Klinika qısa bir müddət ərzində professionallığı, səliqə-səhmanı, yüksək gigiyena və sterizasiya şəraiti, mütamadi olaraq xaricdə ixtisaslaşan bacarıqlı personalı sayəsində yüzlərlə xəstənin etimadını qazanmışdır. Bu gün S.A Dental müasir standartlara uyğun, son texnika ilə təchiz edilmiş, səhiyyə və xüsusilə stomatologiya sahəsində baş verən elmi və texnoloji yenilikləri izləyən və tətbiq edən bir klinikadır. S.A Dental klinikası 24 saat növbəli iş rejimində calışır. Həkimlər, ixtisaslaşmış tibb bacıları və digər kollektiv üzvlərinin əsas məqsədi klinikaya daxil olan hər bir kəsin oradan tam saglam diş-damaq sisteminə və gözəl əhval-ruhiyyəyə malik olaraq cıxmasıdır. Bu, kollektivin ən ümdə olan vəzifəsidir. Hal-hazırda klinika Ak.Həsən Əliyev 10/61 ünvanında yerləşir. Öz təmiz atmosferi, hər kəsə ev rahatlıgı verən gözləmə zalı, 3 geniş, müasir texnika ilə təchiz olunmuş müalicə kabinələri, implant otagı sizin ixtiyarınızdadır. Klinikanın baş həkimi, minlərlə insanın yaxşı tanıdığı, birinci dərəcəli həkim-stomatoloq Səkinə Əliyevadır. O, öz İş fəaliyyyətinə ADİN-nin poliklinikasında başlamış, orada uzun illər fəaliyyət göstərmişdir. Səkinə xanım 1986-cı ildə Moskvada uz-çənə nahiyəsində zədə və iltihablı proseslər üzrə kurs keçərək, cərrah-həkim sertifikatını almışdır.
