Ağcabədi Rayon Mərkəzi Xəstəxanası

03/02/2026

TƏBİB müxtəlif vəzifələr üzrə vakansiyalar elan edir

Tibbi sığorta departamentinin Tibbi tariflər şöbəsinə Aparıcı məsləhətçi vəzifəsi üzrə:

🔗https://tabib.gov.az/vetendashlar-ucun/vakansiyalar/193

Təlim və tədqiqatlar departamentinin Tibb müəssisələrində təlimlərin idarəoluması şöbəsinə baş məsləhətçi vəzifəsi üzrə:

🔗https://tabib.gov.az/vetendashlar-ucun/vakansiyalar/194

02/02/2026

* Ağcabədi Rayon Mərkəzi Xəstəxanasında Tibbi şöbələrin hesabat iclası keçirilib.

* 30.01.2026-cı il tarixində Ağcabədi Rayon Mərkəzi Xəstəxanasında 2025-ci il üzrə tibbi şöbələrin fəaliyyətinə həsr olunmuş hesabat xarakterli iclas təşkil olunub.

* İclas müəssisə rəhbəri Elnur Abdullayevin açılış nitqi ilə başlayıb. Rəhbər çıxışında ötən il ərzində tibbi sahədə görülən işləri, əldə olunan nəticələri və mövcud çağırışları diqqətə çatdırıb, qarşıdakı dövrdə fəaliyyətin daha da təkmilləşdirilməsinin vacibliyini vurğulayıb.

* Daha sonra inzibati məsələlər üzrə müavin Dəyanət Fərzəliyev çıxış edərək tibbi şöbələrin koordinasiyası, daxili idarəetmənin gücləndirilməsi və xidmət keyfiyyətinin yüksəldilməsi istiqamətində görülmüş işlər barədə ətraflı məlumat verib.

* İclasın növbəti hissəsində Tibbi Şöbələrin rəhbərləri (Cərrahiyyə, Ginekologiya və Doğum, Terapiya, Ailə Sağlamlıq Mərkəzi, Hemodializ, Uşaq şöbəsi, Poliklinika, Reanimasiya və İntensiv Terapiya, Təcili Tibbi Yardım Şöbəsi slaydlar üzərində təqdimatlarla çıxış edərək öz şöbələrinin 2025-ci il üzrə fəaliyyəti, görülmüş işlər, qarşıya çıxan çətinliklər və 2026-cı il üçün planlaşdırılan tədbirlər barədə hesabat təqdim ediblər.

* Təqdimatlar zamanı vətəndaşlara göstərilən tibbi xidmətlərlə bağlı görülən işlər və qarşıda duran prioritetlər geniş müzakirə olunub.

* İclasın sonunda müəssisə rəhbərliyi tərəfindən şöbələrə müvafiq tapşırıqlar verilib, qarşıdakı dövrdə ambulator və stasionar xəstə qəbulunun daha səmərəli təşkili, xidmətlərin keyfiyyətinin artırılması və institusional inkişaf istiqamətində işlərin davam etdiriləcəyi qeyd olunub.

02/02/2026

02/02/2026

02/02/2026

Ürəyimizi sağlam saxlamaq üçün nə etməliyik?

Ürəyimizin döyüntüsü varlığımızın səsidir. Nə qədər ki, ürəyimiz nizamla döyünür, qəlbimız sözümüzə baxır, deməli, yaşamağa dəyər. Ona görə də ürəyi qorumaq aktual əhəmiyyət kəsb edir.

Hər il dünyada təxminən 18 milyona yaxın insan kardioloji xəstəliklər səbəbindən həyatını itirir. Xüsusilə də ailəsində ürək-damar sistemi xəstəliyi, habelə hipertoniya, şəkərli diabet xəstəliyi, eləcə də yüksək xolesterin və artıq çəkisi olan şəxslər daha çox risk altındadır.

Orqanizmin ən çətin əzələsinin qeydinə qalmaq isə elə də çətin deyil. Düzgün qidalanma, aktiv həyat tərzi, zərərli vərdişlərdən imtina etmək kardioloji xəstəliklərdən qorunmada önəmli rol oynayan faktorlardandır.

Stress ürək xəstəliklərinin başlıca faktoru hesab edilir. Sağlam yuxu ən vacib şərtlərdəndir. İnsan yuxudan ayılanda özünü gümrah və yaxşı hiss etməlidir.

Ürək-damar sistemi xəstəliklərinin vaxtında aşkarlanması ilə həyat keyfiyyətini yaxşılaşdırmaq mümkündür. Ürəyin qanla təchizatını öyrənmək üçün 45-50 yaşdan sonra ən azı ildə bir-iki dəfə həkim-kardioloq müayinəsində olmaq lazımdır.

