Aspirin APTEK

Yarandığı gündən və bütün fəaliyyət dövründə əməkdaşları yalnız ali tibbi təhsilli əczaçılardan -- provizorlardan təşkil olunmuş bu aptekdə peşəkarlıq hər zaman əsas vəzifə kimi dəyərləndirilmiş və kommersiya maraqlarından üstün tutulmuşdur. "ASPİRİN" aptekinə müraciət edənlərə burada müştəri kimi deyil, pasient kimi yanaşılır. İllərlə bu aptekə müraciət edənlər yaxşı bilirlər ki, hətta həkimlərinin təyinatda buraxdıqları səhvlər burada nəzərdən yayınmayacaq və əczaçılar həkimlə əlaqə saxlayaraq müvafiq düzəlişlərini edəcəklər. "ASPİRİN" apteki dövriyyəsindəki dərmanların keyfiyyətli olmasına xüsusi həssaslıqla yanaşır. Bunun üçün yalnız qanuni fəaliyyət göstərən dərman depoları -- ilk növbədə filialı olduğu "Zeytun Pharmaceuticals" şirkəti ilə, həmçinin, çeşid genişliyini təmin etmək üçün digər dərman depoları ilə əməkdaşlıq edir. "ASPİRİN" apteki geniş çeşidli dərman preparatlaından başqa, əczaxanalara uyğun müəyyən qeyri-dərman məhsullarının -- uşaq yeməkləri və ləvazimatlarının, idmançılar üçün zülal tərkibli qida əlavələrinin, yüksək keyfiyyətli kosmetik malların və kiçik həcmli tibbi texnikanın da satışı ilə məşğuldur. "ASPİRİN" apteki Azərbaycan, rus və ingilis dilində danışan peşəkar əczaçıları ilə hər gün 08:00-dan 23:00-a qədər (istisna: bazar və bayram günləri 09:30 - 22:00) sizin xidmətinizdədir. Həmçinin, məbləği müəyyən həddən yuxarı olan sifarişlərin evlərə və iş yerlərinə çatdırılması xidməti də mövcuddur.