Respublika Pediatriya Mərkəzi

20/11/2025

TƏBİB-in dəstəyi ilə Beynəlxalq Vaxtından Əvvəl Doğulmuşlar Gününə həsr olunan elmi konfrans keçirilib

17 noyabr tarixində Respublika Pediatriya Mərkəzinin nəzdində fəaliyyət göstərən Uşaq Bərpa Mərkəzində Beynəlxalq Vaxtından Əvvəl Doğulmuşlar Gününə həsr olunan elmi konfrans keçirilib.

Tədbirin açılışında Mərkəzin direktoru Azər Əhmədov çıxış edərək vaxtından əvvəl doğulmuş körpələrin sağlamlığının qorunması, onlara göstərilən tibbi xidmətin keyfiyyətinin artırılması və erkən reabilitasiya tədbirlərinin əhəmiyyətindən danışıb. O, həmçinin bu sahədə multidisiplinar yanaşmanın və ailələrlə sıx əməkdaşlığın vacibliyini vurğulayıb.

TƏBİB-in Təlim və tədqiqatlar departamentinin rəhbəri Teymur Mirzəbəyli çıxış edərək ölkədə neonatoloji xidmətlərin inkişafı, kadr potensialının gücləndirilməsi, beynəlxalq təcrübənin tətbiqi məqsədilə həyata keçirilən təlim və layihələrdən söz açıb. O, belə tədbirlərin elmi biliklərin paylaşılması baxımından xüsusi əhəmiyyət daşıdığını qeyd edib.

Daha sonra TƏBİB-in Ana və uşaq sağlamlığı şöbəsinin müdiri Sevinc Məmmədova vaxtından əvvəl doğulmuş uşaqlar üçün tətbiq olunan klinik protokollar, erkən müdaxilə xidmətlərinin genişləndirilməsi və risk qrupuna aid körpələrin sistemli izlənməsinin vacibliyi barədə məlumat verib. O, həmçinin sahə üzrə müasir yanaşmaların ölkə səviyyəsində tətbiqi istiqamətində görülən işləri iştirakçılara təqdim edib.

Konfransın bir hissəsi kimi Respublika Pediatriya Mərkəzinin Yenidoğulmuşlar şöbəsində müalicə alaraq sağlam şəkildə evlərinə yola salınan ailələr də tədbirə dəvət olunub. Mərkəz tərəfindən onlara hədiyyələr təqdim olunub və onların təcrübələri iştirakçılarla bölüşülüb.

Tədbirin elmi hissəsində sahə üzrə mütəxəssislər vaxtından əvvəl doğulan körpələrin tibbi idarə olunması, inkişafın izlənməsi, erkən müdaxilə proqramları və reabilitasiya metodları barədə təqdimatlarla çıxış ediblər. Onlar ən son elmi yeniliklər, müasir müalicə və reabilitasiya yanaşmaları, həmçinin beynəlxalq təcrübəyə əsaslanan praktik protokollar haqqında ətraflı məlumat veriblər.

18/11/2025

13/11/2025

12/11/2025

12 noyabr - Azərbaycan Respublikasının Konstitusiya Günüdür.

09/11/2025

Bu gün üçrəngli gözəl bayrağın altında birləşən, onu daima ürəklərdə daşıyan, uğrunda canını fəda edən hər kəsin bayramıdır! 🇦🇿

Daima dalğalan, fərəhləndir və qürurlandır!

Dövlət Bayrağı Gününüz mübarək! 🇦🇿

08/11/2025

Bu gün 44 günlük çətin, amma qürurlu yolun sonunda əldə olunan ZƏFƏRin sevincini qürurla yaşayırıq! 🇦🇿

Ali Baş Komandanımızın siyasəti, Müzəffər Ordumuzun gücü ilə öz doğma torpaqlarımıza əbədi olaraq qayıtdıq!

