Mərkəzi Gömrük Hospitalı / Central Customs Hospital

18/11/2025

Dövlət Gömrük Komitəsinin Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev Baku Expo Mərkəzində keçirilən 27-ci Azərbaycan Beynəlxalq Tibb İnnovasiyaları Sərgisi “Medinex 2025”-də “Real” TV-yə müsahibə verib. Çarxı Sizə təqdim edirik.

17/11/2025

Mərkəzi Gömrük Hospitalının Cərrahiyyə və Orqan Transplantasiyası şöbəsinin yüksəkixtisaslı transplantoloqu, Səhiyyə əlaçısı Mircəlal Kazımi İctimai Televiziyanın “Sabaha saxlamayaq” verilişinin qonağı olub. Veriliş “Orqan donorluğu: ölümün deyil, ümidin hekayəsi” mövzusuna həsr edilib.

Dr.Mircəlal Kazımi proqramda orqan donorluğunun həyati əhəmiyyətindən, transplantologiyada müasir yanaşmalardan və ölkəmizdə bu sahədə görülən işlərdən bəhs edərək, cəmiyyətin bu mövzuya həssas yanaşmasının vacibliyini vurğulayıb. Onun çıxışı orqan donorluğunun yalnız bir həyatın deyil, bir neçə insanın taleyini dəyişən böyük bir xeyir işi olduğunu bir daha diqqətə çatdırıb.

17/11/2025

Mərkəzi Gömrük Hospitalının Pediatriya şöbəsinin pediatr-neonatoloq-reanimatoloqu Aygün Sadıxova “17 Noyabr – Beynəlxalq Vaxtından Əvvəl Doğulmuşlar Günü” mövzusunda canlı yayımda çıxış edib.

17/11/2025

17 Noyabr – Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Milli Dirçəliş Günü Azərbaycan xalqının istiqlaliyyət uğrunda mübarizəsində əsas mərhələlərdən biridir. 1988-ci il 17 noyabr tarixində Ümummilli lider Heydər Əliyevin ölkə rəhbərliyinə yenidən qayıdışından sonra xalqımızın milli dirçəlişi və mənəvi dəyərlərinin yüksək tutulması, adət və ənənələrimizin qorunub saxlanılması reallığa çevrilmiş və müstəqil Azərbaycan müasir inkişaf yoluna qədəm qoymuşdur.

Hakimiyyətə gəlişi ilə xalqa sağlam ruh və özünüdərk gətirən Ümummilli lider Heydər Əliyev elmin və mədəniyyətin dirçəlişinə xüsusi önəm verdi, bütün sahələrdə, o cümlədən tibb sahəsində inkişaf və oyanış müşahidə olunmağa başladı.

Möhtərəm Prezidentimiz cənab İlham Əliyevin rəhbərliyi altında aparılan uğurlu siyasət nəticəsində müstəqil respublikamızda iqtisadiyyatın fasiləsiz inkişafı təmin edilmiş, vətəndaşların maddi rifahı yaxşılaşdırılmış, dövlətçiliyimiz möhkəmləndirilmiş, ölkəmiz dünyada söz və nüfuz sahibi kimi tanınaraq müdafiə qüdrətini daha da artırmışdır.

Milli Dirçəliş Gününüz mübarək!

15/11/2025

13 noyabr 2025-ci il tarixində Mərkəzi Gömrük Hospitalında sevinc dolu bir hadisə baş verib — burada sağlam üçəm körpələr dünyaya gəlib. Yeni doğulan balacaların biri oğlan, ikisi isə qızdır. Doğuş yüksək peşəkarlıqla, Mərkəzi Gömrük Hospitalının Mama-ginekologiya şöbəsinin yüksəkixtisaslı mama-ginekoloqu Raziyyə Tapdıqova, Neonatologiya şöbəsinin rəisi, uzman neonatoloq-pediatr Telman Aytayev, neonatoloqlar Minazər Abdullayeva, Aygün Sadıxova, baş tibb bacısı Sevda Abbasova tərəfindən həyata keçirilib. “Səs” TV-də yayımlanan süjeti Sizə təqdim edirik.

15/11/2025

Hörmətli izləyicilər, 17 noyabr tarixində saat 10:00-da Mərkəzi Gömrük Hospitalının Pediatriya şöbəsinin pediatr-neonatoloq-reanimatoloqu Aygün Sadıxova “17 Noyabr – Beynəlxalq Vaxtından Əvvəl Doğulmuşlar Günü” mövzusunda canlı yayımda çıxış edəcək. Pediatr-neonatoloq Aygün Sadıxova vaxtından əvvəl dünyaya gələn körpələrin vəziyyətləri, müasir müalicə və reanimasiya yanaşmaları, eləcə də valideynlər üçün vacib tövsiyələrlə bağlı geniş məlumat verəcək və izləyicilərin suallarını cavablandıracaq. Suallarınızı canlı yayım zamanı və ya öncədən ünvanlaya bilərsiniz!

