What are the opening hours?

Monday 10:00 - 16:30 Tuesday 09:00 - 16:30 Wednesday 09:00 - 16:30 Thursday 09:00 - 16:30 Friday 09:00 - 16:30 Saturday 09:00 - 13:00

Dr. Ogtay Huseynov, пр. Азадлыг 112, Baku (2026)

25/02/2026

🎯 Haşimoto zamanı TSH hədəfi neçə olmalıdır?

🧪 TSH nədir?
TSH qalxanabənzər vəzin necə işlədiyini göstərən əsas göstəricidir. Haşimoto zamanı biz çox vaxt məhz TSH-ə baxaraq qərar veririk. Amma tək göstərici də deyil…

📉 Ümumi yanaşma
Əksər xəstələr üçün hədəf TSH təxminən 1–2,5 mİU/L aralığıdır. Bu diapazonda insanlar özlərini adətən daha yaxşı hiss edirlər.

😴 TSH “normada”, amma şikayətlər qalırsa?
Bəzən TSH laboratoriya normasındadır, amma xəstə yorğundur, üşüyür, çəki vermir. Bu halda “kağız üzərində norma” bizi aldatmamalıdır. Klinik vəziyyət önəmlidir.

🤰 Hamiləlik planı varsa
Hamiləlik öncəsi və erkən dövrdə TSH adətən 2,5-dən aşağı saxlanılmalıdır. Bu, çox vacib nüansdır və tez-tez diqqətdən qaçır.

⚠️ TSH-ni həddən artıq salmaq da düzgün deyil
Çox aşağı TSH ürəkdöyünmə, əsəbilik, sümük itkisi verə bilər. “Nə qədər aşağı, bir o qədər yaxşı” prinsipi burada işləmir.

🧠 Əsas prinsip
Hədəf TSH rəqəm deyil, balansdır. Analiz + şikayət + həyat mərhələsi birlikdə qiymətləndirilməlidir.

📌 Nəticə:
Haşimoto zamanı ideal TSH hər kəs üçün eyni olmur. Rəqəmlər yox, insan müalicə olunur.

21/02/2026

🌿 Qaraciyər fibrozunun geri dönməsi mümkündürmü? Bəli — düzgün yanaşma ilə mümkündür.

Bu gün klinik praktikadan bir hadisəni sizinlə bölüşmək istədim.

👩‍⚕️ Pasiyent artıq çəkili idi və 10 ilə yaxındır şəkərli diabet diaqnozu ilə yaşayırdı. Müayinələr zamanı:
▪️ ALT və AST yüksək
▪️ USM-də ifadəli yağlı qaraciyər
▪️ HbA1c yüksək, diabet dekompensasiya vəziyyətində

Şübhəli USM görüntüsünə görə əlavə olaraq FibroScan (elastometriya) aparıldı və nəticə:
📊 9.9 kPa — METAVIR F3 (əhəmiyyətli fibroz)

Açığı, vəziyyət ciddi idi. Amma pasiyent vəziyyətin ağırlığını dərk etdi və müalicəyə motivasiya ilə yanaşdı.

💊 Müalicədə əsas prinsiplər:
✅ Qlikemiyanın kompensasiyası
✅ Arterial təzyiqin nəzarəti
✅ Qaraciyər üçün minimal hepatotoksik yanaşma
✅ Çəki azaldılması və həyat tərzi dəyişikliyi
✅ Müasir yanaşma olaraq liraglutid əlavə olundu

Son illərin tədqiqatları göstərir ki, GLP-1 analoqları, xüsusilə liraglutid:
✨ qaraciyər piylənməsini azaldır
✨ iltihabı zəiflədir
✨ fibrozun proqressiyasını ləngidir
✨ çəki və qlikemiyaya müsbət təsir göstərir

📉 Bir neçə ay sonra təkrar elastometriya nəticəsi:
➡️ 5.3 kPa — METAVIR F1

Yəni fibroz göstəricilərində aydın geriləmə müşahidə olundu. Bu nəticə düzgün istiqamətdə olduğumuzu bir daha göstərdi.

