා. අර කතාව විතරක් බෙදාගන්නම්.

මේක තවම job කරන්නෙ නැති අයට අදාල නොවෙන්න පුළුවන්. හැබැයි කියවල වැරදි වැටහීමක් ගන්න එපා ඉගෙනීම අගයක් නෑ කියල කියනව කියල. ඉගෙනීම කොයි කාලෙටත් වටින දෙයක්. මං මේ කතා කරන්නෙ සැලසුමක් ඇතිව ඉගෙනගැනීම ගැන. මේ මෙයාල දකින විදිය ගැන මගේ අත්දැකීම් බෙදාගැනීමක්. අනික, දවසක academic පැත්තෙන්ම ඉස්සරහට යන්න බලන් ඉන්න අයටත් මේක අදාල නැති වෙයි.

ඕස්ට්‍රේලියාවේ professional job කරන හැමෝටම වගේ තමන්ගේ ආයතන වලින් අවුරුදු පතා allowances දෙනව skill development, professional development කිය කිය. ඒක මෙහෙ හරිම සාමාන්‍ය දෙයක්. මගෙ ආයතනයත් සැලකිය යුතු ගාණක් හැම කෙනාටම ගෙවනව මේ වෙනුවෙන්. ඒක තමන් කැමැති professional development courses, diploma, workshops, online subscriptions වගේ අටෝරාසියක් තියෙන ඕන එකකට වියදම් කරන්න පුළුවන්. හැබැයි ඉතිං රැකියාවටත් වටිනාකමක් එකතු කරන තමන්ගෙ field එකට අදාල දෙයක් වෙන්න ඕනෙ.

ලංකාවේ ඉගෙනගත්ත අපේ මානසිකත්වය තියෙන්නේ හොඳට ඉගෙනගෙන තව තවත් ඉගෙනගෙන degree ගොඩක් pass වෙලා ultimate academic goal එක Phd කරා යන එකනෙ. නම ඉස්සරහට අකුරු ගොඩක් එකතු උනාම අමුතු ආඩම්බරයක්.. 🙈 ඒ එකතු කරගත්ත සමහර සුදුසුකම් වලින් ප්‍රයෝජන ගන්නවද නැද්ද කියන එක වෙනම කතාවක්..

අර සාකච්ඡාවේදී ඉස්සරහට රැකියාවෙ ඉහලට යන්න තියෙන අවස්ථා ගැන කතා කරනකොට තමයි වැඩිදුර අධ්‍යාපනය ගැන කතාව ඇදිලා ආවේ.

එතනදි එයාල කතා කලා වැඩිදුර අධ්‍යාපනය ලබල ඒ වියදම් කරන ගාන අනික් පැත්තට තමන්ට උපයා ගන්න බලාපොරොත්තු වෙන්නෙ කොහොමද කියන එක. මොකද එයාල කියන දේට අනුව සෑහෙන ලොකු කාලයක් වැයකරලා Phd වගේ higher degree එකක් කරල ලබා ගන්න සුදුසුකම, ලබා ගත්ත පලියටම මගෙ පඩිය වැඩිවෙන්නෙවත් වෙනත් මූල්‍යමය හෝ ආයතනය තුල උසස් වීම් වගේ ප්‍රතිලාභ ලැබෙන්නේ වත් නෑ.

ඒව ලබාගන්න මට තියෙන අධ්‍යාපන සුදුසුකම් දැනටමත් ප්‍රමාණවත්. එයාලට අවශ්‍ය වෙන්නේ මගේ රැකියාවට කෙලින්ම බලපාන knowledge, skills develop වෙන අවස්ථා වලට මගේ අවධානය යොමු කරන්න.

උදාහරණයක් විදිහට මගේ රැකියාව workplace health physiotherapy නිසා අර Phd එකක් කරල මං බලාපොරොත්තු වෙන දේට වඩා මට ඉක්මනට ව්‍යාපාරය ඇතුලෙ ඉස්සරහට යන්න, මූල්‍යමය වාසි ලබාගන්න පුළුවන් මහ ගානක් වියදම් වෙන්නේ නැති occupational health and safety diploma එකක් කලොත්. ඒකත් එයාලගෙ financial contribution එකත් එක්ක.. ඒ කියන්නෙ අර වගේ කෙටි කාලීන අධ්‍යාපනයකින් මං ලබා ගන්න දැනුම ඊට පහුවදාම හෝ මූල්‍යමය වටිනාකමක් බවට හරවගන්න ඕන තරම් අවස්ථා ආයතනය ඇතුලෙ දැනටමත් තියෙනව, Phd එකට ගත කරන කාලය සහ මුදල එක්ක ප්‍රතිලාභ ලැබෙන්න ගත වෙන කාලය ගැන බලනකොට.

රැකියාවේ යම් මට්ටමකට ආවට පස්සේ මේ දේ මේ රටවල professionals ල අත්දකින දෙයක් වෙන්න ඇති කියල මට හිතුනෙ පස්සෙ. අර කරන්නන් වාලේ නමට අකුරු ගොඩක් add කරගන්න මානසිකත්වයක් මෙයාලට නෑ. පඳුරක් හෙලෙව්වත් Phd තියෙන ගොඩක් හොයාගන්න පුළුවන් තරන් මෙහෙ opportunities තියෙන නිසා මෙයාල ඒකට ලොකු බරක් දෙන්නෙ නෑ වෙන්නත් පුළුවන්. Higher studies ගැන තිබිච්ච යම් අදහස් කීපයක් මේ සාකච්ඡාවෙන් පස්සේ වෙනස් උනා කියන්න පුළුවන්.

මෙයාලට ඕනෙ professional development වෙනුවෙන් කරන අධ්‍යාපන කටයුතු, ඒ ඉගෙනීමත් එක්කම මුදල් වලට, තව තවත් ව්‍යාපාර දියුණුවට හරවගන්න එක පුළුවන් තරම් කෙටි කාලෙකින්. ඒ වියදම් කරන හැම ඩොලර් එකක් එක්කම ඒකෙන් ආපස්සට ඉක්මන් ප්‍රතිලාභ එයාල බලාපොරොත්තු වෙනව.

