Sydfriga

12/12/2024

12/10/2024

Big shout out to my newest top fans! 💎

Tuya Tungalag, Gerel Tuya, Munguu Narankhuu

Drop a comment to welcome them to our community, fans

11/10/2024

Thanks for being a top engager and making it on to my weekly engagement list! 🎉

Solongo Tsogtjargal, Gerel Tuya

11/10/2024

Үнэлэмж...

Олон жилийн өмнө манай ажилд нэг шинэ залуу орлоо. Толгой сайтай, хэл усандаа ч сайн, нягт нямбай, ярианы чадвар нь ч өндөр хөгжсөн. Тэрний тэр харилцагч нартай харилцаж байгаа, судалгаа шинжилгээ хийсэн байдал, бичгийн боловсрол гээд л бүгд мундаг. Нэг өдөр газраараа баяр тэмдэглэх болоод гарсан чинь нөгөөх маань халамцчихаад нилээн далжгар зан гаргаж байна шүү. Тэрнээс хойш тэрнийг үнэлэх үнэлэмж навс унасан даа...

Зарим хүнийг дагаж байхад ухаантай ухаантай пост бичээд, овоо юмуудаа гээд бодож байтал эм үгийн “ий” бичих үгэнд шууд эр үгийн “ы” бичсэн байгааг нь хараад шууд үнэлэмж навс унадаг даа...

Биеэ их гоё дэгжин авч явдаг эгч байлаа. Нуруу туруу нь цэх гэж жигтэйхэн. Санаандгүй тохиолдлоор гэрт нь очтол тавилга хогшил нь сонин тухгүй, байр нь бүүр дээр үеийн засвартайгаа, том өрөөнийх нь гэрлийн шил бүрхүүл ч байхгүй байсан гээд бод доо. Тэр өдрөөс хойш тэр эгч надад гоё харагдахаа ч больсон...

Ажилдаа их чадвартай, хариуцлагатайгаараа алдартай нэг эгч байдаг юм. Юуг ч амархан амжуулдаг байрын. Ямар ч хэцүү асуудал гарсан, өө энийг ингээд зохицуулчихна, тэрийг тэгээд болоо гээд л. Ямар ч төрлийн бизнесийн харилцагчтай уулзсан мэдэхгүй мэдээлэл, чадахгүй харьцуулалт гэж байхгүй. Нэг удаа хүүхнүүдээрээ юм ярьж сууж байгаад санаандгүй гурил зуурч чаддаггүй, тэр байтугай бантангийн гурил багсарч үзээгүй гэдгийг нь сонсоод тэр эгчийн тухай үнэлэмж маань навс унасан...

Ийм яриа, дүгнэлтүүдийг эргэн тойрондоо, өөрийнхөө дотроос хэр олон сонсож байв даа?

Бусдыг дүгнэх амархаан, нээх чухал ач холбогдол өгөхгүй л хялбархаан дүгнэчихнэ, ярьчихна, тэгээд болоо. Юу нь муу гэж? Үнэн юм чинь!!! гээд л...

Харин энэний цаана өөрийнхөө ямар хандлагыг хөгжүүлж байдгийг мэдэх үү? Шүүмжлэх сэтгэлгээ, сайн сайхныг нь олж харахыг хүсэхгүй байх тэр сэтгэлгээ. Зүгээр л нэг ганц хоёр сул талыг нь харчихлаа, дүгнэчихлээ, болоо. Аягүй бол тэр дүгнэлтэндээ өөрөө итгэнэ, тэгээд бараг дургүй болчихно. Дахиж уулзахгүй, бараг ярихгүй гэж шийдэж ч магадгүй.

Өөрт чинь юу ч алдагдахгүй байгаа юм шиг санагдаж байна уу?
Үгүй шүү, хамгийн эвгүй нь үүнтэй зэрэгцээд өөртөө яг адилхан ингэж хандаад явж байдаг юм аа. Тархи угаасаа тэгж л ажилладаг. Өөртөө нөхцөл тавиад, өөрийгөө шүүмжлээд, өөрийнхөө сайн сайхан талуудыг олж харж, хүлээн зөвшөөрөхийг хүсэхгүй байх тэр сэтгэлгээ сууж байдаг.

Би ч ялгаагүй, эмэгтэй хүн байж, боловсролтой хүн байж, эх хүн байж, санхүүгийн хүн байж, айлын бэр байж, залуу хүн байж, заримдаа бүр Иогийн багш байж .... энэ олон “байж”-уудыг бусдад болон өөртөө тавихаа болихыг байгаагаар нь хайрлах гэж нэрлээд байгаа юм.,

Бясалгал хийх үед хүний дотоод хайрын мөн чанар сэргэж, байгаагаар нь хайрлахыг суралцдаг. Суралцаад байх юу байхав, бүгд чадна л даа. Хэзээ нэгэн цагт хэн нэгнийг байгаагаар нь хайрлаж байгаагүй хүн байхгүй л байх.
Гэхдээ гол нь дадал болгодогт байгаа юм шүү. Энэ гайхалтай чанараа дадал болгохгүй, хэрэггүй юманд дадаад байна шүү манайхаан 😅

30/09/2024

Иогоор хичээллэдэг хүмүүстээ хандаж хэлэхэд хурдан сайжрах гэж, илүү уян хатан болох гэж, илүү хүнд познуудыг барьдаг болох гэж яарах хэрэггүй дээ 🤗.

