Psychological Wellness Clinic

28/04/2026

Yas, travma və böhran halları insanın həyatına gözlənilmədən daxil olur və çox zaman təkbaşına idarə etmək çətin olur. Bu təlim, psixoloji travmaların mahiyyətini daha dərindən anlamaq, böhran vəziyyətlərində düzgün yanaşma formalaşdırmaq və effektiv dəstək bacarıqları qazanmaq istəyənlər üçün hazırlanıb.

Peşəkar mühitdə keçiriləcək bu proqram nəzəri biliklərlə yanaşı, praktik yanaşmaları da əhatə edir. Məqsəd yalnız məlumat vermək deyil, eyni zamanda real vəziyyətlərdə istifadə oluna biləcək alətlər təqdim etməkdir.

🎯 Təlimdə nə əldə edəcəksiniz?
🔹 Travma və böhran anlayışlarının psixoloji əsaslarını anlama
🔹 Travmatik reaksiyaları və onların mərhələlərini tanıma
🔹 Yas və böhran vəziyyətində ilkin psixoloji dəstək göstərmə bacarıqları
🔹 Danışıq və dinləmə texnikaları ilə təhlükəsiz mühit qurma
🔹 Öz emosional reaksiyalarınızı daha yaxşı tənzimləmə yolları
🔹 Real klinik nümunələr üzərindən analiz və tətbiq imkanı

👥 Kimlər iştirak edə bilər?
⚪️ Psixoloqlar və psixologiya ixtisası üzrə təhsil alan tələbələr
⚪️ Psixoterapevtlər və konsultantlar
⚪️ Sosial işçilər və insanlarla aktiv işləyən mütəxəssislər
⚪️ Müəllimlər və təlimçilər
⚪️ Travma və böhran mövzusuna peşəkar və ya şəxsi marağı olan hər kəs

Təlimin sonunda hər bir iştirakçıya xüsusi iş dəftəri və terapiyada istifadə etmək üçün lazım olan psixoloji alətlər veriləcək. Eyni zamanda iştirakçılara sertifikat təqdim olunacaq.

📢 Qrupda iştirak sayı 10 nəfər üçün nəzərdə tutulmuşdur.

📆 9 may
🕰️ Saat 11:00
📍Psychological Wellness Clinic (Heydər Əliyev pros. 115)
📞(+994 55) 619-63-23

27/04/2026

“Daxildən Xaricə” Klinik Təcrübə Proqramı çərçivəsində bu həftə klinik psixoloq Mərziyə Mürsəlova “Qısamüddətli Həll Mərkəzli Terapiya” mövzusunu təqdim etdi. Sessiyada diqqət problemlərdən çox həllə yönələn yanaşmanın klinik praktikada necə çevik və effektiv tətbiq oluna biləcəyinə yönəldi.

Peşəkar inkişaf üçün real praktik biliklərin paylaşıldığı proqramımız davam edir 🤍🕊️

27/04/2026

19/04/2026

“Daxildən Xaricə” Klinik Təcrübə Proqramı çərçivəsində bu həftə daha bir maarifləndirici və faydalı təlim baş tutdu.

Klinik psixoloq Mərziyə Mürsəlova tərəfindən keçirilən “Premenstrual psixoz və imtahan həyəcanı” mövzusu iştirakçılar üçün həm nəzəri, həm də praktik baxımdan olduqca dəyərli oldu. Təlim zamanı premenstrual dövrdə yaranan psixoloji dəyişikliklərin mahiyyəti, onların gündəlik həyata təsiri, eləcə də imtahan həyəcanının idarə olunması yolları ətraflı şəkildə izah edildi.

İştirakçılar bu mövzulara daha dərindən yanaşmaq, real klinik nümunələr üzərindən düşünmək və praktik yanaşmalar öyrənmək imkanı qazandılar. Bu cür bilik və təcrübələr gələcək peşəkar fəaliyyətimiz üçün mühüm bir addımdır.

Dəyərli biliklərini bizimlə bölüşdüyü üçün Mərziyə Mürsəlovaya təşəkkür edirik .murselova

Proqramımız çərçivəsində inkişaf etməyə və öyrənməyə davam edirik!

14/04/2026

11/04/2026

“Daxildən Xaricə” Klinik Təcrübə Proqramı çərçivəsində klinik psixoloq Leyla Məmişova tərəfindən “Asılılıqlar” mövzusunda təlim təşkil olunmuşdur.

Təlim zamanı asılılıqların etiologiyası, psixoloji və neyrobioloji əsasları, risk faktorları və müasir psixoterapevtik müdaxilə yanaşmaları elmi əsaslarla təqdim edilmişdir. Mövzu həm nəzəri, həm də praktik aspektlər üzrə geniş şəkildə işıqlandırılmış, interaktiv müzakirələr vasitəsilə daha da dərinləşdirilmişdir.

Bu kimi təşəbbüslər peşəkar inkişafın dəstəklənməsi, klinik düşüncənin formalaşdırılması və sübutlara əsaslanan yanaşmaların tətbiqi baxımından xüsusi əhəmiyyət kəsb edir.

