Azerbaijan Thalassaemia Federation

08/08/2025

Azərbaycan Respublikası Ədliyyə Nazirliyinin əməkdaşlarına hər il qanvermə aksiyalarında iştirak etdikləri və uşaqlarımıza dəstək olduqları üçün təşəkkür edirik! ❤️

08/08/2025

05/08/2025

📢 Dr. Thomas Coates-in çıxışından:

“Aldığımız nəticə onu göstərir ki, əgər bir il ərzində orta hemoqlobin səviyyəsi 9 q/dL və ya daha aşağı olarsa, pasiyentlərin təxminən 91%-i 10 ildən çox yaşaya bilir.
📌 91%-lik sağ qalma göstəricisi kifayət qədər yüksəkdir.

Amma orta hemoqlobin səviyyəsi 10.5 q/dL-dən yuxarı saxlanılan pasiyentlərin arasında isə 10 ildən çox yaşaması 100% təşkil etmişdir.

Bu bizə nəyi göstərir?

Bir il ərzində orta hemoqlobin səviyyəsindəki hər bir cüzi artım – məsələn, 9 q/dL, 9-dan 9.5-ə, 9.5-dən 10-a qədər olan artımlar (müşahidə etdiyiniz kimi, bunlar yarım qramlıq fərqlərdir) – qanköçürmədən asılı talassemiya pasiyentlərində 10 illik həyatda qalma ehtimalını yüksəldir.

📍 Bu, son dərəcə mühüm bir məqamdır.
Uzun illər, onilliklər ərzində hemoqlobin səviyyəsində baş verən kiçik dəyişikliklər müalicənin nəticələrinə əhəmiyyətli dərəcədə təsir göstərir.

Bu, bir daha onu sübut edir ki, dəmir yüklənməsi aradan qaldırıldıqda belə, anemiya amili öz əhəmiyyətini qoruyub saxlayır.

🩸 Üç-dörd il müddətində anemiyalı olmaq ciddi bir problem olmaya bilər.
Lakin hemoqlobin səviyyəsi 9 q/dL olmaqla 20 il ərzində davam edən anemiya artıq ciddi fəsadlara yol açır.

Bu fəsadlar isə ondan ibarətdir ki:
❤️ Ürəyin oksigenə çox böyük tələbatı vardır.
Əgər kifayət qədər oksigen təmin edilməzsə, ürək əzələsi sərtləşməyə başlayır.

📝 Bu fikirlər hematoloq Dr. Thomas Coates-in çıxışından götürülmüşdür.
📣 Maariflənək, həyat qurtaraq!

15/06/2025

14 iyun – Ümumdünya Qan Donoru Günüdür. Bu gün bütün dünyada qan donorluğunun əhəmiyyətindən, onun əvəzolunmaz dəyərindən danışılır və minlərlə insanın həyatını xilas edən xeyirxah insanlara təşəkkür ifadə olunur, onlar çox vaxt bu həyatı kimin üçün xilas etdiklərini belə bilmirlər.

Biz, Azərbaycan Talassemiya Federasiyası, ölkəmizdə qan donorluğunun inkişafına böyük töhfə vermişik. Məhz donorların sayəsində talassemiyalı pasiyentlər vaxtında müalicə alır, böyüyür, oxuyur, işləyir və valideyn olurlar.

Əziz qan donorları, sizə təşəkkür edirik! Siz bizim həqiqi qəhrəmanlarımızsınız!

Biz eyni zamanda:
• Qan banklarının rəhbərlərinə və əməkdaşlarına,
• Hər il qanvermə aksiyalarında iştirak edən bütün təşkilatların rəhbərlərinə və kollektivlərinə,
• Qanvermə aksiyalarının təşkili və donorlar üçün maarifləndirici tədbirlərin keçirilməsində bizə dəstək olan bütün qeyri-hökumət təşkilatlarına dərin minnətdarlığımızı bildiririk!

Sizin sayənizdə – həyat davam edir!

