What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 09:00 - 18:00

Androloq Uroloq İsmayılov Namiq

Home
Azerbaijan
Baku
Androloq Uroloq İsmayılov Namiq

Androloq-Uroloq Uroloq Androloq

23/08/2025

Sidiyin köpüklü olması qlomerulonefrit xəstəliyinin əlamətlərindəndir. Qlomerulonefrit böyrəklərdəki yumaqcıqların iltihabına deyilir. Xəstəliyin kəskin və xroniki formaları vardır. İltihabın əsas səbəbləri genetik faktor, infeksiyalar, immun xəstəlikləri və s.-dir.

Qlomerulonefrit təhlükəli bir autoimmun xəstəlikdir. Həmişə ikitərəfli olur və əksər hallarda böyrək çatışmazlığı ilə nəticələnir.

Qlomerulonefritin əsas əlamətləri aşağıdakılardır:

✔️Sidikdə qan görülməsi;
✔️Zülal çoxluğu səbəbi ilə köpüklü sidik;
✔️Yüksək qan təzyiqi;
✔️Üzdə, əllərdə, ayaqlarda və qarında şişlik və maye yığılması və s.
Müalicə xəstəliyin dərəcəsindən asılı olaraq, dializ və böyrək köçürülməsi yolu ilə həyata keçirilə bilər.

20/08/2025

Fimoz – valideynlərin uroloq-androloqa ən çox müraciət etdikləri cinsiyyət üzvü problemlərindən biridir.
Fimoz dedikdə fizioloji və qazanılma səbəblərdən dolayı sünnət dərisi xarici dəliyinin daralması başa düşülür. Bu patologiya 5-6 yaşlı oğlanlarda daha tez-tez rast gəlinir.

Oğlanlarda fimozun səbəbləri:

🔹Cinsiyyət üzvünün sünnət dərisi və başcığında iltihab halları, çapıq dəyişikliklərinə gətirib çıxaran sünnət dərisi travmalarıdır ki, o da öz növbəsində çapıq fimozunun yaranmasına yol açır.

🔹Aktiv böyümə dönəmində başcıq və sünnət dərisi xarici dəliyinin diametrinin müvəqqəti və ya daimi uyğunsuzluğu. Sünnət dərisi quruluşunun anatomik özəllikləri (hipertrofik fimoz).

🔹Kliniki olaraq, fimoz özünü cinsiyyət üzvü başcığının sünnət dərisi halqasından çıxa bilməməsi ilə büruzə verir. Bu zaman sidiyəçıxmada ağrı, diskomfort yarana bilər, sidik təzyiqi altında cinsiyyət üzvünün sonluğunda “kürəcik” şişir.

🔹Körpə sidiyə çıxmaqda çətinlik çəkir, gücənməli olur. Bu zaman sidik nazik şırnaqla ifraz olunur.

Uşağınızda bənzər problemlə qarşılaşmısınız? Yazın. İstənilən suala cavab verəcəyəm.

16/08/2025

Kriptorxizm anadangəlmə patologiya olub, bətndaxili inkişaf zamanı xayanın xayalığa enməməsidir. Əslində, xayalar qarın boşluğunda formalaşmalı, sonra isə qasıq kanalı ilə xayalığa enməlidir ✅

☝️ Lakin bir çox hallarda elə də olur ki, onlar gedişat boyu müxtəlif mərhələlərdə: qarın boşluğunda, qasıq kanalında ləngiyirlər. Müalicə taktikası və proqnoz da xayaların harada ilişib qaldıqlarından asılıdır.

Bir çox hallarda kriptorxizm valideynin gözündən yayına bilər. Pediatr və ya uroloq tərəfindən mütəmadi müayinə mütləqdir ❗

09/08/2025

Böyrək daşı böyrəklərdə və ya sidik sisteminin digər hissələrində əmələ gələ bilən sərt, mineral formalaşmadır. Böyrək daşı 🪨 növləri daşın kimyəvi tərkibinə və əmələ gəlmə səbəblərinə görə dəyişir.

Böyrək daşlarının ümumi növləri ilə tanış olaq: 👇

🔺 Kalsium daşları
Kalsium böyrək daşları ən çox rast gəlinən növdür. Kalsium sidikdə artıq konsentrasiya səbəbindən böyrəklərdə toplanır. Bu daşlar kalsium oksalat və ya kalsium fosfat tərkibində olur.

