Kliniki Tibbi Mərkəz

Home
Azerbaijan
Baku
Kliniki Tibbi Mərkəz

Tibb müəssisəsi TƏBİB-in tabeliyində fəaliyyət göstərir.

16/10/2023

Kliniki Tibbi Mərkəzin fəaliyyəti haqqında məlumatları yeni "Facebook" səhifəsini izləyərək əldə edə bilərsiniz.
Yeni səhifəyə buradan keçid edə bilərsiniz: Kliniki Tibbi Mərkəz

09/10/2023

Xəstəliklər, onların yaranması və ya tibbi yardımlarla bağlı müxtəlif fikirlər eşidirik ki, bunlar bəzən həqiqəti əks etdirmir. Bu cür fikirlər insanları yanlış istiqamətdə yönəldir.

Kliniki Tibbi Mərkəzin sosial şəbəkə hesablarında “Doğru bildiyimiz yanlışlar” rubrikası ilə vətəndaşları bu cür yanlış fikirlərlə tanış edərək onların doğru variantlarını təqdim edirik.

Vətəndaşların səhhətlərindəki problemlərlə bağlı ən çox yanlış üsullardan istifadə etməsi hallarından biri də huşunu itirmiş şəxsə edilən ilk tibbi yardımla bağlıdır.

Yadda saxlamaq lazımdır ki, huşunu itirmiş şəxsə şillə vuraraq ayıltmaq yanlış üsuldur. Qısamüddətli huşun itməsinə qan təzyiqinin düşməsi, boğulma, hədsiz sevinc, kədər və aclıq səbəb ola bilər. Buna görə də ilk növbədə huşunu itirmiş xəstənin nəbzi və tənəffüsü yoxlanılmalıdır. Nəbz və tənəffüs nizamlıdırsa, xəstə arxası üstə qoyulur, ayaqları yuxarı qaldırılır və hərəkətsiz yatması təmin edilir.

Daha sonra huşunu itirmiş şəxsin paltarı açılmalı və o, izdihamlı və qapalı yerdə olarsa, sakit və açıq yerə aparılmalıdır. Bundan sonra xəstənin huşu özünə gəlməzsə, təcili tibbi yardıma müraciət etmək lazımdır.

07/10/2023

Qurudulmuş meyvələr faydalı vitamin və minerallarla zəngin qidalardandır. Ürək, beyin, sinir sistemi və əzələlərin fəaliyyətinə müsbət təsir edir, qan təzyiqini normallaşdırır. Bu meyvələr özündə B qrupu vitaminləri, dəmir, natrium, kalium, maqnezium, pektin, yod kimi vitamin və elementləri cəmləşdirir.

Quru meyvələrin tərkibindəki vitamin və minerallar təzə meyvədə olduğundan daha artıqdır. Quru meyvələr ilin soyuq fəsillərində daha çox istifadə edilən qida məhsullarındandır.

06/10/2023

TƏBİB nümayəndələri Beynəlxalq Əczaçılar Günü və Respublika Əczaçılarının 4-cü konfransına qatılıb

Tibbi Ərazi Bölmələrini İdarəetmə Birliyinin nümayəndələri (TƏBİB) “Əczaçılar Klubu” İctimai Birliyinin təşkil etdiyi Beynəlxalq Əczaçılar Günü və Respublika Əczaçılarının 4-cü konfransında iştirak ediblər.

Konfrans Ümummilli Lider Heydər Əliyevin 100 illiyinə həsr olunub.

Tədbirdə Səhiyyə Nazirliyi, Milli Məclis, İcbari Tibbi Sığorta üzrə Dövlət Agentliyi, Tarif Şurası, Kiçik və Orta Biznesin İnkişafı Agentliyi (KOBİA), Qida Təhlükəsizliyi Agentliyi (AQTA), Səhiyyə Nazirliyinin Analitik Ekspertiza Mərkəzinin nümayəndələri, dərman istehsalçıları və yerli topdansatış müəssisələrinin əməkdaşları da iştirak ediblər.

Açılış nitqi ilə qonaqları salamlayan “Əczaçılar Klubu” İctimai Birliyinin sədri Şövqi Bunyatov konfrans barədə ətraflı məlumat verib.

Konfransda TƏBİB-in İcraçı direktorunun müavini Araz Nəsirov, səhiyyə nazirinin müavini Rasim İsmayılov, KOBİA-nın İdarə Heyətinin sədri Orxan Məmmədov, Milli Məclisin Səhiyyə Komitəsinin sədr müavini Rəşad Mahmudov çıxış edib.

Daha sonra konfrans panel iclaslarla işinə davam edib. Çıxışlar “Elektron resept və qiymət siyasəti”, “Yerli dərman istehsalı biznesinin inkişafı” kimi mövzulara həsr olunub.

TƏBİB-in Resursların idarə olunması departamentinin Dərman və tibb vasitələri şöbəsinin müdiri Elmin Quliyev “Elektron resept və qiymət siyasəti” panelində çıxış edib.

06/10/2023

Qurd xəstəlikləri (helmintozlar) hər yaş qrupunda rastlanan problemlərdəndir. Xüsusilə, uşaq yaşlarında bu xəstəliklər ciddi narahatlıq səbəbi olur. Əksər hallarda yaşı 3-12 olan uşaqlarda qurd xəstəlikləri hallarına tez-tez rast gəlinir.

