Astara Rayon Mərkəzi Xəstəxanası

15/11/2025

Astara Rayon Mərkəzi Xəstəxanasının rəhbərliyi və kollektivi "Astara Eko Festivalı"nda iştirak edib

Astara rayonunda "Konstitusiya və Suverenlik İli" elan edilməsinə həsr olunmuş "Astara Eko Festivalı" təşkil olunub.

Festival Dövlət Turizm Agentliyinin təşkilatçılığı ilə Dənizkənarı Park Bulvarda baş tutub.

"Astara Eko Festival"da Astara Rayon Mərkəzi Xəstəxanasının direktoru Bahadır Əhmədov və struktur-bölmə rəhbərləri, həmçinin tibb müəssisəsinin kollektivi də iştirak edib.

Festivalın keçirilməsində məqsəd yerli turizm məhsullarının tanıdılması ilə yanaşı, bölgə turizmində mövsümülük amilini aradan qaldırmaq, kənd turizminə dəstək olmaq, yerli adət ənənələrini və mədəni irsi təşviq etmək, eyni zamanda ekoturizm və aqroturizm ehtiyatlarının təşviqi, yerli fermerlərin turizm sahəsində inkişaflarına töhfə verməkdir.

14/11/2025

"Astara Rayon Mərkəzi Xəstəxanasında həkimləri tanıyaq" rubrikası ilə sizə sağlamlığımızın keşiyində dayanan fədakar həkimlərimizi təqdim edirik.

Astara Rayon Mərkəzi Xəstəxanasının həkim-endokrinoloqu Mustafayeva Nailə 1955- ci ildə Astara rayonunda anadan olmuşdur.

1974-1980-ci illərdə N.Nərimanov adına Azərbaycan Tibb Universitetində terapevt ixtisası üzrə təhsil almışdır.

1980-1981- ci illərdə Respublika Klinik Xəstəxanasında həkim-terapevt kimi çalışmışdır.

1982-1984- cü illərdə Astara Rayon Mərkəzi Xəstəxanasında həkim- terapevt kimi fəaliyyətə başlamışdır.

1984- cü ildən etibarən Astara Rayon Mərkəzi Xəstəxanasında həkim-endokrinoloq kimi fəaliyyət göstərir.

2012- ci ildə "Uğurlu Sabah" qəzetinin təsisçisi tərəfindən həkim-endokrinoloq Mustafayeva Nailə "Ali Media Mükafatı " ilə təltif edilmişdir.

26.03.2012 - ci ildə Azərbaycan Jurnalist Həmkarlar İttifaqının Sədri tərəfindən Mustafayeva Nailə "Xalqın Nüfuzlu Ziyalısı " Fəxri Diplomu ilə təltif edilmişdir.

Astara Rayon Mərkəzi Xəstəxanasının həkim-endokrinoloqu Mustafayeva Nailə “Ümumdünya Diabet Günü” münasibəti ilə və səhiyyə sahəsində uzunmüddətli səmərəli xidmətinə görə Astara Rayon Mərkəzi Xəstəxanasının direktoru Bahadır Əhmədov tərəfindən təbrik edilmişdir.

14/11/2025

Şəkərli diabet orqanizmdə bəzi mübadilə proseslərinin pozulması nəticəsində qanda şəkərin normadan artıq və ya bəzən də az olmasıdır. Bəzən şəkərli diabet xəstəlik yox, həyat tərzi hesab edilir.

1991-ci ildən etibarən Ümumdünya Səhiyyə Təşkilatı və Beynəlxalq Diabet Federasiyasının təşəbbüsü ilə hər il noyabrın 14-ü Ümumdünya Diabet Günü kimi qeyd edilir.

13/11/2025

22 minə yaxın şəxs qrip əleyhinə peyvənd olunub

Payız-qış mövsümünün başlanması ilə əlaqədar ölkə ərazisində kəskin respirator virus infeksiyalarının, habelə qripin yayılmasının qarşısının alınması məqsədilə ənənəvi profilaktik və əksepidemik tədbirlər həyata keçirilir.

8 oktyabrdan 13 noyabradək TƏBİB-in tabeliyində olan tibb müəssisələrində ümumilikdə 21 186 nəfər qrip əleyhinə peyvənd olunub.

Onlardan 0-17 yaş aralığı 2 700 nəfər, 18-59 yaş aralığı 14 807 nəfər, 60 yaş və yuxarı isə 3 679 nəfərdir.

Qeyd edək ki, Səhiyyə Nazirliyi tərəfindən ölkəyə gətirilən yüksək keyfiyyətli qrip əleyhinə peyvəndlər Fransa istehsalı olan “Sanofi Pasteur” şirkətinə məxsusdur. Qrip əleyhinə peyvənd olunmaq istəyən vətəndaşlar regionlar üzrə rayon mərkəzi xəstəxanalarına, Bakı şəhəri üzrə isə ambulator-poliklinik xidmət göstərən ilkin səhiyyə müəssisələrinə müraciət edə bilər.

Əlavə edək ki, peyvəndlənmə könüllülük prinsipi əsasında aparılır.

13/11/2025

13/11/2025

13 Noyabr Beynəlxalq Gözdən Əlillər Günüdür

Özəl günün məhz bu tarixdə qeyd olunması görməyənlər üçün relyefli əlifbanın müəllifi, gözdən əlillər üçün ilk təhsil müəssisələrinin yaradıcısı, məşhur fransalı xeyriyyəçi Valentin Qayuinin doğum günü ilə bağlıdır.

12/11/2025

12/11/2025

12 noyabr – Ümumdünya Pnevmoniya ilə Mübarizə Günü

Bu gün dünyada milyonlarla insanın həyatına təsir edən pnevmoniya xəstəliyinə qarşı mübarizəni gücləndirmək məqsədilə qeyd olunur.

Pnevmoniya hər yaşda insanda rast gəlinə bilər, lakin xüsusilə uşaqlar, yaşlılar və xroniki xəstəliyi olan şəxslər üçün ciddi təhlükə yaradır.

Pnevmoniyanın qarşısını almaq mümkündür!
📌Peyvənd olun – qrip və pnevmokok peyvəndləri qoruyur.
📌Əllərinizi tez-tez yuyun və gigiyenaya riayət edin.
📌Sağlam qidalanın, immunitetinizi gücləndirin.
📌Tütün məhsullarından uzaq olun, təmiz hava qəbul edin.
📌Öskürək, qızdırma və nəfəs darlığı olduqda həkimə müraciət edin.

Unutmayaq, sağlam nəfəs – sağlam həyatın təməlidir.

12/11/2025

12 Noyabr - Azərbaycan Respublikasının Konstitusiya Günü

09/11/2025

🇦🇿 9 Noyabr – Dövlət Bayrağı Günü
Bir millətin kimliyi — onun ucalan bayrağıdır🇦🇿

08/11/2025

8 Noyabr Şuşa Şəhəri Günüdür 🇦🇿

!

08/11/2025

Qələbənin, tarixi ədalətin, şücaətin beşinci ildönümü mübarək, Azərbaycan!

44 günlük Vətən müharibəsində qazanılan tarixi Zəfərin beşinci ildönümü münasibətilə hər kəsi təbrik edirik!

Şanlı qələbəni bizə yaşadan və Ali Baş Komandanın rəhbərliyi ilə uzun illərin hicranını vüsala qovuşduran müzəffər ordumuza minnətdarıq!

🇦🇿