🔺 Sidik turşusu daşları
Sidik turşusu daşları orqanizmdə sidik turşusunun yığılması nəticəsində əmələ gəlir. Bu vəziyyət yüksək sidik turşusu səviyyəsi ilə əlaqəli ola bilir.

🔺 Struvit daşları
Struvit daşları sidik yollarının infeksiyaları səbəbiylə meydana gələn daşlardır. Bu daşlar maqnezium ammonium fosfatın tərkibindədir.

🔺 Sistin daşları
Sistin daşları sistin adlı bir amin turşusunun bədəndə düzgün işləmədiyi nadir bir genetik vəziyyətlə əlaqələndirilir.

🔺 Digər daşlar
Böyrək daşları digər birləşmələrlə də yarana bilir, lakin bu növlər ümumiyyətlə daha az rast gəlinir.

06/08/2025

Orxit – adətən epidemik parotit virusu və bir çox başqa bakteriyalarla yoluxma sonrası yaranan, bir və ya hər iki xayanı zədələyən iltihabdır.
⠀
Orxitin diaqnostikası ultrasəs müayinəsi vasitəsilə həyata keçirilir. Əlavə olaraq, bəzən virus və bakteriyaları aşkarlamağa imkan verən DNT qan analizi də təyin edilir.
⠀
Həkimlərin vəzifəsi xəstəliyi simptomatikaya görə digər oxşar xəstəliklərdən dəqiq ayırd etməkdir.

Xəstə müalicə üçün yataq rejiminə əməl etməlidir. Bu müddətdə xayalıq bandajla hərəkətsiz vəziyyətə gətirilir, antibakterial preparatlar və fizioterapiya yazılır, həmçinin xüsusi pəhriz və su qəbulu rejimi tətbiq edilir.

02/08/2025

Xaya şişləri (testikulyar şişlər) əsasən gənc və orta yaşlı kişilərdə rast gəlinir və ilkin mərhələdə ağrısız olduğu üçün çox vaxt gec fərq edilir.

Əlamətlərə diqqət edin: 👇

✅ Xayada sərt və ağrısız şişkinlik
✅ Xayada öyümə və ya forma dəyişikliyi
✅ Xayada ağırlıq hissi
✅ Bəzən qarında və ya qasıqda ağrı

💡 Erkən diaqnoz həyatınızı xilas edə bilər! Əgər xayalarınızda hər hansı şişkinlik, dəyişiklik və ya diskomfort hiss edirsinizsə, dərhal uroloqa müraciət edin.

📍 Müayinədən keçin, sağlamlığınızı qoruyun!

26/07/2025

Priapizm cinsi oyanma baş vermədən kişi cinsiyyət üzvünün davamlı və ağrı ilə müşayiət olunan ereksiyasına deyilir. Xəstəliyə hətta uşaq yaşlarında da rast gəlinə bilər ☝️

Priapizm zamanı p***sə qan toplanır, geri qan axımı baş vermir və davamlı sərtləşmə meydana gəlir. 4 saatdan artıq ereksiya halında qalan pasiyentə priapizm diaqnozu qoyulur ✅

👉 Priapizmin əsas yaranma səbəbləri sırasına p***sə edilən inyeksiyalar, istək artırıcı dərmanların qəbulunda doza həddinin aşılması, habelə bəzi qan xəstəlikləri və s. daxildir.

Daha ciddi fəsadların meydana gəlməməsi üçün xəstəlik qısa müddətdə müalicə edilməlidir❗

24/07/2025

Kişilərdə p***sin başındakı kondilomalar qorunmasız cinsi əlaqə nəticəsində p***s səthindəki xırda yaralar vasitəsilə ötürülür ✅

Hətta gözlə görülməyən kiçik bir çatlaq belə infeksiya üçün açıq qapıya çevrilə bilər. Nəzərə almaq lazımdır ki, törəmələr infeksiya keçdikdən dərhal sonra meydana gəlmir ☝️

Çox vaxt pasiyent infeksiya daşıyıcısı olduğundan şübhələnmir və ilk əlamətlər yalnız bədənin immun müdafiəsi zəiflədikdə aşkara çıxır. Ona görə də vaxtaşırı uroloq müayinəsindən keçməkdə fayda var ☑️

Kondilomanın aktivləşməsinə təsir edən əsas amillər: 👇

✔️ Vitamin çatışmazlığı;
✔️ Gərgin iş rejimi və stresli həyat;
✔️ Siqaret və alkoqol istifadəsi;
✔️ Xarici amillərin anormal təsiri – donma və ya uzun müddət istiliyə məruz qalma;
✔️ Fiziki yorğunluq;
✔️ Qida balansının pozulması.

