https://www.facebook.com/114358691157421/

Pirallahı Tibb Mərkəzi, Bakı şəhəri Pirallahı rayonu Kamil Rzayev 22/13, Baku (2026)

Q: What is the address?

Bakı şəhəri Pirallahı Rayonu Kamil Rzayev 22/13

20/01/2026

Vətənimizin azadlığı uğrunda canlarından keçən şəhidlərimizin əziz xatirəsini qürur və ehtiramla anırıq!

19/01/2026

Pirallahı Tibb Mərkəzində 20 Yanvar faciəsinin ildönümünə həsr olunmuş anım tədbiri keçirilib.

Tədbiri giriş sözü ilə açan Pirallahı Tibb Mərkəzinin direktorunun müavini - baş həkim Fəranə Gözəlova 20 Yanvar faciəsinin Azərbaycan xalqının azadlıq və müstəqillik mübarizəsində xüsusi yer tutduğunu qeyd edib. O, Vətən uğrunda canlarından keçmiş şəhidlərin əziz xatirəsinin daim qəlblərdə yaşayacağını vurğulayıb.

Daha sonra 20 Yanvar şəhidlərinin əziz xatirəsi bir dəqiqəlik sükutla yad edilib.

Tədbir iştirakçıları çıxışlarında 20 Yanvar hadisələrinin tarixi əhəmiyyətindən bəhs edərək, bu faciənin xalqımızın milli iradəsini və birliyini nümayiş etdirdiyini bildiriblər. Qeyd olunub ki, şəhidlərin göstərdiyi qəhrəmanlıq gənc nəsil üçün əsl örnəkdir.

Pirallahı Tibb Mərkəzinin kollektivi 20 Yanvar şəhidlərinin əziz xatirəsini dərin ehtiramla anır, Allahdan onlara rəhmət diləyir.
Ruhları şad olsun.

09/01/2026

Pirallahı Tibb Mərkəzində TƏBİB-in Tibbi xidmətlərin inkişafı departamentinin təşkilatçılığı ilə İnfeksiyaların profilaktikası və infeksion nəzarət (İPİN) komitəsinin növbəti görüşü keçirilib.

Görüşdə Departamentin rəhbəri Yaqut Qarayeva, Keyfiyyətin idarə olunması şöbəsinin müdiri Xanım Məlikova, Yoluxucu xəstəliklər və infeksion nəzarətin təşkili şöbəsinin müdiri Nilufer Məmmədova, eləcə də digər tibb müəssisələrinin İPİN və keyfiyyət üzrə məsul şəxsləri iştirak ediblər.

Tədbir çərçivəsində Pirallahı Tibb Mərkəzinin direktoru Azər Zeynalov müəssisənin fəaliyyəti barədə təqdimatla çıxış edib. Ardınca keyfiyyətə nəzarətin idarəedilməsi üzrə mütəxəssis İlhamə Heybətova İPİN standartlarının tətbiqi və icrası ilə bağlı ətraflı məlumat verib. Müəssisədə İPİN sahəsində mövcud təlimatların icrası barədə İPİN üzrə məsul şəxs Gülnar Məmmədova çıxış edərək görülən işlər və əldə olunan nəticələrdən bəhs edib.

Çıxışlar zamanı infeksion nəzarət fəaliyyətinin təşkili, icrası və qiymətləndirilməsi məsələləri geniş müzakirə olunub. Həmçinin müəssisənin cərrahiyyə və mərkəzi sterilizasiya şöbələrində qurulmuş iş prosesi ilə yerində tanışlıq həyata keçirilib.

Görüşün sonunda TƏBİB nümayəndələri və tibb müəssisələrinin məsul şəxsləri arasında fikir və təcrübə mübadiləsi aparılıb.

01/01/2026

Yeni ilimizdə hər kəsə sağlamlıq, sevinc, uğur və xoşbəxtlik dolu günlər arzu edirik!

2026-cı il sağlam gəlsin!

Bayramınız mübarək! 🎄

31/12/2025

Dünya Azərbaycanlılarının Həmrəyliyi Günü münasibətilə bütün soydaşlarımızı səmimi-qəlbdən təbrik edirik.

Birliyimiz, milli dəyərlərimiz və ortaq kimliyimiz daim möhkəm olsun!

Günümüz mübarək!

26/12/2025

Pirallahı Tibb Mərkəzində 25 dekabr 2025-ci il tarixində “Əməliyyatxana xidmətləri” üzrə standartın təqdimatı keçirilib. Tədbir cərrahi müdaxilələr zamanı təhlükəsizliyin artırılması və tibbi xidmətlərin keyfiyyətinin yüksəldilməsi məqsədi daşıyıb.

Təqdimat keyfiyyətə nəzarətin idarəedilməsi üzrə mütəxəssis İlhamə Heybətovanın təşkilatçılığı ilə Pasiyent Komitəsinin cərrahi təhlükəsizlik üzrə məsul şəxsi, həkim-cərrah Niyaz Ələkbərov tərəfindən həyata keçirilib.

Tədbir çərçivəsində cərrahi müdaxilələrin təhlükəsizliyinin təmin edilməsi, pasiyentlərə göstərilən tibbi xidmətlərin keyfiyyətinin artırılması, eləcə də yanlış cərrahi müdaxilə risklərinin minimuma endirilməsi məqsədilə müəssisədə cərrahi təhlükəsizlik üzrə yoxlama vərəqəsinin tətbiqinin əhəmiyyəti diqqətə çatdırılıb.

Təqdimatda Pirallahı Tibb Mərkəzinin direktoru Azər Zeynalov, direktor müavini Fəranə Gözəlova və digər tibbi personal iştirak edib.

