Dr Mehdi Gülaliyev, 5-ci mkr. , 20 Yanvar küç. 51(hazırda 88) Bakı, Azərbaycan, Baku (2025)

Q: What is the address?

5-ci Mkr. , 20 Yanvar Küç. 51(hazırda 88) Bakı, Azərbaycan

28/01/2024

Ağciyər xəstəliklərinin diaqnostikası və müalicəsi - Starlab Klinikasında!
Dr. Mehdi Gülaliyev, terapevt pulmonoloq.
📞 Əlaqə :
+994 50 272 62 25
+994 12 431 13 14
+994 51 431 13 14

21/01/2024

Öskürəyin müalicəsi zamanı buraxılan səhvlər:

👉 Dərmanların səhv seçimi !

Bəlğəmli öskürək zamanı bəlğəm asanlıqla və ya çətinliklə xaric ola bilər.
📌 Birinci halda, ağciyərlər və ya bronxlar bəlğəmdən rahatlıqla təmizlənir. Bu halda təyin edilən dərmanların məqsədi bu işdə ona kömək etmək, sağalma prosesini sürətləndirməkdir. Buna görə də, bu vəziyyətdə ekspektoran (sekretomotor) agentlər kifayətdir.

📌 İkinci halda adətən tənəffüs sistemi yoluxucu infeksiyaya məruz qalır, iltihabi sekresiyanın konsistensiyası zamanla artır, qatılaşması baş vermiş olur və bu da onun ləngiməsinə səbəb olur. Bu halda ağciyərlərin bəlğəmdən təmizlənməsi prosesini stimullaşdıran preparatlar təyin edilməlidir. Sekretolitik dərmanlar bu prosesi stimullaşdırır. Onlar selik istehsalını aktivləşdirir və bəlğəmin xaric olmasını asanlaşdırmaq üçün onu durulaşdırır.

👉 Öskürəyin yatırılması !

Bir çox insanlar öskürək refleksini müstəqil bir xəstəlik kimi qəbul edir və onu yatırmağa çalışırlar. Ancaq bilmək vacibdir ki, öskürək, ağciyər və bronxların təmizlənməsini təmin edən orqanizmin təbii müdafiə reaksiyasıdır.

📌 Antitüsivləri (öskürək əleyhinə dərmanlar) qəbul edilməsi, əgər bəlğəm varsa yolverilməzdir. Çünki onun xaric olmasına mane olacaq, ağciyərlərdə və bronxlarda yığılmasına, xəstəliyin ağırlaşmasına səbəb olacaqdır. Bu halda bəlğəmgətiricilər və ya sekretolitiklər qəbul edilməlidir.

📌 Antitüsiv dərmanlar yalnız quru öskürək üçün icazə verilir. Onları təyin etmək üçün öskürək refleksinin ürək-damar, endokrin və ya nevroloji xəstəliklərdən qaynaqlandığına əmin olmaq vacibdir.

🗨 Özünüzü və sağlamlığınızı qoruyun!

bronxit öskürək bronxit reflüks xəstəliyi preparatlar preparatlar axıntı

07/01/2024

Bəlğəmin rəngləri nələrdən xəbər verir!

📌 Yaşıl bəlğəm

- Yaşıl bəlğəm aktiv bakterial infeksiyanın əlamətidir. Sinusit, sətəlcəm, kistik fibroz, ağciyər absesi və s. xəstəliklər zamanı yaranmış olur.

📌 Ağ bəlğəm

- Ağ bəlgəm tənəffüs yollarında iltihabı prosesin işarəsidir. Sonrakı mərhələlərdə sarı və ya yaşılımtıl olur.
- Digər səbəbi ekoloji cəhətdən hava çirkliliyi fonunda orqanizmin intoksikasiyasıdır.
- Müəyyən dərmanların qəbulu zamanı da yarana bilər.
- Əgər ağ bəlğəm topalar şəklində ifraz olunursa və konsistensiyası qıvrılmış formaya bənzəyirsə, bu, göbələk mənşəli pnevmoniyanın əlaməti ola bilər.

