12/12/2025
12 dekabr - Azərbaycan xalqının ümummilli lideri, müasir dövlətçiliyimizin memarı və milli inkişaf strategiyamızın banisi Heydər Əliyevin anım günüdür.
Heydər Əliyev həyatını Azərbaycan dövlətinin möhkəmlənməsi, xalqımızın rifahı və beynəlxalq aləmdə layiqli yer tutması naminə həsr etmişdir. Onun uzaqgörən siyasəti, müdrik rəhbərliyi və yorulmaz fəaliyyəti nəticəsində Azərbaycan bugünkü müstəqil, güclü və dinamik inkişaf edən dövlətə çevrilmişdir.
Heydər Əliyev uşaqların hüquqlarını qorumağı və rifahını təmin etməyi dövlət siyasətinin əsas prinsiplərindən biri etmişdir. Onun siyasəti ilə uşaqların təhsili və inkişafı üçün mühüm addımlar atılmış, bu sahədə davamlı irəliləyişlər təmin olunmuşdur.
Bu gün onun ideyaları bizim üçün milli irs, müstəqilliyimizin möhkəm dayağıdır.
Heydər Əliyevin irsi hər zaman yolumuza işıq saçacaq, onun xatirəsi isə xalqımızın qəlbində əbədi yaşayacaqdır.