මේ දේ මෙහෙට විතරක් අදාලයි කියල මං හිතන්නෙ නෑ. ලංකාවෙත් ඉතාමත් සාර්ථක ව්‍යාපාර තිබෙනවා වගේම ඒ ව්‍යාපාරිකයන් උනත් මේ විදියට career develop කරගන්න උනන්දු අයට අවස්ථා දෙන්න ඕන තරම් කැමැත්තෙන් ඉන්නව ඇති. ප්‍රශ්නෙ තියෙන්නෙ අවස්ථා ගැන හොඳට හොයල බලල ඉලක්කයක් ඇතුව වැඩ කරන එක.

නිකන්ම තවත් සහතිකයක් සහතික මිටියට එකතු කරගන්නව වෙනුවට ඒ සුදුසුකම තමන්ට මුදල් හෝ වෙනත් අවස්ථා උපයා දෙන මෙවලමක් බවට පත් කරගන්න පුළුවන් නම් අධ්‍යාපන වෙනුවෙන් උනත් අනවශ්‍ය විදියට කාලය, ශ්‍රමය, මුදල් වැය වීම නවත්තන්න පුළුවන් වේවි...

දවස අවසානයේ තමන් අත්පත් කරගන්න title තමන්ගෙ වෘත්තිය අනාගතයට ඇත්තටම වැදගත්ද එහෙම නැත්නම් නිකන්ම සහතිකයක්, උපාධි පින්තූරයක්, ආඩම්බරයක්, හීනමානය වෙනුවෙන් කරන දෙයක් විතරක් වෙලා නවතියිද කියල එක පාරක් කල්පනා කරල බලමු. මොකද දැන්වත් අපේ ආසියාතික සමාජය, අපේ දෙමාපියන් අපෙන් ඉල්ලන දේ නෙවෙයි අපිට ඇත්තටම අවශ්‍ය සහ අපිට ඉහළම වටිනාකමක් එකතු කරන දේ කලා නම් දවසින් දවස ඉස්සරහට යන ලෝකෙ තව opportunities ලබාගන්න පුළුවන් වේවි.

ඉස්සරහට අධ්‍යාපන model එකම වෙනස් වෙනව කියන්නෙ මේ නිසා වෙන්න පුළුවන්. තව දුරටත් සහතික මත පදනම් වන knowledge based skills පමණක් නොවී functional/ transferable skills develop කරගන්න හැකි නම් තමන්ගෙ මූල්‍යමය වටිනාකම ඉක්මනින් වැඩි දියුණු කරගන්න පුළුවන් වේවි.

ඉගෙනීම අවස්ථා ඕන තරම් තියන මේ රටෙත් බහුතරයක් human resources management සහ අනික් managerial level වල ඉන්න අයට තියෙන ඉහළම අධ්‍යාපන සුදුසුකම basic degree එක හෝ MSc. කියල දැනගත්තහම මමත් පුදුම උනා. හැබැයි තමන් කරන රස්සාවෙ පුදුම විදියට පරිණත මිනිස්සු.

ඒ පරිණත බව ඇවිත් තියෙන්නේ subject knowledge එකෙන්ම නෙවෙයි කියල එයාල එක්ක වැඩ කරනකොට හොඳට තේරෙනව. එහෙම නැත්නම් එයාල ලබාගන්න තෘතීය අධ්‍යාපනයේ තියෙන ගුණාත්මක බව නිසා වෙන්නත් පුළුවන්.

වෘත්තියමය බව එක්ක පුදුමාකාර මනුස්සකමක් එකතු වෙලා හැදුනු අසාමාන්‍ය පරිණත බවක් පෙන්වන මේ මිනිස්සු එක්ක එකට වැඩ කරන්න ලැබුන එක පෙර පිනකින් ලැබුන වාසනාවක් කියල හිතෙනව. යම් දෙයක් ගැන සාකච්ඡා කරනකොට ඒ සම්බන්ධ ඉස්සරහට ඇති විය හැකි අවස්ථා රාශියක් ගැන කලින්ම අනුමාන කරන්න, worst case scenarios ගැන කතා කරන්න මෙයාල කොයි මොහොතක වත් පැකිලෙන්නෙ නෑ.

උදාහරණයක් විදියට වාර්ෂික වැටුප් වැඩි වීමෙන් තමන් බලාපොරොත්තු වෙන ගණන වගේ දේවල් විවෘතව සාකච්ඡා කරනව වගේම ඒ වැටුපට යන්න කරන්න පුළුවන් දේවල් ගැන හැම දේම එයාල කියල දෙනව. යම් මොහොතක අපි බලාපොරොත්තු වෙන දේවල් ඊලඟ වසර හෝ දෙක ඇතුලත ලබාදෙන්න ව්‍යාපාරයක් විදියට එයාලට බැරි නම් ඒ ගැනත් විවෘතව සාකච්ඡා කරන්න පැකිලෙන්නෙ නෑ. ඒ වගේ වෙලාවක තියෙන විසඳුම වෙනත් රැකියාවක් සොයා ගැනීම නම් ඊට අවශ්‍ය සියලුම දේවල් කරල ගෞරවාන්විතව සමුගන්න කිසිම ප්‍රශ්නයක් නෑ.

ලංකාවෙදි, විශේෂයෙන් රාජ්‍ය සේවයේ වැඩ කරන්න අමාරුම senior සෙට් එක එක්ක උනාට මෙහෙ ඒකෙ සම්පූර්ණයෙන් අනික් පැත්ත. වෘත්තීය පැත්තෙන් තමන්ගෙ සුදුසුකම් හදාගන්න, තියෙන skill වැඩි දියුණු කරගන්න කිසිම ගුරු මුෂ්ටියක් නැතුව අලුත් අයට එයාල ලබාදෙන පන්නරය හිතාගන්න බැරි තරම්.

නැවතත් කියන්නෙ මේ උඩ කියල තියෙන්නේ ඉගෙනගන්න එපා කියල එහෙම නෙවෙයි. ඒකෙන් ප්‍රතිලාභ ඉක්මනට ආපහු ලබාගන්න සාත්‍තරේ ගැන අවබෝධයෙන් හොඳට සැලසුමක් ඇතුව ඉගෙනගන්න එක ගැන..