📌 Boz və ya qaramtıl bəlğəm

- Bəlğəmin açıq boz rəngi yoluxucu xəstəliklərin başlanğıc mərhələsi üçün xarakterdir. KRVI, qrip zamanı müşahidə olunur.
- Tünd boz və ya qara bəlğəm şaxtaçılar və digər oxşar peşə sahiblərində müşahidə olunur.
- Coca-Cola, tünd çay, şokolad kimi məhsulların tərkibindəki rəngləndirici maddələr də bəlğəmə tünd rəng verə bilər.
- Uzun müddət siqaret çəkmək də boz və qara bəlğəm yarada bilər.
- Vərəmin kəskin mərhələsi, həmçinin tənəffüs sistemi xərçəngi zamanı boz rəngli bəlğəm müşahidə oluna bilər.

📌 Sarı bəlğəm

- Sarı bəlğəm tənəffüs yolları infeksiyasına immun sistemnin bir növ cavab reaksiyasıdır. KRVI, bronxit, sinusit və s. zamanı baş verir.
- Sarı bəlğəmin tərkibində irin çirkləri pnevmoniya əlamətidir. Parlaq kanareyka rəngi Aspergillus kifinin yaratdığı xəstəlik olan pulmonar aspergilloz üçün xarakterikdir.

📌 Paslanmış və ya qəhvəyi rəngli bəlğəm

- Bəlğəmin paslı rəngi, eləcə də qəhvəyi çalarları siqaret çəkənlərdə tez-tez olur. Bu, tütünün yanma məhsullarının yığılması nəticəsində baş verir.
- Bəlğəmın qırmızı tonu tənəffüs yollarında qan əlamətidir. Bununla belə, narahatlığa ehtiyac yoxdur. Bu, güclü öskürək zamanı kiçik qan damarlarının zədələnməsi zamanı baş verir və bəlğəm nə qədər tünd qara olarsa, damar zədələnməsindən daha çox vaxt keçməsini göstərir.
- Qəhvəyi və pas rəngli bəlğəm bronxların, ağciyərlərin iltihabı xəstəlikləri, qan damarlarının tıxanması, sətəlcəm, kistik fibroz, ağciyər absesi zamanı müşahidə olunur.
🗨Özünüzü və sağlamlığınızı qoruyun!

26/12/2023

Quru öskürək

Quru öskürək - tənəffüs yollarının sərbəst təmizlənmədiyi bir vəziyyətdə yaranan bəlğəmsiz öskürəkdir.

Səbəbləri:

✅️ Bakteriyalar və viruslar. Quru öskürəyin başlıca səbəblərindən olub, tənəffüs sistemi xəstəliklərindən sonra və ya onun fonunda meydana çıxır.

✅️ Vərəm. Vərəm xəstəliyinin bir çox formalarında ilkin əlamət kimi yaranmış olur və adətən quru öskürəklə yanaşı ümumi halsızlıq və gecə tərləməsi əlamətləri də müşahidə olunur.

✅️ Mədə-bağırsaq xəstəlikləri. Məsələn, QERX (qastroezofageal reflüks xəstəliyi) çox tez-tez quru öskürəyə səbəb olur. Bu zaman mədə turşusunun qida borusunun selikli qişasına qıcıqlandırıcı təsirindən iltihab əlamətləri və nəticədə quru öskürək yaranmış olur.

✅️ Ürək xəstəlikləri. Quru öskürək ürək çatışmazlığının tez-tez baş verən ilkin əlamətlərindən ola bilər. Bu əlamət qarın boşluğu orqanlarından və aşağı ətraflardan qanın ağciyərlərə daha çox paylanması ilə əlaqədardır. Adətən yaşlı insanlarda yuxu saatlarında baş verir və ağciyərlərin iltihabi xəstəliklərində olduğu kimi uğurlu öskürək refleksindən sonra rahatlaşma baş vermir.

✅️ Tiroid xəstəlikləri. Bu xəstəliklər zamanı tiroid vəzi iltihablı, şişkin olduqda, boğaz sıxılmağa başlayır, buna görə öskürək, həmçinin udma çətinliyi yaranır.

✅️ Allergik öskürək. Bu müxtəlif mənşəli allergenlərin, o cümlədən müxtəlif dərman preparatlarının tənəffüs sisteminə qıcıqlandırıcı təsiri nəticəsində baş verə bilər.