24/12/2025

Azərbaycan Respublikasının Prezidenti cənab İlham Əliyevi doğum günü münasibətilə təbrik edir, vətənimizin inkişafı, xalqımızın rifahı naminə fəaliyyətində yeni nailiyyətlər arzulayırıq!

Cənab Prezident, doğum gününüz mübarək!

22/12/2025

Pirallahı Rayon İcra Hakimiyyətinin əməkdaşları üçün “Təməl həyat dəstəyi” təlimi keçirilib

19 dekabr 2025-ci il tarixində Pirallahı Tibb Mərkəzinin təşəbbüsü və Pirallahı Rayon İcra Hakimiyyətinin təşkilati dəstəyi ilə Rayon İcra Hakimiyyətinin əməkdaşları üçün “Təməl həyat dəstəyi” mövzusunda təlim təşkil olunub.

Təlimdən öncə çıxış edən Pirallahı Rayon İcra Hakimiyyəti Başçısı Aparatının İctimai-siyasi və humanitar məsələlər şöbəsinin müdiri Arzu Abdullayev ilkin tibbi yardımla bağlı biliklərin artırılmasının və sağlamlığın qorunmasının vacibliyini vurğulayıb.

Pirallahı Tibb Mərkəzinin Keyfiyyətə nəzarətin idarə olunması komitəsinin rəhbəri İlhamə Heybətova təməl həyat dəstəyinin ürək tutması, tənəffüs çatışmazlığı və boğulma hallarında həyati əhəmiyyət daşıdığını bildirib.

Təlim Pirallahı Tibb Mərkəzinin Təcili Tibbi Yardım şöbəsinin həkimi Ülkər Mehdiyeva tərəfindən aparılıb. İştirakçılara böyüklərə, uşaqlara və körpələrə ilkin tibbi yardım qaydaları əyani və praktiki şəkildə izah edilib.

Təlimin sonunda iştirakçıların bilik və bacarıqları qiymətləndirilib.

16/12/2025

❓Pirallahı Tibb Mərkəzində göstərilən tibbi xidmətlərdən razısınızmı?

📋 Sorğu vətəndaşların məmnunluq səviyyəsinin ölçülməsi məqsədilə keçirilir.

🔗 İştirak etmək üçün: https://forms.gle/cL3gsTb6xcNn9rJu6

📌 Sorğu 25 dekabr 2025-ci il tarixinədək davam edəcək.

15/12/2025

Pirallahı Tibb Mərkəzində histerosalpinqoqrafiya (HSG) müayinələri icra edilir

HSG müayinəsi qadınlarda sonsuzluğun səbəblərinin araşdırılması məqsədilə istifadə olunan rentgen-diaqnostik üsullardan biridir. Bu müayinə uşaqlıq boşluğunun və uşaqlıq borularının vəziyyətini qiymətləndirməyə imkan verir.

Müayinə zamanı uşaqlıq boşluğuna və borulara xüsusi kontrast maddə yeridilir və rentgen görüntüləmə vasitəsilə həmin maddənin hərəkəti izlənilir.

Müayinələr Pirallahı Tibb Mərkəzinin şüa diaqnostikası üzrə həkimi Xəyalə Məmmədova və həkim-mama-ginekoloqu Vüsalə İsgəndərova tərəfindən uğurla icra olunur.

12/12/2025

12 dekabr 2025-ci il tarixində Pirallahı Tibb Mərkəzində Ümummilli Lider Heydər Əliyevin anım gününə həsr olunmuş tədbir keçirilib

Tədbir Ulu Öndərin əziz xatirəsinin bir dəqiqəlik sükutla yad edilməsi ilə başlanıb.

Tədbirdə çıxış edən Pirallahı Tibb Mərkəzinin direktor müavini Fəranə Gözəlova Heydər Əliyevin Azərbaycan dövlətçiliyinin möhkəmlənməsi, səhiyyə sahəsinin inkişafı və ölkənin ümumi tərəqqisi naminə gördüyü genişmiqyaslı işlərdən danışıb. O, Ümummilli Liderin sağlamlıq sisteminin modernləşdirilməsi, tibbi infrastrukturun gücləndirilməsi və səhiyyə işçilərinə göstərdiyi diqqətin bu gün də davam edən islahatların təməlini təşkil etdiyini vurğulayıb.

Daha sonra tədbir iştirakçıları Heydər Əliyevlə bağlı öz xatirələrini və düşüncələrini bölüşərək, onun dövlətçiliyimizdə oynadığı tarixi rolu, müdrikliyi və uzaqgörən siyasəti barədə fikirlərini səsləndiriblər. Onlar bildiriblər ki, Heydər Əliyevin ideyaları və yaratdığı möhkəm temel bu gün də Azərbaycan səhiyyəsinin və dövlətçiliyinin inkişafına istiqamət verir.

Dərin hörmət və ehtiramla yad edirik!

05/12/2025

❓Pirallahı Tibb Mərkəzində göstərilən tibbi xidmətlərdən razısınızmı?

📋 Sorğu vətəndaşların məmnunluq səviyyəsinin ölçülməsi məqsədilə keçirilir.

🔗 İştirak etmək üçün: https://forms.gle/cL3gsTb6xcNn9rJu6

📌 Sorğu 25 dekabr 2025-ci il tarixinədək davam edəcək.

Pirallahı Tibb Mərkəzi

20/01/2026

19/01/2026

09/01/2026

01/01/2026

31/12/2025

26/12/2025

24/12/2025

22/12/2025

16/12/2025

15/12/2025

12/12/2025

05/12/2025

Address

Telephone

Website

Alerts

Contact The Practice

Shortcuts

Share

Category