What are the opening hours?

Monday 10:00 - 16:30 Tuesday 09:00 - 16:30 Wednesday 09:00 - 16:30 Thursday 09:00 - 16:30 Friday 09:00 - 16:30 Saturday 09:00 - 13:00

Dr. Ogtay Huseynov, пр. Азадлыг 112, Baku (2025)

25/09/2025

🟣 Sidikdə yod səviyyəsi kimlər üçün vacibdir?
📌 Yod bədəndə qalxanabənzər vəz hormonlarının sintezi üçün vacib bir elementdir. Onun çatışmazlığı həm uşaq, həm də böyüklərdə ciddi sağlamlıq problemlərinə yol aça bilər.

Bəs kimlərdə sidikdə yod miqdarını yoxlatmaq tövsiyə olunur?

✅ Yoxlanması tövsiyə olunan qruplar:

🔹 Hamilə qadınlar – çünki dölün sinir sistemi yoda çox həssasdır
🔹 Hamiləliyə hazırlaşanlar – hormonal fon düzgün qurulmalıdır
🔹 Uşaqlar və yeniyetmələr – fiziki və zehni inkişaf dövrüdür
🔹 Qalxanabənzər vəzi düyünü olanlar – düyünlərin bəziləri yod asılı olur
🔹 AİT (avtoimmun tireoidit) xəstələri – yod çatışmazlığı fonunda gedişat dəyişə bilər
🔹 Yod çatışmazlığı bölgələrində yaşayanlar – məsələn, dağlıq və dənizdən uzaq rayonlar
🔹 Vegetarianlar – yodsuz pəhriz fonunda ehtiyac artır
🔹 Daha əvvəl qalxanabənzər vəz problemi yaşamış şəxslər

💬 Yod analizini necə vermək olar?
– Səhər sidiyi ilə laborator analiz
– İdeal halda — 2–3 müxtəlif gündə verilib orta göstərici hesablanmalıdır
– 100 mikroqram/litr-dən aşağı nəticələr yod çatışmazlığını göstərə bilər

📌 Unutmayın: yod həm azlıqda, həm də çoxluqda zərərli ola bilər. Onu nəzarətsiz qəbul etmək olmaz — əvvəl analiz, sonra müalicə. #

21/09/2025

✨ EASD Konqresindən maraqlı müşahidə ✨

Vyanada keçirilən Avropa Diabet Konqresində hər il ən yeni dərmanlar, texnologiyalar, süni intellektlə idarə olunan insulin nasosları, GLP-1 və GIP agonistləri, hətta amilin analoqları təqdim olunur. Hər addımda gələcəyin diabet müalicəsini görmək olur.

Amma… eyni zamanda bir stenddə artıq 20–30 il əvvəl hazırlanmış klassik dərman – qliklazid (Diabeton) nümayiş etdirilir. Bunu isə fransız şirkəti Servier edir. Və maraqlıdır ki, onlar hələ də hər il öz köhnə preparatlarını göstərirlər.

❓Niyə belədir?
• Çünki qliklazid hələ də bir çox ölkələrdə metforminlə yanaşı əsas müalicə vasitəsidir.
• Qiyməti əlçatan, effektivliyi sübut olunmuşdur.
• Hətta ÜST-ün əsas dərman siyahısında qliklazid göstərilib.

Yəni, konqresdə bir tərəfdə ən müasir molekullar, digər tərəfdə isə illərin sınanmış klassikası. Maraqlı paradoksdur: tibbdə bəzən köhnə dərmanlar da hələ uzun illər «yaşayır». #

19/09/2025

✨ EASD 2025 Konqresindən yeniliklər ✨
(Vyana şəhərində keçirilən Avropa Diabet Konqresi)

Bu il konqresdə şəkərli diabetlə bağlı bir çox maraqlı mövzular müzakirə olundu. Ən önəmli yenilikləri qısa şəkildə sizinlə bölüşürəm 👇

✅ Yeni dərmanlar – Arıqlatma və şəkərin tənzimlənməsi üçün daha güclü və daha təsirli preparatlar təqdim olundu. Bu dərmanlar eyni anda həm çəkini azaldır, həm də şəkəri normada saxlamağa kömək edir.

✅ Kombinə müalicələr – İki müxtəlif təsir mexanizmini birləşdirən inyeksiya və ya həftədə bir dəfə vurulan yeni preparatlar sınaqdan keçirilir. Məqsəd: gündəlik həyat daha rahat olsun.

✅ Davamlı şəkər ölçən cihazlar (CGM) – Artıq yalnız insulin istifadə edənlər üçün deyil. 2-ci tip diabeti olan pasiyentlərdə də istifadəsi tövsiyə olunur. Bu cihazla şəkərinizi telefonla izləmək, gizli enmələri və qalxmaları vaxtında görmək mümkündür.

