What are the opening hours?

Monday 10:00 - 20:00 Tuesday 10:00 - 20:00 Wednesday 10:00 - 20:00 Thursday 10:00 - 20:00 Friday 10:00 - 20:00 Saturday 11:00 - 15:00

https://www.facebook.com/1532318883687635/

Yoga Academy Baku

Home
Azerbaijan
Baku
Yoga Academy Baku

Founded in 2015 , Yoga Academy Baku is one of the first professional Yoga studios in Baku. Our practice relies upon International experience.

02/09/2025

🪷Padmasana - çanağın rolu🧘‍♂️

Çox vaxt tələbələr lotus, yarım-lotus və ya oxşar oturuşlara tələsmək istəyirlər. Amma unutmamaq lazımdır ki, bu pozalara yerləşməzdən öncə çanağın dizlə eyni səviyyədə olması arzu olunandır . Əgər çanaq kifayət qədər açıq deyilsə, dartınma diz və topuq oynaqlarında daha güclü hiss olunur . Bu isə uzun müddətdə belə icra edilərsə narahatlıq və oynaqda zədələnmə riski yarada bilir .

💡 Nəyə diqqət etməliyik?
• Çanağı addım-addım açmaq: xüsusi açıcı hərəkətlər, ardıcıl məşqlər.
• Dizin və topuğun üzərinə məcburi yük qoymamaq.
• Pozaya çətinliklə girməkdənsə, alternativ oturuşlardan istifadə etmək.

🧘‍♀️ Çanaq açıldıqca, dizlər və topuqlar təbii olaraq daha rahat açılır. Pozanın gözəlliyi isə məhz bədənin harmoniyasında gizlidir, ağrı və gərginlikdə yox 🥰

18/08/2025

🧘‍♀️ Utthita Parsvakonasana – Yan bucaq duruşu

✅ Düzgün icra: Barmaqlardan arxa dabanadək düz bir xətt yarat. Bu, həm gücü, həm də açılmanı bərabər paylayır.
❌ Səhv icra: Sinənin çökdürülməsi və çiyinlərin yuvarlanması nəfəsi daraldır və poza faydasını azaldır.

✨ Bu pozada diqqətini nəfəsinə və drishti olaraq yuxarı barmaqlara yönəl – balans və sabitlik güclənəcək.

15/08/2025

Ardha Baddha Padma Paschimottanasana – oturaq vəziyyətdə bir ayaq lotusa yerləşdirilir, digər ayaq düz önə uzadılır. Eyni tərəf əlinlə arxadan lotusa yerləşmiş ayağının barmaqlarını tutursan, digər əlinlə isə önə uzanıb düz ayağın pəncəsini tutursan. Burundan nəfəs alıb sinəni önə dartaraq əyilirsən.

• Bud və diz oynaqlarını açır – xüsusilə lotus (padmasana) üçün lazım olan fleksibilliyi artırır.
• Omba və ayaq biləklərində gərginliyi azaldır, oynaqların hərəkət qabiliyyətini yaxşılaşdırır.
• Həzmi stimullaşdırır – qarın nahiyəsinə təzyiq göstərərək daxili orqanların fəaliyyətini gücləndirir.
• Onurğanı uzadır və bel əzələlərini gücləndirir, beldə sərtliyi azaldır.
• Diqqəti və zehni mərkəzləşdirməni inkişaf etdirir – Drishti vasitəsilə meditativ hal yaradır.

Drishti:
Bu asanada burun ucuna baxış (Nasagra Drishti) istifadə olunur. Əyilərkən baxışın yumşaq şəkildə burun ucunda qalır. Bu, diqqəti daxilə yönəldir və tarazlığı, sabitliyi artırır.

faydalı

08/08/2025

🌕 Avqust ayının tam ay tarixi

Astronomik hesablara görə avqust ayının tam ayı 9 avqust 2025, şənbə günü, Bakı vaxtı ilə saat 09:55-də baş verəcək. Bu o deməkdir ki, 8 avqust cümə günü tam ayın öncəsi, 9 avqust şənbə günü isə “moon day” (ay günü) olacaq.