✅️ Nevroloji səbəblər. Bir çox sinir xəstəlikləri, stress psixogen olaraq quru öskürəyə səbəb ola bilir.

✅️ Siqaret çəkmək. XOAX və xroniki bronxitin yaranmasının, kəskinləşməsinin əsas səbəbi kimi uzunmüddətli quru öskürək yaratmış olur.

✅️ Travmalar. Döş qəfəsi zədələnmələrində quru öskürəyin yaranma ehtimalı yüksəkdir və adətən belə xəstələrdə döş qəfəsində ağrı, tənginəfəslik əlamətləri daha qabarıq müşahidə olunur.

🗨 Quru öskürək üçün müalicəyə başlamazdan əvvəl onun səbəbi müəyyənləşdirməlidir. Dərmanların nəzarətsiz istifadəsi vəziyyəti yalnız pisləşdirə bilər!

💬 Özünüzü və sağlamlığınızı qoruyun!

bronxit öskürək öskürək

25/12/2023

İnqalyasiya proseduru zamanı nələrə diqqət yetirilməli !

İnqalyasiya proseduru qəbul edilərkən bir sıra sadə qaydalara əməl edilməlidir!

✅️ İnqalyasiya müalicəsi üçün istifadə olunan məhlullar steril və təzə hazırlanmış olmalıdır.

✅️ Prosedur sakit vəziyyətdə, gövdəni irəli əymədən və prosedur zamanı söhbətə qoşulmadan aparılmalıdır. Geyimin boyun nahiyəsi mümkün qədər boş olmalıdır və heç bir şəkildə nəfəs almağa mane olmamalıdır.

✅️ İnqalyasiya yeməkdən və ya fiziki fəaliyyətdən 1,5 saatdan tez olmayaraq həyata keçirilir.

✅️ İri bronxlar, qırtlaq, nəfəs borusu, əsnəyin xəstəlikləri zamanı nəfəs aldıqdan sonra nəfəsinizi qısa müddətə tutmaq və sonra mümkün qədər dərindən nəfəs almaq daha yaxşıdır. Xüsusilə paranazal sinus xəstəliklərindən əziyyət çəkən xəstələr üçün burun vasitəsilə nəfəs almaq məsləhətdir. Bu zaman nəfəsvermə anında burun boşluğundakı mənfi təzyiq səbəbindən aerozolun bir hissəsi burun sinuslarına daxil olur.

✅️ Birdən çox dərman istifadə edərkən, onların uyğunluğunu nəzərə almaq vacibdir. Uyğun olmayan dərmanlar eyni inqalyasiyada istifadə edilməməlidir.

✅️ İnhalyasiyadan sonra xəstəyə isti mövsümdə 10-15 dəqiqə istirahət vermək məqsədəuyğundur, soyuq mövsümdə isə 30-40 dəqiqəyə qədər artırılmalıdır. Prosedurdan dərhal sonra (təxminən bir saat) yemək yeməməli, mahnı oxumamalı, danışmamalı və siqaret çəkməməlisiniz.

✅️ Antibiotiklərdən istifadə edərkən, əvvəlcədən allergiya anamnezi toplanılmalı və dərmana qarşı həssaslıq təyin edilməlidir.

✅️ İnqalyasiyaların aparıldığı otaq mütəmadi olaraq havalandırılmalıdır, bu xüsusilə antibiotiklərdən istifadə edərkən çox vacibdir.

✅️ İnqalyasiya terapiyası zamanı qəbul edilən mayenin miqdarı məhdudlaşdırılmalı və siqaret çəkilməməlidir. Bəlğəmgətirici dərmanların qəbulu da tövsiyə edilmir.

✅️ Tənəffüs yollarının yaxşı keçiriciliyi inqalyasiyanın effektivliyi üçün vacib şərtdir. Onu yaxşılaşdırmaq üçün əvvəlcə bronxodilatatorların inqalyasiyalarından, tənəffüs məşqlərindən və s. istifadə etmək olar.
bronxit

24/12/2023

İnqalyasiya üçün hansı dərman preparatları istifadə edilə bilər?

