What are the opening hours?

Monday 10:00 - 18:30 Tuesday 10:00 - 18:30 Wednesday 10:00 - 18:30 Thursday 10:00 - 18:30 Friday 10:00 - 18:30

https://www.facebook.com/463616627102270/

Psixoloq Tahir Akqubayev, Baku (2025)

04/12/2024

Həzz dopaminlə əlaqəlidir. Dopamin beyində ifraz olunan neyrotransmitterdir. Qısamüddətli, dərin duyğular yaradır və asılılıq riskini artırır. Yəni insan həzz aldığı şeyi daha çox istəyir. Qəribəsi odur ki, istədikcə də həzz azalır. Həzz aldığı yeməyi gün ərzində bir neçə dəfə yeyəndə eyni dadı almadığı kimi. Çünki dopamin arzulananı əldə edənə qədər dayanmadan ifraz olunur, əldə edəndən sonra dayanır. Daha çox əldə etməyə çalışmaqla isə həzz artmır.
Xoşbəxtlik isə serotoninlə əlaqəlidir. Serotonin həm neyrotransmitter, həm də hormon funksiyasını yerinə yetirir. Beyin və bağırsaqlarda ifraz olunur. Uzunmüddətlidir və asılılıq yaratmır. Daxili razılıq və rahatlıqla əlaqəlidir.
Dr. Robert Lustig isə həzz və xoşbəxtliyi belə fərqləndirir:
“Həzzin ömrü az, xoşbəxtliyin isə daha çoxdur.
Həzz daha çox fizioloji, xoşbəxtlik isə mənəvidir.
Həzzi maddi yollarla əldə etmək mümkündür, xoşbəxtliyi isə yox.
Həzz dopamindir, xoşbəxtlik isə serotonin.
Serotonini azaldan bircə şey var ki, bu da dopamindir.
Çox həzz axtarmaq, xoşbəxtlikdən məhrum olmaqdır.”
Müasir dövrdə dopamin yönümlü həzz daha çox təbliğ olunur.
İşlənmiş (emal olunmuş) qidalar, şəkər, sosial media da həzzə meyilliliyi artırır.
Dopamin yönümlü həzləri, serotonin yönümlü həzlərlə əvəzləmək daha məqsədə uyğundur. Sağlam qidalanma, idman, düzgün yuxu rejimi, sağlam sosial münasibətlər qurmaq serotonin ifrazını artırır.
Məqsədi həzz olan insanı nə xoşbəxt edə bilər?
Psixoloq .akqubayev

26/10/2024

Dünya;
İçimizdə necədirsə;
Kənarda da o cür olur…
Birini dəyişmək mümküdür;
Digərini isə qeyri-mümkün…
Dəyişən və dəyişməyəni ayırmaq ilk addımdır…
Sonrakı məsələ dəyişə bildiklərimizlə nə edəcəyimizdir.
Həyatımızda və ya sərhəddimizdə nəyi, necə, harada yerləşdirməkdir.
Bunu da seçməyin də iki yolu var;
1.öz fikrinə və reallığa görə,
2.başqalarına və cəmiyyətə görə.
Birincini, yəni özünəxas yanaşmanı seçmək cəsarət istəyir.
İkincini, başqalarınınkını seçmək isə asan gəlir.
İstənilən seçimin də təbii bir nəticəsi var ki;
Bunun adına yaşamaq, ömür və ya həyat deyirik…
Seçimlər fərqli olduğuna görə;
Nəticələr də həmişə fərqlidir…
Fərqlilik oxşarlıqlara da mane deyil…
Və hər kəs öz seçiminə görə yaşayır həyatı;
Və hərənin həyatı özünəməxsus olur…
Həm də həmişə…
P.S.
Həyatındakı özünəməxsusluqları nə qədər kəşf etmisən?
Nələrin sənin seçimin olduğunun nə qədər fərqindəsən?
Sənin olmadığını fikirləşdiyin seçimlərini nə qədər sorğulamısan?
Psixoloq .akqubayev

