Elmi-Tədqiqat Mamalıq və Ginekologiya İnstitutu

08/05/2026

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunda Ulu Öndər Heydər Əliyevin anadan olmasının ildönümü ilə əlaqədar tədbir keçirilib.

Tədbirin açılış nitqi ilə çıxış edən İnstitutun direktoru Cəmilə Qurbanova Ümummilli Lider Heydər Əliyevin Azərbaycan dövlətçiliyinin möhkəmləndirilməsi, səhiyyə sisteminin inkişafı və milli-mənəvi dəyərlərin qorunması istiqamətində misilsiz xidmətlərindən bəhs edib.
Daha sonra İnstitutun YAP təşkilatının sədri Ədalət Əliyev çıxış edərək Ulu Öndərin siyasi irsinin bu gün də Azərbaycan xalqının inkişaf yolunda mühüm əhəmiyyət daşıdığını vurğulayıb.
İnstitutun İnsan resursları şöbəsinin müdiri Təranə Atakişiyeva çıxışında Ulu Öndər Heydər Əliyevin dövlət quruculuğu və milli kadr siyasətinin formalaşdırılması istiqamətindəki xidmətlərindən danışıb.
Reproduktiv sağlamlıq texnologiyaları şöbəsinin müdiri Xəyalə Təhməzi çıxışında Heydər Əliyevin Azərbaycan səhiyyəsinin inkişafına göstərdiyi diqqət və qayğının bu gün də uğurla davam etdirildiyini vurğulayıb.
Neonatoloq Kövsər Azadəliyeva isə çıxışında Ulu Öndərin gələcək nəsillərin sağlam inkişafına verdiyi önəmin Azərbaycan səhiyyə siyasətində xüsusi yer tutduğunu qeyd edib.
Çıxışlardan sonra Ulu Öndərin həyat və fəaliyyətinə həsr olunmuş videoçarx nümayiş etdirilib.

Tədbir dərin ehtiram hissi ilə yekunlaşıb. Ulu Öndər Heydər Əliyevin əziz xatirəsi xalqımızın qəlbində daim yaşayacaq.

05/05/2026

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutu rezidentlərinin növbəti uğuru
ATUREK elmi-praktik konfransı 2026 çərçivəsində İnstitutumuzun mama-ginekologiya üzrə rezidentləri maraqlı və aktual mövzularla çıxış edərək elmi mühitdə fəal iştirak etdilər.
Gənc mütəxəssislərimiz kliniki hallara əsaslanan təqdimatları ilə həm biliklərini nümayiş etdirdilər, həm də reproduktiv sağlamlıq sahəsində mühüm məsələlərə diqqət çəkdilər.
Bu çıxışlar onların peşəkar inkişaf yolunda atdıqları mühüm addımlardan biridir. Eyni zamanda, rezidentlərimizdən 8 nəfərin tezisi konfrans materiallarında çapa qəbul olunmuşdur ki, bu da onların elmi fəaliyyətinin mühüm göstəricisidir.
Rezidentlərimizi təbrik edir, gələcək fəaliyyətlərində uğurlar arzulayırıq!

05/05/2026

Səhiyyə Nazirliyi Elmi-Tədqiqat Mamalıq və Ginekologiya İnstitutunda daha bir uğurlu həyat hekayəsi.
28 həftəlik əkiz hamiləlik nəticəsində 27.02.2026 tarixində dünyaya gələn körpələrdən biri 1270 qram oğlan, digəri isə 1000 qram çəkidə qız olub. Vaxtından əvvəl doğulma, aşağı bədən çəkisi, tənəffüs pozğunluğu, infeksiya, sarılıq və anemiya kimi risklərlə mübarizə aparan balacalar uzun müddət ASV və CPAP dəstəyi ilə intensiv müalicə alıblar.
Mama-ginekoloq Könül Qarayeva və neonatoloq Günel Xəlilovanın peşəkar yanaşması sayəsində körpələr bu çətin mərhələni uğurla geridə qoyublar.
Kiçik çəkidə doğulan körpələr üçün hər gün bir mübarizə, hər nəfəs bir ümiddir. Düzgün tibbi yanaşma və qayğı ilə bu ümidlər gerçəyə çevrilir.

05/05/2026

Hər il 5 may tarixində Beynəlxalq Həkim-Mama Günü qeyd olunur. Bu gün yalnız bir peşənin deyil, həm də minlərlə ananın və körpənin həyatında həlledici rol oynayan fədakar insanların əməyinə ehtiramın ifadəsidir.
https://sehiyye.gov.az/media/xeberler-ve-yenilikler/dogus-otaginin-sl-q-hr-manlari-mamalar-haqqinda-bilm-dikl-riniz-s-hiyy-nazirliyinin-mut-x-ssisind-n-aciqlama/

05/05/2026

5 May – Beynəlxalq Həkim -Mama Günü

Hər bir sağlam başlanğıcın arxasında bir mama dayanır. Bu gün ana və körpə sağlamlığının keşiyində duran mamaların əməyinə təşəkkür etmək üçün xüsusi bir gündür. Bu əlamətdar gündə bütün mamaları təbrik edir, onlara sağlam, uğurlu və şərəfli fəaliyyət arzulayırıq!