පින්තූරය:- රට ඇවිත් බර වැඩ කරන්න බෑ කියල demotivate වෙන අයට බලන්න දාන්නෙ. ඔය සේවක මහත්මයා ඕස්ට්‍රේලියානු ජාතිකයෙක්. ඔහු තල්ලු කරගෙන යන වීදුරු පිරුණු කරත්තය 1000kg වලට පොඩ්ඩක් අඩු ඇති. දවස පුරාම මේ වගේ බර වැඩ තමයි මේ මහත්තුරු කරන්නෙ. මැසිවිලි නෑ.. අයිස් නෑ.. shift එක පැය 8යි. කෑමට වි30 යි. තේ වෙලාව වි15 යි. කරන රැකියාවට පුදුම තරම් ගෞරව කරනව.

✍️ Sachindra Miniwan

26/10/2024

කඨින පින්කම් පූජෝත්සවය..

සෑහෙන කාලෙකට පස්සේ ආයෙත් ලියන්න හිතුන. කැමැති ඇත්තෝ දැක බලා සතුටු වේවා...!!!

අද අපේ Werribee විපස්සනා භාවනා මධ්‍යස්ථාන විහාරයේ කඨින මහා පින්කම.. පවුල් ගාණකගෙ දායකත්වයෙන් සහ අනෙකුත් ප්‍රදේශවාසී හිතවතුන්ගෙ නොමඳ අතහිත සමඟ ඉතාමත් සාර්ථක ලෙස අවසන් උන උතුම් පින්කමකට සහභාගි වෙන්න ලංකාවෙන් ගොඩක් ඈතින් ඉඳලත් අපි හැමෝටම අවස්ථාව ලැබුන.

මීට මාස තුනකට කලින් වස් ආරාධනා පින්කම පැවැත්වුනෙත් මේ වගේම ප්‍රදේශවාසී හිතවතුන් එක් කරගෙන දායක පවුල් වල අනුග්‍රාහකත්වයෙන්. ලංකාවෙන් ගොඩක් ඈතින් ජීවත් වෙනකොට මේ වගේ නොයෙකුත් පින්කම්, උත්සව සහ විවිධ අවස්ථා වලට සහභාගි වෙන්න ලැබෙන එකත් ලොකු දෙයක්. ශ්‍රී ලාංකිකයන්ගෙ එකමුතුව මොනවට ප්‍රදර්ශනය වෙන මේ වගේ අවස්ථා මහ ගොඩකට සහභාගි වෙන්න අපිටත් වාසනාව උදා වෙලා තියෙනව මේ වෙනකොට. මේ වගේ අවස්ථා වල මං දකින දේවල් තමයි මේ...

-සියලු දෙනාම තමන්ට පුළුවන් විදියට ව්‍යංජන, අතුරු පස, කැවිලි, තේ මේසය ආදී මොනවම හරි දෙයක් භාරගන්නව අදාල සංවිධායක් හිතවතුන්ට කලින්ම කතා කරල. මේ ක්‍රමය නිසා අනවශ්‍ය ලෙස ආහාර අපතේ යාම වලකිනව, ඒ අවස්ථා වල වැඩි බර අදින වගකීම වැඩියෙන් දරන අයට ඉස්පාසුවක් ලැබෙනව මෙහෙම වැඩ බෙදී යාම එක්ක..

-හැකියාව, වෙලාව තියෙන ඇත්තො කලින් දවස් වල ඇවිත් ශ්‍රමයෙන් දායකත්වය සපයනව. බොහොමයක් වෙලාවට මහා පරිමාණයෙන් පවත්වන events පවත්වන්න තෝරගන්නෙ community centers. අඩියෙන් අඩියට ආණ්ඩුවෙන් හදපු මේ වගේ සමිති ශාලා මහ ගොඩක් මෙහෙ දකින්න පුළුවන්. ඕනම event එකක් සංවිධානය කරන්න පහසු වෙන විදියට වායු සමනය කල ශාලා පහසුකම්, පුටු මේස, කෑම ශාලා, වැසිකිළි කැසිකිළි පහසුකම්, වාහන නැවැත්වීමේ පහසුකම් වගේ පොදු පහසුකම් එක්කයි මේවා සැකසෙන්නෙ. මේ පින්කම් වලට පමණක් නෙවෙයි දාන මාන වගේ පුද්ගලික event වලටත් මේ ශාලා භාවිතා වෙනවා. ඒ වගේ සංවිධානය උන, හිත්වතෙකුගේ පියාගෙ අභාවය වෙනුවෙන් පැවැත්වුන තුන් මාසෙ දාන පින්කමකටත් පහුගිය මාසෙ සම්බන්ධ වෙන්න අපිට හැකි උනා. නිවසක සංවිධානය කරනවට වඩා මේ වගේ ස්ථානයක ඒ අවස්ථා සංවිධානය කරන එක සංවිධානය කරන අයට වගේම සහභාගි වෙන අයටත් පහසුයි කියල හිතෙනව. සමිති ශාලා භාරගත්ත විදියටම ආපහු සුද්ධ පවිත්‍ර කරල භාරදෙන්න වගබලාගන්න ඕනෙ. ඒ නිසා උත්සව අවස්ථා අවසානයේ ඒ කටයුතු කරන්න, පුටු අස් කරන්න ඒ සහභාගි උන ඇත්තො ගොඩක් වෙලාවට කටයුතු කරනව. ප්‍රධාන සංවිධායකයො ඉන්නවනෙ කියල වැඩේ ඉතුරු කරල එන්නෙ නෑ.

