15/09/2024
15 Sentyabr Limfomanın Fərqindəlik günüdür. Və bu fərqindəlik günü daha ümidverici cümlə ilə yazımı başlamaq istədim. Limfoma bizim qədərimiz deyil , birlikdə yenə bildiyimiz xəstəlikdir artıq.
LİMFOMA- limfatik sistemin Xərçəngidir.
Hər nə qədər vahiməli səslənsə də *Limfomanın əksər növləri sağalma ilə nəticələnir*.
Immun sistemimizdə rol oynayan ağ qan hüceyrəsinin bir növü Limfositlər dəyişərək kontolsuz şəkildə çoxalaraq Limfoma xəstəliyinin yaranmasına səbəb olur. Limfositlər əsasən sümük iliyində yaransa da, limfa düyünləri , dalaq,Timus vəzisi kimi yerlərdə də izlənilir. limfa düyünlərdə ən çox olmaqla müxtəlif toxmaların zədələnməsi də mümkündür.
Limfoma - xəstəliyi kəşf edən Tomas Hoçkinin şərəfinə adlandırılaraq 2 böyük növü var. Hoçkin və Qeyri-Hoçkin və hər bir xəstəliyin özünün müxtəlif alt tipləri və tam fərqli müalicə üsulları vardır.
Xəstəlik ən çox limfa düyününün böyüməsi ilə xarakterizədir. Böyümüş limfa düyünü periferik nahiyyədə, qulaqdibi , boyun , çənəaltı qoltuq ,qasıq nahiyyədədirsə, palpasiya zamanı əl toxunuşu ilə hiss etmək asandır. Döş qəfəsi (Mediastinal ) ,qarın və ya çanaq daxili böyümüş limfa düyünləri əllə bilinməz və yaratdığı şikayətə uyğun aşkarlanar. Limfa düyünü zədələnmədən ekstranodulyar limfomalar - Mərkəzi Sinir Sistemi , Dalaq ,Sümük Limfoması kimi növləri də vardır.
Limfoma xəstəliyi zamanı “B” simptomu dediyimiz ,
1.Səbəbsiz _Arıqlama_
2_.Gecə tərləməsi_
3.İnfeksiyaya bağlı olmayan _Qızdırma_
4.Bəzən də Qaşınma izlənilə bilər.
Ümumi şikayətlər arasında halsızlıq , zəifləmə, təngnəfəslik, aşağı ətraflarda şişkinlik və bir çox fərgli şikayətlər izlənilə bilər.
*Limfomaların* müalicəsi hər nə qədər üzgüldürən olsa da , müalicənin Kimyəvi, İmmum və Radioterapiya kimi ciddi müalicə üsulları oıduğunu unutmamalı və periodik kontolları ən az ilk 5 ildə axsatmamalıyıq.
