Respublika Pediatriya Mərkəzi

22/07/2025

Əziz media nümayəndələri, 22 İyul - Milli Mətbuat Günü münasibətilə hər birinizi təbrik edirik!

14/07/2025

33 həftəlik hamiləlikdən, cəmi 1600 qram çəkidə və ağır asfiksiyada dünyaya gələn körpə Üzbaşıyeva Şamaxı RMX-da doğulmuş və vəziyyətinin ağırlığı səbəbilə dərhal Respublika Pediatriya Mərkəzinin Ə.Qarayev adına Uşaq Klinik Xəstəxanasının Yenidoğulmuşların Reanimasiya Şöbəsinə təxliyə edilmişdir.

Qəbul zamanı körpədə:
▪️ Morfofunksional yetişməzlik
▪️ Kəskin tənəffüs və ürək-damar çatışmazlığı
▪️ Desaturasiya, bradikardiya, apnoe və bradipnoe epizodları müşahidə olunurdu.

🫁 Körpə intubasiya olunaraq süni tənəffüs cihazına qoşulmuş və dərhal intensiv reanimasion tədbirlərə başlanmışdır. Aparılan kompleks müalicə fonunda, o cümlədən:
🔹 Hemostatik və antibakterial terapiya
🔹 Anemiyanın korreksiyası
🔹 Parenteral və sonradan enteral qidalanma
🔹 Fototerapiya tədbirləri nəticəsində

➡️ Körpənin həyati funksiyaları tədricən stabilləşmiş, çəkisi artmış və ümumi vəziyyətində əhəmiyyətli yaxşılaşma əldə olunmuşdur.

✨ Bu çətin yolun sonunda, körpəmiz sağlam şəkildə evə buraxılmışdır.

🔹 Həyat uğrunda mübarizədə hər bir an dəyərlidir. Uğurlu nəticə, zamanında göstərilən peşəkar tibbi müdaxilə və komanda işinin təcəssümüdür.

11/07/2025

08/07/2025

📺 Respublika Pediatriya Mərkəzində tətbiq edilən “Ağıllı daşıma sistemi” ilə bağlı AZTV-də sujet yayımlanıb

TƏBİB-in tabeliyində fəaliyyət göstərən Respublika Pediatriya Mərkəzində laboratoriya nümunələrinin daşınmasında innovativ yanaşmanı təmin edən “ağıllı daşıma sistemi” tətbiq olunub.

Sistem nümunələrin toplanması, daşınması və təhlili prosesində şəffaflığın, dəqiqliyin və sürətin təmin edilməsinə xidmət edir.

07/07/2025

📅 31.05.2025 tarixində 2024-cü il təvəllüdlü azyaşlı pasient hədsiz ağır vəziyyətdə Respublika Pediatriya Mərkəzinin nəzdində fəaliyyət göstərən Ə.Qarayev adına Uşaq Klinik Xəstəxanasının Reanimasiya şöbəsinə yerləşdirilmişdir.

Pasient daxil olarkən aşağıdakı ağır klinik durumlar müşahidə edilmişdir:
septiki şok, sepsis, poliorqan çatmamazlığı, disseminə olunmuş damardqxili laxtalanma(DDL), ürək-damar və tənəffüs çatışmazlığı, tubulointerstisial nefrit və qıcolma sindromu.

🔸 Qeyd edək ki, bundan öncə bir neçə tibb müəssisəsinə müraciət edilsə də, ağır klinik vəziyyətə görə pasient qəbul olunmamışdır.

🩺 Daxil olan kimi xəstə intubə edilərək süni tənəffüs aparatına (İVL) qoşulmuş və təcili reanimasion tədbirlərə başlanılmışdır.

➡️ 15 gün ərzində davam edən intensiv terapiya və reanimasion müdaxilələr nəticəsində xəstə süni tənəffüs aparatından ayrılmış, kardio-pulmonar stabillik əldə edilmiş və ümumi vəziyyətində müsbət dinamika müşahidə olunmuşdur.

✅ Hazırda pasient yaxşılaşma ilə Pediatriya şöbəsinə köçürülmüşdür, stasionar müalicəsi nəzarət altında davam etdirilir.

