Xətai Tibb Mərkəzi

20/01/2026

20/01/2026

Xətai Tibb Mərkəzində 20 Yanvar faciəsinin 36-cı ildönümü ilə əlaqədar anım tədbiri keçirilib.

Tədbirdə 1990-cı il yanvarın 20-də Azərbaycanın azadlığı və müstəqilliyi uğrunda canlarını qurban vermiş şəhidlərin əziz xatirəsi dərin ehtiramla yad edilib. Anım mərasimi öncə şəhidlərin xatirəsinin bir dəqiqəlik sükutla anılması ilə başlayıb.

Daha sonra tədbiri giriş sözü ilə Xətai Tibb Mərkəzinin direktoru Aybəniz Saniyeva açaraq 20 Yanvar faciəsinin Azərbaycan tarixində həm qanlı, həm də şərəfli səhifə olduğunu vurğulayıb. Direktor çıxışında bildirib ki, sovet imperiyasının törətdiyi bu qanlı hadisə xalqımızın iradəsini sarsıda bilməyib, əksinə azadlıq və müstəqillik əzmini daha da gücləndirib. O, şəhidlərin qəhrəmanlığının heç vaxt unudulmayacağını, onların xatirəsinin daim qəlbimizdə yaşayacağını qeyd edib.
Aybəniz Saniyeva çıxışında gənc nəslin 20 Yanvar həqiqətlərini dərindən bilməsinin vacibliyini də xüsusi vurğulayaraq, bu cür anım tədbirlərinin vətənpərvərlik ruhunun aşılanmasında mühüm rol oynadığını bildirib.

Daha sonra direktor müavini Elcan İsmayılov çıxış edərək 20 Yanvar hadisələrinin səbəbi və nəticələri, xalqımızın tarixindəki önəmi və qan yaddaşımıza çevrilməsi barədə danışıb.

Tədbirdə Xətai Tibb Mərkəzinin kollektivi, həkim və tibb işçiləri iştirak edərək 20 Yanvar faciəsinin xalqımızın milli yaddaşında silinməz iz buraxdığını ifadə ediblər. Çıxışlarda qeyd olunub ki, bu faciə Azərbaycan xalqının müstəqillik yolunda verdiyi ən ağır, lakin ən şərəfli qurbanlardan biridir.

Anım tədbiri şəhidlərin xatirəsinə hörmət və ehtiram ifadə edən fikirlərlə başa çatıb.

20/01/2026

Allah şəhidlərimizə rəhmət eləsin.

19/01/2026

19/01/2026

19/01/2026

Həkim-ginekoloq,cərrah Elnurə Salmanovanın qız analarına tövsiyəsini təqdim edirik.

Yeniyetməlik yaşına girmiş qızlar bəzən öz narahatlıqlarını heç kimlə bölüşə bilmirlər. Bu halda peşəkar tövsiyə, ginekoloq yanaşması çox önəmlidir.

18/01/2026

16/01/2026

Xətai Tibb Mərkəzində tibb heyəti üçün çox maraqlı və vacib təlim təşkil olunub.

Tədbirdə iştirak edən mərkəzin direktoru Aybəniz Saniyeva bildirib ki,belə maarifləndirici tədbirlər Xətai Tibb Mərkəzində göstərilən xidmətin keyfiyyətinin artırılmasına və pasiyent təhlükəsizliyinin təminatına yönəlib.

Öncə, Keyfiyyətə nəzarətin İdarə Olunması üzrə mütəxəssis Səlmin Quliyeva “Cərrahi təhlükəsizlik üzrə Yoxlama Vərəqəsi” mövzusunda təlim verib.

Təlimin məqsədi cərrahi müdaxilələr zamanı pasiyent təhlükəsizliyinin təmin edilməsi, əməliyyat öncəsi və sonrasında komandadaxili koordinasiyanın gücləndirilməsi, həmçinin səhvlərin qarşısının alınması üzrə praktik biliklərin artırılması olub.

Təlim zamanı Yoxlama Vərəqəsinin mərhələli və düzgün tətbiqi izah edilib, iştirakçıların sualları cavablandırılıb.

Sonra tibbi heyət Təcili Tibbi Yardım şöbəsinin həkimlərinin də müxtəlif mövzularda hazırladıqları çıxışları dinləyib, ən yeni tibbi yanaşmalar barədə məlumat alıb.

Mərkəzin təcili tibbi yardım həkimi Sevinc Qəhrəmanova “ Hipertenziv vəziyyətlərə acil həkiminin yanaşması”, təcili tibbi yardım həkimi Zülfiyyə Tağızadə “Aritmiyalar”, təcili tibbi yardım həkimi Minə Hüseynova “Naməlum etiologiyalı komaya acil həkiminin yanaşması” mövzusunda təlim keçiblər.

16/01/2026

Xolesterin qaraciyərdə sintez olunan və qanda dövr edən yağ növüdür. Xolesterin öd turşularının, qalxanabənzər vəzi, kişi, qadın hormonlarının və D vitaminin əmələ gəlməsində iştirak edir. Lakin xolesterinin miqdarı normadan artıq olduqda damarların divarında yığılaraq sağlamlıq üçün təhlükə yaradır.

Normadan artıq xolesterin damarların daralmasına, elastikliyinin azalmasına və tədricən tutulmasına səbəb olur. Bu da öz növbəsində hipertoniya, insult, infarkt və böyrək çatışmazlığı riskini artırır.

Qanda xolesterin səviyyəsini normada saxlamaq üçün:

✔️Yağlı qidaları azaldın, duz istifadəsini minimuma endirin;
✔️Tütün məhsulları və spirtli içkilərdən uzaq durun;
✔️Fiziki aktivliyinizi artırın;
✔️Qan təzyiqinə nəzarət edin;
✔️Müntəzəm olaraq qan analizləri verin.