Qurd xəstəliklərinin törədiciləri həlqəvi, lentşəkilli və sorucu qurdlardır. Qurd xəstəliyinə şübhə varsa, dəqiqləşdirmək üçün bəzi analizlər olunmalıdır. Müalicə müddəti parazitin növündən asılı olaraq 1-7 gün müddətində dəyişir. Əgər övladlarınızda bu xəstəliyin olduğunu düşünürsünüzsə, vaxtında həkimə müraciət edin.

05/10/2023

❓ Təcili tibbi yardım çağırışları üçün hər hansı məhdudiyyət var?

Dövlət tibb müəssisələri tərəfindən göstərilən təcili tibbi yardım xidmətləri hər kəs üçün əlçatan və ödənişsizdir. Təcili tibbi yardım çağırışları yalnız təcili və təxirəsalınmaz hallarda edilməlidir.

05/10/2023

Kliniki Tibbi Mərkəzin sosial şəbəkə hesablarında “Bilirdinizmi?” rubrikası çərçivəsində müəyyən dərman növlərinin düzgün istifadə qaydası, xəstəliklər, viruslar və s. sağlamlığınızla bağlı bu kimi müxtəlif qısa tibbi məlumatları diqqətinizə çatdırırıq.

Bu rubrika çərçivəsində vətəndaşların daha çox tibbi məlumatlı olmasını təmin etməyə çalışırıq.

Bəs siz siqaretin insana hansı mənfi təsirləri var, bilirdinizmi?

Siqaret bədəndəki bütün sistemlərə, xüsusən də tənəffüs sistemi və ürək-qan dövranı sisteminə təsir göstərir.

Siqaret bütün xərçənglərin 30 %-nin və ağciyər xərçənginin 90%-nin səbəbidir. Gündə bir qutu siqaret çəkən adamda ağciyər xərçənginə tutulma riski siqaret çəkməyəndən 20 dəfə yüksəkdir.

Tənəffüs sistemi xəstəliklərindən xroniki bronxit və amfizemin ən mühüm səbəbi siqaretdir. Siqaret həm də ağciyərlərin təbii müdafiə sistemini pozduğundan pnevmoniya, bronxit və s. kimi yoluxucu xəstəliklərin riskini artırır.

04/10/2023

Süd vəzi xərçəngi ən çox rast gəlinən xərçəng xəstəliklərdən biridir. Xərçəngin bu növünün rast gəlindiyi qadınların çoxu 50 yaşdan yuxarıdır, lakin daha gənc qadınlarda da buna rast gəlinə bilər.

Süd vəzi xərçəngi riskinin artmasına ailə keçmişində süd vəzi xərçənginin olması, əvvəllər süd vəzi xərçəgi diaqnozunun qoyulması və ya xoş xassəli süd vəzi düyününün olması, həddindən artıq çəkili olmaq, spirtli içki içilməsi və s. aid ola bilər.

Erkən mərhələdə aşkarlandıqda müalicə ilə sağalma ehtimalı yüksəkdir. Bu səbəbdən mütəmadi olaraq qadınlar bu məsələyə həssas yanaşmalı, həkimə müraciət etməlidir.

04/10/2023

Kliniki Tibbi Mərkəzin fəaliyyəti haqqında məlumatları yeni "Facebook" səhifəsini izləyərək əldə edə bilərsiniz.

Yeni səhifəyə buradan keçid edə bilərsiniz: Kliniki Tibbi Mərkəz

04/10/2023

🇦🇿 Cəbrayılın azad edilməsindən 3 il ötür.

03/10/2023

Sentyabr ayı ərzində Kliniki Tibbi Mərkəzin Toksikologiya şöbəsinə zəhərlənmə ilə bağlı 149 nəfər qəbul edilib.

Mərkəzin Mətbuat xidmətindən verilən məlumata görə, onlardan 63-ü kişi, 63-ü qadın, 23-ü isə uşaq olub.

Qəbul olunan xəstələrdən 68-i dərmandan, 36-sı sirkə turşusundan, 12-si göbələkdən, 7-si etanoldan zəhərlənib. Digərlərindən 3-ü allergik reaksiyadan, 6-sı isə botulizm, 3-ü anaflaksiya səbəbindən xəstəxanaya yerləşdirilib.

Həmçinin onlardan 14 nəfəri ilan sancıb.

Həkimlərin səylərinə baxmayaraq, zəhərlənən şəxslərdən 4-ü dünyasını dəyişib. Onlardan 2-si kişi, 2-si qadın olub.

Address

Bakı şəhəri, Nəsimi Rayonu, A. A. Mirqasımov, 1
Baku
AZ1022

Telephone

+994125979892

Website

https://ktmhospital.az/

Alerts

Be the first to know and let us send you an email when Kliniki Tibbi Mərkəz posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Kliniki Tibbi Mərkəz:

Shortcuts

Want your practice to be the top-listed Clinic in Baku?

Kliniki Tibbi Mərkəz

16/10/2023

09/10/2023

07/10/2023

06/10/2023

06/10/2023

05/10/2023

05/10/2023

04/10/2023

04/10/2023

04/10/2023

03/10/2023

Address

Telephone

Website

Alerts

Contact The Practice

Shortcuts

Share

Category