01/07/2025

33 həftəlik hamiləlikdə dünyaya gəlmiş əkizlər – oğlan (2200 q) və qız (1800 q) körpələr Respublika Pediatriya Mərkəzi nəzdində Ə.Qarayev adına Uşaq Klinik Xəstəxanasının Yenidoğulmuşların Reanimasiyası şöbəsinə ağır vəziyyətdə qəbul olunublar.

🩺 Diaqnozlar:
– Vaxtından əvvəl doğulmanın digər halları
– Yenidoğulmuşun tənəffüs pozğunluğu sindromu

🧑‍⚕️ Oğlan körpə intubasiya olunmuş halda gətirilmiş, SVA süni tənəffüs dəstəyi ilə ventilyasiya olunurdu.
👧 Qız körpə isə SVA–NIPP rejimində ventilyasiya dəstəyi alırdı.

Həkim kollektivimizin nəzarəti və tibbi müdaxilələr nəticəsində hər iki körpənin vəziyyəti stabilləşib və müsbət dinamika müşahidə olunaraq Yenidoğulmuşların Patologiyası şöbəsinə köçürülüb.

26/06/2025

26 iyun - Silahlı Qüvvələr Günü münasibətilə ordumuzu, vətənin qorunmasında rolu olan hər bir vətandaşımızı təbrik edirik!

Səhərlərimiz aydın səma ilə açıldığı üçün hər birinizə təşəkkür edirik!

26/06/2025

Vətənin müstəqilliyi, suverenliyi uğrunda hər an canını fəda etməyə hazır qəhrəman hərbçilərimiz!

Bayramın mübarək, Azərbaycan əsgəri!

🇦🇿

25/06/2025

Bu gün uzman pediatr Lalə Əlisoy yay aylarında uşaqlarda tez-tez rast gəlinən günvurma təhlükəsi barədə danışır. 🌞

Uşaqlarda günvurma özünü baş ağrısı, halsızlıq, ürəkbulanma, yüksək hərarət, dəri qızarması və bəzən huşun itməsi kimi əlamətlərlə göstərə bilər. Xüsusilə birbaşa günəş altında uzun müddət qalan uşaqlar risk altındadır.

🔍 Daha ətraflı məlumat üçün videomuzu izləyin.🩺

23/06/2025

Uzman pediatr Lalə Əlisoy 2009–2015-ci illərdə Azərbaycan Tibb Universitetində təhsil almış, 2015–2017-ci illərdə 2 saylı Psixiatrik Klinik Xəstəxanada fəaliyyətini davam etdirmişdir. 2017–2022-ci illərdə isə Türkiyədə “SBÜ Eğitim Araştırma Hastanesi”də pediatriya üzrə uzmanlıq təhsili almışdır.

Həkim Lalə Əlisoy sağlam uşaq inkişafı, yenidoğulmuşların təqibi, tənəffüs sistemi xəstəlikləri, mədə-bağırsaq xəstəlikləri, ürək damar xəstəlikləri, allergik xəstəliklər və digər uşaq xəstəliklərinin diaqnostika və müalicəsi ilə məşğul olur.

Təcrübə və biliklərini daim artırmağa çalışan təbibimiz həm Azərbaycanda, həm də Türkiyədə bir çox simpozium və konqreslərdə iştirak etmişdir.

Təbibimiz Lalə Əlisoyun Mərkəzimizdə fəaliyyətə başlamasından məmnunluq duyur, ona gələcək peşə yolunda uğurlar arzulayırıq!

18/06/2025

❓Respublika Pediatriya Mərkəzinin nəzdində olan xəstəxanalarda göstərilən tibbi xidmətlərdən razısınızmı?

Sorğu vətəndaşların məmnunluq səviyyəsinin ölçülməsi məqsədilə keçirilir.

🔗 İştirak etmək üçün bu linkə daxil olun:
https://forms.gle/RRB58T54NGnSEXsh8

📌 Sorğu 19 iyun 2025-ci il tarixinədək davam edəcək.

* Sorğu TƏBİB-in tabeli tibb müəssisələrində tibbi xidmət alan vətəndaşların məmnunluq səviyyəsinin ölçülməsi məqsədilə keçirilir.