Энэ яаралтын цаана харьцуулалт, өрсөлдөөн, шуналт сэтгэлгээ явж байдаг. Амжилтанд шунах, өөрийгөө бусадтай харьцуулах, өөрийгөө өмнөх өөртэйгөө өрсөлдүүлэх тэр сэтгэлгээ. Илүү сайжирч байх үед бүх юм сайхаан, өрсөлдөөд түрүүлэхэд ямар байдаг билээ дээ, яг л тийм мэдрэмж авна. Хамгийн гол нь энэ үед эдгээр сэтгэлгээ нь цаагуураа бидэнд улам бат суусаар л байдаг. Бидний мөн чанарыг эвдэж байдаг.

Тиймээс, аль болох өөрийнхөө үнэ цэнийг байгаагаар нь үнэлж хайрлаж чаддаг байх, хэнийг ч сайжруулахыг хүсээгүй, хэнийг ч заавал амжилттай байлгахыг шаардаагүй тэр сэтгэлгээг эргүүлж олж авах нь энэ нийгэмд холдож одсон байсан өөрийгөө олж авч байгаатай адилхан үнэ цэнэтэй.

Товчхондоо бол илүү уян хатан болох гэж, илүү хүнд познуудыг барьдаг болох гэж яарахаа больсон, хүчлэхээ больсон тэр цагт зөвхөн таны махан бие ч биш, та өөрөө бүхлээрээ амьдралд илүү уян хатан хандаж чаддаг болсон байх болно оо 👍.

29/09/2024

📣📣 10-р сарын танхимын анги 1-нээс эхэллээ.

📍 Мягмар, Баасан гаригуудад.
📍 Орой ⏰ 6.30-7.45 цагийн хооронд.
📍 Өөрт боломжтой өдрүүдээ сонгоод хуваариа тохирч болно.
📍 Нэг орохдоо 60+15 минут.
📍 Дасгал, амьсгал, бясалгал;
📍 Хаяг: 2 Leeds Street, Rhodes.

🤔🤔🤔 Иогоор хичээллэх яагаад хэрэгтэй вэ?

✅ Алжаалаа тайлж, амьдралын асуудлууд тархин дотор цэгцэрнэ ээ👍.

✅ Чилээгээ гаргаж, сэтгэлээ санаа тогтвортой болно оо👍.

✅ Өөртөө цаг гаргаж, өөрийгөө байгаагаар нь хайрлана аа👍.

✅ Сэтгэлд уяатай асуудлаа тавьж явуулж, одоо цагтаа оршино оо👍.

🤙 Баярлалаа

, , #иог, #бясалгал,

24/09/2024

Иог бол зөвхөн дасгал ч юмуу эсвэл сунгалт биш.

Миний хувьд Иогийн анги маань хүмүүсийн өөрөөрөө байх нөхцөл нь байгаасай, чин сэтгэлээсээ цагийг өөртөө зориулдаг орчин нь байгаасай, дэргэд байгаа нэгнээ болон өөрийгөө шүүмжийн нүдээр харалгүй, ямар нэгэн харьцуулалтгүй өнгөрөөж чаддаг цаг хугацаа нь байгаасай гэж хүсдэг.

Хүмүүст ямар ч үнэлэлт дүгнэлт өгөлгүй байгаагаар нь ажиглаад, яг тийм байгаад нь талархаад өнгөрөх хамгийн сайхан мэдрэмж байдаг. Зарим хүн маш яриасаг, өдөр болгон нэг сэдэв ярьж орж ирнэ, зарим хүн юм ярихаас зайлсхийсэн байдалтай зөөлөн инээмсэглээд л, зарим нь мааш хөгжилтэй мааз зантай, харин зарим нь нилээн шүүмжлэлтэй зарчимч гэх мэт. Тухайн үед хүн ямар мэдрэмжтэй, ямар байдалтай байгаа нь тэр чигээрээ тийм хүн гэсэн үг мэдээж биш. Жишээ нь ядарсан үедээ дуугаа хураадаг ч ихэнх цагт хөгжилтэй байдаг байж болно. Тийм болохоор яг одоо харагдаж байгаагаар нь хэнийг ч дүгнэж үл болно.

Юутай ч ангидаа анх ирэхдээ ямар ч мэдрэмжтэй, ямар ч бодолтой, ямар ч асуудал тээж орж ирсэн бай, Иог бясалгалаа хийгээд гарахдаа түүнээсээ түрхэн зуур ч болов хөндийрч, тархиа амрааж, сэтгэлээ сэргээж, улам өөртөө итгэлтэй, улам их эрч хүчтэй, улам байгаасай л гэж хүсдэг дээ.

04/09/2024

29/08/2024

8 сарын сүүлийн хичээл маргааш 30-нд ороод дууслаа даа.

📣📣 9-р сарын танхимын анги шууд 3-наас эхлэх гэж байна.

Байнга элсэлт авна өө, шийдсэн бол шууд бичээрэй 😊.

📍 Мягмар, Баасан гаригуудад.
📍 Орой ажил тарснаас хойш ⏰ 6.30-7.45 цагийн хооронд.
📍 Төлбөрийг сараар хийнэ, гэхдээ анхнаасаа өөрт боломжтой өдрүүдээ сонгоод хуваариа тохирч болно.
📍 Нэг орохдоо 75 минут- $20;
📍 Дасгал, амьсгал, бясалгал бүгд багтана.
📍 Хаяг: 2 Leeds Street, Rhodes.

🤙 Баярлалаа

, , #иог, #бясалгал, ,

11/08/2024

Өглөөний мэнд манайхаан (Сиднейд бол өдрийн),

Коментоор болон хувь чатаар 2 гэж илүү их бичсэн учраас дунд шатны дасгал орууллаа шүү 😉.

Надад иймэрхүү бичлэг хэдэн зуугаараа байгаа болохоор нэг ч гэсэн хүн, нэг удаа ч гэсэн Иог хйиг гэж бодсон юмаа 🫶.