14/06/2025

❣️Qanınız həyat xilas edə bilər!

Hər gün talassemiya pasiyentləri sağlamlıqlarını və həyatlarını qorumaq üçün qan köçürülməsinə ehtiyac duyurlar. Bu, sadəcə bir müalicə deyil – onların yaşamaq, oxumaq, işləmək və gələcəklərini qurmaq şansıdır.

🤲 Siz necə kömək edə bilərsiniz?
• Qan donoru olun.
• Bu postu paylaşın və dostlarınıza qan donorluğunun əhəmiyyətini izah edin.
• Missiyamızı dəstəkləyin: biz birlikdə daha güclüyük!

Hər damla qanınız talassemiya ilə mübarizə aparanlar üçün dolğun bir həyat şansı deməkdir.

📞 Donor olmaq haqqında məlumat alın: [WhatsApp (+994 50 607-8866)]
📩 Ətraflı məlumat üçün bizə Direct yazın.

31/05/2025

🩸 Azərbaycanda artıq demək olar ki, iki aydır ki, orijinal xelator preparatları yoxdur.
Və bu, sadəcə dərman çatışmazlığı deyil — bu, narahatlıq, qorxu və pasiyentlərimizin həyatı üçün real təhdiddir.

Bugünlərdə pasiyentlərin bininin anasından mesaj aldım. Qızın cəmi 15 yaşı var. Adını açıqlamayacağam, amma onun sözləri ruhumun dərinliklərinə toxundu:
“Ana, özümü qəribə hiss edirəm... sanki çox yaxın dostumu itirmişəm.”

Ana təsəlli vermək üçün deyir:
“Axı sən əvvəllər vaxtında müalicə almaq istəmirdin, indi böyümüsən və bunun nə qədər vacib olduğunu anlayırsan.”

Və qız cavab verir:
“Bəli, başa düşürəm. Dərman gətirilməyənə qədər mən qan köçürmək istəmirəm. Qorxuram ki, dəmir səviyyəm yenə çox olacaq... Keçən dəfə biz o dəmiri bədənimdən çıxarmaq üçün nə qədər əziyyət çəkdik.”

Bu uşaqlar xəstəliyin özündən deyil, müalicə olmadan nələrin baş verə biləcəyindən qorxmağı öyrəniblər.
Onlar müalicənin əhəmiyyətini dərk edərək və öz həyatlarına yetkin baxış ilə yanaşaraq böyüyüblər.

⛔ Biz illərlə edilən müalicənin və göstərilən səylərin boşa getməsinə icazə verə bilmərik.
⛔ Həyata yenicə ümidlə baxmağa başlamış bu uşaqların yenidən ümidsizliyə qapılmasına yol verə bilmərik.
⛔ Bu vəziyyətə biganə qala bilmərik.

📢 Məsul qurumlardan xahiş edirik: orijinal xelator preparatlarının təcili olaraq ölkəyə gətirilməsi təmin olunsun. Bu, sadəcə rahatlıq məsələsi deyil — bu, ölüm-qalım məsələsidir.