03/04/2024

Nəfəs almaq
Qarşılaşdığı maneələri aşmaqda çətinlik çəkən bir nəfər dostlarının məsləhətilə bir müdriyin yanına yollanır. Ondan soruşur;
“Qarşılaşdığım maneələri aşmaq mənə çətindir. Nə edə bilərəm?”
Müdrik onu həyətə açılan pəncərənin yanına aparır. Həmin vaxt bir kəpənək pəncərədən çölə çıxmaq üçün çırpınırmış. Ancaq çıxa bilmirmiş. Müdrik kəpənəyin çölə çıxması üçün pəncərəninin birini açır. Kəpənək isə hələ də öz yerində çırpınmağa davam edir. Müdrik həmin şəxsə deyir:
“Şüşənin şəffaflığı kəpənəyi çaşdırır. O, şəffaf olmaqla qapalı olmağı qarışdırır. Əslində bir az geri çəkilib baxsa, digər pəncərənin açıq olduğunu görər. “Böyük şəkli” (tam) görmədən təkcə bir nöqtəyə yönəlmək onu çölə çıxmağa qoymur.”
P.S. Bəzən həyat ilk baxışda çətin görünən problemlər gətirir. Həmin problemlərin həlli üçün isə bəzən dayanmaq, nəfəs almaq və yenidən yola davam etmək lazımdır…akqubayev

13/01/2024

Asılılıqların psixoloji səbəbləri
İfadə edilməyən, dilə gətirilməyən emosiyalar basdırılır. Bu da psixikadakı enerji balansını pozur. Nəticədə fiziki bədənin “həyatda qalması” üçün asılılıqlar yaranır.
Asılılıqların yaranma səbəbi ailədə ananın mühafizəkar rəftarı və atanın emosional “yoxluğu” ilə əlaqələndirilir. Nəticədə uşaq təbii ehtiyacı olan şərtsiz sevgidən məhrum qalır. Bütün asılılıqların məqsədi daxildəki emosiyalarla təmasdan qaçmaqdır. Mövcudluğu qəbul etməməyin gətirdiyi boşluq, sevgisizlik, tənhalıq da psixikada dərin sarsıntı yaradır. Sarsıntıdan qaçmaq üçün insan asılılıqlara müraciət edir. Bu da sarsıntını daha da artırır. Bəzi asılılıqların səbəbləri:
Kokain: Ataya deyə bilmədiklərini və ona olan nifrətin ifadəsini asanlaşdırır. İtirilən saflıq və rəğbəti yenidən qazanmaq illuziyası yaradır.
Marixuana: Kimlik qarışıqlığını basdırmaq, özündən qaçış, dünyadakı məqsədindən bixəbər olmaqla əlaqəlidir.
Alkoqol: İncimək və bunu yenidən yaşamaq qorxusu, fiziki və emosional məsuliyyətlərdən qaçmaqdır.
Siqaret: Tənhalıqdan əziyyət çəkən ananın daxili böhranları ilə əlaqələndirilir. Ana ilə ünsiyyət azlığı, ailədə ifrat mühafizəkarlıq, müstəqil olmağa imkan verməmək və süddən tracmalı kəsmək də bu asılılığa gətirib çıxarır.
Qida və ya yemək: Sevgi aclığını qida ilə kompensasiya etməkdir. Keçmiş və ya tamamlanmamış təcrübələrin öhdəsindən gəlmək üçün insan daha çox yeməyə meyil edir və köklük yaranır.
Seks: Emosional boşluq və qaçış, sevgi aclığı, bədəndə “ilişib” qalmaq.
Şokolad: Atanın sevgi və nəvazişinə ehtiyacla əlaqəlidir. Atanın emosional yoxluğu insanda sevgi azlığı və dəyərsizlik kimi özünü göstərir.
Şəkər: Sevgi, həyat eşqini kompensasiya etmək üçün həyatı şirinləşdirmək cəhdidir. Süni adrenalin kimidir.
İş: Natamamlıq və qorxudan qaçışdır. Həyatın aktiv olduğunu və başqalarının dəyər verdiyini özünə sübut cəhdidir.
İdman: Özünü qəbul etməkdə çətinlik çəkməkdir. Daxildəki boşluğu bədəni böyütməklə doldurmağa çalışmaqdır.
Bu və oxşar asılılıqlardan əziyyət çəkənlər hekayənin əvvəlinə getməli və dərindəki yaralarla üzləşsələr yaxşıdır.akqubayev