Bu sevinci bizə yaşadan şəhidlərimizin ruhu qarşısında baş əyirik, qazilərimizə can sağlığı arzu edirik! 🙏🏼

Qarabağ Azərbaycandır! 🇦🇿

🇦🇿🇹🇷

03/11/2025

17.11.2025-ci il tarixində Respublika Pediatriya Mərkəzi Uşaq Bərpa Mərkəzində “Beynəlxalq Vaxtından Əvvəl Doğulmuşlar Günü”nə həsr edilmiş elmi konfrans keçiriləcək.

Konfransda bu sahə üzrə tanınmış mütəxəssislər tərəfindən aktual məlumatlar təqdim olunacaq və iştirakçılarla qarşılıqlı fikir mübadiləsi aparılacaq.

✅ Qeydiyyat ödənişsizdir.

01/11/2025

“Medinex” sərgisində “Koqnitiv pozuntu və depressiya” adlı keys sessiyası baş tutub

TƏBİB-in dəstəyilə “Medinex” sərgisinin işgüzar proqramı çərçivəsində “Koqnitiv pozuntu və depressiya” adlı keys sessiyası keçirilib.

Respublika Pediatriya Mərkəzinin nəzdində olan Uşaq Bərpa Mərkəzinin uşaq və yeniyetmə psixoloqu Dəniz Umarova “Depressiyanın koqnitiv modelləri və psixoterapevtik yanaşma”, Nəfəs Psixonevroloji Mərkəzinin uşaq və yeniyetmə psixiatrı Ceyran Əhmədova isə “Diqqət əskikliyi və hiperaktiv pozuntu (DƏHP) və beyin texnologiyaları: Gələcəyin
müdaxiləsi” mövzusunda təqdimatla çıxış edib.

D.Umarova depressiya və onun əsas simptomlarından, depressiyanın koqnitiv modellərindən söz açıb:

“Koqnitiv davranış terapiyasının əsas prinsipləri düşüncənin emosiya və davranışları formalaşdırması, mənfi avtomatik düşüncələrin psixoloji narahatlığa səbəb olması, düşüncə tərzinin dəyişməsidir.

Terapiya zamanı əsas məqsədlər düşüncə tərzini dəyişərək emosional rifahı artırmaq, şəxsin özünü dərkini və problemlərlə mübarizə bacarığını gücləndirmək, qısamüddətli və məqsədyönlü yanaşma təmin etmək, terapiyadan sonra şəxsin özünüidarəetmə bacarığını inkişaf etdirməkdən ibarətdir”.

C.Əhmədova çıxışında bildirib ki, DƏHP uşaqlarda ən çox rast gəlinən ruhi pozuntulardan biridir:

“Diqqətsizlik (uşaqların diqqətini detallara yönəldə bilməməsi, dərslərində tez-tez səhvlər etməsi və s.), hiperaktivlik (uşağın çox vaxt yerində dayana bilməməsi, əlləri və ayaqlarının daim hərəkətdə olması və s.), impulsivlik (sualın sonunu gözləmədən cavab vermə, növbə gözləməkdə çətinlik çəkmə və s.) hallarında valideynlər diqqətli olmalı, mütəxəssislərə müraciət etməlidirlər”.

C.Əhmədova sözügedən hallarda alternativ müalicə yanaşmalarından, bədən tərbiyəsi və idmandan, pəhriz, qida dəstəyi və vitaminlərlə bağlı da iştirakçıları məlumatlandırıb.

Sonda iştirakçıların sualları cavablandırılıb, fikir mübadiləsi aparılıb.

18/10/2025

DÜNYA DÜŞEN ƏZƏLƏ DİSTROFİYASI MAARİFLƏNDİRMƏ GÜNÜNƏ HƏSR OLUNMUŞ ELMİ KONFRANS KEÇİRİLİB

Respublika Pediatriya Mərkəzinin nəzdində fəaliyyət göstərən Uşaq Nevroloji Xəstəxanasında Dünya Düşen Əzələ Distrofiyası Maarifləndirmə Gününə həsr olunmuş elmi konfrans keçirilib.

