02/11/2024
Uzunmüddətli burun axıntısı, burun tıxanıqlığı və narahatlıq kimi simptomlar allergiya və ya xroniki rinit kimi adi tənəffüs xəstəliklərinə aid ola bilər. Lakin bəzi hallarda bu simptomlar daha ciddi patologiyalara, o cümlədən bədxassəli törəmələrə işarə edə bilər. Aşağıdakı əlamətlər müşahidə olunarsa, ətraflı müayinə üçün LOR mütəxəssisinə müraciət etmək vacibdir:
🟣Uzunmüddətli birtərəfli burun tıxanıqlığı
Əgər burun tıxanıqlığı və axıntısı əsasən bir tərəfdə müşahidə olunursa və bir neçə həftə ərzində keçmirsə, bu əlavə müayinə üçün siqnal ola bilər.
🟣Üz nahiyəsində ağrı
Uzun müddət davam edən və burun, alın, göz və ya yanaqlar nahiyəsində təzyiq hissi yaradan ağrılar problemə işarə edə bilər və diqqət tələb edir.
🟣Qanlı ifrazat
Burundan təkrarlanan qanlı axıntı və ya burun qanamaları travma və ya quru hava ilə bağlı deyilsə, təcili həkim məsləhəti tələb edir.
🟣Qoxu hissinin dəyişməsi
Qoxu qəbulunda qəfil dəyişikliklər, məsələn, qoxuları daha az hiss etmək və ya tamamilə itirmək problemin əlaməti ola bilər.
🟣Boyun limfa düyünlərinin böyüməsi
Boyun nahiyəsində ağrısız, lakin böyümüş limfa düyünlərinin olması iltihablı proseslərə və ya qonşu toxumalara yayılan törəmələrə işarə edə bilər.
🟣Nəfəsalma çətinliyi və xoruldama
Daimi burunla nəfəs alma çətinliyi, xoruldama və ya hava çatışmazlığı hissi də müayinə üçün səbəbdir.
🩺 Məsləhət: bu əlamətlərin çoxu mütləq xərçəng əlaməti olmaya bilər, lakin onların diqqətdən kənarda qalması erkən diaqnozu çətinləşdirə bilər. Vaxtında müayinə olunmaq müalicə şanslarını artırır. Bu əlamətləri özünüzdə hiss edirsinizsə, mütləq LOR həkiminə müraciət edin!
Əlaqə üçün:
📲 (+994) 50 377 46 42
📲 (+994) 55 228 60 04
📍 Milli Onkologiya Mərkəzi
👉 https://www.instagram.com/dr.qeysesedli/
👉 https://www.facebook.com/dr.qeysesedli