08/01/2024

Mənim dünyam

Zehin hadisələri rasionallaşdırmaq, məntiq “donu” geyindirmək istəyir. Buna görə də emosiyaların əsl səbəblərini görməyimizə mane olur və bunun üçün də psixoloji müdafiə mexanizmləri yaradır:
“Məni əsəbiləşdirdi.” “Xətrimə dəydi.” “Dünya mənə dar gəlir.”
Bu və oxşar ifadələr zehnin özünü müdafiə üsullarından bəziləridir.
Reallıq isə budur ki, basdırılmış emosiyalar partlamağa hazır vulkan kimi gözləyirlər. Kənarda baş verən hadisələri də partlamaq üçün “fürsət” kimi istifadə edirlər. Nəticədə yuxarıdakı ifadələr yaranır və səbəb kənarda axtarılır. Çox vaxt günahlandırmalar bunu təqib edir.
Maraqlı bir məqam da var ki, insan basdırdığı emosiyaya uyğun yaşayır və bədən də onu yaşadır. Çünki bədənin işləmə prinsipi belədir: “basdırılmış emosiya sahibim üçün lazımlı və vacibdir.” Nəticədə ən çox bədəndə saxlanılan (basdırılan) emosiya (qorxu, sevinc və s.) nədirsə, insan həyatında onları yaşayır. Həyat da o emosiyanı yaşayacaq hadisələri qarşısına çıxarır. Ta ki, bütün bunları dərk edənə və fərqinə varana qədər. Fərqinə varanda anlayırıq ki, xarici dünya reallığımız; daxildəki dünya isə həqiqətimizdir.
Və bunları anlamaq cəhdinə yaşamaq;
Anladığımız qədərinə də həyat deyirik…akqubayev

02/01/2024

Valideynlərə “qıcıq” olmaq

Valideynlər bizim daxili dünyamızı təmsil edirlər. Onlar daxili dünyamızın əksləridir.
Valideynlərdə bizi narahat edən şeylər, əslində daxildə (özümüzdə) xoşumuza gəlməyən tərəflərdir.
Həmin qəbul etmədiyimiz tərəflərimizdə isə öyrənməli olduğumuz dərslər gizlənir. Və biz bu dərsləri öyrənənə qədər həmin dərslər fərqli şəkillərdə təkrarlanır. Daha çox ən yaxın münasibətlərdə qarşımıza çıxır.
Özümüzü və valideynlərimizi qəbul etmək üçün əvvəlcə, inkar etdiyimiz tərəfləri görməliyik. Sonra onlarla üzləşməli və öyrənməli olduğumuz dərsi götürməliyik ki, böyüyək. Çünki valideynlərlə barışmaq özümüzlə barışmaqdır. Onları qəbul etmək isə köklərimizi qəbul etməkdir. Və orqanizm ancaq köklərindən qidalananda böyüyür.akqubayev

14/10/2023

Duyğular bizə nə deyir?
Duyğular gerçəkliyin əks etdirilməsi prosesində insanda yaranan hissi hallardır.
Duyğular vəziyyətin, situasiyanın həmin andakı mənasından xəbər verir. Buna görə də eyni hadisə onu yaşayan hər insana fərqli təsir edir. Çünki hadisəni mənalandırma şəkli hərənin özünəxasdır.
Üç cür duyğu var.
1. Əsas duyğular (qorxu, qəzəb, kədər, diksinmək, utanmaq, şövq, təəccüb). Bunlar adekvat reaksiyalarla həyatı anlamağımıza kömək edir.
2. Köməkçi duyğular. Çox vaxt əsas duyğularla qarışdırılır və qeyri-adekvat reaksiyalara səbəb olur.
3. Miras duyğular. Kiçik yaşlarda uşağa baxanlardan (xüsusilə valideynlərdən) miras qalan duyğulardır. Əsas duyğuları olduğu kimi yaşamağa mane olur.
Duyğuları tanımağın yolu bunları bilməkdən keçir. akqubayev

10/08/2023

Münasibətdə tarazlıq

Uzunmüddətli münasibətdə tarazlığı qorumaq çətindir. Çünki fərdilik (mən) və birgəlik (biz) hər ikisi ehtiyacdır. Mən olmaq istəyi azadlığa, biz olmaq istəyi isə aidliyə səsləyir. Bu balansı qorunanda münasibət əla gedir. Pozulanda isə problem çıxır.
Ən maraqlısı odur ki, “məni” sağlam olmayan insanların “bizi” sağlam olmur.
Sağlam bir biz (birgəlik) üçün əvvəlcə sağlam mən (fərdilik) lazımdır. akqubayev