- ඉතිරි වෙන ආහාර කැමැති කෙනෙක්ට අරගෙන යන්න පුළුවන්. ගොඩක් වෙලාවට ඒ වැඩේට අවශ්‍ය disposable containers ඒ සංවිධායක මහතුන්ම සපයනව. ඉතිං කිසිම කරදරයක් නැතුව භාජන ටිකත් අස් වෙනව. කෑම අපතෙ යන්නෙත් ඉතාම අඩුවෙන්

- ගිහි පිරිස ඉතාම කාර්‍යබහුල අය බව ස්වාමීන්වහන්සේලා විසින් වගේම සංවිධානය කරන ඇත්තොත් හොඳින් අවබෝධ කරගෙන තියෙන්නේ. ඒ නිසා මේ උත්සව කටයුතු ගොඩක් වෙලාවට සිද්ධ වෙන්නෙ සිකුරාදා හවස හෝ සෙනසුරාදා. එතකොට ඉරිදා දවස විවේක අරගෙන සඳුදා දවසට සුපුරුදු විදියට සතියේ වැඩ වෙනුවෙන් සූදානම් වෙන්න පුළුවන්

සමහර චාරිත්‍ර වාරිත්‍ර ලංකාවේ විදියටම කරන්න බැරි වෙන්න පුළුවන් මේ රටවල තිබෙන නියාමනයන්, නීති රීති එක්ක.. උදාහරණයක් විදියට පාර වහගෙන පෙරහැරක් කරන්න බැරි වෙන්න පුළුවන්. තමන්ට කැමැති ආගමක්, අදහන්න, සංස්කෘතික කටයුතු, උත්සව සංවිධානය කරන්න බාධාවක් නැතත් අනෙක් අයට කිසිම හිරිහැරයක් වෙන්න බැහැ. මෙහෙට ඇවිත් අවුරුද්දකට වඩා ගියත් කිසිම ආගමක, ජාතියක එවැනි event වලින් ශබ්ද දූෂණයක් වත් වෙනව මං තාම දැකල නැහැ. මේ ප්‍රදේශයට වඩා ශ්‍රීලාංකිකයන් බහුතරයක් ඉන්න suburbs ගැන නම් මං කියන්න දන්නෙ නෑ හැබැයි 😊

ඉතාම වැදගත් දේ විදියට මං දකින්නෙ ශ්‍රී ලාංකිකයන්ට තමන්ගේ රටේ සිරිත් විරිත් නොකඩවා පවත්වාගෙන යන්න වගේම තමන්ගේ දරුවන්ටත් හුරු කරන්න තිබෙන උනන්දුව. සියලුම දේ ලංකාවේ විදියටම කරන්න බැරි උනත් ඒ දරන උත්සාහය කොච්චර වටිනවද. ඒ වෙනුවෙන් මේ රටවල වාසය කරන ස්වාමීන්වහන්සේලාගෙනුත් ලැබෙන්නෙ නොමඳ සහයෝගයක්. උන්වහන්සේලා ගිහි පිරිස එක්ක පවත්වාගෙන යන හිතවත්කමත් ඉතාම ඉහළ මට්ටමක තිබෙන බවත් දකින්න පුළුවන්.

04/10/2024

🇱🇰🇱🇰🇱🇰

08/09/2024

Subscribe to this page to keep posted about part time job opportunities in our company…

Commercial Cleaning & Property Services

13/04/2024

🎊️🎉️🎊️ලැබුවාවූ සිංහල හින්දු අලුත් අවුරුද්ද සියල්ලන්ගේම යහපත් බලාපොරොත්තු ඉටු වන, විදේශගත වීමේ සිහිනය ඇතුලු අරඹන සියලු කටයුතු අති සාර්ථක වන වාසනාවන්ත අලුත් අවුරුද්දක් වේවා!! 🎉️🎊️🎉️

ඉදිරියේදී අපි මේ පිටුව හරහා සහ සමාජ මාධ්‍ය හරහා වැඩ කීපයක් කිරීමට අපි බලාපොරොත්තු වෙනවා. අපි අලුතින් ඇරඹූ JNS Facility Management Pty Ltd තුලින් ඕස්ට්‍රේලියාවේ Victoria ප්‍රාන්තයේ සිටින අයට තාවකාලික රැකියා අවස්ථා ලබා දෙන්න අපිට හැකියාව ලැබේවි. ඒ වෙනුවෙන් පුද්ගලික watsapp group එකක් ලඟදීම ඇරඹේවි. ඒ වගේම පුද්ගලික සමූහයක් හරහා අපි දන්න දේවල් මීට වඩා ඕස්ට්‍රේලියාවට පැමිණීම ඉලක්ක කරගත් පිරිසකට ලබා දෙන්නත් බලාපොරොත්තු වෙනවා.

අපිට අවශ්‍ය ඔලු ගෙඩි ගණන වැඩි කර ගැනීමට වඩා කීප දෙනෙක් හෝ මේ වැඩෙන් සාර්ථක වෙනව දකින්න. පිටුවේ messenger ගිණුමට ඒ සම්බන්ධයෙන් වැදගත් ප්‍රශ්නයක් හෝ යොමු කරන්නේ අතලොස්සක් වීම කණගාටුවට කරුණක්. හැන්දෙන් පොවන්න අපි බලාපොරොත්තු වෙන්නෙ නැහැ. ඒ වෙනුවෙන් උත්සාහ කරන අය තමන්ගෙ ගැටලු යොමු කලාම අපි පිලිතුරු සපයනවා. ගොඩක් අයට ඕනෙ මුල ඉඳන්ම අපි එයාලගෙ අතින් අල්ලන් ගිහින් ඕස්ට්‍රේලියාවට එක්කන් එන්න. ඒත් එහෙම අයට මේ ක්‍රමය හරියන්නෙ නෑ.එයාලට පුළුවන් මුදල් ගෙවල අදාළ ඒජන්තවරයෙක්ගෙ සේවය ලබාගන්න.

මේ ගමනේ අපි ලබාගෙන තිබෙන සමහර අත්දැකීම් තවත් අයට ඉතාම වැදගත් දේවල්. සමහර අවස්ථාවල අපි විසින්ම හොයා බලාගෙන කරගෙන තියෙන දේවල් ඉංග්‍රීසියෙන් කරගෙන යන youtube channel වල පවා අපිට හොයාගන්න බැරි උන දේවල්. ඒ වගේ මේ රටට අනන්‍ය දේවල් පොදු පිටුවල පල කලාට ගොඩක් අයට වැදගත්කමක් නැහැ. ඒ නිසා ඕස්ට්‍රේලියාවට එන්න බලාගෙන ඉන්න අය තේරී බේරී එන විදියට සහ ඒ අවකාශය තුල තමන්ගේ ගැටලු නිර්නාමිකව හෝ පල කිරීමට හැකි විදියට පවත්වාගෙන යා හැක්කේ සමූහයකින් පමණක් බවයි අපිට පෙනී ගිහින් තියෙන්නේ.

