Elmi-Tədqiqat Mamalıq və Ginekologiya İnstitutu

11/02/2026

27/01/2026

27 yanvar 2026-cı il tarixində, 93.0 FM – Sağlam Radio dalğasının axşam efirində, saat 18:00–20:00 aralığında Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun həkimi, mama-ginekoloq Flora Hüseynova dinləyicilərin qonağı olub.

Efirdə “Hamiləlikdə hansı əlamətlər təhlükəlidir?” mövzusu ətrafında danışılaraq, hamiləlik dövründə diqqət yetirilməli olan riskli əlamətlər, vaxtında həkimə müraciətin əhəmiyyəti və gələcək analar üçün vacib tibbi tövsiyələr paylaşılıb.

27/01/2026

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunda daha bir ağır və riskli hamiləlik və yenidoğulmuş halı uğurla tamamlanıb.
Vətəndaş F.Həsənova 31 həftəlik hamiləliyində həkim mama-ginekoloq Elmira Məmmədovanın icra etdiyi uğurlu qeysəriyyə əməliyyatı nəticəsində 1295 qram çəkidə, 37 sm boyda cinsi qadın olan körpə vaxtından əvvəl doğulub. Doğuş zamanı körpədə az bədən çəkisi, tənəffüs pozğunluğu, anemiya, sarılıq, infeksiya və I dərəcəli baş beyin qansızması qeydə alınıb. Körpə doğulduğu andan etibarən Yenidoğulmuşların Reanimasiya və İntensiv Terapiyası şöbəsində, həkim-neonatoloq Günel Xəlilovanın daimi nəzarəti altında müalicə olunub.
Aparılan intensiv tibbi tədbirlər nəticəsində körpənin vəziyyəti mərhələli şəkildə stabilləşib, çəkisi 1800 qrama çatıb və 37 gün sonra qidalanması sərbəst, tənəffüsü normal olmaqla evə buraxılıb.
Bu hekayə bir daha göstərir ki, peşəkar tibbi yanaşma və fədakar həkim əməyi ən çətin başlanğıcları belə ümid dolu sonluğa çevirə bilir.

26/01/2026

Ginekoloji müayinələr - qadın sağlamlığının gizli açarıdır
https://sehiyye.gov.az/media/xeberler-ve-yenilikler/s-hiyy-nazirliyinin-mut-x-ssisi-ginekoloji-muayin-l-r-qadin-saglamliginin-gizli-acaridir/

26/01/2026

Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun həkim neonatoloqu Günel Xəlilova "Sağlam Radio"nun efirində "Yenidoğulmuşlarda irsi xəstəliklərin neonatal skrininqi" mövzusunda sualları cavablandırıb.
Daha ətraflı izləmək üçün linkə keçid edə bilərsiniz:

https://www.youtube.com/watch?v=06BY5jBCtBs

23/01/2026

Azərbaycan Milli Elmlər Akademiyası Rəyasət Heyətinin 21 yanvar 2026-cı il tarixində keçirilən iclasında Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun (ETMGİ) 2025-ci il üzrə elmi fəaliyyəti geniş şəkildə təqdim olunub. Təqdimat çərçivəsində institutun il ərzində həyata keçirdiyi elmi-tədqiqat işləri, əldə olunan patentlər, mini-qrant layihələri, nəşr olunan monoqrafiyalar və MGPAP elmi jurnalı diqqətə çatdırılıb.

ETMGİ-nin elmi fəaliyyəti ana və uşaq sağlamlığının qorunması, müasir tədqiqatların təşviqi və elmi biliklərin praktikaya inteqrasiyası baxımından mühüm əhəmiyyət daşıyır. İl ərzində əldə olunan elmi nəticələr İnstitutun yüksək elmi potensialını, eləcə də davamlı inkişaf strategiyasını aydın şəkildə nümayiş etdirir.

İclasdan öncə Səhiyyə Nazirliyinin Elmi-Tədqiqat institutlarının stendlərinə baxış zamanı hörmətli akademiklər Əhliman Əmiraslanov və İsa Həbibbəyli ETMGİ-nin stendinə xüsusi maraq göstəriblər. ETMGİ-nin elmi katibi, t.f.d., dosent Aynurə Əmirova və Analitik tibbi informasiya və monitorinq şöbəsinin müdiri, t.f.d. Səmayə Əlizadə tərəfindən İnstitutun elmi fəaliyyəti, əsas tədqiqat istiqamətləri və əldə olunan nailiyyətlər barədə ətraflı məlumat təqdim olunub. Akademiklər təqdimatı yüksək qiymətləndirərək İnstitut kollektivinə uğurlar və yeni elmi nailiyyətlər arzulayıblar. Xoş münasibətə görə təşəkkür edirik!

21/01/2026

21 yanvar 2026-cı il, 93.0 FM – Sağlam Radio dalğasının axşam efirində-saat 18:00–20:00-da Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun Yenidoğulmuşların Reanimasiya və İntensiv Terapiyası şöbəsinin həkim-neonatoloqu Kövsər Azadəliyeva dinləyicilərin qonağı olacaq. Efirdə “Yenidoğulmuşun yuxu rejimi” mövzusu ətrafında danışılacaq, körpələrin sağlam inkişafı üçün düzgün yuxu rejiminin əhəmiyyəti və valideynlər üçün vacib tövsiyələr paylaşılacaq.

21/01/2026

20/01/2026