💬 Bu hadisə bizə nəyi xatırladır?

🔹 Yağlı qaraciyər və fibroz geri dönə bilən proses ola bilər
🔹 Diabetin kompensasiyası qaraciyər üçün həyati əhəmiyyət daşıyır
🔹 Çəki azaldılması müalicənin əsas sütunlarından biridir
🔹 Müasir inkretin əsaslı terapiya yalnız şəkəri deyil, metabolik sağlamlığı bütövlükdə yaxşılaşdırır

🤍 Ən vacibi isə — pasiyentin motivasiyası və həkimlə əməkdaşlığıdır.
Düzgün yanaşma ilə bəzən “ağır” görünən vəziyyətlər belə yaxşı istiqamətə dəyişə bilir.

20/02/2026

🌾 Haşimoto zamanı qlütensiz pəhriz vacibdirmi? Bu sualı pasiyentlər konsultasiya zamanı mənə tez-tez verirlər. Eyni zamanda Instagram səhifəmdə, bu sualla tez-tez qarşılaşıram. Buna görə bu mövzunu izah etməyə qərar verdim.

❌ Hamı üçün məcburi deyil
Haşimoto diaqnozu qlütensiz pəhriz demək deyil. Elmi tövsiyələrə görə hər xəstəyə avtomatik qlüteni kəsmək lazım deyil.

🧪 Kimlərdə faydalı ola bilər?
Əgər seliakiya varsa və ya qlütenə həssaslıq sübut olunubsa, bəli — qlütensiz pəhriz mütləqdir. Bu qrupda vəziyyət doğrudan da yaxşılaşa bilər.

🤔 Bəzilərində niyə özünü yaxşı hiss etdirir?
Qlüteni kəsəndə insanlar adətən hazır qidaları, fast-foodu, şirniyyatı da azaldır. Effekt çox vaxt qlütendən yox, ümumi qidalanmanın düzəlməsindən gəlir.

⚠️ Qlütensiz pəhriz risklidir
Lazımsız məhdudiyyət stress yaradır, pəhrizi davam etdirməyi çətinləşdirir və bəzən vitamin-mineral çatışmazlığına aparır.

🧠 Əsas yanaşma
Əvvəl diaqnoz, sonra qərar. Haşimoto fərdidir. Kiməsə uyğun olan, başqasına uyğun olmaya bilər.

📌 Nəticə:
Qlütensiz pəhriz seçim ola bilər, amma məcburiyyət deyil.

16/02/2026

💉 Tirzepatid (Mounjaro) — doza və qiymət məsələsi: həkim baxışı

Son zamanlar pasiyentlər ən çox bir sualı verir:
“Doktor, niyə 2.5 mq üçün ayrıca qələm alım? 10 mq daha sərfəli deyilmi?”

Gəlin sakit və riyazi baxaq.

📌 Fakt 1.
Bakıda 2.5 mq qələm təxminən 700 AZN,
10 mq isə təxminən 1000 AZN.

Riyazi olaraq baxanda 10 mq daha sərfəli görünür.

📌 Fakt 2.
Bir çox ölkələrdə həkimlər dozanı kliklə hesablayaraq istifadə edirlər.
Bu praktikada var. Amma…

⚠️ Vacib məqam — bu üsul rəsmi təlimata daxil deyil.

İstehsalçı hər qələmi konkret doza üçün kalibrləyib.
Aralıq “kliklə bölmə” üsulu off-label hesab olunur.

🔍 Risklər nədir?

• Doza dəqiqliyi istehsalçı tərəfindən təsdiqlənməyib
• Açıldıqdan sonra istifadə müddəti məhduddur
• Uzun müddətli istifadə zamanı stabilik azalır
• Hüquqi məsuliyyət həkimin üzərinə düşür

🤔 Bəs praktik yanaşma necə olmalıdır?