Nebulayzer terapiyası üçün bu və ya digər preparatı yalnız həkim tərəfindən təyin edilə bilər. Hansı xüsusi preparatın seçilməsi diaqnozdan və problemin mövcud olduğu yerdən asılıdır. Bu məqsədlə istifadə edilən preparatlar terapevtik təsirin istiqamətindən asılı olaraq beş qrupdan birinə aiddir:

✅️ Mukolitiklər - (turşu və qələvi məhlullar, mineral su, fermentlər). Bəlğəmi durulaşdıran və onun ifrazını asanlaşdıran preparatlardır. Qatı bəlğəmin əmələ gəlməsi nəticəsində yaranan öskürəyi aradan qaldırmaq üçün istifadə olunan əvəzolunmaz preparatlardır. Bunlara asetilsistein, ambroksol, natrium xlorid və s. aiddir.

✅️ Antimikrob preparatlar: (antibiotiklər - tobramisin, gentamisin; antiseptiklər - furasilin, dioksidin, miramistin, dekasan; fitonosidlər - rotokan, tussamaq, xlorofillin). Bunlar xəstəlik törədicisinin zərərsizləşdirilməsi məqsədilə istifadə olunur.

✅️ Bronxodilatatorlar: bronxların divarındakı saya əzələlərə təsir etməklə bronxları genişləndirən preparatlardır. Onlar bronxial astmanın, ağciyərlərin və bronxların digər obstruktiv xəstəliklərin müalicəsi zamanı istifadə olunur. Bunlara fenoterol, ipratropium bromid və s. daxildir.

✅️ Biogen mənşəli məhsullar: daha çox LOR orqanları xəstəliklərində və ümumi möhkəmləndirici müalicə məqsədilə istifadə olunur. (vitamin qarışıqları, bitki və heyvan yağlarının ekstraktları, mərkəzi sinir sisteminin stimulyatorları).

✅️ Desensiblizəedici preparatlar: selikli qişaların həssaslığının azaldılması,iltihab əleyhinə təsirinə görə istifadə olunur. Onlara kortikosteroidlər - hormonal iltihab əleyhinə preparatlar (məs. budesonid, pulmikort) və antihistaminlər - (məs., kromoglisin turşusu) aiddir;

İnqalyasiya üçün istifadə olunan preparatlar müxtəlif şiddətdə allergik reaksiyalara, o cümlədən anafilaktik şoka, dərmanların dozadan artıq istifadəsi isə ciddi fəsadlara səbəb ola bilər. Bu səbəbdən preparatın seçilməsi və istifadəsi qaydasına ciddi əməl olunması vacibdir!

bronxit bronxit

22/12/2023

FİZİKİ MƏŞQLƏR ZAMANI TƏNƏFFÜSÜN DÖRD QAYDASI !

1. Nəfəsalma və nəfəsvermə müxtəlif vəziyyətlərdir və bunu ayırd etməyi öyrənmək lazımdır!

Həmişə burun vasitəsilə nəfəs almağa çalışın. Bu, bizi tozdan və patogenlərin orqanizmə daxil olmasından qoruyur. Burundan keçən hava axını nəmli və isti olur.

Ağızdan nəfəs alsanız, ağciyərlər diafraqmanın təsiri altında güclü şəkildə sıxılmağa başlayacaq. Nəfəsiniz sürətlənəcək və bədəninizin yağ yandırmaq üçün istifadə etdiyi oksigen miqdarı əhəmiyyətli dərəcədə azalacaq.

Həm burnunuzdan, həm də ağzınızdan nəfəs verə bilərsiniz. Əsas odur ki, nəfəsinizi idman hərəkətlərini yerinə yetirərkən uzun müddət saxlamayın. Bu, ürəyin həddindən artıq yüklənməsinə səbəb olacaqdır.

2. Diafraqma ilə nəfəs almalısınız!
Məşq zamanı sinədən deyil, "qarından" düzgün nəfəs alın. Diafraqma və günəş kələfi bölgəsindəki əzələ, normal dərin nəfəs almağı təmin edə bilər.

Diafraqma ağciyərləri genişləndirməyə kömək edir. Hərəkətlər yuxarı və aşağı axıcı olmalıdır.

Bu tənəffüs üsulu daxili orqanlara oksigen axınını artırır və əzələlərin effektiv güclənməsini təmin edir.