14/11/2025

1991-ci ildən etibarən Ümumdünya Səhiyyə Təşkilatı və Beynəlxalq Diabet Federasiyasının təşəbbüsü ilə noyabrın 14-ü Ümumdünya Diabetlə Mübarizə Günü kimi qeyd edilir. 2006-cı ildə BMT Baş Assambleyası tərəfindən şəkərli diabetlə bağlı qəbul edilmiş qətnaməyə əsasən 2007-ci ildən BMT-nin himayəsi altında 14 noyabr tarixində bütün dünyada şəkərli diabet xəstəliyi ilə mübarizəyə həsr edilmiş müxtəlif tədbirlər keçirilir. Mərkəzi Gömrük Hospitalının endokrinoloqu Şəbnəm Əlirzayeva xəstəliyin yaranma səbəbləri, əlamətləri, fəsadları, müalicəsi və profilaktikası barədə ətraflı məlumat verib. Şəbnəm həkimin çıxışını Sizə təqdim edirik.

14/11/2025

Mərkəzi Gömrük Hospitalında üçəm körpələr dünyaya gəlib

13 noyabr 2025-ci il tarixində Mərkəzi Gömrük Hospitalında sevinc dolu bir hadisə baş verib — burada sağlam üçəm körpələr dünyaya gəlib. Yeni doğulan balacaların biri oğlan, ikisi isə qızdır. Doğuş yüksək peşəkarlıqla, Mərkəzi Gömrük Hospitalının Mama-ginekologiya şöbəsinin yüksəkixtisaslı mama-ginekoloqu Raziyyə Tapdıqova, Neonatologiya şöbəsinin rəisi, uzman neonatoloq-pediatr Telman Aytayev, neonatoloqlar Minazər Abdullayeva, Aygün Sadıxova, baş tibb bacısı Sevda Abbasova tərəfindən həyata keçirilib.

Mama-ginekologiya şöbəsinin mama-ginekoloqu Raziyyə Tapdıqova və neonatoloq Minazər Abdullayevanın verdiyi məlumata görə ana və körpələrin səhhəti qənaətbəxşdir, balacalar xüsusi nəzarət altında saxlanılır.

Mərkəzi Gömrük Hospitalının müasir tibbi avadanlıqlarla təchiz edilmiş Doğum və Neonatologiya şöbəsində ana və körpələr üçün təhlükəsiz, rahat və yüksək standartlara cavab verən şərait yaradıb. Şöbə ən son texnologiyalı inkubatorlar, monitorinq sistemləri, reanimasion avadanlıqlar və neonatal baxım üçün zəruri olan bütün tibbi vasitələrlə təmin olunub.

Hospitalda çalışan təcrübəli mama-ginekoloqlar, neonatoloqlar və tibb bacıları doğuşdan sonrakı prosesin hər mərhələsini diqqətlə izləyir, həm ana, həm də körpələr üçün fərdi yanaşma tətbiq edirlər. Bu şərait sayəsində ana və üçəm körpələr özlərini tam təhlükəsiz mühitdə hiss edir və bərpa prosesini rahat şəkildə davam etdirirlər.

Mərkəzi Gömrük Hospitalında dünyaya gələn üçəm körpələri və onların valideynlərini ürəkdən təbrik edir, sağlam və xoşbəxt gələcək arzulayırıq!

📞 (012) 404-08-08
🏨 Bakı, K.Kazımzadə, 118

14/11/2025

Mərkəzi Gömrük Hospitalının İnfeksiyaya Nəzarət Komissiyasının üzvü Dr. Səttar Yaqubov 14 noyabr 2025-ci il tarixində saat 10.00-da ARB TV-yə canlı yayımda “Qripə qarşı peyvəndləmə niyə vacibdir?” mövzusunda ətraflı müsahibə verib. Süjeti Sizə təqdim edirik.

14/11/2025

Главврач Центрального таможенного госпиталя Азербайджана Др.Бахтияр Мусаев рассказывает порталу «Москва-Баку» о успехах учреждения

В Бакинском Экспоцентре завершила работу 27-я Азербайджанская международная выставка медицинских инноваций Medinex 2025. Среди участников — Центральный таможенный госпиталь Азербайджана, представивший широкий спектр своих достижений и современных медицинских услуг. Главврач Центрального таможенного госпиталя Азербайджана Др. Бахтияр Мусаев, в интервью корреспонденту портала «Москва-Баку» Самире Казимовой рассказал о приоритетных направлениях деятельности клиники, трансплантологии и инновационных кардиологических операциях.

Подробности — по ссылке https://moscow-baku.ru/news/sobytiya/rossiyskie_kompanii_prinimayut_uchastie_v_mezhdunarodnoy_vystavke_meditsinskikh_innovatsiy_v_baku/.