Əgər iqtisadi baxımdan yanaşırıqsa:

✔️ 10 mq qələmi 5 mq üçün istifadə etmək
✔️ Maksimum 6-8 həftə ərzində bitirmək
✔️ Pasiyenti məlumatlandırmaq ki, bu off-label yanaşmadır
✔️ Mütləq həkim nəzarəti

❌ 15 mq qələmi 2.5 mq üçün 2-3 ay istifadə etmək — mən bunu tövsiyə etməzdim.

💡 Nəticə

Tirzepatid çox effektiv preparatdır.
Amma effektivlik qədər düzgün istifadə də vacibdir.

Qiymətə görə manipulyasiya etmək olar?
Bəli — amma nəzarətsiz və məlumatlandırmadan yox.

Tibbdə “lifehack” anlayışı yoxdur.
Var — məsuliyyətli qərar.

14/02/2026

🥗 Haşimoto ilə xəstələr necə qidalanmalıdir?

🍽️ Aç qalmaq çıxış yolu deyil
Haşimoto zamanı sərt pəhrizlər əks effekt verə bilər. Uzun müddət az yemək hormon balansını daha da poza bilər. Bunu praktikada tez-tez görürük…

🥩 Zülal mütləq olmalıdır
Hər əsas yeməkdə kifayət qədər zülal olsun. Ət, balıq, yumurta, qatıq. Zülal həm toxluq verir, həm də əzələ kütləsini qoruyur.

🍞 Karbohidratı tam kəsmək düzgün deyil
Tam kəsmək yox, seçmək lazımdır. Ağ çörək, şəkər, şirniyyat azaldılır. Tam taxıllar, tərəvəzlər üstünlük təşkil etməlidir.

🧂 Yodla ehtiyatlı olun
Haşimoto zamanı yüksək doz yod vəziyyəti pisləşdirə bilər. “Yod yaxşıdır” prinsipi burada həmişə işləmir. Bu məqam çox vaxt unudulur.

🥜 Selen və D vitamini önəmlidir
Selen (məsələn, Braziliya qozu), D vitamini və omeqa-3 immun balans üçün faydalı ola bilər. Amma kor-koranə əlavələr də düzgün deyil.

🚰 Su və duz balansı
Yetərli su, normada duz. Şişkinlik və halsızlıq bəzən sadəcə balanssızlıqdan olur.

🧠 Əsas prinsip
Haşimoto “möcüzə pəhrizi” deyil, davamlılıq tələb edir. Qidalanma fərdi olmalıdır, başqasına işləyən model sizə uyğun gəlməyə bilər.

📌 Nəticə:
Düzgün qidalanma müalicəni əvəz etmir, amma onun təsirini gücləndirir.

13/02/2026

Əziz həmkarlar və pasiyentlər 👋
Son dövrlər ölkəmizdə tirzepatid tərkibli Xeronax preparatı geniş istifadə olunmağa başlayıb. Qiymət baxımından daha əlçatan olduğu üçün bir çox həkim və pasiyent ona üstünlük verir.

Amma burada çox vacib bir məqam var ❗️

Orijinal tirzepatid preparatlarında (məsələn, Mounjaro və s.) iynə uzunluğu adətən 4 mm olur. Bu isə standart olaraq preparatın rahat və təhlükəsiz şəkildə dərialtı (subkutan) yeridilməsinə imkan verir.

Xeronax qələmində isə iynə uzunluğu təxminən 12–13 mm-dir.

Bu nə deməkdir?

Əgər inyeksiya 90° bucaq altında edilərsə, preparat təsadüfən əzələdaxili (intramuskulyar) yeridilə bilər. Bu isə:
▫️ sorulma sürətini dəyişə bilər
▫️ gözlənilən effektə təsir göstərə bilər
▫️ yan təsirlərin profilini dəyişə bilər

Tirzepatid yalnız və yalnız dərialtı toxumaya yeridilməlidir 💉

Belə hallarda inyeksiya:
✅ minimum 45° bucaq altında
✅ qarın nahiyəsində, budun ön səthində və ya çiyin arxa-lateral hissəsində
✅ dərialtı qat formalaşdırılaraq (zərif “dəri büküşü” ilə)
yerinə yetirilməlidir.

