10/04/2025
Den un sala ‘sold-out’, profesionalnan di HR y lidernan di negoshi a reuni pa un experiencia transformativo di aprendizahe den “Level Up Your Sick Leave Management: Strategies for HR and Leaders,” un seminario organisa pa Medwork Caribbean N.V.
E evento a conta cu conocemento experto, perspectivanan practico y strategia concreto pa yuda organisacionnan maneha absentismo/AO y ‘employability’ den manera mas eficiente.
Expertonan di industria Mary Ann Hoevertsz & Angelique S. van der Horn a guia presentacionnan riba:
✅ Fortalece compliance y proceso di sick leave na trabou
✅ Conduci combersacion efectivo ora di bolbe na trabou y maneho di incumplimento di proceso
✅ Implementacion di proceso di evaluacion di ‘employability’ y ‘job suitability’ pa mantene un ekipo productivo y agradabel
“Nos ta hopi contento y satisfecho cu e acogida di e profesionalnan cu a registra pa atende e seminario. Durante e evento aki nos a comparti hermentnan valioso pa implementa cambio positivo y de inmediato den nan organisacion.” CEO di Medwork Caribbean N.V., Jerry Staring ta comparti.
Puntonan clave comparti durante e seminario:
✔ Empresanan mester enfoca riba intervencion tempran y documentacion adecua.
✔ Proceso claro pa bolbe traha por disminui absentismo/AO a plaso largo di un manera significante.
✔ Evaluacion di ‘employability’ ta garantisa un baloracion honesto di empleadonan mientras ta proteha productividad.
Tocante Medwork Caribbean N.V.
Medwork Caribbean N.V. ta un lider den solucion di salubridad laboral y maneho di personal, brindando guia experto na negoshinan den e region. Door di seminario, conseho y servicio strategico, Medwork ta empodera lider di negoshi y profesionalnan di HR pa crea ambiente di trabou mas productivo y agradabel.
Pa mas informacion tocante eventonan den futuro, sesion personalisa of servicio di conseho por tuma contacto cu info@medwork.aw