මීට අමතරව ගොඩක් අයගේ ඉල්ලීම පරිදි youtube channel එකක් අරඹන්න පොඩි බලාපොරොත්තුවකුත් තියෙනව. ඉඩ හසර ලැබෙන විදියට මේ හැමදේම මේ අවුරුද්දේ කරගන්න තමයි අපේ බලාපොරොත්තුව.

ඕස්ට්‍රේලියාව කියන්නෙ මහන්සි වෙලා වැඩ කරන මිනිස්සුන්ට අවස්ථා ඕන තරම් තියෙන රටක්. විශාල ආර්ථිකයක් තියෙන රටක් නිසා දියුණු වෙන්න තියෙන අවස්ථා ගොඩක් වැඩියි. අවුරුද්දක් ඇතුළත අපි අත් කරගෙන තියෙන දේවල් එක්ක බලනකොට ඕනකම තියෙන ඕන කෙනෙක්ට තමන්ගෙ හිතේ හැටියට දියුණු වෙන්න අවස්ථා ගොඩක් තියෙනව කියල බය නැතුව කියන්න පුළුවන්.

ඉතිං උත්සාහ කරන්න.. ඉලක්ක තියා ගන්න. මේ අවුරුද්දේ තමන්ගේ ඉලක්ක ජය ගන්නවාමයි කියල අදිටන් කරගන්න. ඔව්.. ඔයාට පුළුවන්!! 💪💪💪👍❤️

28/03/2024

Shout out to my newest followers! Excited to have you onboard! ❤️❤️

Bandarathilaka Megasuriya, Chamara Dinesh,
Sajith Js,
Salika Kumuduni,
Denial Denial,
Ananda Ananda,
Ruwan Bandara,
Dilan Sadun,
Kasun Anjana,
Rupa Siri,
Shiwantha Neel Keleygedara Rapiyal,
Tiuder Nissanka Nissanka

17/03/2024

ඕස්ට්‍රේලියාවේ "නෑදෑයෝ"❤️

පහුගිය ටිකේ නම් page එක දිහා බලන්න වත් වෙලාවක් තිබුනේ නෑ පුද්ගලික වැඩක් වෙනුවෙන් කාලය සහ හිතේ සැනසීම සියල්ල කැප කර මහන්සි වෙන්න සිද්ධ වුන නිසා. දැන් ඒ ගැටලුව විසඳිලා.. ඒ වෙනුවෙන් උදව් උපකාර කරපු උත්තම පුරුෂයන්ගේ ඉල්ලීම මත දැන්ම ඒ ගැන ලියන්න කල් වැඩියි. ඒ ගැන පස්සේ ලියමු..

මාර්තු අට වෙනිදාට අපි ඕස්ට්‍රේලියාවට ඇවිල්ල අවුරුද්දක් සම්පූර්ණ වුණා. ඒ ගැන අතීතාවර්ජනයක් කරන්න හොඳම අවස්ථාවක් මේ සතියේ උදාවුනා..

ලංකාවෙන් ඕස්ට්‍රේලියාවට එන්න කලින් හැමෝටම වගේ අපටත් තිබුණ ලොකුම ගැටලුව තමයි ඉන්න තැනක්?? අපි දෙන්නගෙම පැත්තෙන් යාලුවන්ට, citizenship තියෙන නෑදෑයන්ට වගේ ඕස්ට්‍රේලියාවේ දන්න කියන හැමෝටම කතා කළා... ඒත් වැඩේ හරියන පාටක් පෙනුනෙ නෑ.. සමහර ලේ නෑයන් අපිට Airbnb book කරන හැටි කියල දුන්නා.. සමහර ගෙවල්වල අපි එන්න ලං වෙනකොට major repairs පටන් ගත්ත.. 😁😅

මං කලින් කියලා තියෙනවා වගේ මං වැඩ කරන ආයතනයෙන් $10000 ක් relocation assistance විදියට දෙනවා කියලා තිබුන. එයාලගේ යෝජනාව වුනේ Airbnb එකක් කල් තියාම වෙන් කරගන්න කියන එක. ඒත් අපට ඕනකම තිබ්බා ඒ මුදලයි අතේ තිබුණ මුදලයි ඔක්කොම පිරිමහගෙන වාහනයක් ගන්න සහ මූලික වැඩ කටයුතු ටික කරගන්න සල්ලි ඉතුරු කරගන්න. Airbnb ඉතාම මිල අධිකයි. ඒ නිසා අපි උත්සාහ කරේ අඩු මුදලකට කොහේ හරි සතියක් විතර නැවතිලා කෙලින්ම rent එකට තැනක් හොයාගන්න.

මේක කරන්න අමාරු වැඩක් නෙමේ බැරි වැඩක් කියලයි හැමෝම කිව්වේ. අපි facebook එකෙන් සමහර ලංකාවෙ අයට message කරා. ඒත් shared house වල ඉන්නත් bond ගෙවන්න, බිල් බෙදාගන්න සහ අවම මාස ගණනක් අනිවාර්යෙන් සිටිය යුතුයි වගේ කොන්දේසි තිබිච්ච නිසා අපි ඒ වැඩේට ලොකු කැමැත්තක් තිබුණෙ නෑ. ඇහැට දැකපු නැති තැනක නොදන්නා පුද්ගලයන් එක්ක මාස හයකට වඩා ලමයෙකුත් එක්ක ජීවත් වෙන්න agreement වලට එළඹෙන්න කලින් සිය දහස් වතාවක් අපට හිතන්න සිද්ධ වුණා. Airport එක අවට motels/ hostels පවා අපි බැලුවා. මොකද රට ඇතුළට ආවට පස්සේ අපිව එක්ක යන්න එන්න කෙනෙක් වත් යන්න තැනක්වත් වගේ කිසිම අදහසක් මුලින් අපිට තිබුණේ නැති නිසා.

ඒත් අපි එච්චර අවාසනාවන්ත උනේ නෑ. මගෙ තාත්තගෙ හිතවත් මහත්මයෙක් එක්ක තාත්ත කතා කරලා මේ ප්‍රශ්නය ගැන කියලා තිබුණා. එතුමා කැමති වෙලා තිබුණා ඒ ගැන එයාගේ ඕස්ට්‍රේලියාවෙ ඉන්න පුතා එක්ක කතා කරන්න. එහෙම තමයි අපිට අමිල අයියව හඳුනගන්න ලැබුණේ.

