Uzman Dr. Elmar Mammadov

24/09/2020

Kanala abunə olmagi unutmayin.

24.09.2020

01/11/2019

56 yaşlı, 30 il sigaret çəkən kişi xəstəyə " Sol ağciyərin aşağı payının yenitörəməsi ( Skuamoz Cell CA ) " səbəbi ilə aparılan
" ( ) sol aşağı "
əməliyyatın videosunu paylaşıram. Əməliyyatdan sonraki dövr ağrısız olmuşdur və bərpa dönəmi qışalmışdır. Xəstə əməliyyatdan 5 gün sonra evə yazıldı.

https://youtu.be/wJTLIkBVgHY

Vats lobectomy, 3 port technique.

09/07/2019

Torakoskopik Tək Port Pnevmotoraks Cərrahiyyəsi

Əvvəllər bu cərrahiyə torakotomiya kəsiyi ilə icra edilirdi, indi isə sadəcə plevral drenaj kəsiyindən icrası mümkündür. Videonun sonunda paylaşılan şəkildə, xəstə sadecə iki tərəfli plevral drenaj taxılmış kimi görünür. Belə əməliyyatlar sonrası xəstənin bərpa dönəmi çox qısa və ağrısız olur.

Xəstə bizə sol tərəfli döş qəfəsi ağrısıyla müraciyyət etmişdir. Ağciyər rentgenində sol tərəfli total pnevmotoraks izləndi. Xəstəyə plevral drenaj qoyuldu və bir gün sonra toraks kt çəkildi. Toraks KT`də hər iki ağciyər apikalında bullalar görüldü. Dren qoyulduğu 3-cü günündə massiv hava qaçağının davam etməsi və döş qəfəsi kt`sində bullaların izlənməsi səbəbiylə xəstəyə videotorakoskopik bullektomiya əməliyyatı məsləhət edildi. Tek portdan (dren taxılan portdan) icra edilən əməliyyatdan 4 saat sonra çəkilən ağciyər grafiyasında hər iki ağciyər tam açılmış görüldü. Postoperativ birinci gündə xəstənin sağ tərəfli (qarşı tərəf) döş qəfəsi ağrıları başladı. Çəkilən ağciyər rentgenində sağ tərəfli pnevmotoraks görüldü və xəstəyə bir gün sonra sağ tərəfli torakoskopik tek portlu bullektomiya icra edildi. Xəstə ikinci əməliyyatdan 4 gün sonra tam ağrısız sağalma ilə evə yazıldı.

https://youtu.be/zNRXSwrzYik

27/04/2019

Bəzən xoşxassəli xəstəliklərin əməliyyatları bədxassəli xəstəliklərin əməliyyatlarından daha çətin olur. Məsələn, döş qəfəsi cərrahiyyəsində uzun illər olan bir bronxektaziyanın cərrahiyyəsi hətta mərkəzi ağciyər törəmələrdən çətin ola bilər. Belə əməliyyatlar zamanı cərrah ``bu xoşxəssəlidir, əməliyyatı böyütmək olmaz (məsələn lobektomiyadan pnevmonektomiyaya keçmək) `` yükünün altında olur. Aşağıda videosunu paylaşdığımız genc xəstənin 6-7 il təngnəfəslik və bəlğəmli öskürək şikayətləri olub. Toraks KT-də sol ağciyərin alt payının tamamən bronxektatik olduğu və həcminin ciddi azaldığı görüldü. Bu durumlarda arter-ven-bronx paketinin bir birininə çox yaxın və çox ciddi yapışıq olması səbəbiylə nəinki endoskopik hətta açıq əməliyyat belə çətin icra olunabilir. Bu xəstəyə VATS sol alt lobektomiya icra edildi. Xəstə postop 3-cü gündə heç bir şikayəti olmadan evə yazıldı. Bəzi ağır endoskopik əməliyyatlardan sonra ``bu iş görülməz, çox əziyyətlidir, açıq icra olunsun`` fikirləri cərrahın ağlına gəlir. Amma xəstədə postoperativ dövrdə heç ağrının olmamasını və çox tez aktiv həyata dönməsini gördükdən sonra endoskopik cərrahiyyənin nə qədər əhəmiyyətli olduğuna bir daha əmin oluruq.

https://youtu.be/v5XKsQzR5bA

Another young patient with Bronchiectasis. 3 port technique.