Unutmayın ki, erkən müayinə və diaqnostika xəstəliklərin aradan qaldırılmasında effektiv rol oynayır!

02/02/2026

Müasir Azərbaycan gənci hər sahədə uğurları, yenilikləri ilə fərqlənir!

2 Fevral - Azərbaycan Gəncləri Günüdür.

02/02/2026

* 2 Fevral – Azərbaycan Gəncləri Günüdür.

* Ulu Öndər Heydər Əliyevin 1997-ci ildə imzaladığı Fərmana əsasən, hər il fevralın 2-si Azərbaycan Gəncləri Günü elan edilib.

* Gənclərimizi bu əlamətdar gün münasibətilə səmimi-qəlbdən təbrik edir, hər birinə möhkəm cansağlığı, yüksək əhvali-ruhiyyə və gələcək işlərində uğurlar arzulayırıq!

30/01/2026

Hormonal balans – Reproduktiv sağlamlığın sütunu

Hormonal balans reproduktiv sağlamlığın əsas sütunlarındandır.

Vaxtında müayinə, sağlam qidalanma, stresin azaldılması və mütəmadi həkim nəzarəti hormonal balansın qorunmasında əsas rol oynayır.

Reproduktiv sağlamlığın qorunmasında hər kəsi məsuliyyətli olmağa çağırırıq!

Gələcək sağlam ailədən başlayır.

30/01/2026

Qaymorit xəstəliyi nədir?

Bildiyimiz kimi, insan burnunun sağ və sol tərəfində dörd burunətrafı cib var. Onlardan birinin adı haymor boşluğudur. Həmin boşluğun burun və ya qan vasitəsilə xəstəlik törədən mikrobların daxil olması nəticəsində iltihablanması da elə qaymorit və ya haymorit adlanır. Burun və burunətrafı ciblərin xəstəlikləri yuxarı tənəffüs yollarının ən çox görülən patologiyasıdır. Haymorit üz nahiyəsində, burun ətrafında, başı aşağı salarkən və ya tərpədərkən ağrılarla, burundan gələn axıntı ilə özünü büruzə verir. İnsan qrip olarkən də haymoritin əlamətləri müşahidə edilə bilər.

Qaymoritin kəskinləşməsi onun daha da dərinləşməsinə səbəb olur və xəstəlik törədən mikrobların inkişafı üçün münbit şərait yaranır. Kəskin və xroniki qaymorit, KBB (LOR) patologiyaları arasında yayılma dərəcəsində ikinci yerdədir.

Qaymoritin ağırlaşması zamanla ağrıların yaranmasına səbəb olur. Öncə ağrılar zəif olsa da sonradan güclənməyə başlayır. Xəstəlik zamanı mikrobların ifraz etdiyi toksinlər qana işləyir və xəstə baş ağrılarından, halsızlıqdan, iştahasızlıq və s. şikayət etməyə başlayır.

30/01/2026

Beyləqan Rayon sakiniyəm Ağcabədi Rayon Mərkəzi Xəstəxanasının Hemodializ şöbəsində dializ alıram. Gəldiyim gündə bu günə kimi Ülvü və Bakir həkimlər və tibbi personal mənimlə və həmçinin bütün xəstələrlə mütamadi maraqlanırlar. Müalicələrimiz vaxtı vaxtında olunur və burada olan gülərüz personal bizim daha yaxşı olmağımız üçün əlindən gələni edir. Məndə bizə göstərilən xidmətlərə görə xəstəxananın rəhbərliyinə və bütün Hemodializ kollektivinə minnətdarlığımı bildirirəm.

30/01/2026

Ağcabədi Rayon Mərkəzi Xəstəxanasının tibb personalının iştirakı ilə rayon Təzəkənd kənd sakinlərinin səyyar tibbi müayinəsi təşkil edilib

Rayon mərkəzi xəstəxanasının müxtəlif ixtisaslı həkimləri (terapevt, pediatr, ginekoloq, laborant və s.) tərəfindən icbari tibbi sığorta çərçivəsində kənd üzrə ümumilikdə 140-dan çox sakinə (uşaqlar da daxil olmaqla) 200-a yaxın tibbi xidmət göstərilib.
Müayinələr zamanı ixtisaslı tibbi xidmətlərə ehtiyacı yaranan sakinlərin aidiyyəti tibb müəssisələrinə yönləndirilməsi təmin edilib.

Bununla yanaşı, müayinələrə cəlb olunan sakinlərə ölkəmizin səhiyyə sahəsində həyata keçirilən yeniliklər və tibbi xidmətlərə əlçatanlığın təmin edilməsi istiqamətində görülən işlərlə bağlı məlumatlar verilib.