31/07/2023

Romantiklik necə yaranır?
Romantik təsəvvürlər erkən yaşlarda dildən əvvəl formalaşır. Buna görə də zehində özünəxas yerləri var. Romantikliyin formalaşması iki üsulla olur:
1.Valideynlərin uşağa sevgini göstər(mə)mə şəkli
2.Valideynlərin bir-birinə sevgini göstər(mə)mə üsulu
Çünki insanın ilk və uzunmüddətli gördüyü münasibət qəlibi budur. Və insan bu qəlibə düz gələn partnyora aşiq olur. akqubayev

22/05/2023

Təşvişdən qurtuluş

Təşviş bir-birinə əks fikirlərin və duyğuların mübarizəsindən doğan narahatlıqdır.
Gələcəklə əlaqəlidir.
Təşvişdən yeganə qurtuluş yolu;
Mövcudluğun (var olmağın) məsuliyyətini qəbul etməkdir.
Bu da əvvəlcə öz məsuliyyətlərini bilməklə mümkündür.
Onları bilməmək və ya yanlış bilmək və buna davam etmək təşvişi artırır.
Məsuliyyətlərdən biri də başqalarından gələn köməyə razı olmaqdır.
Təşviş isə buna mane olur.
Yəni təşvişli insan almağı bacarmadığı kimi, verməyi də bacarmır.
Ən maraqlısı verilənə də qane olmur.
Məsuliyyətlərini çox vaxt ətrafındakılara proyeksiya (transfer) edir. Beləcə daha rahat olacağını düşünür.
Münasibət quranda bəzən (sarmaşıq kimi) çox asılı;
Bəzən isə uzaqlaşaraq reaksiyalar verir.
Çünki uğursuzluqdan qorxur.
Çarəsizlik isə təvişli insana ölümü;
Varlığının təhlükədə olduğunu xatırladır.
Nəticədə özü (varlığı) ilə əlaqəli hər şeyi inkara qədər gəlib çıxır ki, bu da məsuliyyətdən qaçışdır.
Həll üsullarından biri düşüncələri nə ilə suladığına fikir verməkdir. Əgər qorxu və təşvişlə sulasaq, həyatımızı zəhərləyən yabanı otlar biçərik. Əgər nikbinliklə, müsbət düşüncələrlə sulasaq uğur biçərik.akqubayev

07/03/2023

Məsuliyyət çox vaxt;
Ailə, iş, dostlara qarşı ödhəliklər kimi başa düşülür.
Özünə qarşı əsas öhdəlik sayılan yaşamaq məsuliyyəti çox vaxt unudulur.
Və başqalarına qarşı öhdəliklər bəzən o qədər qabarır ki, insan öz məsuliyyətlərini görə bilmir və ya görmək istəmir.
Əslində isə özünə qarşı öhdəliklərinə məsuliyyətsizlik edir.
Hər seçim kimi məsuliyyəti seçmək və ya seçməməyin də bir nəticəsi var.
Birincini seçmək uğur;
İkincini seçmək isə iztirab gətirir. akqubayev

01/03/2023

Utanmaq və sevgi

Hər insanın daxilində dünyanı və həyatı sevmək istəyən bir tərəf (yön) var.
İnsanın əsas məqsədi həmin tərəfi tapmaq;
Onunla əlaqə qurmaq və onu anlamağa çalışmaqdır.
Özünü tapmaq deyilən hekayə də budur əslində:
Daxildəki ÖZə çatmaq, onun nə olduğunu, necəliyini anlamaq və onu sevmək…
Utandırılmaq daxildəki həmin yönü zədələyir.
Utandırılan bədən dərində həmin duyğu (utanc) ilə
insan (var) olmaq arasında bir əlaqə qurur.
Varlığının lazımsız və dəyərsiz olduğunu xatırladır.
Nəticədə həyatı sevmək istəyən yön ağır yaralanır.
Buna görə də bir insanın başqasına edəcəyi ən böyük pislik;
onu utandırmaq və ya utanc hiss etdirəcək duyğular yaşatmaqdır. akqubayev

Psixoloq Tahir Akqubayev

04/12/2024

26/10/2024

03/04/2024

13/01/2024

08/01/2024

02/01/2024

14/10/2023

10/08/2023

31/07/2023

22/05/2023

07/03/2023

01/03/2023

Address

Opening Hours

Website

Alerts

Shortcuts

Share

Category

Monday	10:00 - 18:30
Tuesday	10:00 - 18:30
Wednesday	10:00 - 18:30
Thursday	10:00 - 18:30
Friday	10:00 - 18:30