⸻

🧘‍♀️ Ay günlərində tövsiyə olunan və olunmayan praktika

Ashtanga yoga ənənəsində tam ay və yeni ay günlərində intensiv fiziki praktika (xüsusilə güclü asana məşqləri) etmək tövsiyə olunmur. Bunun səbəbi isə bədən və zehnin enerjisi bu günlərdə daha həssas olur. Eləcə də ,sakitlik, bərpa və meditasiya üçün əlverişli zamandır.

Məsləhət görülməyənlər:
• Dərin irəli əyilmələr, güclü geriyə əyilmələr
• İnversiyalar (headstand, handstand və s.)
• Uzun, fiziki cəhətdən yükləyici Vinyasa seriyaları

Məsləhət görülənlər:
• Yumşaq uzanmalar
• Pranayama (nəfəs məşqləri)
• Meditasiya və ya Yoga Nidra
• Yüngül gəzinti və nəfəsə fokuslanma

07/08/2025

📣 Yoga Academy Baku-da 3 günlük təlim proqramı

🗓 Tarix: 10–12 Oktyabr
💶 Qiymət: 120 avro
📍 Məkan: The Yoga Academy Baku
⚠️ Yerlər məhduddur – qeydiyyat mütləqdir.

Təlim tərəfindən aparılacaq. O, Ashtanga yoga məktəbinin banisi Pattabhi Joisin nəvəsi və birbaşa varisi olan Sharath Joisun tələbəsidir.

Onun yanaşması birbaşa qaynaqdan öyrənilmiş və ənənəyə dərin hörmətlə formalaşmış bir tədris sisteminə əsaslanır.
Bu təlim yalnız bir neçə asana çalışması deyil – Ashtanga yoga metodologiyasını və intizamını daha dərindən anlamaq üçün nadir bir fürsətdir.

💳 Ödəniş üsulları:
▪️ PayPal
▪️ Azərbaycan bank kartı və hesabları
▪️ Funt sterlinqlə ödəniş üçün ayrıca hesab (sorğu əsasında)

➡️ Ödəniş üsulunu seçdikdən sonra sizə ödəmə məlumatları göndəriləcək.
📌 Qeyd: PayPal vasitəsilə ödənişlərdə 5% komissiya tətbiq olunur.

06/08/2025

🤰Hamiləlik Yogası – Bədənini Dinlə, Rahatla, Güclən

Hamiləlik hər qadında fərqli keçən bir dövrdür. Bəziləri üçün asan, bəziləri üçün isə emosional və fiziki baxımdan çətin ola bilər. Bu müddətdə öz bədənini anlamaq, nəfəs almağı öyrənmək və sadəcə bir az rahatlamaq – düşündüyünüzdən daha çox şey dəyişə bilər. 💛

Yoga Academy Baku-da Hamiləlik Yogası dərsləri – illərdir qazandığımız təcrübəyə əsaslanaraq – sizi bu yolda dəstəkləyir, gücləndirir və sakitləşdirir.

Faydaları nələrdir?

🔸 Qasıq, bel və çanaq bölgəsindəki ağrıları azaldır – xüsusilə 2-ci və 3-cü trimestrdə bu zonalardakı gərginlik narahatlıq yarada bilir.
🔸 Tənəffüs texnikaları doğum zamanı sizə kömək edir – doğum hekayələrində, dərindən və doğru nəfəs almağın ağrını necə idarə etdiyini görürük.
🔸 Duruşunuzu qorumağa kömək edir – çəkidəki dəyişiklik bədənin tarazlığını pozur, yoga bu prosesi rahatlaşdırır.
🔸 Duyğusal gərginliyi azaldır – yuxusuzluq, narahatlıq, bəzən səbəbsiz ağlama halları… Yoga dərslərindən sonra bir çox qadın özünü daha yüngül və pozitiv hiss edir.
🔸 Hamilə qadınlarla bir araya gəlmək – eyni dövrü yaşayan qadınlarla paylaşmaq, tək olmadığınızı hiss etdirmək çox dəyərlidir.