18/02/2019

Ciddi tənginəfəslikdən əziyyət çəkən 67 yaşında kişi xəstə klinikamıza müraciət etmişdir. Xəstəni hətta bir neçə addım atdıqda belə çox ciddi tənginəfəs olduğunu müşahidə etdik.
Aparılan müayinələrdə sağ atriumu (ürəyin sağ tərəfini) ciddi kompresiya edən perikardial maye aşkarlanmışdır. 3 ay əvvəl xəstəyə perikardial effuziya səbəbi ilə perikardial kateter taxılmışdır. Perikardial mayenin təkrar yığılması və kontrastlı toraks ktdə perikardın kontrast tutması səbəbiylə ön plana malign perikardial maye diaqnozu düşünülmüşdür.
Xəstəyə torakoskopik(endoskopik) perikardial fenestrasiya (perikardial pəncərə açılması) və biopsiya olunmasını təyin etdik. Əməliyyat əsnasında olarkən belə, perikardial maye boşaldıldıqdan sonra xəstənin ümümi vəziyyəti dramatik olaraq düzəldi (arterial təziq inotrop dəstəyində 60-70 mmHg`dən - inotropsuz 130-140 mmHg`-yə yüksəldi). Xəstə 3 gün sonra ağrısız vəziyyətdə evə yazıldı.

https://youtu.be/B05kLPV5-rg

Pericardial window for pericardial effusion

27/11/2018

Uzun illərdi tez-tez xəstələnmə və bəlğəmli öskürəkdən əziyyət çəkən 44 yaşlı qadın xəstə klinikamıza müraciət etmişdir. Radioloji müayinələrin nəticəsinə əsasən xəstədə sol ağciyərin alt payının bronxoektaziyası (ağciyər bronxların geri-dönüşümsüz genişlənməsi) diaqnozu qoyulmuş və cərrahi əməliyyatın aparılması qərara alınmışdır. Xəstəyə sol ağciyər alt payının videotorakoskopik (VATS) lobektomiyası (endoskopik yolla ağciyərin bir payının çıxarılması) icra olunmuşdur. Videotorakoskopik əməliyyatlar sonrası xəstə 6 saat sonra gəzdirilmiş və 3 gün sonra tam ağrısız evə yazılmışdır. Əsasən açıq lobektomiyalardan sonra xəstənin evə yazılması ortalama 5-7 gündən sonra icra olunur və ağrılı bərpa dönəmi təxmini 1 ay davam edir.

https://youtu.be/_rFHqCH4stM

Left lower VATS Lobectomy for Bronchiectasis. 3 port technique.

24/11/2018

#
Uşaq yaşlarından əllərdə və qoltuqaltı nahiyyələrdə həddindən artıq tərləmədən əziyyət çəkən, bu səbəbdən ciddi psixoloji sıxıntılar yaşayan 20 yaşlı oğlan “Torakoskopik simpatikotomiya” əməliyyatı ilə hiperhidrozdan (artıq dərəcədə tər ifrazı ilə xarakterizə olunan xəstəlik) birdəfəlik qurtulub. Pasiyent bu zamana kimi digər tibb mərkəzlərinə müraciət etsə də, edilən müalicələr effektsiz və müvəqqəti olub. . Xəstəyə kompleks müayinə (o cümlədən, endokrinoloji və nevroloji) edilib, bu müayinələrin nəticəsində patologiya aşkarlanmayıb və xəstəyə “İdiopatik hiperhidroz” diaqnozu təyin edilib və elektiv əməliyyata qərara verilib.
“Hiperhidroz” diaqnozu əksər hallarda əlavə müayinələrə ehtiyac duyulmadan xəstənin şikayətləri əsasında təyin olunur. Əsasən 18-25 yaşda olan müraciət edən insanlar əl, qoltuqaltı və ayaq tərləmələrinin uşaq yaşlarından başladığını və sonrakı dövrlərdə davam etdiyini bildirirlər. Daimi nəm olan qoltuqaltı nahiyələri və əllər insanlarda sosial həyatında və karyera seçimində böyük problemlər yaradır. Tərləmə tam sakit bir zamanda ortaya çıxa bildiyi kimi, stresli vəziyyətlərdə daha şiddətli olur.
Hiperhidrozun çoxlu əməliyyatsız müalicə növləri mövcuddur. Amma bu prosedurların bahalı olması, tam nəticə alınmaması, effektin sadəcə 6-9 ay sürməsi, əl-barmaq uclarında hissiyyatın azalması və böyük barmağın funksiyasının pozulması kimi neqativ təsir göstərəbiləcəyi üçün hiperhidrozun əsas müalicəsi cərrahi müdaxilə sayılır.
Bu estetik əməliyyatın bir üstünlüyü də odur ki, hər yaş qrupunda olan insanlara tətbiq oluna bilər və heç bir əks-göstərişi yoxdur. Ümumi anesteziya altında aparılır, demək olar ki, ağrısızdır. 30 dəqiqəlik əməliyyatdır. Əməliyyat olunan gün xəstənin evə yazılması da bu əməliyyatın digər üstünlüyüdür.
“Torakoskopik simpatikotomiya” əməliyyatının digər müalicə növlərindən fərqi: 100% effektivdir, maddi xərcləri qat-qat azdır, insan həyatı boyunca həddindən artıq tərləmədən birdəfəlik xilas olur, xəstəlik təkrarlanmır, prosedurun təkrarlanmasına ehtiyac duyulmur.