3. Tənəffüs dərin olmalıdır!
Nə qədər dərindən nəfəs alsanız, bir o qədər çox oksigen əzələlərinizə çatar. Ağciyər ventilyasiyasının effektivliyi tənəffüsün dərinliyindən asılıdır. Əsas odur ki, həddini aşmayın. Çox dərindən nəfəs almaq və nəfəs vermək başgicəllənməyə səbəb ola bilər.

Qeyd: Elə hallar olur ki, yeni başlayanlar səthi tənəffüsü nəfəsalma tezliyini artırmaqla kompensasiya edirlər. Bu texnika bədəni huş itirmə nöqtəsinə gətirir. Qan kifayət qədər oksigenlə doymur və karbon qazını təmizləmək üçün vaxt qalmır.

4. Ağır məşqlər zamanı belə, ritmi saxlamaq lazımdır!
Maksimum fiziki səylə məşq edərkən belə düzgün nəfəs almağa nəzarət etmək lazımdır. Diqqət və konsentrasiya tənəffüs təcrübəsinin vacib hissələridir.

Düzgün nəfəs almağı dayandırsanız, sağlamlığınız kəskin şəkildə pisləşə bilər.

Məsləhət. Yorucu məşqlərin arxasınca getməyin. Kiçik fiziki hərəkətlərlə başlayın, rahat olmağa çalışın. Nəfəsinizi tutmağı tələb edən məşqləri proqramınıza daxil etməyin.

hazırlıq

21/12/2023

İdman məşqləri zamanı tənəffüs aktına düzgün riayət olunmazsa nələr baş verə bilər?

Gündəlik həyatda nəfəs almağa düzgün riayət olunması barədə düşünmürük. Bu proses öz-özünə, təbii olaraq və orqanizmin fəaliyyətinə uyğun olaraq avtomatik baş verir. Ancaq ciddi fiziki məşqlər zamanı nəfəsalma aktının idarə olunması çox vacibdir.

İlk öncə gəlin aydınlaşdıraq ki, ağır fiziki məşqlər zamanı nəfəsalma aktına düzgün riayət edilməzsə və ya edilərsə nələr baş verə bilər!

👉Fiziki məşqlər zamanı səthi nəfəs alma aşağıdakı mənfi nəticələrə səbəb olur:

• Əzələlərdən fərqli olaraq ağciyərlər məşq prosesindən kənarda qalır, nəticədə döş qəfəsinin və ağciyərlərin proporsional qaydada normal formalaşmaması və gələcəkdə ciddi tənəffüs problemlərinin yaranmasına zəmin yaranmış olur.

• Bədənə daha az oksigen daxil olur. Nəticədə əzələlər lazımi oksigenlə təmin olunmur, metabolik məhsulların parçalanması və xaric edilməsi prosesi zəifləyir.

• Qan təzyiqi yüksəlir. Ürək bulanması və baş fırlanması baş verə bilir.

• Ürək əzələsi həddən artıq yüklənir. Baş ağrısı və qarında sancışəkilli ağrılar yarana bilir. Oksigen çatışmazlığı hətta huşun itməsinə səbəb ola bilər.

👉Tənəffüs aktına düzgün riayət olunması bədənimizin vəziyyətinə müsbət təsir göstərir:

• Əzələlərlə yanaşı ağciyərlər də məşq prosesinə cəlb olunur və paralel döş qəfəsinin düzgün formalaşması, ağciyərlərin döş qəfəsində normal yerini alması və tənəffüs prosesində keyfiyyətli fəaliyyəti təmin olunur.

• Qan oksigenlə doyur və onu normal şəkildə əzələlərə çatdırır.

• Məşqin nəticələri yaxşılaşır: kalorilər yandırılır, əzələlər güclənir və tez bərpa olunur, stress aradan qalxır.

hazırlıq bronxit bronxit

11/11/2023

ÖSKÜRƏYİN NAMƏLUM SƏBƏBLƏRİ

📌Bəlkə, kiməsə təəccüblü görünəcək, lakin bir çox hallarda öskürəyə birmənalı şəkildə ağciyər və bronxların xəstəlikləri səbəb olmur.

Bəs, belə hallarda öskürəyin səbəbi nə ola bilər?