ඊට පස්සේ අමිල අයියගෙ watsapp නොම්බරේ අපට ලැබුණා. ඕස්ට්‍රේලියාවේ වැඩ කරන අයගේ අධික කාර්යබහුලත්වය සහ ලංකාව සහ ඕස්ට්‍රේලියාව අතර තියෙන කාල වෙනස ගැන සැලකිලිමත් වෙලා මුලින් message එකක් එහෙම දාලා වෙලාවක් වෙන්කරගෙන හරිම බයෙන් ගරු සරු ඇතිව අපි අයියත් එක්ක කතා කරා. මොකද ඉන්න තැනක් හෙවිල්ලෙන් හෙම්බත් වෙලා යන්න ඉන්න ගමන ගැන සෑහෙන චකිතයකින් උන්න අපිට ඒ වගේ උදව්වක් කරන්න කැමැත්තක් හරි පළ කරපු මනුස්සයෙක් ගැන අපිට තිබුණේ පුදුමාකාර ගෞරවයක්.

කතා කරපු පළවෙනි දවසෙම තේරුණා ඒ දෙමව්පියෝ වගේම අමිල අයියත් ඉතාම හොඳ ගුණ යහපත් පොළොවේ පය ගහලා ඉන්න මනුස්සයෙක් බව. කිසිම වෙලාවක අපි එන එක ගැන අකමැත්තක් වචනෙකින්වත් පෙන්නුවේ නැහැ. එයාලගේ ගෙදර ඉන්න දෙන්න වගේම airport එකට අපිව ගන්න එන්නත් අයියා පොරොන්දු වුණා. නන්නාදුනන රටකට පොඩි දරුවෙකුත් උස්සගෙන පය ගහන්න යන අපිට ඒ මොහොතේ දැනුන සැනසිල්ල මේ ලිපිය ලියන මොහොතෙත් මට ඒ වගේම දැනෙනවා.

අපි යන්න කිට්ටු කරලා අයියත් එයාගේ වැඩ වගේ වගයකට ලංකාවට ආපු නිසා අයියත් එක්ක මුණගැහිලම කතා කරන්න අපිට අවස්ථාව ලැබුණා. Phone එකෙන් කතා කරා වගේම අපිව මුන ගැහුණ දවසේත් අයියා කිව්වේ ඕන උදව්වක් කරන්නම් බය නැතුව එන්න කියලා.. මතක හැටියට අපි ඕස්ට්‍රේලියාවට යන දවසක් හෝ දෙකක් කලින් තමයි අයියා ආපහු ගියෙත්.. ඒත් ඒ මහන්සියවත් නොබලා අයිය පොරොන්දු උන විදියටම අපිව ගන්න airport එකට ආව.

අපි ලංකාවෙන් ඕස්ට්‍රේලියාවට ගියේ Dubai හරහා. අපි සම්පූර්ණ ගමන book කරල තියෙන්නේ charter flight එකකුත් එක්ක කියල දැනගන්නකොට පරක්කු වැඩියි. Emirates නමින් තිබිච්ච නිසා book කරාට ලංකාවෙන් Emirates direct flight තිබ්බෙ නැහැ. ඉතින් මොනවා කරන්නද. බස් එකක යනවා වගේ පැය 7.5 ක් හරි හමන් කෑමක්වත් දුන්නේ නැති, සද්ද බද්ද පිරුණ Boeing 737 plane එකක ගිහින් පැය 15 ක් transit ඉඳල Dubai to Melbourne පැය 13 ක් යන්න උනා.. Dubai ඉඳලා ඕස්ට්‍රේලියාවට ආපු Emirates flight එක නම් හරිම සුවපහසුයි. ඒත් ඒ මගෙයි පුතාගෙයි පළවෙනි ගුවන් ගමන.. බහින කොට හොඳටම හෙම්බත් වෙලා. Check out වෙනකොටත් සෑහෙන වෙලාවක් ගියා.

Australian Border Force කියන්නේ තිතටම වැඩ කරන කට්ටියක්. Exit වෙනකල්ම සලකන්නේ එයාලගේ රට ආක්‍රමණය කරන්න ආපු සතුරන්ට වගේ. ප්‍රශ්න අහන විදියට අහිංසක, නිවැරදි මිනිස්සුන්ට පවා guilty feeling එකක් එනවා 😁😁 හැමෝටම මෙහෙම වෙන්නේ නැතුව ඇති. ඒව තීරණය වෙන්නේ ඉන්න officers ලට අනුව. කලින් දැනගෙන කියවගෙන හිටපු නිසා declaration form එකේ හැමදේම හරියට declare කරල අරන් ගියපු කෑම බීම මොකුත් නැති කරගන්නේ නැතුව දෙයියනේ කියලා පිටවෙන්න ලැබුණා.

ආයෙත් මාතෘකාවට එමු.

ඊට පස්සේ අමිල අයියත් එක්ක එයාලගේ ගෙදර අපි ගියා. අමිල අයියගෙ නෝනා ශ්‍යාමා අක්කත් වැඩට ගිහින් හිටියේ. ඒත් එයා යන්න කලින් අපිට ඇවිත් කන්න උයලා අපිට කාමරයකුත් ලෑස්ති කරල ගිහින් තිබුණේ. ඇඳට වැටෙනවා විතරයි මතක අපි පැය කීයක් නිදා ගත්තද කියලවත් මතක නෑ. Jet lag තිබුන සෑහෙන දවසක්. මට මතකයි අපි දෙන්නා ජාම වෙලාවෙ නැගිටලා කෑම කනවා.. මොකද jet lag නිසා අපිට පුරුදු ලංකාවෙදි කෑම කාපු වෙලාව නිසා.. දැන් හිතද්දී හිතෙනවා අපි අයියටයි අක්කටයි කොච්චර කරදර කරන්න ඇතිද කියලා..😔