✅ “Time-in-range” anlayışı – Artıq yalnız “orta şəkərə” (HbA1c) baxılmır. İndi həkimlər pasiyentin günün neçə faizini normal şəkər aralığında keçirdiyinə də xüsusi önəm verir.

✅ Qaraciyər xəstəlikləri və MASLD – Konqresdə xüsusi vurğulandı ki, 2-ci tip diabeti olan pasiyentlərin böyük hissəsində eyni zamanda MASLD (qaraciyərin metabolik disfunksiya ilə bağlı piylənməsi) müşahidə olunur. Bu, təkcə qaraciyərə yox, həm də ürək-damar sağlamlığına ciddi təsir göstərir.

🔹 Yeni ümid – resmetirom 💊
Son araşdırmalarda bu dərmanın MASLD fonunda qaraciyər göstəricilərini yaxşılaşdırdığı və qaraciyərdə fibrozun qarşısını almağa kömək etdiyi təqdim olundu. Bu, diabet və qaraciyər xəstəliyi olan pasiyentlər üçün yeni dövrün başlanğıcı ola bilər.

💡 Nəticə:
Müalicə getdikcə daha çox fərdiləşir. Məqsəd yalnız analiz göstəricilərini düzəltmək deyil, həm də gündəlik həyatı təhlükəsiz və rahat etməkdir. Artıq diabetlə mübarizə yalnız “şəkər” deyil, həm də qaraciyər və ürəyi qorumaq deməkdir. #

17/09/2025

Hazırda Vyanada şəkərli diabetin öyrənilməsinə həsr olunmuş növbəti EASD konqresi keçirilir. Konqresdə dünyanın 100-dən çox ölkəsindən 18 mindən artıq nümayəndə iştirak edir. #

12/09/2025

📌 Son zamanlar praktikada rast gəldiyim bir hadisə

19 yaşlı gənc bir neçə ay əvvəl allergiya və qaşınma səbəbindən həkimə yox, aptekdəki satıcıya müraciət edir. Satıcı isə ona 💉 dexametazon iynəsi tövsiyə edir.

Gənc də hər gün özünə iynə vurmağa başlayır. Bu vəziyyət 2 ay davam edir. İlk vaxtlar xoş təsir etdiyini düşünüb, amma nəticə çox ağır oldu.

🔴 2 ay ərzində 24 kq kökəldi.
🔴 Üzünün forması dəyişdi, bədəni tamamilə “yuvarlaqlaşdı”.
🔴 Dərisində dərin, bənövşəyi striyalar əmələ gəldi.

Valideynləri həyəcanlanıb səbəbini soruşanda etiraf etdi ki, hər gün dexametazon vurub. Onlar dərmanı birdən-birə dayandırdılar, nəticədə daha da ağır fəsadlar ortaya çıxdı.

💡 Bu hadisəni niyə paylaşdım?
Çünki çox təəssüf ki, hələ də bir çox insan həkim əvəzinə aptek satıcısına, qonşuya, tanışa müraciət edir. Nəticə isə bəzən çox təhlükəli olur.

⚠️ Xahiş edirəm, özünüzü və yaxınlarınızı təhlükəyə atmayın.
Sağlamlıqla bağlı hər bir problemin yeri — həkim otağıdır, aptek kassası yox!

👉 Əgər bu paylaşımı oxuyan gənc dostlarımız, valideynlərimiz bir daha düşünəcək və addımlarını düzgün atacaqsa — deməli məqsədimə çatmışam. #

10/09/2025

Arıqlamaq üçün iynələr 💉

Hazırda bu iynələr çox populyardır. Çoxlu sayda pasiyentlər bu dərmanlarla maraqlanır, həkimlərə suallar verirlər. Amma onların həm müsbət, həm də mənfi tərəfləri var.

✅ Müsbət tərəflər:
• Effektivlik – iştahanı azaldır, toxluq hissini artırır.
• Çəkiyə təsir – klinik tədqiqatlarda 10–15%-ə qədər arıqlama mümkündür.
• Metabolizmə dəstək – şəkərli diabeti və insulin müqavimətini yaxşılaşdıra bilər.
• Qaraciyər və ürək-damar sistemi üçün əlavə faydalar göstərən nəticələr var.

❌ Mənfi tərəflər:
• Yan təsirlər – ürəkbulanma, qusma, qarın ağrısı, qəbizlik.
• Qiymət – uzunmüddətli istifadədə baha başa gəlir.
• Müvəqqəti effekt – dərmanı dayandırdıqda bir çox xəstədə çəki geri qayıda bilər.
• Hamıya uyğun deyil – bəzi endokrin və mədə-bağırsaq xəstəliklərində istifadəsi məhduddur.