🧘‍♀️ Dərslərimiz həkimlərin tövsiyələrinə uyğun şəkildə qurulur və yalnız tibbi əks göstəriş olmayan qadınlar üçün nəzərdə tutulur. Hər trimester üçün ayrıca yanaşma tətbiq edirik.

📍Əgər siz də hamiləlik dövrünü daha şüurlu, güvənli və rahat keçirmək istəyirsinizsə – biz buradayıq.
JAMILYA ABASOVA♥️JIWAN TEJAya.abasova2304

📩 Qeydiyyat üçün bizə yazın.
📍 Ünvan: Bəşir Səfəroğlu 132, Bakı
📆 Aktiv qrup günləri: I və IV günlər – saat 17:30
📞 Səhər və gündüz qrupları üzrə də qeydiyyat davam edir.

01/08/2025

📌 Headstand (Şirşasana) – Faydalıdır və ya riskli?

Başüstə duruş yoga dünyasında həm sevilir, həm də müzakirə olunur.
Bəzi müəllimlər bu pozanı təhlükəli hesab edir, digərləri isə asanaların şahı adlandırır. Bəs həqiqət haradadır?

⸻

✅ Faydaları (Doğru texnika ilə):

🔹 Beyinə qan və oksigen axını artır
🔹 Balans və konsentrasiya güclənir
🔹 Limfa və sinir sistemi aktivləşir
🔹 Çiyin, qol və gövdə gücünü artırır

⸻

⚠️ Risklər (Yanlış texnika ilə):

🚫 Boyun fəqərələrinə təzyiq
🚫 Göz daxili təzyiq artımı
🚫 Hipertoniya və başgicəllənmə
🚫 Sürətli, nəzarətsiz keçidlər

⸻

💡 Əslində necə olmalıdır?

✔️ Güc başda yox, çiyin və qollarda toplanır
✔️ Pozaya divar dəstəyi və müəllim nəzarəti ilə girişmək vacibdir
✔️ Hər bədən üçün uyğun deyil — bədənini tanı, seçim et

⸻

🛑 Kimlər etməməlidir?

• Boyun zədəsi olanlar
• Göz təzyiqi və ya retina problemi
• Hamilə qadınlar
• Hipertoniya xəstələri

⸻

✨ Nəticə: Headstand düzgün yanaşma ilə çox faydalı ola bilər. Amma pozanı zorlamadan, mərhələli şəkildə öyrənmək və bədənin siqnallarına hörmətlə yanaşmaq əsasdır.

20/07/2025

🧘‍♀️ Yogada Müxtəliflik və Etik Davranış

Müasir dövrümüzdə yoga dərsləri müəllimin enerjisinə, dərs tempinə, seçdiyi məktəbə, stilinə, hətta danışdığı dilə görə bir-birindən çox fərqli təqdim oluna bilər. Bəziləri ənənəvi yanaşmanı üstün tutur, bəziləri isə müasir metodlara üstünlük verir – bu tamamilə normaldır.

💫 Yoga Academy Baku olaraq bizim fərqimiz – müxtəlifliyi qorumaq və hər bir iştirakçının özünə uyğun stili tapmasına şərait yaratmaqdır.

📌 Dərslərimizə yazıldıqdan əvvəl və ya sonra əgər seçdiyiniz dərs və müəllim sizin tərzinizlə uyğunlaşmırsa, biz bunu hər zaman etik çərçivədə, qarşılıqlı məsləhətlə dəyişməyə açığıq. Əsas məqsədimiz odur ki, siz yoga ilə rahat və davamlı bir bağ qura biləsiniz.

❗️Amma bir vacib xatırlatma:
Müəllimləri ideallaşdırmaq və ya bir müəllimin dərsini digərinə qarşı mənfi şəkildə müqayisə etmək doğru deyil. Hər bir müəllimin öz yanaşması, öz güclü tərəfləri və öz auditoriyası var. Bu fərqliliklərə hörmətlə yanaşmaq yoga cəmiyyətinin əsas dəyərlərindəndir.

