https://www.facebook.com/102634698930695/

Respublika Klinik Xəstəxanası

Home
Azerbaijan
Baku
Respublika Klinik Xəstəxanası

Tibb müəssisəsi TƏBİB-in tabeliyində fəaliyyət göstərir.

Respublika Klinik xəstəxanası əsasən respublika tabeçiliyində olan şəhərlərin və kənd rayonlarının əhalisinə və tibb müəssisələrinə çoxprofilli, ixtisaslaşmış, stasionar, konsultativ, planlı yardım göstərməklə yanaşı Respublika Səhiyyə Nazirliyinin təşkilatı-metodiki işlərinin bazası olub, respublika müalicə-profilaktika idarələrinin təşkilatı-metodiki işlərinə köməklik etməyə borclu olan aparıcı tibb müəssisələrindən biridir.

03/01/2026

Bayramdan sonra necə balanslı qidalanaq?

• Qidalanma rejimini tədricən yüngülləşdirmək, yağlı və ağır yeməklərin qəbulunu mərhələli şəkildə azaltmaq tövsiyə olunur.

• Gün ərzində kifayət qədər su qəbul edilməsi orqanizmin bərpasına və maddələr mübadiləsinin normallaşmasına müsbət təsir göstərir.

• Tərəvəz və meyvələrlə zəngin qidalanma həzm sisteminin fəaliyyətini dəstəkləyir və ümumi sağlamlığa töhfə verir.

• Şəkərli və qazlı içkilər əvəzinə bitki çaylarına və təbii mayelərə üstünlük verilməsi məqsədəuyğundur.

• Axşam saatlarında yüngül və asan həzm olunan qidaların seçilməsi tövsiyə edilir.

01/01/2026

Yeni iliniz mübarək!

2026-cı ilin hər bir vətəndaşımıza möhkəm sağlamlıq, rifah və əmin-amanlıq gətirməsini arzulayırıq. Yeni ilin cəmiyyətimizin sağlamlığının qorunması, tibbi xidmətlərin keyfiyyətinin daha da yüksəldilməsi və humanist dəyərlərin möhkəmlənməsi baxımından uğurlu bir il olmasını diləyirik. Hər birinizə sağlam və təhlükəsiz günlər arzulayırıq.

31/12/2025

Dünya Azərbaycanlılarının Həmrəyliyi Günü münasibətilə hər birinizi təbrik edirik!

30/12/2025

📌 Diqqət!

📅 31 dekabr, 1 və 2 yanvar qeyri-iş günləridir.

🚑 Təcili və təxirəsalınmaz tibbi yardım şöbəsi fasiləsiz şəkildə fəaliyyət göstərəcək.

ℹ️ Qeyd: 3 yanvar tarixindən etibarən müəssisəmiz normal iş rejimində fəaliyyətini davam etdirəcək.

30/12/2025

"Həkim deyir ki..." rubrikasında Respublika Klinik Xəstəxanasının həkim-terapevti Arzu Məmmədova bayram günlərində qidalanmada kəskin dəyişikliklərin mədə-bağırsaq sisteminə təsiri barədə danışıb.

̇b

29/12/2025

Həkim-otorinolarinqoloq Natəvan Abuşeva…

2005-2011-ci illərdə Azərbaycan Tibb Unversitetinin Müalicə işi fakültəsində təhsil alıb.

2011-2016-cı Azərbaycan Tibb Universitetində rezidentura təhsili alıb.

2016-2023-cü illərdə 1 Saylı Tələbə Poliklinikasında həkim-otorinolarinqoloq vəzifəsində çalışıb.

2023-cü ildən Respublika Klinik Xəstəxanasında həkim-otorinolarinqoloq vəzifəsində çalışır.

Yerli və beynəlxalq konfranslarda iştirak edib.

2024-cü ildən Azərbaycan Tibb Universitetinin doktorantıdır.

27/12/2025

Respublika Klinik Xəstəxanası bufetçi vakansiyası elan edir

Əməkhaqqı: Əməkhaqqı “Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələrində çalışan işçilərin əməyinin ödənilməsi qaydasına uyğun olaraq tənzimlənir.

Tələblər:

Orta təhsil
Təmizlik və gigiyena qaydalarına riayət etmək
Fiziki cəhətdən işlək və məsuliyyətli olmaq
Növbəli iş rejimində işləmək imkanı
Komandada işləmə bacarığı
Nizam-intizamlı və etik davranış qaydalarına riayət etmək

Vəzifələr:

Bufet və yemək paylanma sahəsində xidmət göstərmək
Pasiyentlərə və tibb işçilərinə müəyyən olunmuş qaydada yeməklərin təqdim edilməsi
İş sahəsinin təmizliyinin və səliqəsinin qorunması
Gigiyenik normalara uyğun fəaliyyət göstərmək
Rəhbərliyin verdiyi digər tapşırıqların icrası

Müraciət qaydası:

CV-nizi və tələb olunan sənədlərin nüsxələrini xəstəxananın İnsan resursları şöbəsinə və ya rkx@tabib.gov.az elektron poçt ünvanına göndərə bilərsiniz.Mövzu hissəsində müraciət etdiyiniz vəzifənin adını və iş yerini qeyd etməyiniz xahiş olunur(məsələn: Akademik M.Ə. Mirqasımov adına Respublika Klinik Xəstəxanası – Bufetçi).