📌 Nəticə:
Bu dərmanlar möcüzə deyil. Onlar sadəcə köməkçi vasitədir. Əsas nəticə – düzgün qidalanma, fiziki aktivlik və həyat tərzi dəyişikliyi ilə mümkündür. 👉Qeyd etmək istərdim ki, gələn il Azərbaycanda arıqlamaq üçün yeni inyeksiya preparatları qeydiyyata alınacaq. Onların qiymətləri müxtəlif olacaq. Həm bahalı, həm də indiki dərmanlardan nisbətən ucuz olanları mövcud olacaq.

✨ Sizcə, arıqlamaq üçün iynələrdən istifadə etmək təhlükəlidirmi, yoxsa faydalı?
Şərhlərdə fikrinizi yazın 👇 #

05/09/2025

🍩🥨 Niyə bizi bəzən şirin, duzlu və ya un məmulatlarına çəkir?

Sağlam orqanizm acanda sadəcə yemək istəyi yaranır. Amma konkret olaraq şirniyyat, duzlu və ya unlu qidaları çox arzulamaq, bəzən daxili balanssızlıqdan xəbər verə bilər.

🔹 Duzluya meyl – çox vaxt böyrəküstü vəzilərin yorğunluğu ilə bağlı olur.
👉 Bu halda maqnezium səviyyəsini dəstəkləmək faydalıdır.

🔹 Şirniyyata həddindən artıq istək – bədənin kifayət qədər zülal almamasına işarədir.
👉 Çıxış yolu – zülalı artırmaq və qəbulu liflərlə (kletçatka) birləşdirmək.

🔹 Un məmulatlarına (çörək, bulkalar və s.) güclü həvəs – çox vaxt B qrupu vitaminlərinin çatışmazlığını göstərə bilər.

💡 Nəticə: Sağlam bədən aclıq zamanı xüsusi bir qida yox, sadəcə yemək istəyir. Əgər müəyyən qidalara qarşı güclü və davamlı istək hiss edirsinizsə – bu, balanssızlıqdan xəbər verə bilər.
👉 Qidalanmanı düzgün qurmaq və lazım gələrsə analizlə yoxlanmaq ən doğru yoldur. #

03/09/2025

🩺 Qalxanabənzər vəzi nə vaxt yoxlanmalıdır?

Bəzən o, illərlə səssiz qalır. Amma bədən bizə siqnallar göndərir. Onları vaxtında tutmaq vacibdir.

📌 Hansı hallarda müayinə tövsiyə olunur:
• Boyunda şişkinlik, düyün və ya basqı hissi
• Davamlı yorğunluq, halsızlıq
• Arıqlama və ya kökəlmə səbəbsiz baş verirsə
• Ürək döyüntülərinin tezləşməsi və ya yavaşlaması
• Əllərin titrəməsi, əsəbilik və ya əksinə, yuxululuq
• Səsdə xırıltı, udqunma çətinliyi
• Soyuğa və ya istiyə qarşı həssaslıq
• Menstrual dövrün pozulması və sonsuzluq halları

🧬 Risk qrupuna daxilsinizsə, ildə ən az 1 dəfə müayinədən keçin:
• Ailədə qalxanabənzər vəzi xəstəliyi olanlar
• Avtoimmun xəstəlikləri olanlar
• Radiasiya təsirinə məruz qalanlar
• 40 yaşdan yuxarı qadınlar

Unutmayın, erkən diaqnoz — uzunmüddətli sağlamlığın açarıdır.
Bəzən sadə qan analizi və USM bütün suallara cavab verir.

💬 Sizin də bu əlamətlərdən hər hansı biri olubmu? #

30/08/2025

🔎 Qaraciyərdə fibroz necə aşkarlanır?

Əvvəlki paylaşımımda qaraciyər fibrozundan danışmışdım. Bəs fibrozun olub-olmadığını necə müəyyən etmək olar?

Bunun üçün xüsusi müayinə üsulu mövcuddur – qaraciyərin elastometriyası (FibroScan aparatı ilə). Bu metod qaraciyərin sərtliyini ölçür və fibrozun mərhələsini (F0–F4) göstərir. Müayinə tam ağrısızdır, invaziv deyil və çəmi bir neçə dəqiqə çəkir.

✨ Ultrasəs (USM) ilə fərqi nədədir?
• USM qaraciyərin ölçüsünü, strukturunu, yağlanmasını göstərir, amma fibrozun mərhələsini dəqiq qiymətləndirə bilmir.
• Elastometriya isə fibrozun dərəcəsini müəyyənləşdirir və xəstəliyin gedişini izləməyə imkan yaradır.