19/05/2025

Thank you, Thalassaemia International Federation - TIF Talassemiya Mərkəzi SOCAR

16/05/2025

Hörmətli Nailə xanım,
Beynəlxalq Talassemiya Federasiyasının (TIF) adından, 8 May tarixində qeyd edilmiş builki Beynəlxalq Talassemiya Günündə söylədiyiniz səmimi sözlərə və göstərdiyiniz tükənməz dəstəyə görə Sizə dərin minnətdarlığımızı bildirmək istərdik.
Federasiyanız tərəfindən Azərbaycanda talassemiya barədə ictimai məlumatlılığın artırılması istiqamətində atılan rəmzi məna daşıyan və qətiyyətli addımlar bizi sözün əsl mənasında heyran etdi. SOCAR-ın baş qərargahının və əsrarəngiz Qız Qalasının qırmızı rənglərlə işıqlandırılması pasiyentlərlə sarsılmaz həmrəyliyin və ictimaiyyətin maarifləndirilməsinə göstrilən böyük diqqətin bariz göstəricisidir.
Bundan əlavə, SOCAR əməkdaşlarının könüllü qan donorluğu kampaniyalarına uzun müddətdir verdikləri töhfəni çox yüksək qiymətləndiririk. Onların mərhəmət hissi və fədakarlığı nümunəvidir və korporativ sosial məsuliyyətin ən ali dəyərlərini əks etdirir.
Həmçinin, kampaniyanın və onun ötürdüyü mesajlarının məhz Azərbaycan dilində təbliğ edilməsi və bu sayədə əsas məlumatların daha geniş kütlələrə çatdırılması və yerli icmalarla daha fəal qarşılıqlı əlaqənin təmin edilməsi yönündəki cəhdlərinizə görə də Sizə minnətdarıq.
TIF Azərbaycan Talassemiya Federasiyasını özünün çox dəyər verdiyi tərəfdaşları sırasında görməkdən qürur duyur və əməkdaşlığımızın gələcək illər ərzində daha da möhkəmlənərək davam edəcəyinə əminik. 2026 Beynəlxalq Talassemiya Günü və ondan sonrakı tədbirlər üçün hazırlıqlarımızı davam etdirərkən, bu il əldə olunmuş uğurlara əsaslanaraq gələcəkdə yeni güclə və ortaq məqsədlə birlikdə daha da böyük nailiyyətlər əldə edəcəyimizə ümid bəsləyirik.
Səmimi ehtiram və dərin minnətdarlıqla,
Ketrin thank you!

12/05/2025

Əziz Talassemiya Mərkəzinin qayğıkeş tibb bacıları,
Sizi 12 May - Beynəlxalq Tibb Bacıları Günü münasibətilə Azərbaycan Talassemiya Federasiyası adından səmimi qəlbdən təbrik edirik!

Gecə-gündüz pasiyentlərimizin sağlamlığı naminə göstərdiyiniz səbr, diqqət və mərhəmətə görə hər birinizə minnətdarıq. Qəhrəmanlığınız və fədakarlığınız sayəsində minlərlə pasiyent ümidlə yaşayır, həyatına davam edir. Siz sadəcə tibb bacıları deyil, hər bir pasiyent üçün ümid, güvən və həyat işığısınız.

Əziyyətli, amma bir o qədər də şərəfli peşənizdə sizə can sağlığı, uğurlar və xoşbəxtlik arzulayırıq. Yolunuz daim açıq, əməyiniz daim dəyərləndirilsin!

Hörmətlə,
Azərbaycan Talassemiya Federasiyası

08/05/2025

07/05/2025

8 May – Beynəlxalq Talassemiya Günü münasibətilə “Bir damla, bir həyat” şüarı altında könüllü qanvermə aksiyası keçiriləcəkdir. Aksiya zamanı toplanan qanlar talassemiyalı pasiyentlərin müalicəsində təmannasız istifadə olunacaqdır. Bütün vətəndaşlarımızı bu xeyirxah təşəbbüsə qoşulmağa dəvət edirik!

Qanvermə aksiyası 07 may 2025-ci il, saat 10:00-da Respublika Qan Bankında (Nəsimi bazarının yanı) baş tutacaq.

Biz, Azərbaycan Talassemiya Federasiyası olaraq:
• Qan verərək övladlarımıza həyat bəxş edən bütün könüllü donorlarımıza sonsuz təşəkkürümüzü bildiririk.
• Bu cür xeyriyyə aksiyalarının təşkilinə vaxt və diqqət ayıran bütün təşkilatçılara dərin minnətdarlığımızı bildiririk.
• Həmçinin, Respublika Qan Bankının əməkdaşlarına – pasiyentlərimizi təhlükəsiz və vaxtında qan komponentləri ilə təmin etdikləri üçün təşəkkür edirik.

Unutmayaq: bir damla qan – bir həyat deməkdir!