27/02/2026
- "Gün ərzində nə qədər maye mən qəbul etməliyəm?"
- "Çay, kofe, kompot, meyvə şirəsi içmək maye qəbulu sayılır?"
Tez-tez bu suallarla və onlara verilən müxtəlif, bəzən də ziddiyətli cavablarla qarşılaşırıq.
Maye qəbulu bir çox cəhətdən vacibdir. Amma gəlin bu dəfə böyrəklər və sidik sistemi üçün maye qəbulunun əhəmiyyətindən danışaq:
1) Gün ərzində az maye qəbul etsək, bu böyrəklərdə və sidik sistemində maye dövranının azalmasına, dolayısı ilə də durğunluğa gətirib çıxaracaq. Durğunluq öz növbəsində sidiyin tərkibindəki mineralların çöküntü şəklində yığılıb qalmasına, sidik daşının yaranmasına gətirib çıxara bilər. Sistemin işləməsi üçün onu bol maye ilə təmin etməliyik.
2) Maye qəbulu dedikdə daha çox su içməyi nəzərdə tuturuq. Lakin çayı da bura aid edə bilərik. Qəhvə isə, diuritik effektə sahib olduğu üçün bədəndən mayenin ifraz olunmasını sürətləndirəcək və əslində orqanizmimiz "susuz" qalacaq. Ona görə də yaxşı olar ki, hər stəkan qəhvə üçün ən az bir stəkan da su içək. Şirələri isə, ümumiyyətlə qida kateqoriyasında saya bilərik, nəinki maye.
3) Maye qəbulunu gün ərzində yayaraq etməliyik. Yəni birdəfəyə 1-1,5 litr su içmək yerinə, arada bir 1 stəkan su içmək daha yaxşıdır. Oruc tutarkən buna əməl etmək çətinləşir. Gündüz maye qəbul edə bilmədiyimizə görə, axşam və gecə saatlarında ara-sıra maye qəbul edərək orqanizmin suya olan ehtiyacını ödəmək lazımdır.
Ramazan ayı və maye qəbulu haqqında ətraflı məlumat üçün bloq yazımı oxuyun (link stories-də), suallarınız yaranarsa qeyd edin.