🔔 Nəticə: USM daha çox “şəkil” göstərirsə, elastometriya qaraciyərin “sərtliyini və mərhələsini” ölçür. Hər iki üsul bir-birini tamamlayır və qaraciyərin vəziyyətini daha dəqiq anlamağa kömək edir. #

28/08/2025

📌 Şəkərli diabet və qaraciyər fibrozunun mərhələləri

🩺 Qaraciyər fibrozunun (F1–F4) dərəcəsi şəkərsalıcı dərmanların seçiminə birbaşa təsir edir.

🔹 F1–F2 (yüngül–orta fibroz)

✅ Əksər preparatlar istifadə oluna bilər:
• Metformin
• Sulfonil sidik cövhəri törəmələri
• Pioglitazon (yalnız F0–F2-də)
• DPP-4 inhibitorları
• GLP-1 analoqları
• SGLT-2 inhibitorları

🔹 F3 (ağır fibroz)

⚠️ Seçim diqqətlə aparılmalıdır:
• Metformin – ehtiyatla
• Sulfonil sidik cövhəri törəmələri – hipoglikemiya riski ↑
• Pioglitazon – olmaz!
• DPP-4 inhibitorları – olar
• GLP-1 analoqları – olar
• SGLT-2 inhibitorları – olar

🔹 F4 (sirroz)

❌ Bəzi dərmanların istifadəsi qəti qadağandır
• Metformin – olmaz
• Sulfonil sidik cövhəri – olmaz
• Pioglitazon – olmaz
• DPP-4 inhibitorları – yalnız Child–Pugh A-da ehtiyatla - yani qaraciyər sirrozunun erkən, kompensasiya olunmuş mərhələsində istifadə oluna bilər
• GLP-1 analoqları – yalnız kompensasiya olunmuş halda
• SGLT-2 inhibitorları – yalnız Child–Pugh A-da ehtiyatla
• İnsulin – əsas müalicə

✅ Nəticə:
Qaraciyər fibrozunun mərhələsi dərman seçiminin əsas meyarıdır. Erkən mərhələdə seçim genişdir, sirrozda isə ən etibarlı seçim insulindir. #

26/08/2025

💉 Diabetdə insulin nə vaxt təyin olunur?

Bəzən xəstələr elə düşünür ki, insulin yalnız “son mərhələdə” lazım olur. Əslində isə bu, düzgün deyil. Həkim insulin müalicəsini müxtəlif hallarda təyin edə bilər:

🔹 1-ci tip şəkərli diabet – insulin müalicəsi həyat üçün zəruridir. Onsuz mümkün deyil.

🔹 2-ci tip diabetdə:
• Tabletlərlə şəkəri nəzarətdə saxlamaq mümkün olmadıqda
• Qanda şəkər çox yüksək olduqda (məsələn, ilk diaqnoz zamanı)
• Hamiləlik dövründə (uşağın sağlamlığı üçün)
• Ciddi infeksiyalar, əməliyyatlar və ya ağır stress zamanı
• Pankreas ehtiyatı azaldıqda

👉 İnzulin “cəzalandırıcı” müalicə deyil, əksinə, orqanizmi qoruyan, ağırlaşmaların qarşısını alan vasitədir.

💡 Nəticə: Əgər həkim sizə insulin məsləhət görürsə – bu, vəziyyətinizin pisləşməsi yox, əksinə, sağlamlığınız üçün ən düzgün addımdır. #

23/08/2025

📌 Niyə mən qaraciyər haqqında da yazıram?

Mən endokrinoloqam. Amma insan orqanizmini ayrı-ayrı orqanlara bölmək olmur. Qaraciyər — bədənin əsas “laboratoriyasıdır”.

🔹 Şəkərli diabet, piylənmə, insulindirənci — bunların hamısı ilk növbədə qaraciyərə təsir edir.
🔹 Qaraciyərdə yağ yığılması (MASLD) çox vaxt gizli keçir və endokrin problemlərlə yanaşı inkişaf edir.
🔹 Qan şəkərinin, lipidlərin, hormonların tarazlığında qaraciyərin rolu əvəzolunmazdır.

❗️Mənim məqsədim — hepatoloqu əvəzləmək deyil, pasiyentlərə göstərməkdir ki, endokrin xəstəliklər həmişə qaraciyərlə sıx bağlıdır. Ona görə də mən bəzən qaraciyərlə bağlı mövzulara toxunuram. Çünki sağlamlığa kompleks yanaşmaq lazımdır. #

Dr. Ogtay Huseynov

25/09/2025

21/09/2025

19/09/2025

17/09/2025

12/09/2025

10/09/2025

05/09/2025

03/09/2025

30/08/2025

28/08/2025

26/08/2025

23/08/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	10:00 - 16:30
Tuesday	09:00 - 16:30
Wednesday	09:00 - 16:30
Thursday	09:00 - 16:30
Friday	09:00 - 16:30
Saturday	09:00 - 13:00