“Один из самых популярных стендов на выставке Medinex принадлежит Центральному таможенному госпиталю Азербайджана. Сотрудники клиники рассказывают посетителям об успехах учреждения. «Спектр услуг нашей клиники довольно широкий: хирургия, гинекология, педиатрия, детская хирургия, травматология, мультифункциональная поликлиника, лаборатория с ПЦР, радиологическое отделение, передовые МРТ- и КТ-аппараты. Приоритетными направлениями являются трансплантация органов, - рассказывает в беседе с корреспондентом «Москва-Баку» главврач Центрального таможенного госпиталя Бахтияр Мусаев. - С гордостью могу подчеркнуть, что мы лидируем во многих областях. Прежде всего, это пересадка печени и почки от живого донора». Главврач отмечает, что в учреждении также оказывают помощь при врожденных пороках сердца новорожденным, включая недоношенных. «Еще одна приоритетная область - инвазивная кардиология. Ежедневно в нашем госпитале проводится в среднем 25-30 коронарных ангиографий. Мы одни из немногих в республике, кто выполняет закрытую замену аортального клапана через сосуды и эндопротезирование при аневризме грудного и брюшного отделов аорты. Так называемые операции TAVI, TEVAR, EVAR - это передовые и дорогостоящие процедуры, которые входят в пакет услуг обязательного медицинского страхования».

Bakı ş, K.Kazımzadə küç. 118 Tel.: (012) 404 08 08; WhatsApp: (050) 404 08 08; www.customshospital.az

14/11/2025

Mərkəzi Gömrük Hospitalının gömrükçü pasiyenti Leyla Həsənovanın təşəkkür rəyini Sizə təqdim edirik.

“Mərkəzi Gömrük Hospitalının rəhbərliyinə və bütün kollektivinə doğuş zamanı göstərdikləri yüksək səviyyəli tibbi xidmət, diqqət və qayğıya görə dərin təşəkkürümü bildirirəm.

Xüsusilə Tibbi Xidmət İdarəsinin rəisi Ceyhun Məmmədov, Mərkəzi Gömrük Hospitalının rəisi- baş həkim Bəxtiyar Musayev başda olmaqla mama-ginekoloq Dr. Təranə Bayramovaya, doğumxana şöbəsində çalışan bütün tibb personalına, gülərüz və diqqətcil qeydiyyat əməkdaşlarına, eləcə də Xəstə Xidmətləri şöbəsinin rəisi Cəmilə İsmayılovaya təşəkkür edirəm.

Doğumxanada hər bir xəstəyə fərdi yanaşma, səmimi diqqət və qayğı ilə yanaşılması xüsusi qeyd olunmalıdır. Hər kəs öz işinə məsuliyyətlə və ürəklə yanaşır. Hər birinizin səmimi münasibəti, peşəkarlığı və dəstəyi sayəsində doğuş prosesim çox rahat və etibarlı keçdi. Mərkəzi Gömrük Hospitalını bütün gələcək analara ürəkdən tövsiyə edirəm!”

Gömrükçü pasiyent Leyla Həsənova

14/11/2025

Könüllü gömrükçülər Dövlət Gömrük Komitəsinin Tibbi Xidmət İdarəsində fəaliyyətə başlayıblar

Azərbaycan Respublikası Dövlət Gömrük Komitəsində könüllülük hərəkatının inkişafı çərçivəsində yaradılan 16-cı “Könüllü gömrükçü” dəstəsinin 20 üzvü üç ay müddətinə Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının müvafiq şöbələrində fəaliyyətə başlayıb. 13 noyabr 2025-ci il tarixində Dövlət Gömrük Komitəsinin Tibbi Xidmət İdarəsində və Mərkəzi Gömrük Hospitalında çalışacaq könüllü gömrükçü dəstəsinin üzvləri ilə görüş keçirilib.

Görüşdə Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım, Mərkəzi Gömrük Hospitalının rəis müavini Nahidə Mahmudova, Tibbi Xidmət İdarəsinin İnzibati İdarəetmənin Təşkili şöbəsinin inspektoru, şöbə rəisi vəzifəsini müvəqqəti icra edən Minarə Qafarova və könüllü gömrükçülər iştirak ediblər.

Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım çıxışında qeyd edib ki, könüllülük fəaliyyəti gənc gömrükçülərə təhsil aldıqları ixtisaslar üzrə nəzəri biliklərini praktik bacarıqlarla birləşdirmək, real iş mühitində təcrübə qazanmaq və gömrük orqanlarının tibbi xidmət sahəsindəki fəaliyyət istiqamətlərini yaxından öyrənmək imkanı yaradacaq.

Daha sonra Mərkəzi Gömrük Hospitalının rəis müavini Nahidə Mahmudova çıxış edərək könüllü gömrükçüləri təbrik edib və onlara fəaliyyətlərində uğurlar arzulayıb.
Dövlət Gömrük Komitəsinin Tibbi Xidmət İdarəsinin və Mərkəzi Gömrük Hospitalının müxtəlif şöbələrində fəaliyyətə başlayacaq könüllü gömrükçüləri səmimi-qəlbdən təbrik edir, onlara gələcək fəaliyyətlərində uğurlar, yeni bilik və təcrübələr qazanaraq peşəkar inkişaf yolunda daim irəliləmələr arzulayırıq.

📞 (012) 404-08-08
🏨 Bakı, K.Kazımzadə, 118