අයියටයි අක්කටයි දරුවො ඉන්නවා. ඒ දරුවොත් තරුණ වයසේ ඉන්න තාම පාසල් යන දරුවෝ. අපි පස්සේ දැනගත්තේ අපිට දීල තියෙන්නෙ දුවගේ කාමරය කියලා. අපිට ඒ කාමරය දීලා දුව ඉඳලා තියෙන්නේ එයා පාඩම් කරන කාමරයේ. අපට පුදුම කම්පනයක් ඇතිවුණේ ඒ දරුවා අපිට එයාගේ ඇඳ දීල බිම නිදියගෙන තිබුනේ කියලා දැනගත්ත දවසේ. අපි ඒක දැනගත්තෙ සෑහෙන දවසක් ගිහින්.. 😭😭

ඇවිත් පහුවදාම අයියා අපිව එක්කගෙන ගියා මෙහෙ තියෙන plaza එකකට. එතනට ගිහින් sim අරන් bank account open කරා. අපි ඔක්කොම වැඩ ටික ඉවර උනාට පස්සේ අයියා ආපහු අපිව එක්ක යන්නත් ආවා.

ඇවිත් දවස් තුනක් යනකොට අපි අපේ පළවෙනි වාහනය ගත්තා. මොකද වාහනයක් නැතුව ඕස්ට්‍රේලියාව වගේ රටක කිසිම දෙයක් කරගන්න බැහැ කියලා අපි දැනගෙන හිටියා. ඒකටත් වාහන බලන්න husband ව හැමතැනම එක්කගෙන ගියේ අමිල අයියා. අයිය ඉතාමත් කාර්ය බහුල එක්කෙනෙක්. දැන් මගේ රස්සාව එක්ක ගතවෙන ජීවිතේ එක්ක කල්පනා කරලා බලනකොට හිතෙනවා අයියා කොහොමද ඒ හැමදේම කලේ කියලා. අක්කත් එයාගේ රස්සාවයි, දරුවන්ගේ වැඩයි අතරෙ අපිව ඕස්ට්‍රේලියාවේ ජීවිතයට හුරු කරවන්න shopping mall වලට පවා එක්ක ගියා.. ඒ හැම අත්දැකීමක්ම අපිට මාර විදියට වැදගත් වුණා.

ඕස්ට්‍රේලියාවේ ජීවිතයේ හැටියට shared purpose එකක් වෙනුවෙන් සූදානම් කරලා නැති නිවසක පවුල් දෙකකට ජීවත් වෙන්න බැහැ. ඒක ඉතාම කරදරකාරීයි ඒ පවුලට. අයියවත් අක්කවත් කොයිවෙලේකවත් අපේ හිත රිද්දුවේ නැති උනාට එහෙම ජීවත් වෙන එක අමාරුයි කියලා අපි දෙන්නා හොඳටම තේරුම් අරගෙන තිබුණේ. අපේ පුතත් පුංචි නිසා එයාගේ දාංගලෙයි සද්දබද්දයි එක්ක පාඩම් කරන දරුවන්ටත් අපි ඉන්න එක කරදරකාරී බව අපි තේරුම් අරගෙන තිබුණේ. අපි ඉතින් පුළුවන් තරම් උත්සාහ කළා ගෙවල් හොයන්න. අයියටයි අක්කටයිත් හැමවෙලේම කිය කිය කරදර කරා අපට කීයකට හරි කමක් නෑ තැනක් හොයලා දෙන්න කියලා.

අයියගේ උදව්වෙන්ම husband ට අපි ඇවිත් සතියක් වගේ යනකොට රස්සාවකුත් හම්බුනා. ඒකත් ලංකාවේ එක්කෙනෙක්ට අයිති company එකක.

අපි අයියල එක්ක සතියක් ජීවත් වුණා. කෑම බීම ඉඳුම් හිටුම් ඔක්කොම එයාල ගානේ. මගෙ HR manager අපිව බලන්න ආවෙත් අයියලාගේ ගෙදරට. ඒ හැම වෙලාවකම සංග්‍රහ සත්කාර කළෙත් ශ්‍යාමා අක්කා.

අයියගෙයි අක්කගෙයි මහන්සිය නිසාම ඊට පස්සේ අපට මුණගැහුන "නෑදෑයො" තමයි අජිත් අයියයි කමලා අක්කයි. ඒ දෙන්නා ගොඩක් මහන්සි වුණා අපිට යන්න තැනක් හොයලා දෙන්න. ඒ හරහා තමයි අපට ලංකාවේ තව පවුලක් අඳුනගන්න ලැබුණේ. ඒ සරත් අයියයි හිමාලි අක්කයි.

එයාලා airbnb වලට හදපු brand new one bedroom unit එකක අපේ ඔස්ට්‍රේලියාවෙ ජීවිතේ පටන් ගන්න ලැබුණේ මේ උඩ කියල තියන හැමෝටම පින්සිද්ද වෙන්න. එයාලට පින් සිද්ධ වෙන්න අපිට shared house වල අත්දැකීම ලබාගන්න උනේ නෑ. මොකද අපිට හම්බවෙච්ච unit එක ප්‍රධාන ගෙදරින් සම්පූර්ණයෙන් වෙන් කරලා තියෙන එයාලගේ කිසිම අතපෙවීමක් නැති වෙනම කොටසක් වීම. සරත් අයියයි හිමාලි අක්කයිත් අපි ඒ ජීවත් වෙච්ච මාස හතරට අපිට පුදුමාකාර නිදහසකින් ජීවත් වෙන්න අවශ්‍ය කරන වටපිටාව හදලා තිබුණා. වචනයේ පරිසමාප්තාර්ථයෙන්ම ඔවුන් professional airbnb hosts ල. එයාලත් ඕස්ට්‍රේලියාවේ සෑහෙන කාලයක් ජීවත් වෙන පුද්ගලයෝ නිසා ඕස්ට්‍රේලියානුවන් වගේම තමන්ගේ පාඩුවේ ජීවත් වෙන ඉතාම හොඳ අය. Airbnb වලට හදපු unit එකක් උනාට සරත් අයිය අපි වෙනුවෙන් rental agreement එකක් draft කරල දුන්නා.. ඕස්ට්‍රේලියාවේ ඉතිරි වැඩ කටයුතු ටික කරගන්න පදිංචිය සනාථ කරන්න වෙන අවස්ථාවල ඒ ලියවිල්ල අපිට ඉතාම වැදගත් වුණා. අප්‍රේල් මාසේ අලුත් අවුරුදු දවස අපට මතක් වත් නොවුනට හිමාලි අක්කා උදේ පාන්දර අවුරුදු කැවිලි බන්දේසියක් අරගෙන ආපු හැටි මට තාමත් මතක් වෙනවා.. 🥹❤️