Bəzən pasiyentlər deyir ki, “həkimim demədi”, “mən insulini necə vururdumsa, bunu da elə etdim”. Amma iynə uzunluğu fərqli olduqda texnika da dəyişməlidir.

Kiçik detal kimi görünə bilər… amma farmakokinetik baxımdan əhəmiyyətlidir.

Əgər artıq istifadə edirsinizsə və effekt gözlədiyiniz kimi deyilsə, inyeksiya texnikasını yenidən qiymətləndirmək faydalı ola bilər.

Sağlam qalın 🤝
Suallarınız varsa, şərhlərdə yaza bilərsiniz.

11/02/2026

Açığı, Haşimoto zobu ilə bağlı paylaşımın bu qədər maraq doğuracağını və oxucularım tərəfindən bu qədər sual gələcəyini gözləmirdim. Ona görə də bu mövzuda paylaşımları davam etdirirəm.

⚖️ Haşimoto ilə niyə arıqlamaq çətindir?

🐢 Metabolizm yavaşıyır
Haşimoto zamanı qalxanabənzər vəzin hormonları azalanda maddələr mübadiləsi də səngiyir. İnsan əvvəlki kimi yeməsə də çəki azalmaq istəmir. Bəzən elə bil yerində sayır…

😴 Daimi yorğunluq mane olur
Enerji az olanda hərəkət də azalır. İdman planı kağız üzərində qalır, gündəlik aktivlik düşür. Bu da çəkiyə birbaşa təsir edir.

💊 Dərman hər şeyi dərhal həll etmir
Levotiroksin vacibdir, amma təkbaşına “arıqladan” dərman deyil. Doza uyğun deyilsə və ya TSH hələ hədəfdə deyilsə, çəki problemi qala bilər.

🍽️ İnsulin müqaviməti də qoşula bilər
Haşimoto olan bir çox xəstədə insulin rezistentliyi müşahidə olunur. Bu da arıqlamağı daha da çətinləşdirir.

🧠 Psixoloji faktorları da unutmayaq
Stress, narahatlıq, özündən narazılıq… bunlar iştahı və hormon balansını pozur. Haşimoto təkcə analiz deyil, bütöv bir vəziyyətdir.

🌱 Çıxış yolu varmı?
Var. Düzgün hormon nəzarəti, uyğun qidalanma, real gözləntilər və səbr. Haşimoto ilə arıqlamaq mümkündür, sadəcə yolu bir az fərqlidir.

07/02/2026

📉📈 TSH niyə dalğalanır?

⏰ Dərmanın qəbulu düzgün deyilsə
Levotiroksin hər gün eyni vaxtda, acqarına qəbul olunmalıdır. Bəzən xırda bir detal — yeməkdən sonra içmək, çay-qəhvə ilə qəbul etmək — TSH-ni ciddi şəkildə dəyişə bilir.

💊 Doza uyğun olmaya bilər
Eyni doza bir müddət sonra bədən üçün az və ya çox ola bilər. Çəki dəyişir, yaş artır, həyat tərzi dəyişir… Və TSH buna reaksiya verir.

🧪 Laboratoriya fərqləri
Fərqli laboratoriyalar, fərqli metodlar. Eyni insan, eyni hormon, amma başqa nəticə. Buna görə analizləri mümkün qədər eyni yerdə vermək daha doğrudur.

😴 Stress və yuxusuzluq
Bəli, təsir edir. Uzunmüddətli stress hipofiz–qalxanabənzər oxunu poza bilər. Xəstə “heç nə dəyişməyib” deyir, amma TSH dəyişir.

🤒 Xəstəliklər və infeksiyalar
Hətta sadə virus infeksiyası belə müvəqqəti TSH dalğalanması verə bilər. Bu zaman tələsmək lazım deyil. Bir az gözləmək bəzən ən doğru qərardır.