1️⃣ Mədə möhtəviyyatının qida borusuna, qida borusundan isə qırtlağa geri axını;

2️⃣ Ürək çatışmazlığı;

3️⃣ Qulaq kiri tıxacı (qulaqda yerləşən öskürək reseptorlarının qıcıqlanması hesabına);

4️⃣ Müəyyən dərmanların qəbulu (məsələn, hipertoniyanın müalicəsi üçün istifadə olunan bəzi dərman preparatları);

5️⃣ Burun ətrafı ciblərinin iltihabi xəstəliklərində seliyin udlağın arxa divarına axıntısı nəticəsində yaranan "Postnazal axıntı" və ya müasir dillə "Yuxarı tənəffüs yollarının öskürək sindromu”.

🗨Öskürəklə yanaşı belə hallarda boğazda diskomfort və ya yad cisim qalma hissi də yaranmış olur. Adətən öskürək gecə saatlarında daha çox narahat edir.

👉Diaqnostikası zamanı öskürəyin yaranma səbəbinin aydınlaşdırılması məqsədilə, xəstənin şikayətlərinin, xəstəliyin gedişinin, obyektiv müayinə nəticələrinin diqqətlə araşdırılması vacibdir.

👉Müalicəsi, öskürəyin yaranma səbəbinin aydınlaşdırılmasına uyğun rejim, dərman müalicəsi və pəhriz təyin edilməklə aparılmalıdır.

💬Əks halda öskürək əleyhinə qəbul edilən istənilən dərman preparatları, təbii vasitələr, çaylar, inqalyasion tədbirlər effektiv olmur və əksər hallarda əks effekt yaratmış olurlar.

🗨Özünüzü və sağlamlığınızı qoruyun!

bronxit öskürək bronxit reflüks xəstəliyi kiri qıcıqlanması

29/07/2023

Bronxial astmanın "öskürək" variantı !

🗯Bronxial astmanın "öskürək" variantı" - astmanın bir növü olub, əsas qabarıq təzahür edən əlamət kimi bəlğəmsiz QURU ÖSKÜRƏKlə müşahidə olunur.

👉Belə hallarda, xəstələrdə astmanın "klassik" simptomlarından olan "məsafədən hiss olunan vızıldayıcı, fışıldayıcı tənəffüs", "nəfəs darlığı" və "boğulma" kimi əlamətlər zəif müşahidə olunur. Xəstələr daha çox narahatedici, üzücü quru öskürəkdən əziyyət çəkirlər.

📌Öskürək astmasını bəzən xroniki öskürək adlandırırdılar. Kəskinləşmə dövrü adətən altı həftədən səkkiz həftəyə qədər davam edə bilər. Bu zaman öskürək tutmaları həm gündüz, həm də gecə baş verə bilir.

Astmanın öskürək formasından əziyyət çəkən insanlarda tez-tez öskürəyin fiziki hərəkət zamanı ağırlaşdığı qeyd olunur və bu gərginlik astması kimi dəyərləndirilir.

📌Öskürək həmçinin
- toz və ya kəskin qoxular kimi astmanın tətikləyiciləri faktorları fonunda;
- allergenlərlə yaxın təmas fonunda;
- soyuqdəymə nəticəsində ağırlaşa bilər.

🗯Diaqnozun dəqiqləşdirilməsi üçün xroniki öskürəyə səbəb ola bilən bütün mümkün səbəblər (allergik rinit, sinüsit, xroniki faringit, tənəffüs yollarının viral infeksiyaları, hiperventilyasiya sindromu, xroniki obstruktiv ağciyər xəstəliyi, qastroezofageal reflüks xəstəliyi, angiotenzin konsentrasiyasının inhibitorları və s.) araşdırılmalı, 50-dən çox nozologiyanı özündə birləşdirən differensial diaqnostika alqoritminə əməl edilməlidir.
Müalicə uyğun olaraq astmanın adi formalarında olduğu kimi aparılır. Simptomların yüngülləşməsi adətən 6-8 həftə ərzində baş verir.
bronxit öskürək bronxit reflüks xəstəliyi

19/07/2023

Qəlyan və Elektron siqaretlər zərərlidirmi?