29/04/2026

Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunda M.Seçenov adına Birinci Moskva Dövlət Tibb Universitetinin Bakı filialınınn Müalicə işi fakültəsinin IV kurs tələbələri üçün mamalıq və ginekologiya üzrə dərslər təşkil olunub.
Dərslər İnstitutun rəhbəri, tibb elmləri doktoru, professor Cəmilə Qurbanova tərəfindən keçirilir. Təlimlər zamanı tələbələr nəzəri biliklərlə yanaşı, klinik praktikaya əsaslanan yanaşmalarla da tanış olur, real tibbi halların müzakirəsində iştirak edirlər.
Bu cür tədris proqramları gələcək mütəxəssislərin peşəkar inkişafına töhfə verməklə yanaşı, beynəlxalq əməkdaşlığın da gücləndirilməsinə xidmət edir.

28/04/2026

Bu gün Azərbaycan oftalmologiya elminin görkəmli nümayəndəsi, akademik Zərifə Əliyevanın doğum günüdür.

Ömrünü insan sağlamlığına, elmə və cəmiyyətə xidmətə həsr etmiş Zərifə xanımın zəngin elmi irsi və dəyərli fəaliyyəti bu gün də böyük hörmətlə xatırlanır.
Əziz xatirəsini ehtiramla yad edirik.

28/04/2026

27/04/2026

Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunun rəhbərliyinin iştirakı ilə Lənkəran şəhərində keçirilən təlim kursu praktik yönümlü proqramı ilə seçildi.

Tədbirdə İnstitutun direktoru Cəmilə Qurbanova sədr qismində iştirak edirdi. Reproduktiv Sağlamlıq Texnologiyaları şöbəsinin müdiri Xəyalə Təhməzi isə təlimçi və həmsədr kimi kursun elmi-praktiki hissəsinə rəhbərlik etdi.

Təlim çərçivəsində postpartum qanamanın idarə olunması, uterotoniklərin tətbiqi, cərrahi yanaşmalar və invaziv diaqnostik üsullar üzrə həm nəzəri, həm də praktiki biliklər iştirakçılarla bölüşüldü.İnstitut əməkdaşlarının iştirakı ilə keçirilən bu cür təlimlər regionlarda tibb mütəxəssislərinin bilik və bacarıqlarının artırılmasına, ana sağlamlığının qorunmasına mühüm töhfə verir.

27/04/2026

Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunun əməkdaşları “Qadın sağlamlığının qorunması: multidissiplinar yanaşmalar” mövzusunda Bakı şəhərində keçirilən elmi-praktik konfransda iştirak ediblər.

İnstitutun mama-ginekoloqu Dr. Kəmalə Əfəndiyeva tədbirdə çıxış edərək qadınlarda çanaq ağrılarının səbəbləri, diaqnostikası və müasir yanaşmalar barədə təqdimatla çıxış edib.

Konfransda İnstitutun digər əməkdaşları da iştirakçı qismində qatılaraq sahə üzrə müasir yanaşmalarla tanış olub, mütəxəssislərlə fikir mübadiləsi aparıblar. Tədbir çərçivəsində təcrübə mübadiləsi həyata keçirilib və gələcək əməkdaşlıq imkanları müzakirə olunub.

23/04/2026

“XXI Əsrin Genomik Tibbi: Reproduktiv Sağlamlıqdan Neyrogenetikaya” mövzusunda elmi-praktiki konfrans uğurla baş tutdu.
Səhiyyə Nazirliyi Elmi-Tədqiqat Mamalıq və Ginekologiya İnstitutunun Reproduktiv Sağlamlıq Texnologiyaları şöbəsinin müdiri Xəyalə Təhməzi moderator qisimində iştirakı ilə keçirilən tədbirdə genomik tibbin müasir imkanları, reproduktiv sağlamlıq və neyrogenetika sahəsində yeniliklər geniş müzakirə olundu.
Konfrans çərçivəsində mütəxəssislər tərəfindən aktual mövzular üzrə çıxışlar təqdim edilib, müasir yanaşmalar və klinik təcrübələr üzrə fikir mübadiləsi aparılıb.
Belə elmi platformalar tibbi biliklərin inkişafı, beynəlxalq təcrübənin öyrənilməsi və innovativ yanaşmaların praktikaya tətbiqi baxımından mühüm əhəmiyyət kəsb edir.