Müraciətlər nəzərdən keçiriləcək və yalnız göstərilən meyarlara uyğun namizədlərlə əlaqə saxlanılacaq.

26/12/2025

Respublika Klinik Xəstəxanasında planlı əməliyyatlarla bağlı yeni təklif və qaydalar mövzusunda təqdimat keçirilib.

Təqdimatda Anesteziologiya, reanimasiya və intensiv terapiya şöbəsinin müdiri Fatma Əhmədova çıxış edərək planlı xəstələrin əməliyyata hazırlanması, gündəlik əməliyyat həcminin planlanması, əməliyyatxana intizamı, gigiyena qaydaları və əməliyyatlararası fasilələrin standartlarının vacibliyini vurğulayıb. O bildirib ki, bu yanaşmalar əməliyyatların təhlükəsizliyini artırmaq və iş prosesində nizam-intizamı təmin etmək məqsədi daşıyır.

26/12/2025

Respublika Klinik Xəstəxanasının Nevrologiya şöbəsinin müdiri Aytən Hüseynova beynəlxalq forumda Azərbaycan Respublikasını təmsil edib.

13 dekabr tarixində Gürcüstan Respublikasının paytaxtı Tbilisi şəhərində keçirilən “Qafqaz Forumu 2025” region ölkələrində səhiyyə, elm və ictimai sağlamlıq sahələrində aktual mövzuların müzakirəsinə həsr olunmuş beynəlxalq tədbir keçirilib.

Forum çərçivəsində Azərbaycan Respublikasını təmsil edən Respublika Klinik Xəstəxanasının Nevrologiya şöbəsinin müdiri Aytən Hüseynova “Dağınız skleroz (multiple skleroz)”xəstəliyinə həsr olunmuş təqdimatla çıxış edib. Təqdimat zamanı ölkəmizdə dağınıq skleroz üzrə mövcud klinik təcrübə iştirakçıların diqqətinə çatdırılıb.

Beynəlxalq forum zamanı əldə olunan bilik və təcrübənin paylaşılması məqsədilə Aytən Hüseynova tərəfindən “Dağınız skleroz” mövzusunda təqdimat daha sonra Respublika Klinik Xəstəxanasında da təşkil edilib.

26/12/2025

Respublika Klinik Xəstəxanasının əməkdaşları təşəkkürnamə ilə təltif olunublar

Respublika Klinik Xəstəxanasında gözətçi vəzifəsində çalışan, Şotokan karate-do üzrə dünya çempionu Tural Ələkbərli və xəstələrə qulluq edən kiçik tibb qardaşı vəzifəsində çalışan, qarışıq döyüş növləri üzrə (MMA) çempion Turxan Cavadov qazandıqları yüksək idman nailiyyətləri münasibətilə Respublika Klinik Xəstəxanasının rəhbərliyi tərəfindən təşəkkürnamə və hədiyyə ilə təltif olunublar.

Həmçinin Respublika Klinik Xəstəxanasının Maliyyə şöbəsinin müdiri Zaur Qurbanov Böyük Britaniyanın Milli Kvalifikasiya Sertifikatlı Maliyyə Menecerləri İnstitutunun üzvü sertifikatı ilə təltif olunduğu üçün təşəkkürnamə ilə mükafatlandırılıb.

Təltifetmə mərasimində təşəkkürnamələr və hədiyyələr xəstəxananın direktoru Elviz Qasımov, cərrahi xidmətlər üzrə direktor müavini Sahib Hüseynov və Həmkarlar Təşkilatının sədri Eldar Əsədli tərəfindən təqdim edilib.

25/12/2025

"Həkim deyir ki..." rubrikasında Respublika Klinik Xəstəxanasının həkim-neonatoloqu Hürü Əsədli vaxtından əvvəl doğulmuş uşaqlarla bağlı valideynlərin diqqət etməli olduğu məqamlar barədə danışıb.

25/12/2025

AZAL-a məxsus sərnişin təyyarəsinin faciəli şəkildə qəzaya uğramasından bir il ötür.

Faciə nəticəsində həyatını itirmiş şəxslərin xatirəsini dərin hüzn və ehtiramla yad edirik.

Address

Bakı, Yasamal Rayonu, Abbas Mirzə Şərifzadə Küçəsi, 212
Baku
AZ1012

Telephone

+994124307736

Website

facebook.com

Alerts

Be the first to know and let us send you an email when Respublika Klinik Xəstəxanası posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Respublika Klinik Xəstəxanası:

Shortcuts

Want your practice to be the top-listed Clinic in Baku?

Respublika Klinik Xəstəxanası

03/01/2026

01/01/2026

31/12/2025

30/12/2025

30/12/2025

29/12/2025

27/12/2025

26/12/2025

26/12/2025

26/12/2025

25/12/2025

25/12/2025

Address

Telephone

Website

Alerts

Contact The Practice

Shortcuts

Share

Category