Respublika Neyrocərrahiyyə Xəstəxanası

26/08/2025

Bu gün Laçın Şəhəri Günüdür!

Dövlət başçısı, cənab İlham Əliyevin 2023-cü il iyulun 31-də imzaladığı Sərəncama əsasən 26 avqust-Lqçın Şəhəri Günü kimi qeyd edilir.

26/08/2025

Bu gün Azərbaycan Respublikasının birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür.

Mehriban xanım Əliyevanı doğum günü münasibətilə təbrik edir, ona uzun ömür, möhkəm cansağlığı və fəaliyyətində uğurlar arzulayırıq!

25/08/2025

Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.

Pasiyent belində və sağ ayağında ağrılar, keylik, yerişin çətinləşməsi və qamətin əyilməsi şikayətlərilə tibb müəssisəsinə müraciət edib.

Müayinə nəticələrinə əsasən, pasiyentdə L5-S1 fəqərəarası diskin sağtərəfli sekvestrasiya olunmuş yırtığ aşkar edilib və cərrahi əməliyyat olunması qərara alınıb.

Həkim-neyrocərrah Aygün Zeynalova tərəfindən disk yırtığın çıxarılması üzrə cərrahi əməliyyat icra olunaraq, pasiyent defisitsiz ambulator müalicə üçün evə buraxılıb.

20/08/2025

19/08/2025

19 avqust 2025-ci il tarixdə Respublika Neyrocərrahiyyə Xəstəxanasında təlim keçirilib.

Fövqəladə Hallar Nazirliyi Dövlət Yanğın Nəzarəti Xidmətinin yanğına qarşı Təhqiqat şöbəsinin baş mütəxəssisi Nizami Fərəcov, Dövlət Yanğın Nəzarəti Xidmətinin yanğına qarşı 3-cü ərazi Dövlət Yanğın İdarəsinin böyük inspektoru, daxili xidmət mayoru Mənsur Atakişiyev, Dövlət Yanğın Nəzarəti Xidmətinin yanğına qarşı Təhqiqat şöbəsinin daxili xidmət kapitanları Rəhman Əkbərov və Rəşad Bayramov “Səhiyyə müəssisələrinin yanğın təhlükəsizliyi” mövzusunda maarifləndiricisi təlim keçiriblər.

Təlimdə xəstəxanada fəaliyyət göstərən müvafiq şöbələrinin müdirləri, tibb bacıları, dəstək xidmətləri şöbəsinin əməkdaşları iştirak ediblər.
Nizami Fərəcov çıxış edərək tibb müəssisəsində yanğın zamanı təhlükəsizlik və elektrik cihazlarından istifadə qaydalarından ətraflı bəhs edib.

Sonunda əsas mövzularla bağlı müzakirələr aparılıb, müxtəlif fikirlər səsləndirildikdən sonra tədbir başa çatıb.

15/08/2025

Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.

Pasiyent ayağlarında zəiflik, ağrılar və yerişin pozulması sikayətləri ilə Respublika Neyrocərrahiyyə Xəstəxanasına hospitalizasiya olunub.

KT müayinə nəticəsinə əsasən, pasiyentdə Th9-T10 fəqərələri səviyyəsində onurğa beynin kompressiyasına səbəb olan onurğa kanal darlığı-stenoz aşkar edilib və cərrahi əməlliyat olunması qərara alınıb.

Həkim-neyrocərrah Nicat Muştaqov və həkim-rezident Cavid Sadıqlı tərəfindən implant qoyulmadan onurğa kanal dekompressiyası üzrə cərrahi əməliyyat uğurlu icra edərək, pasiyent nevroloji defisitsiz ambulator müalicə üçün evə buraxılıb.

12/08/2025

Respublika Neyrocərrahiyyə Xəstəxanasına müraciət edən pasiyent uğurlu əməliyyatdan sonra ambulator müalicə üçün evə buraxılıb.

2013-cü il təvəllüdlü pasiyent baş ağrıları, ürəkbulanma, qusma və yerişin pozulması şikayətləri ilə tibb müəssisəmizə müraciət edib.

Müayinə nəticəsinə əsasən pasiyentdə arxa kəllə çuxurunda IV mədəciyi dolduran törəmə aşkar edilib və cərrahi əməliyyat olunması qərara alınıb.

Həkim-neyrocərrahlar Rəşid Vəlibəyov, Rəfael Bayramov, Etibar İdrisov və həkim-rezident Elmar Cəfərov tərəfindən sağ dendi nöqtəsindən EVD şuntun qoyulması, suboksipital dekompressiv kranioektomiya, şişin xaric edilməsi, sərt qışanın plastikası və sağ koxer nöqtəsində VP şuntu qoyulması üzrə cərrahi əməliyyat uğurlu icra olunaraq, pasiyent nevroloji defisitsiz ambulator müalicə üçün evə buraxılıb.

11/08/2025

Respublika Neyrocərrahiyyə Xəstəxanasının neyrotravma şöbəsinin müdiri Anar Abbasov 1979-cu ildə Sumqayıt şəhərində anadan olub.

1996-2002-ci il illərdə Nərimanov adına Azərbaycan Tibb Universitetinin “Müalicə işi” fakültəsində təhsil alıb.

2002-2003-cü illərdə Sumqayıt şəhəri Təcili Tibbi Yardım Xəstəxanasında internatura kursunu keçib.

2006-2009-cu illərdə Sumqayıt şəhəri üzrə 1 saylı Təcili tibbi yardım məntəqəsində çağırışçı-həkim vəzifəsində çalışıb.

2009-2014-cü illərdə Sumqayıt şəhəri Təcili Tibbi Yardım xəstəxanasında neyrocərrahiyyə şöbəsində həkim-neyrocərrah kimi çalışıb.

2014-2023-cü illərdə Sabunçu Tibb Mərkəzində müştərək travma şöbəsində həkim-neyrocərrah vəzifəsində çalışıb.

2023-cü il tarixində Respublika Neyrocərrahiyyə Xəstəxanasının neyrotravma şöbəsində həkim-neyrocərrah, 2024-cü ildən etibarən şöbənin müdiri vəzifəsində çalışır.

Əlavə olaraq bildiririk ki, Anar Abbasov bir çox yerli və beynəlxalq tədbirlərdə sertifikatlarla təltif olunub.

08/08/2025

Hər göz bir dünyadır. Onun sağlamlığını qorumaq, insanın həyat keyfiyyətinin və gələcəyinin təminatıdır.

8 Avqust - Beynəlxalq Oftalmologiya Günü görmə qabiliyyətinin dəyərini və göz sağlamlığının qorunmasının vacibliyini vurğulamaq məqsədilə qeyd edilir.