🤰 Hamiləlik və hormonal dövrlər
Hamiləlik, doğuş sonrası dövr, menopauza — bunların hamısı TSH-ə təsir edə bilər. Burada sabitlik gözləmək real deyil.

🧠 Əsas fikir
TSH təkcə bir rəqəm deyil. O, bədənin ümumi vəziyyətinin güzgüsüdür. Hər dalğalanma problem demək deyil.

📌 Nəticə:
TSH dəyişirsə, panika yox. Səbəbi tapmaq və düzgün vaxtda qərar vermək lazımdır.

01/02/2026

🦋 Zob Haşimoto nədir?

🛡️ Haşimoto zobu autoimmun mənşəli qalxanabənzər vəzi xəstəliyidir. Yəni immun sistem öz vəzini yad kimi qəbul edir və ona qarşı anticisimlər istehsal edir. Proses adətən səssiz və yavaş gedir. Elə buna görə də çox vaxt gec aşkar olunur…

😴 Əsas problem nədir?
Zamanla qalxanabənzər vəzin hormon istehsalı azalır. Yorğunluq, üşümə, çəki artımı, dəri quruluğu, saç tökülməsi yarana bilər. Amma hamıda eyni cür olmur. Bəzən uzun müddət heç bir əlamət də olmur.

🧪 Diaqnoz necə qoyulur?
TSH-in yüksəlməsi, anti-TPO və ya anti-TG anticisimlərinin artması və USM-də vəzin struktur dəyişiklikləri əsas göstəricilərdir. Vacib nüans: təkcə anticisimlərin yüksək olması dərman demək deyil. Bu çox vaxt səhv başa düşülür.

💊 Müalicə varmı?
Hamıya eyni yanaşma yoxdur. Hormon çatışmazlığı varsa, levotiroksin təyin edilir. Hormonlar normaldırsa, bəzən sadəcə izləmək kifayətdir. Burada tələsmək yox, düzgün vaxtlama önəmlidir.

🌱 Haşimoto ilə yaşamaq mümkündürmü?
Bəli. Düzgün nəzarət və uyğun doza ilə insanlar tam normal həyat yaşayırlar. Təcrübədə bunu illərlə problemsiz aparan xəstələr kifayət qədərdir.

🧠 Əsas mesaj
Analizlərə yox, insana baxmaq lazımdır.
Suallarınız varsa, yazın ✍️

30/01/2026

Ozempic və onun analoqları ətrafında nə qədər mübahisə aparılsa da, nə qədər ziddiyyətli məqalələr yayımlansa da, bu preparatlara maraq yalnız artır. Məhz buna görə mən bu dərmanla bağlı paylaşımlari davam etdirirəm.
🟢 Ozempic istifadə edərkən necə düzgün qidalanmaq olar?

Ozempic iştahanı azaldır, tez doyma yaradır. Bu yaxşıdır. Amma yanlış qidalanma dərmanın yan təsirlərini artıra bilər.

Bir neçə sadə, amma vacib qayda var:

🥗 Kiçik porsiyalar
Bir oturuşda çox yemək ürəkbulanma və ağırlıq hissini artırır. Az-az, amma tez-tez.

🍗 Zülala üstünlük verin
Toyuq, balıq, yumurta, qatıq, kəsmik. Zülal əzələ itkisini azaldır və toxluq hissini uzadır.

🥦 Lifli qidalar
Tərəvəz, göyərti, tam taxıllar. Qəbizliyin qarşısını alır və mədəni rahatladır.

🚫 Yağlı və çox şirin yeməkləri məhdudlaşdırın
Fast-food, qızartmalar, kremli desertlər Ozempic fonunda ürəkbulanmanı xeyli artırır.

💧 Su içməyi unutmayın
Gündə ən azı 1.5–2 litr. Xüsusən iştaha azaldıqda insanlar mayeni də az içirlər.