🕊 Yoga – birləşdirən, bölməyən bir yoldur.

19/07/2025

📌 Ustrasana – (Dəvə) Pozasının Faydaları

— Onurğa elastikliyini artırır
— Sinə və çiyinləri açır
— Bel və ayaq əzələlərini gücləndirir

⚠️ Diqqət və Əks Göstərişlər:
• Boyun, bel və ya diz problemləri olanlar bu pozanı ehtiyatla etməlidirlər.
• Onurğanı yaxşıca isinmədən etməyin.
• Belin zədələnməsinin qarşısını almaq üçün qarın və bud əzələlərini aktiv saxlayın.

08/07/2025

🌞 Yay tətilinizi səmərəli keçirin!
📚 Gənclər və məktəblilər üçün sağlam duruş, güclü onurğa və sakit zehinə doğru bir addım

Yay ayları uşaqlar və gənclər üçün yalnız istirahət deyil, eyni zamanda özlərinə yatırım dövrü ola bilər. Bu dövrdə düzgün istiqamətləndirilmiş fəaliyyətlər həm fiziki, həm də zehni sağlamlıqlarına böyük təsir göstərir.

💡 Xüsusilə kifoz problemi son illərdə məktəblilər arasında artmaqdadır. Uzun saatlar telefon/tablet qarşısında oturmaq və ağır çanta daşımaq nəticəsində belin önə əyilməsi kimi duruş pozuntuları yaranır.

🧘‍♀️ Yoga burada nə ilə kömək edir?

✔️ Onurğa ətrafı əzələləri gücləndirir və düz duruşu dəstəkləyir
✔️ Çiyin və kürək əzələlərini aktivləşdirir
✔️ Bədən fərqindəliyini və özünəinamı artırır
✔️ Qamət və balansı yaxşılaşdırır
✔️ Konsentrasiya və daxili sakitliyi inkişaf etdirir

🌿 Bu yay məktəb yaşlı uşaqlar və gənclər üçün duruş və özünəinam fokuslu yoga dərsləri təşkil etməyi planlaşdırırıq.

🧘‍♂️ Sadə və əyləncəli pozalarla sağlam gələcəyə addım atmaq istəyən hər bir uşaq və gənc üçün açığıq.

27/06/2025

🧘‍♀️🤝 COUPLE YOGA – ƏLAQƏ QUR, DİNƏ, HİSS ET 💞

İki insanın bir-birinə toxunaraq, dinləyərək və eyni nəfəsi paylaşaraq emosional bağlarını gücləndirdiyi xüsusi bir yoga təcrübəsinə dəvət edirik.

💬 Bəzən münasibətlərdə danışmadan da anlaşmaq mümkündür…
📿 Partner yoga sizi yalnız birlikdə hərəkət etməyə deyil, həm də bir-birinizə diqqətlə yanaşmağa və empati qurmağa dəvət edir.

Bu dərslər sizə kömək edəcək:
🪷 Bir-birinizi daha dərindən anlamağa
💞 Fiziki yaxınlıqla emosional bağ yaratmağa
🫱🏻‍🫲🏼 Güvən və hörmət üzərində münasibəti yenidən qurmağa
🧘‍♀️💬 Sözsüz ünsiyyətin gücünü kəşf etməyə
Gəlin, münasibətinizə toxunuş, harmoniya və sakitlik bəxş edin.
✨ “Birlikdə yoga, birlikdə şəfa.”

Address

Bəşir Səfəroğlu 132
Baku

Opening Hours

Monday	10:00 - 20:00
Tuesday	10:00 - 20:00
Wednesday	10:00 - 20:00
Thursday	10:00 - 20:00
Friday	10:00 - 20:00
Saturday	11:00 - 15:00

Telephone

+994554464802

Website

facebook.com

Alerts

Be the first to know and let us send you an email when Yoga Academy Baku posts news and promotions. Your email address will not be used for any other purpose, and you can unsubscribe at any time.