උඩ කියලා තියන අජිත් අයියා තමයි අපි ගත්ත වාහන, ගන්න සුදුසු තත්ත්වයේ තියෙන බව තහවුරු කරේ. ඕස්ට්‍රේලියාවේ වාහන සම්බන්ධ වැඩ සිද්ධ වෙන විදිහ ගැන හැමදේම කියලා දීලා Roadworthy ගන්න හැමදේම කරල දුන්නේ අජිත් අයියා. Toyota company එකේ වැඩ කරලා අයියට තිබිච්ච වෘත්තිමය පලපුරුද්ද අද දක්වා අපිට පිහිට වෙනවා. එයාට පින් සිද්ධ වෙන්න මුලින්ම ගත්ත වාහනයත් තාම හොඳම තත්වයෙන් වැඩ.

මේ වෙලාවෙදි තව මතක් කරන්න ඕනේ driving license ගන්න අපිට උදව් කරපු නිල්මිණි අක්කා.. අපට එයාව අඳුන්නලා දුන්නේත් අජිත් අයියා. මට driving confidence ඇති වෙනකල්ම ඉතාම සාධාරණ ගානකට මට lessons දුන්නෙ එයා. එයත් එක්ක පැයක් තිස්සෙ ගන්න driving lesson එකට අමතරව මේ රට ගැන, ජීවිතය ගැන අපි කතා කරපු දේවල් වලින්, අලුත් ගෙදර, දෙවෙනි වාහනේ ගද්දි එයාගෙන් ලැබිච්ච උපදෙස් අපිට ගොඩක් උදව් උනා කිසිම කරදරයක් නැතුව ඒ හැමදේම හරියටම කරගන්න. එයාටත් ගොඩක් පින්. අක්කත් එක්ක chat එකක් දාන්නම ආයෙත් lesson එකක් යන්න ආසයි 😁

මීට අමතරව අපට ගැටලුවක් ඇතිවෙච්ච හැම වෙලාවකම, නොදන්න දෙයක් අහගන්න, තීරණයක් ගද්දි ඒ දේවල් වල හොඳ නරක තවත් කෝණෙකින් බලන්න දුරකථන ඇමතුමක් දීලා අපි උපදෙසක් ලබා ගන්නේ මේ අයගෙන් තමයි. ඒ ලබා දුන්න උපදෙස් අද වෙනකන් වැරදිලා නෑ. දන්න කියන අය පවා මග ඇරපු, කාත් කවුරුවත් නැති රටේ අපිට ලැබුණ ලොකුම සම්පත මේ හිතවත්කම්.

ඉතින් උඩ මේ කියල තියෙන අය තමයි අපිට ඕස්ට්‍රේලියාවෙදි හම්බුන "නෑදෑයෝ". අපිව කවදාක්වත් දැකලත් නැති දන්නෙත් නැති අපි කොහොම අයද කියලවත් දන්නේ නැති ඒ හැමෝම මනුස්සකම වෙනුවෙන් එකතු වුණ නිසා අපේ ඕස්ට්‍රේලියාවේ ජීවිතේ මුල ඉඳන්ම ඉතාම ප්‍රසන්න අත්දැකීමක් වුණා. මේ දේවල් සිද්ධ උන විදිහට නම් වාසනාව කියන දේත් බලපාන්න ඇති කියලා හිතෙනව.

හොඳ මිනිස්සුන්ට කවදාවත් වරදින්නේ නෑ කියන්න හොඳම උදාහරණ තමයි මේ.

අමිල අයියයි ශ්‍යාමා අක්කයි ලඟදි එයාලගෙම ගෙදරකට ගියා. එයාලගේ දාඩිය මහන්සියෙන් හදාගත්ත ලස්සනම ලස්සන කූඩුවක්. ඒ සතුට සමරන්න මේ සතියේ තිබිච්ච සැමරුමට අපිටත් ආරාධනා කරපු එකට අයියටයි අක්කටයි ගොඩක් ස්තුතියි. පහලින් අමුණලා තියෙන්නේ මම ඕස්ට්‍රේලියාවේ ඒ "නෑදෑයොත්" එක්ක එදා ගත්ත පින්තූර ටිකක්..

අමිල අයියගේ ශ්‍යාමා අක්කගෙයි දරුවන්ගෙයි මේ අලුතෙන් ඇරඹුණ ජීවිතය සර්වප්‍රකාරයෙන්ම සාර්ථක වෙන්න කියලා අපි හදවතින්ම ප්‍රාර්ථනා කරනවා. ජීවිතයේ බින්දුවටම වැටෙන්න තිබිච්ච අපට අත දීලා ඒ කරපු හැම උදව් උපකාරයක් වෙනුවෙන්ම අපි ජීවිතේ තියෙන තාක් කල් අයියටත් අක්කටත් මේ අනෙක් කියලා තියෙන ඔක්කොම "නෑදෑයන්ටත්" ණයගැතියි.

හැමෝම ඕස්ට්‍රේලියාවේ ඉන්න ලාංකිකයන්ට බැන්නට අපට නම් කියන්න තියෙන්නේ අපි අද මෙහෙම ජීවත් වෙන්නේ ඒ ලැබුණ තල්ලුව නිසා කියලා. බින්දුවෙන් පටන් ගන්නෙ නැතුව ලංකාවේ ජීවත් උනාට වඩා පහසුවෙන් ඕස්ට්‍රේලියාවේ ජීවිතයේ පටන් ගන්න පුළුවන් උනේ ඒ මිනිස්සුන්ට පින් සිද්ධ වෙන්න. මේ වචන ටික ඒ වෙනුවෙන් කෘතගුණ දැක්වීමට කරන පුංචි දෙයක් විතරයි. ඔයාලගේ ඕනම දේකදි අපි දෙන්නා ඉන්නවා. 🙏🙏🙏

25/02/2024

He is✌️😂