23/11/2018

10/12/2017

Bir xəstə videosunu paylaşmaq istəyirəm. 50 yaşında kişi xəstə. Təxmini bir neçə ay əvvəl akut im ( miokard infarktı) səbəbiylə coronar stent taxılıb. Təqiblərdə ön divar aralığında getdikcə böyüyən törəmə görüldü. Xəstəyə cərrahiyə qərarı verildi. Xəstənin atım fraksiyası keçirdiyi im ilə əlaqəli olaraq aşağıydır və xəstə antikoagulant qəbul edirdi. Bu faktorlar da əməliyyat riskini artırmışdır. Riskləri azaltmaq üçün əməliyyatın torakoskopik edilməsinə qərar verildi. Bu xəstənin diaqnozunun vaxtında qoyulması, əməliyyat önü hazırlığı və əməliyyat sonrası təqibləri üçün kardioloq Dr. Elnur İsayev`ə dərin minnətdarlığımı bildirirəm.

Xəstənin patologiya raporu timoma olaraq bildirilib. Kapsula invaziyası izlənmədiyi üçün xəstəyə kemoradioterapiyaya ehtiyac olmadığı bildirildi.
https://youtu.be/1zdcu6EKuZU

Uniportal VATS Thymoma resection (left side)

12/11/2017

Salam əziz dostlar.
Sizinlə bu gün bir əməliyyat daha paylaşmaq istəyirəm.
Ümumiyyətlə, demək olarki bütün cərrahiyyələrdə orqan qoruyucu və ya parsial rezeksiyalar tam orqan çıxardılmasından daha çətin olur. Həmçinin döş qəfəsi cərrahiyyəsində də lobektomiyaların(ağ ciyərin bir hissəsinin çıxardılması) texniki icrası pnevmonektomiyalardan (bütün ağciyərin çıxardılması) daha çətin sayılır. Mənim fikrimcə də ən çətin lobektomiya da sol üst lobektomiyadır.
Xəstə 45 yaşında, kişi. Sol ağciyər üst payında PET/CT`də suv tutulumu 12 olan və təqiblərdə böyüyən bir törəmə ilə müraciət edib. Başqa orqanlarda və ya limfa düyünlərində metastaz izlənmədi. Xəstəyə videotorakoskopik sol üst lobektomiya və limfa disseksiya icra edildi. Patologiya cavabı - orta differensasiyalı adenokarsinoma, stadiyası T1bN0M0. Onkoloqlar tərəfindən kimya və ya radioterapiya ehtiyac olmadığı bildirildi. 1-ci, 3-cü və 6-cı ay kontrol tomoqrafiyalarında metastaz izlənmədi.
https://youtu.be/-_FWonxsR_U

Video-assisted Thoracoscopic Left Upper Lobectomy in patient with lung cancer. 3 port technique. Clinical stage: T1bN0M0

