04/12/2025
Elifrim Ağacı platformunun qurucusu, populyar elmi hamı üçün əlçatan edən dəyərli Dr. Çağrı Mert Bakırcı ( )ölkəmizin qonağı oldu. Çağrı bəy xüsusilə gənclər arasında elmin arxasınca getmək, saxta məlumatlardan uzaq durmaq və dünyaya tənqidi düşüncə ilə baxmaq mədəniyyətinin formalaşmasında böyük rola sahib bir insandır. Onun YouTube kanalından, mobil tətbiqindən və Evrim Ağacı internet platformasından milyonlarla gənc faydalanır.
Görüşümüz zamanı Çağrı bəy bizə çox önəmli bir mövzuda – SSPE haqqında ayrıca video hazırlayacağına söz verdi. Bilməyənlər üçün qeyd edim ki, SSPE (Subakut Sklerozan Panensefalit) qızılca xəstəliyini keçirdikdən sonra illər sonra ortaya çıxan, proqressiv və ölümcül bir ağırlaşmadır. Dünyanın heç bir yerində tam müalicəsi yoxdur və illər içində bütün sinir sistemini məhv edərək uşaqları itirməyimizə səbəb olur.
SSPE hallarının ən əsas səbəbi qızılca peyvəndinin yetərsizliyi, yəni peyvəndsiz qalmaq və ya gecikmiş vaksinasiya nəticəsində infeksiyaya yoluxmaqdır. Bu xəstəlikdən qorunmağın yeganə effektiv yolu vaxtında və tam dozada qızılca vaksinidir.
Çağrı bəyə bu həssas mövzunu gündəmə gətirəcəyi və Evrim Ağacı YouTube platformasında elmi məlumatları geniş kütləyə çatdırdığı üçün təşəkkür edirəm.