⏳ Tələsməyin
Yavaş yeyin. Beyin toxluq siqnalını gec alır, tələsəndə artıq yemək olur.

Unutmayın:
Ozempic möcüzə deyil. O, yalnız düzgün həyat tərzi ilə birlikdə real nəticə verir. Dərman sizi dəyişmir. Siz öz vərdişlərinizi dəyişirsiniz.

25/01/2026

Dünən Bakıda keçirilən Azərbaycan Diabet və Metabolik Xəstəlikləri üzrə Konqres öz işini başa çatdırdı. Bu Konqresdə Türkiyə və Özbəkistandan olan aparıcı endokrinoloqlar da iştirak etdilər. Konqres həqiqətən də ən yüksək səviyyədə təşkil olunmuşdu. Və bu uğurda Konqresin təşkilatçılarının böyük zəhməti var. Xüsusilə bu işdə Nərmin xanım İsmayılovanın rolunu ayrıca vurğulamaq istərdim.

23/01/2026

Bu mövzu çox soruşulur. Demək olar ki, hər gün kimsə yazır: “Həkim, mənə Ozempic uyğundur, yoxsa Mounjaro?”
Əslində bu iki dərman eyni məqsədə xidmət edir – iştahanı azaldır, çəkini endirir, şəkəri nəzarətdə saxlayır. Amma onların “xarakteri” bir az fərqlidir.

💉 Ozempic
Beyinə siqnal verir: “Artıq doymusan”.
Mədə daha gec boşalır, insan tez acmır, porsiyalar özü-özünə kiçilir. Çəki tədricən azalır, şəkər stabilləşir.

Amma Ozempic-in bir üstün cəhəti var ki, çox adam bunu bilmir.
Bu dərman şəkərli diabeti olan insanlarda infarkt və insult riskini azaldır. Yəni o, təkcə arıqlatmır, ürəyi də qoruyur ❤️

Ona görə də əgər insanda:
– şəkərli diabet varsa
– artıq çəki və ya piylənmə mövcuddursa
– təzyiq, xolesterin yüksəkdirsə
– ailədə erkən infarkt, insult olubsa, belə hallarda çox vaxt ilk seçim Ozempic olur.
Çünki burada məqsəd təkcə çəki deyil. Burada söhbət sağlam gələcəkdən gedir.

💉 Mounjaro
Bu dərman iki mexanizmlə işləyir.
Həm iştahanı daha güclü kəsir, həm də maddələr mübadiləsinə daha sərt təsir edir. Nəticədə çəki çox vaxt daha sürətlə azalır.

Mounjaro adətən:
– əsas problemi artıq çəki olan
– illərlə arıqlaya bilməyən
– diabeti olmayan və ya erkən mərhələdə olan
insanlarda daha uyğun olur.

Sadə dillə desək:
👉 Ozempic – şəkəri olan, ürək-damar riski daşıyan, həm sağlamlığını, həm çəkisini düzəltmək istəyən insanlar üçündür.
👉 Mounjaro – əsas problemi piylənmə olan, “mənə daha güclü təsir lazımdır” deyən insanlar üçün daha uyğundur.

❗️Amma bir şeyi unutmayaq.
Bu dərmanlar möcüzə deyil. Onlar sükanı sizə verir, amma yolu yenə siz getməlisiniz. Qidalanma dəyişmirsə, həyat tərzi yerində qalırsa, nəticə də müvəqqəti olur.

Dr. Ogtay Huseynov

25/02/2026

21/02/2026

20/02/2026

16/02/2026

14/02/2026

13/02/2026

11/02/2026

07/02/2026

01/02/2026

30/01/2026

25/01/2026

23/01/2026

Address

Opening Hours

Telephone

Website

Alerts

Contact The Practice

Shortcuts

Share

Category

Monday	10:00 - 16:30
Tuesday	09:00 - 16:30
Wednesday	09:00 - 16:30
Thursday	09:00 - 16:30
Friday	09:00 - 16:30
Saturday	09:00 - 13:00