05/11/2017

Sizinlə ağciyər exinokokk kistası olan bir xəstəni paylaşmaq istəyirəm.
Ağciyər exinokokk kistalarının başqa orqan (məsələn qaraciyər) kistalarından fərqli olaraq tam cıxarılması (xitin təbəqəni zədələmən) məsləhət edilmir. Yayınlarda ən təcrübəli cərrahlarda belə kistanın ``boşaltmadan`` çıxarmasında 10% partlayıb dağılma ehtimalı olduğu bildirilir.
Exinokokk kistalarının torakoskopik icrası da çox məsləhət edilmir. Bunun bir neçə səbəbi var:
1. Kistanın boşaldılması zamanı ətraf ağciyər toxmasını yaxşı gorumaq mümkün olmur.
2. Ən əsas səbəb də bronxial fistulaların torakoskopik yolla tapılıb bağlanması və kista boşluğunun kapitonaj edilməsi demək olar ki imkansız olur. (Bronxial fistula tapılması üçün kist hidatik boşluğuna su doldurulur və ağciyər şişirdilir. Torakoskopiya əsnasında şişmiş ağciyər kamera görünüşünü örtür və broxial fistula təsbiti və təmiri demək olar ki imkansız hala gəlir.) Bronxial fistulanın acıq saxlanması da necə ciddi fəsadlara gətirdiyini torakal cərrahlar çox yaxşı bilir.
Amma çox nadir hallarda exinokokk kistası böyük olmayıb, pereferik yerləşir. Bu kistaların torakoskopik üsulla icrası mümkün olur. Bu xəstələrdə kista ətraf ağciyər toxması ilə birlikdə çıxardılır.
Paylaştığım videoda sağ ağciyər exinokokk kistası olan 25 yaşında qadın xəstədir. Pereferik exinokokk kistasına wedge rezeksiya icra edilir. Kista torbaya qoyuldu, torbanın ağzı bir portdan çölə cıxarıldı. Torbanın içinə 20% NaCl töküldükdən sonra kista aspirasiya edildi. Xəstənin postop 2ci gündə drenajı çəkildi və xəstə evə yazıldı.
https://youtu.be/MIl6Q1ahFLI

Hydatid cyst (Echinococcosis Cyst)

30/10/2017

İkinci xəstə 60 yaşında qadın. Hər iki döş qəfəsi boşluğunu dolduran və ağciyər həcminin təxmini 70% tutan liposakoma. Törəmənin çəkisi 6.5 kg. İki tərəfli torakotomiya ilə cıxarıldı.Bu xəstənin 3 il təqiblərində nüks vəya metastaz yoxdur.
https://youtu.be/S8cuw1bVACI

30/10/2017

İki liposarkoma xəstəsini sizinlə paylaşmaq istəyərdim. Bu xəstə 43 yaşında, diş həkimidir. Azərbaycanda və xaricdə cox saylı mərkəzlərə müraciyyət edib, və demək olarki hamsında xəstəyə ön diaqnoz olaraq teratoma deyilib. Radioloq Dr. Pərviz Kuliyev konsultasiya edilmişdi və Pərviz doktor bunun ``israrla`` bu teratoma deyil, liposarkomadır olduğunu demişdir. Bu səbəblə xəstəyə iki tərəfli torakotomiya qərarı verilmişdir. Mart ayında xəstənin 5 il kontrol vaxtıdır. 4.5 il təqibdə xəstədə nüks vəya metastaz izlənmədi. Ayrıca olaraq bildirmək istəyirəm xəstə cox pozitiv və müsbət auraya sahibdir. Hər xəstəxanaya gəlişi on günün cox müsbət emosyalarla geçməsi deməkdir. https://youtu.be/lfYLu8kVIfo

19/10/2017

Azərbaycanda ilk torakoskopik pnevmonektomiya.
Xəstə 23 yaşında qadın sol alt pay bronxektaziya xəstəliyi səbəbiylə 2 il müalicə alıb. Bizə müraciət elədiyində artiq xəstəliyin sol üst paya yayildiği görüldü. Xəsdəyə sol torakoskopik pnevmonektomiya əməliyyatı icra edildi.
Xəsdə 4 gün sonra evə yazildi. Əməliyyatın 15ci günündə işə başladı.
https://youtu.be/LpFXmUkfvB8

Video-assisted thoracoscopic left pneumonectomy for Bronchiectasis

18/10/2017