Tədbirin məqsədi Düşen Əzələ Distrofiyası xəstəliyi barədə ictimai məlumatlılığı artırmaq, erkən diaqnostika, reabilitasiya və müalicə proseslərində multidissiplinar yanaşmanın vacibliyini vurğulamaq olub.

Konfransı giriş sözü ilə Uşaq Nevroloji Xəstəxanasının baş həkimi İlahə Hacıyeva açaraq, bu xəstəliyin erkən aşkarlanmasının uşaqların həyat keyfiyyətinə və xəstəliyin gedişinə mühüm təsir göstərdiyini qeyd edib.

Tədbirdə həmçinin Respublika Pediatriya Mərkəzinin müalicə işləri üzrə direktor müavini Günel Əhmədova çıxış edərək, belə tədbirlərin xəstəlik barədə ictimai məlumatlılığın artırılmasında və peşəkar mütəxəssislər arasında təcrübə mübadiləsinin güclənməsində mühüm rol oynadığını bildirib.

Daha sonra “Düşen Əzələ Distrofiyasına Qarşı Mübarizə” İctimai Birliyinin rəhbəri Rəsul Məmmədov, Səhiyyə Nazirliyinin Qadın, ana, uşaq və yeniyetmələrin sağlamlığının qorunması sektorunun müdiri Aynurə Zeynalova, TƏBİB-in Təlim və tədqiqatlar departamentinin əməkdaşı Şəbnəm Qurbanova, Tibbi planlama departamentinin Monitorinq şöbəsinin baş məsləhətçisi Nərgiz Allahverdiyeva və Pasiyent Təşkilatları İttifaqının sədri Ayaz Hüseynov çıxış ediblər.

Konfransın elmi hissəsində Türkiyədən dəvət olunmuş professor Haluk Aydın Topaloğlu ilə yanaşı, tibb üzrə fəlsəfə doktoru Mədinə Tağıyeva, mütəxəssis genetik Ağarza Ağayev, uşaq endokrinoloqu Nabat Ağayeva, uşaq kardioloqu Bəhruz Əliyev, travmatoloq-ortoped Vüsal İsmayılov və fizioterapist İlayda Altay çıxış ediblər.

Tədbir iştirakçılarının sualları cavablandırılıb, geniş müzakirələr aparılıb və gələcək əməkdaşlıq imkanları nəzərdən keçirilib.

18/10/2025

Bu gün Azərbaycanın dövlət müstəqilliyinin bərpa etməsindən 34 il ötür! 🇦🇿

Artıq biz bu qızıl hərflərlə yazılmış tarixi həm də ərazi bütövlüyümüzü tam bərpa etmiş bir xalq kimi qeyd edirik.

Müstəqilliyin, uğurların daimi olsun, Azərbaycan! 🇦🇿

🇦🇿

13/10/2025

📅 33-cü hestasiya həftəsində, 1640 qram çəkidə doğulan körpə doğulduğu andan ağır vəziyyətdə olub. 26 gün Lənkəran Perinatal Mərkəzdə müalicə alsa da, multidisiplinar yanaşmaya ehtiyac olduğu üçün Respublika Pediatriya Mərkəzinin tabeliyində olan Ə.Qarayev adına Uşaq Klinik Xəstəxanasının Yenidoğulmuşların Reanimasiyası şöbəsinə köçürülüb.

🩺 Qəbul edilən zaman poliorqan çatışmazlığı səbəbindən xəstənin vəziyyəti hədsiz ağır qiymətləndirilib. Körpə dərhal küvezə yerləşdirilərək süni tənəffüs cihazına bağlanıb.

Aparılan adekvat müalicələrdən sonra körpənin vital funksiyalarında tədricən stabilləşmə izlənib. Və xəstə yaxşılaşmayla evə yazılıb.