30/11/2024
Postpartum (Doğuş sonrası) depressiya qadının doğuşdan sonrakı ilk bir neçə həftə və ya ay ərzində yaşadığı kədər, narahatlıq və ümidsizlik kimi simptomları əhatə edir. Bu simptomlar ,əsasən, doğuşdan sonrakı hormon dəyişiklikləri, yuxusuzluq, stress və yeni valideynlik öhdəlikləri kimi amillərdən qaynaqlanır.
Postpartum depressiyanın simptomlarır:
1. Heç nədən zövq ala bilməmək: Ana normal olaraq həzz aldığı fəaliyyətlərdən zövq almır və ya marağını itirir. Dostlar və ya ailə üzvləri ilə ünsiyyət qurmaq istəyi azala bilir.
2. Davamlı kədərli hiss etmək, kövrəklik: Doğuşdan sonra ana hər zaman kədərli, ümidsiz hiss edə bilər. Bu hisslər çox vaxt uzun müddət davam edir.
3. Yuxusuzluq və ya həddindən artıq yuxu: Doğuşdan sonra depressiya yaşayan qadınlar tez-tez yuxu problemi yaşayırlar.
4. Təşviş və narahatlıq: Generalizə olunmuş təşviş, narahatlıq və ya daxili gərginlik hissləri yaşana bilər. Gələcəklə bağlı bədbin fikirlərə sahib ola bilər.
5. Diqqət, yaddaş problemləri: Doğuşdan sonrakı depressiyaya məruz qalan qadınlar tez-tez konsentrasiya qabiliyyətinin azalması, yaddaş problemləri ilə üzləşirlər.
6. İştah dəyişiklikləri: Doğuşdan sonrakı depressiyaya məruz qalan qadınlar tez-tez iştahlarında dəyişikliklər yaşayırlar.
7. Həddindən artıq narahatlıq və ya qorxu: Ana özü və ya körpəsi ilə bağlı həddindən artıq narahatlıq və ya qorxu yaşaya bilər. Bu narahatlıqlar bəzən qeyri-real ola, daima kabuslar və ya ən p*s vəziyyət ssenariləri haqqında düşüncələr formalaşa bilər.
8. Həddindən artıq yorğunluq və enerji itkisi: Normal doğuşdan sonrakı yorğunluq depressiya ilə əlaqəli həddindən artıq yorğunluqdan fərqlidir. Ana özünü daim yorğun hiss edir, bu da gündəlik işləri belə çətinləşdirir.
Bu simptomlar hər bir qadında fərqli ola bilər, daha yüngül və ya daha şiddətli simptomlar yaşana bilər. Doğuş sonrası bir qadın bu simptomları yaşayırsa və öhdəsindən gəlməkdə çətinlik çəkirsə, mütəxəssisə müraciət etmək vacibdir.
______________________________________________co
Seanslara qeydiyyat üçün :
📲 (+994) 51 500 18 28