19/07/2025

Həddindən artıq gec boşalma, boşala bilməmə və ya eyakulyasiyanın olmaması (aneyakulyasiya) problemi kişilərdə həm fizioloji, həm də psixoloji səbəblərdən yarana bilən və hər yaşda baş verən spesifik cinsi sfera pozuntusudur ☝️

Diqqət❗
Bu cür hallarda özünümüalicə təhlükəlidir. Yalnız mütəxəssisə müraciət edin ✅

16/07/2025

Aşağıdakı əlamətlər sidik kanalının daralmasından xəbər verə bilər: 👇

☑️ Sidik ifrazının çətinləşməsi;
☑️ Qarının aşağısı hissəsində daimi ağrı və ya diskomfort hissinin olması;
☑️ Sidik ifrazı zamanı ağrı, diskomfort olması;
☑️ Sidik kisəsinin dolu olmasına baxmayaraq sidiyin az çıxması;
☑️ Sidik ifrazından sonra sidik kisəsinin tam boşalmaması hissiyyatı;
☑️ Sidik şırnağının təzyiqinin zəifləməsi;
☑️Qeyri-iradi olaraq sidiyin damcı-damcı axması;
☑️ Sidik şırnağının haçalanması;
☑️ Sidikdə qan;
☑️ Spermada qan və s.

Sadalanan əlamətlərdən hər hansı birini özünüzdə müşahidə edirsinizsə, qısa müddət ərzində təcrübəli uroloqa müraciət etməlisiniz❗

12/07/2025

Vezikulit dedikdə toxum kisəciklərinin iltihablaşması başa düşülür. Bir çox hallarda prostatitə bənzəyən vezikulitin əsas əlamətləri aşağıdakılardır: 👇

🔹 Düz bağırsaq ətrafında ağrılar;
🔹 Eyakulyasiya zamanı ağrının olması;
🔹 Bir çox hallarda sidik ifrazı da ağrılı ola bilər;
🔹 Spermanın (eyakulyatın) miqdarının azalması.

Vezikulit zamanı da müalicə prostatitdə olduğu kimi antibakterial preparatlar, qan dövranını yaxşılaşdıran dərmanlar və prosedurlar vasitəsilə həyata keçirilir ✅

Müalicə dövründə kəskin qidalardan imtina etmək tövsiyə olunur. Əgər pasiyentin qəbizliyi varsa, onun da profilaktikası aparılmalıdır❗

Bütün hallarda bunu təcrübəli uroloq-androloqla konsultasiya etmək lazımdır. Heç bir halda özünümüalicə ilə məşğul olmaq olmaz❗

09/07/2025

Qasıq yırtıqları qasıq nahiyəsində əmələ gələn və qarın boşluğuna ağrı verən yırtıqlardır. 3 növ qasıq yırtığı mövcuddur: 👇

☑️Lokalizasiyaya görə;
☑️Qarının düz xətti boyunca;
☑️Əməliyyat sonrası yırtıqlar.

Qasıq yırtıqlarının ən əsas yaranma səbəbi anadangəlmə aponevroz zəifliyidir. Bu hal varsa, gec-tez qasıq yırtığı yaranacaqdır 🆘

İkinci dərəcəli səbəblər isə aşağıdakılardır: 👇

☑️Daimi ağır fiziki işlə məşğul olmaq;
☑️Siqaret çəkənlərdə xroniki öskürək;
☑️Allergiya zamanı tez-tez asqırmaq;
☑️Qəbizlik;
☑️Yüksək bədən çəkisi (piylənmə);
☑️Hamiləlik;
☑️Çətin doğuş;
☑️Sidik ifrazının çətinləşməsi və s.

Qasıq yırtıqları ağrılıdırsa və gündəlik həyat fəaliyyətini çətinləşdirirsə, cərrahi üsulla aradan qaldırılır.

Address

Medikus Klinikası
Baku

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	09:00 - 18:00

Telephone

0505651111

Website

http://www.androloq-uroloq.az/

Alerts

Be the first to know and let us send you an email when Androloq Uroloq İsmayılov Namiq posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Androloq Uroloq İsmayılov Namiq:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Baku?