Dəvətimizi qəbul edərək dəyərli bilik və təcrübəsini bölüşdüyünə, mövzunu yüksək peşəkarlıq və aydınlıqla təqdim etdiyinə görə hörmətli Leyla xanıma təşəkkürümüzü bildiririk.

09/04/2026

Münasibətlə bağlı yaşanılan təşviş, insanın bütün münasibətlərdə davamlı inamsızlıq, tərkedilmə təşvişi və narahatlıq hiss etməsi ilə ortaya çıxar. Bu hal, sağlam əlaqələr yaratmaqda çətinlik törədər. Emosional asılılıq isə insanın xoşbəxtliyini və özdəyərini partnyoru ilə əlaqələndirməsi ilə bağlıdır.

07/04/2026

“Daxildən Xaricə” Klinik Təcrübə Proqramının iştirakçısı Qəmər Nəsirova yekunda öz təəssüratlarını bizimlə bölüşdü. Bu dəyərli təcrübənin izləri onların inkişaf yolunda öz əksini tapır. Qəmər xanıma dəyərli fikirləri üçün təşəkkür edir və fəaliyyətində uğurlar arzu edirik.

Hazırda proqramın növbəti qrupu uğurla davam edir və yeni uğur hekayələri yazılmağa davam edir 🤍🕊️

05/04/2026

“Daxildən Xaricə” Klinik Təcrübə Proqramı çərçivəsində uzman psixoloq Aydan Əhmədzadə tərəfindən keçirilən qrup terapiyası sessiyası uğurla baş tutdu.

Bu sessiya yalnız nəzəri biliklərin ötürülməsi ilə məhdudlaşmır — proqram iştirakçıları qrup terapiyasının strukturunu, dinamikasını və terapevtik mexanizmlərini praktik şəkildə, canlı müşahidə və iştirak yolu ilə mənimsəyirlər.

Qrup terapiyası, sosial əks etdirmə, emosional paylaşım və interpersonal fikir bildirmə kimi elmi əsaslı yanaşmalar vasitəsilə fərdlərin daxili konfliktlərini daha dərindən anlamasına və onların korreksiyasına imkan yaradır.

İştirakçılar həm peşəkar bacarıqlarını inkişaf etdirir, həm də öz daxili narahatlıqlarını təhlükəsiz və dəstəkləyici mühitdə işləmə fürsəti əldə edirlər.

Bu yanaşma psixoloji inkişafın həm şəxsi, həm də peşəkar müstəvidə paralel şəkildə formalaşmasını təmin edir.

04/04/2026

Bu gün “Daxildən Xaricə” Klinik Təcrübə Proqramı çərçivəsində növbəti dərs baş tutdu. Uzman psixoloq Fidan İbrahimlinin təqdimatında “Uşaq və yeniyetmələrdə depressiya, yeniyetmələrdə obsessiv-kompulsiv pozuntu, kimlik formalaşması və şəxsiyyətin inkişafı” mövzuları ətraflı şəkildə müzakirə olundu.

Dərs zamanı həm nəzəri biliklər, həm də praktik yanaşmalar iştirakçılara yüksək peşəkarlıqla çatdırıldı. Xüsusilə, yeniyetməlik dövrünün psixoloji həssaslığı, daxili konfliktlər, kimlik axtarışı və bu mərhələdə yaranan psixoloji çətinliklərin düzgün anlaşılması mövzusunda çox faydalı məlumatlar əldə etdik.

Fidan xanımın mövzunu aydın, sistemli və real klinik nümunələrlə izah etməsi, iştirakçılar üçün həm maarifləndirici, həm də ilhamverici oldu. Bu cür dəyərli biliklərin paylaşılması gələcək mütəxəssislərin formalaşmasında mühüm rol oynayır.

Dəyərli bilik və təcrübəsini bizimlə bölüşdüyü üçün Fidan İbrahimliyə təşəkkürümüzü bildiririk .feedanibr

“Daxildən Xaricə” Klinik Təcrübə Proqramı çərçivəsində keçirilən bu kimi dərslər peşəkar inkişaf yolunda mühüm addımlardan biridir 🕊️

02/04/2026

Bəzən bədən yorulur, güc azalır… amma ümid, ən qaranlıq anda belə yenidən yaranır. Tək deyilsiniz, hər hissiniz görülür, hər addımınız dəyərlidir 🤍🕊️

31/03/2026

“Daxildən Xaricə” Klinik Təcrübə Proqramının iştirakçısı Türkan Bilalova yekunda öz təəssüratlarını bizimlə bölüşdü. Bu dəyərli təcrübənin izləri onların inkişaf yolunda öz əksini tapır. Türkan xanıma dəyərli fikirləri üçün təşəkkür edir və fəaliyyətində uğurlar arzu edirik.

Hazırda proqramın növbəti qrupu uğurla davam edir və yeni uğur hekayələri yazılmağa davam edir 🤍🕊