Dünən iri marketlərin birində alış-veriş edərkən əlində bir neçə növ elektron siqaret çeşidləri tutmuş bir xanım yaxınlaşdı və elektron siqaretlər barədə məlumat vermək istədiyini bildirdi.
Nə deyəcəyi maraqlı olduğundan dinləmək istədim. Xoş aurası və qurduğu gözəl, çəkici cümlələr ilə elektron siqaretlərə elə cəlbedici təriflər vurdu ki, nəticədə ətrafdakılarda belə maraq yaratmış oldu.
Ona irad tutmaq fikrim yox idi, nəticədə müasir zamanın tələblərinə uyğun hər kəs öz işini görür. Amma deyəcəyim odur ki, bütün məsələlərdə hər birimizin daha çox maariflənməyə ehtiyacımız var ki, doğrunu yanlışdan ayıra bilək.

Zərərli vərdişlərdən uzaq durmağa çalışın!
Özünüzü və yaxınlarınızı qoruyun!

siqaret kanseri bronxit

07/07/2023

İsti havaların başlaması ilə əlaqədar yaranan ödem problemi❗️

Ödem nədir❓️

Ödem hüceyrələrarası boşluqda mayenin durğunluğudur. Adətən, daha çox aşağı ətraflarda şişkinliklə müşahidə olunan ödem sağlamlıqla bağlı olur.

Səbəbləri fərqli ola bilər:

🗯Duzlu qidalara həddindən artıq həvəs;
🗯Kofe, spirtdən sui-istifadə;
🗯Su çatışmazlığı;
🗯Karbohidratlardan sui-istifadə;
🗯Hormonal fon;
🗯Dar paltarlar, narahat ayaqqabılar;
🗯Damarların, qaraciyər və böyrəklərin, ürək-damar sisteminin xəstəlikləri;

💬Əlbəttə ki, ödem əlamətləri uzunmüddətli olarsa, səbəbləri müəyyən etmək üçün mütləq həkimə müraciət etməlisiniz!

İsti havalarda yaranan və ya artan ödemdən qurtulmaq üçün aşağıdakıları etməniz məsləhətdir:

📌DUZU minimuma endirin;
Hazır qidaların tərkibində olan duz da daxil olmaqla duz istifadəsi normada ~ 5 q / gün təşkil edir. Duz əvəzedicisindən istifadə edə bilərsiniz. Satışda natrium duzlarının bir hissəsinin kalium və maqnezium duzları ilə əvəz olunduğu ədviyyatlar mövcuddur.

📌KOFE, ALKOQOL orqanizmi susuzlaşdırır. Bədəndə nə qədər az su qalsa, reflektori olaraq qalan suyu bədən özündə saxlamağa çalışır. Eyni vəziyyət kifayət qədər su qəbul etmədikdə də baş verir.
Buna görə də gündəlik tələb olunan 1,5-2 litr mayeni qəbul etmək vacibdir. Kofe və ya spirtli içki qəbul edildiyi halda uyğun olaraq su istifadəsini artırmaq lazımdır. Suya nanə, limon, giləmeyvə və hətta xiyar əlavə etmək olar.

📌ŞİRİN QAZLI İÇKİLƏR susuzluğu yatırmır, şirniyyat da suyu bədəndə saxlayır. Birmənalı şəkildə onları minimuma endirmək lazımdır.

📌Sıx paltar və ayaqqabı, bədəni sıxan hər şey (dar qayışlar, saatlar və s.) normal limfa axınına mane olur. Buna görə də geniş, rahat paltar və ayaqqabı seçmək vacibdir, təbii materiallardan olması daha yaxşıdır.

📌LİMFODRENAJ ÜSULLARI: fırça masajı, sadə məşqlər ödemə qarşı effektlidir.

📌FİZİKİ FƏALİYYƏT də (gəzinti, velosiped sürmə, elementar məşqlər) limfa axınına və mayenin çıxarılmasına kömək edir.

🗨 Özünüzə qulluq edin və sağlam olun!

#отек tibb mərkəzi #одышка şişkinlik

Dr Mehdi Gülaliyev

28/01/2024

21/01/2024

07/01/2024

26/12/2023

25/12/2023

24/12/2023

22/12/2023

21/12/2023

11/11/2023

29/07/2023

19/07/2023

07/07/2023

Address

Telephone

Website

Alerts

Contact The Practice

Shortcuts

Share

Category